• 瀏覽: 9,635
  • 回覆: 67
  • 追帖: 1
  • 分享: 12
+3

昨日致電一位老友吹水,佢揸住大快活(0052.HK) 股票逾20年,剛剛上週公佈業績,牙痛咁聲同小妹呻:「香港飲食業真係好大鑊,大快活做30億生意,賺得嗰5,000萬,當你一個餐50蚊,即係做50生意,先賺到7毫幾子咋。」 呢位老友以前身有公職嘅關係,不能沾手其他公用事業及地產股票,於是就選了民生食肆大快活來作長線投資,沙士之後大快活股價長升長有,曾經是散戶及基金愛股,就好似呢位老友咁,既是大快活嘅食客又係股東,入去幫趁當係股東巡視業務。

呢位經常出外吃飯老友,早就察覺到過去兩年遍地開花嘅兩餸飯,就係睇住連鎖快餐店來打。「關鍵係呢幾年,兩餸飯攞到平租金,開到去中、上環都有,兩餸飯仲要係地舖喎,大快活係冇地鋪㗎,人哋隔住個玻璃一目了然睇到有咩餸菜,係快餐店真係要遞到出嚟先知碟飯餸乜料。」事實上,兩餸飯做外賣省卻堂食成本開支,起碼做到「價廉」,「物美」就唔知。但在消費降級之大環境下,這才是生存之道。

乜都唔做收息2,800萬

小妹即管翻開大快活業績睇下,最吊詭嘅係公司揸住6.4億cash,去年單係利息收益,已經有2,800萬,相等於盈利一半,咁睇法,使鬼咁辛苦搞百幾間快餐咩?坐住收息唔使咁痛苦喇。唔怪之得「牛角」老細黃傑龍寧願執笠保住啲子彈。不過我哋呢啲都係噏嘅啫,作為一間上市公司都有其社會責任,乾脆執埋佢等於打爛好多員工嘅飯碗,點都要爭紥求存撐下去。

再咀嚼大快活業績公佈入面的內容字眼,更加感受到飲食業的水深火熱:「我們以低價提供一系列超值產品 ,以滿足精打細算的顧客。」 直接啲講,即係食客個個要鍊住個荷包,公布內亦有提到市場「餐廳過剩」的問題,所以可以預期陸續有食肆要執笠被淘汰。

而小妹呢位老友就是經常巡視大快活業務來醫肚,最大鑊喺「食出感情」來, 2016年大快活股價攀上近$40高位,宜家得$7.75,揸到今日收幾多息都補唔返。 老友笑說:「食嘢可以有感情,但對股票真係唔好有感情呀!」



投票項目 ( 單選 , 截止時間為 2024-7-16 12:00 ) 參與人數 19

1. 00341大家樂好味D, 股價爆升

11 (57.89%)

2. 00052大快活好味D, 股價爆升

8 (42.11%)

以後去大快活食完野會幫手執枱

幫牙活慳得一蚊得一蚊



早餐同下午茶好多老人家涼冷氣吹水


牙活只求打個和,大家開開心心食返餐
養住一班員工
佛心食堂...希望佢長做長有啦 



[隱藏]
拎咁多cash之前竟然忍到手唔買內房債..

有堆大量cash既上市公司都走去買內房債,得少部分可以全身而退..


牙活 good job



美國真係好偉大

high interest rate 養起成個香港



引用:
原帖由 鍾柔美 於 2024-7-9 12:05 發表


昨日致電一位老友吹水,佢揸住大快活(0052.HK) 股票逾20年,剛剛上週公佈業績,牙痛咁聲同小妹呻:「香港飲食業真係好大鑊,大快活做30億生意,賺得嗰5,000萬,當你一個餐50蚊,即係做50生意,先賺到7毫幾子咋。」 呢位老友以前身有公職嘅關係,不能沾手其他公用事業及地產股票,於是就選了民生食肆大快活來作長線投 ...
https://youtu.be/PcpLFaxLoPE?si=EgsvXcT_UOIdnBO3



顧客, 顧主, 大家都搵食艱難, 喺咁嘅經濟環境之下, 難得特首竟然有興致去睇熊貓, 仲算唔算體察民間疾苦呢? 



引用:
原帖由 鍾柔美 於 2024-7-9 12:14 發表

美國真係好偉大

high interest rate 養起成個香港
之前有單新聞,美籍會員美債只可以買唔可以放㗎



[隱藏]
mcd, pep, jnj visa有些是美國佩姨或罰款,股價下跌不少,其實可以留意未來投資機會,股票在調整不少時買入一些


引用:
原帖由 明日野性的老闆 於 2024-7-9 14:07 發表

mcd, pep, jnj visa有些是美國佩姨或罰款,股價下跌不少,其實可以留意未來投資機會,股票在調整不少時買入一些
以前pg在140多美元或pm在80多美元在低位橫行多時,現在都是上升。投資股票有時在低位持有和耐性投資



diageo ,nestle


大快活不如執咗佢好過啦


大快活要唔要搶番兩餸飯嘅生意?


[隱藏]
問題係唔好食!大家樂好佢好多!


主題標籤 #投資
鍵盤翻頁
左右