• 瀏覽: 10,284
  • 回覆: 143
  • 追帖: 1
  • 分享: 1
本主題由 阿聞 於 2024-4-2 10:37 使用 提升卡
幾日假期,全港零售餐飲反而比平時更加清靜,因為太多人返曬大陸吃喝玩樂。在香港消費,價錢貴,服務差,呢啲嘢大家心知肚明。歸根究底都係租金太貴。店鋪要維到皮,所以要收得貴。但當收貴咗仍然要蝕錢時,就祇有結業。問題係間鋪執咗之後,唔少業主都係短視,會選擇企硬唔減租,等下一條水魚。只係水魚有限,吉鋪就越嚟越多。結果就係本來一條好旺嘅街或者商場,搞搞下就全部變曬吉鋪。另一方面,因為整體鋪頭少咗,顧客要集中去剩返嘅鋪頭,呢啲舖頭嘅員工反而更加忙。人唔係機器,忙自然服務差態度差。成個惡性循環就完成,繼續落去香港就會變成死城。

要解決問題,根源係租金太貴。租金問題一日解決唔到,你搞乜q繽紛都係多餘。解決租金問題其中一個方法,我建議地鋪,商場鋪,一律要定立空置稅。所有呢類鋪頭,如果超過三個月租唔出,就要開始交稅。業主唔想白白交稅,就要考慮減租。租金減咗,就會有人想租,條街或者個商場就會慢慢做得返起。如果話有啲死位真係好難租出去,業主唔想交空置稅,可以選擇申請免費將位置讓出嚟比社福機構或者政府使用,直到搵到肯比租嘅人。

大家點睇?仲有冇其他意見?




 
 
總之香港有啲業主真係黐線。寧願鋪頭吉n年,都唔肯減租。


拖慢經濟調整速度,更加痛苦  


呢個一定要,空鋪浪費城市資源!!


[隱藏]
 
一街空鋪, 令人有負面觀感!!令人唔開心,唔消費!!唔愛港!!唔愛國!!令國家唔安全!!!


商業模式唔同咗,現在好多生意根本唔需要實體店,要的話亦不一定要設在地鋪。


引用:
原帖由 vovovo.N 於 2024-4-2 10:53 發表

拖慢經濟調整速度,更加痛苦  
即係你覺得香港直接死亡最好?



引用:
原帖由 rj168 於 2024-4-2 11:12 發表

商業模式唔同咗,現在好多生意根本唔需要實體店,要的話亦不一定要設在地鋪。
呢層當然。但兩者係互相影響。有時本來公司唔係唔想開實體店,問題係租金太貴,維唔到皮,所以先轉做網購店。

其次,目前因為租金太貴,有啲賺錢能力相對冇咁高嘅經營模式,在香港冇方法實現。但賺錢能力冇咁高唔代表佢冇用。舉個例子,有朋友在大陸一啲商場見到有啲比少少錢就可以坐按摩椅十幾分鐘。呢啲賺得肯定少錢,但整的話我100%肯定好多人用得著。

[ 本帖最後由 阿聞 於 2024-4-2 11:34 編輯 ]



引用:
原帖由 阿聞 於 2024-4-2 11:28 發表

即係你覺得香港直接死亡最好?
速度問題炸  



[隱藏]
 
一街都係空鋪有損市容,鋪位設空置稅係刻不容緩


引用:
原帖由 阿聞 於 2024-4-2 10:09 發表

幾日假期,全港零售餐飲反而比平時更加清靜,因為太多人返曬大陸吃喝玩樂。在香港消費,價錢貴,服務差,呢啲嘢大家心知肚明。歸根究底都係租金太貴。店鋪要維到皮,所以要收得貴。但當收貴咗仍然要蝕錢時,就祇有結業。問題係間鋪執咗之後,唔少業主都係短視,會選擇企硬唔減租,等下一條水魚。只係水魚有限,吉鋪就越嚟越多。結果就係本來一條好旺嘅街或者商場,搞搞下就全部變曬吉鋪。另一方面,因為整體鋪頭少咗,顧客要集中去 ...
自己由市場喎,做乜要夾硬嚟?不如話影響國家安全…… 



必須的。


引用:
原帖由 阿聞 於 2/4/2024 10:09 發表

幾日假期,全港零售餐飲反而比平時更加清靜,因為太多人返曬大陸吃喝玩樂。在香港消費,價錢貴,服務差,呢啲嘢大家心知肚明。歸根究底都係租金太貴。店鋪要維到皮,所以要收得貴。但當收貴咗仍然要蝕錢時,就祇有結業。問題係間鋪執咗之後,唔少業主都係短視,會選擇企硬唔減租,等下一條水魚。只係水魚有限,吉鋪就越嚟越多。結果就係本來一條好旺嘅街或者商場,搞搞下就全部變曬吉鋪。另一方面,因為整體鋪頭少咗,顧客要集中去 ...
暫時係咁先,諗到其他方法再補充。



還有5蚊串魚蛋食嗎?


[隱藏]
 
引用:
原帖由 Feiballball 於 2024-4-2 12:37 發表

自己由市場喎,做乜要夾硬嚟?不如話影響國家安全…… 
如果單純因為為咗自由市場而唔去做應該做嘅嘢,噉只係讀死書,食古不化。



鍵盤翻頁
左右