自從居屋2022搞珠後公司有幾個同事都經常討論，大家既諗法都有唔同。
同事A（白核家庭）：抽左幾年終於中左第6粒珠有機會擇樓，唔理邊度幾大都會買。
同事B（白核家庭）：抽左幾年中左第3粒珠，如果剩低礦場同東涌寧願唔買抽下次。
同事C （綠表家庭）：中左第2粒珠如果冇啟德同北角大房就轉去買綠置居。
而A就覺得B同C都浪費哂機會，而B同C就覺得A冇為將來諗清楚就隨便買既將來會後悔，而得出黎既問題有以下幾樣。
1.全球經濟不穩加息風險機會極高
2.今年起首15年只能原價或低於原價放售
3.居屋每人只有一次機會購買
而我個人作為旁觀者角度冇話邊個岩同錯，只係買樓並非買菜，唔可以用運氣來作買樓的判斷，因同事B講出幾點我都幾讚成，如果剩低礦場同東涌擇既，以我地又唔係個區附近返工返學，長遠每日返工返學要用既時間同全家車費可以選擇買私樓，冇必要為左一時之氣影響多年既生活，其次今年改左15後先可以補地價二手賣，咁首先同事B都認為居屋應該用黎住而唔係用黎炒賣，但佢解釋係如果遇到特別事好似鄰居有極大問題或者住落先發現到既問題，而令到好想賣既都只可以蝕住賣。而我就覺得最緊要自己做左既決定將來唔好後悔就得啦，始終將來既人冇人知，但經濟環境唔好既時候做每個決定都最好諗清楚，加息係遲早既事最重要自己負擔到。
係你既又會點擇？放棄機會等下次定會不惜一切一定要買？
[ 本帖最後由 晚間滴滴樹根 於 2022-6-18 07:38 編輯 ]
