• 瀏覽: 2,034
  • 回覆: 23
[隱藏]
廿幾年前有個公屋仔,因為屋企細而又想有自己嘅生活空間,當時租屋好平,所以決定自己搬出嚟住。頭個幾年真係好爽,有自己空間,可以隨時帶朋友同女朋友返屋企玩。但隨住年月同通脹,業主到期就加租,又試過連租都費時加,直接叫公屋仔搬走賣盤。公屋仔既屋企人就同佢講,話既然你又唔會搬返嚟住,但遲下又要結婚,如果生埋仔,係咪要過住遊牧民族既生活先?年年俾人加租,有時直頭逼遷,由市區樓搬到住村屋,唔通要個老婆大住肚行樓梯呀?不如借錢俾你做首期,買層新界區平平地住先啦!


公屋仔開頭都唔想,但當年成日俾人逼遷同加租,搬屋費同地產佣金都唔少,成日俾人㩒住砌,倒不如真係諗諗佢買層新界區平樓住。問過當時既未來老婆,佢都話好丫,好過第時大住個肚或者手抱住bb周圍搬。就咁,公屋仔就買咗人生第一層樓。當時,好多人都同公屋仔講當時樓價都唔係平,等遲d 先買仲好啦!但公屋仔又覺得,既然計過條數2個人都供得掂(當年既利息仲要無依家咁平),交租都要咁既價錢啦!


年年月月咁過去,當中經歷過金融海嘯,沙士等…公屋仔住既樓都有升有跌,但佢就無理個市場,因為住屋係必需品,除非瞓街。而公屋仔亦由運輸業轉投咗建造業,因為有朋友介紹入行,知道呢行開始好景,亦因為將會有好多大型基建上馬。公屋仔亦都好快做到小判頭,開始搵到d錢,亦都明白建築呢行點解會咁搵錢。於是,佢就開始買樓投資…


在一次租俾個新租客時,佢見返中學時期但唔太熟既中學同學。言談間,得知對方都係十幾年前結婚先開始搬出嚟租屋住。舊同學又係覺得當時樓價太貴,無入市買樓。點知,等吓等吓就十幾年,當中都換過幾屆特首…佢都話好後悔信咗當時既特首。就咁,佢就做咗公屋仔其中一個租客,而公屋仔咁多年嚟亦都無加佢租。


於2020年尾既時候,公屋仔個舊同學就同公屋仔講,佢買咗樓喇,租多幾個月就唔租。聽到佢可以有自己既屋企唔洗再租樓,站喺朋友立場當然會為佢覺得高興啦!但公屋仔就好好奇,當時肺炎疫情都未有好轉,點解佢夠膽買樓?佢朋友就同公屋仔講,佢都有一刻寄望呢個疫情可以好似沙士咁,一嘢打沉個樓價執平貨上車。但事實係大家都經歷過沙士,知道疫情過後,當所有嘢回覆正常,樓價會上升返,賣樓個班就會呻笨,會後悔低價賣樓。因為大家都有咗經驗,再加上依家大部份業主都係有實力,基本上都唔會有人賤賣。佢覺得既然咁嚴重既疫情都無令到樓市動盪,再加上佢本身有住屋需要,而且佢個仔都就嚟畢業,會投身社會工作。到時又多個人搵錢,咁不如趁依家新界區仲有低水位既樓價,上咗車先,起碼計過條數仲負擔得到。而佢都問過個仔,如果買咗間屋,一家人一齊供好唔好?因為第時你都要結婚生仔,依家買咗就算第時你結婚,都唔需要擔心住屋方面既問題。阿仔都話無問題,會一齊供,因為佢由細到大都成日要過著遊牧民族既生活,覺得都好困擾…呢幾年係自從租到公屋仔間屋之後,先至叫唔洗再搬來搬去。


公屋仔個舊同學仲話,到時入伙一定要請公屋仔食入伙飯。佢話如果唔係租到公屋仔間屋,一定又會年年比人加租或者逼遷。所以,佢話點都要請公屋仔食餐好既,當係報答佢咁多年來都無加過租…其實,公屋仔回想起自己買第一層樓,何嘗唔係因為又係成日俾人加租同逼遷?但公屋仔幸運在有屋企人一早提點佢,叫佢有能力就買啦!好過俾人㩒住砌…


呢個故事,應該好多人都會覺得又係AA文…但事實就係事實,一個由被動變成主動既角色。一個又一個咁發生緊,好多人成日都驚買貴。但重點係只要你負擔得到,無話會買得貴…



熱賣及精選
提示: 違規內容已被屏蔽
時勢好緊要,此一時彼一時


有需要就買,現時買得就代表有能力供


無就等下啦


香港經19年黑暴再經疫情 而且再有中央命令


預計樓市都會跌少少啦  少少淡



根據我個人記憶,叫你唔好買樓果個係薯片叔叔,仲要係年年都講


[隱藏]
 
刺中XX死穴


黑暴再疫情......香港樓價都繼續升.
証明左咩?

証明左只有打核戰香港樓價才有可能跌.




當故事聽下好啦!


引用:
原帖由 快樂平實人 於 2021-10-21 09:20 PM 發表

廿幾年前有個公屋仔,因為屋企細而又想有自己嘅生活空間,當時租屋好平,所以決定自己搬出嚟住。頭個幾年真係好爽,有自己空間,可以隨時帶朋友同女朋友返屋企玩。但隨住年月同通脹,業主到期就加租,又試過連租都費時加,直接叫公屋仔搬走賣盤。公屋仔既屋企人就同佢講,話既然你又唔會搬返嚟住,但遲下又要結婚,如果生埋仔,係咪要過住遊牧民族既生活先?年年俾人加租,有時直頭逼遷,由市區樓搬到住村屋,唔通要個老婆大住肚行 ...
又作古仔



引用:
原帖由 I-HAVE 於 2021-10-21 10:19 PM 發表

黑暴再疫情......香港樓價都繼續升.
証明左咩?

証明左只有打核戰香港樓價才有可能跌.
打呆灣應該會跌幾個%



[隱藏]
 
引用:
原帖由 IPUser 於 2021-10-21 22:27 發表


又作古仔
作還作 可唔可以簡而精 睇完第一段已經估到佢想講咩 但拉落去又長又侵 叫人點睇



引用:
原帖由 快樂平實人 於 2021-10-21 21:20 發表

廿幾年前有個公屋仔,因為屋企細而又想有自己嘅生活空間,當時租屋好平,所以決定自己搬出嚟住。頭個幾年真係好爽,有自己空間,可以隨時帶朋友同女朋友返屋企玩。但隨住年月同通脹,業主到期就加租,又試過連租都費時加,直接叫公屋仔搬走賣盤。公屋仔既屋企人就同佢講,話既然你又唔會搬返嚟住,但遲下又要結婚,如果生埋仔,係咪要過住遊牧民族既生活先?年年俾人加租,有時直頭逼遷,由市區樓搬到住村屋,唔通要個老婆大住肚行 ...
正山草藥
不是AA 貼文是什麼
我朋友老公是做判頭
(自己有公司接nob做和判俾您)
做左十幾年
巳左換樓三次
都是一層林鄭的樓
邊有幾層樓



今時唔同往日
回歸前港英政府特登推高房市CAP水
回歸後輪到地產佬治港樓價更加係有升無跌

年年都話買唔起樓, 追唔到首期, 由全球第五好快爬到去全球第一。
回歸時的青年人都變左中年人, 小朋友又長大成為年青人, 大家都係Nothing to lose的心態。
19年美國同中國磨擦白熱化, 亦睇準香港呢個有上百萬人反政府的火藥庫, 借中央想修例之時挑動民情, 卒之搞左鑊大壇野出來。
當時地產佬認為中央起香港仲有好多利益, 以為自己揸住春袋勝算在握, 學人登報話「黃台之瓜」, 結果中央一氣呵成先止暴制亂, 後整頓港府, 改革選舉制度防止地產佬奪權, 換警界悍將李家超上政務司查清大小官員底牌, 再頻頻落區做功課調研香港民生, 勢必要肅清地產霸權, 用行動奪回民心, 人人生活無憂, 方為長治久安之策。



引用:
原帖由 I-HAVE 於 2021-10-21 10:19 PM 發表

黑暴再疫情......香港樓價都繼續升.
証明左咩?

証明左只有打核戰香港樓價才有可能跌.
樓太平



引用:
原帖由 CKL28 於 2021-10-22 01:21 發表




正山草藥
不是AA 貼文是什麼
我朋友老公是做判頭
(自己有公司接nob做和判俾您)
做左十幾年
巳左換樓三次
都是一層林鄭的樓
邊有幾層樓
其實,打完就本身唔想再回應,唔想有咩爭拗,信就信,唔信就繼續等…但你講到做判頭,不妨講吓…你朋友做判頭都幾失敗,一單工程咁做?唔識一次過接幾單工程?做生意想做大就要博,請人做之餘仲可以再判落去,識唔識?我試過最高峰期接5個地盤既工程做,有3個再判落去…自己食少d分俾人,但都叫仲有得食。吓吓要落手落腳砌,複製人都唔掂啦!你問吓李超人,係咪依家都仲要日日落地盤睇,可以請人返嚟做㗎嘛!同樣道理,你有本事拎到工程返嚟?點解無本事搵人返嚟做?除非佢係呢行唔識人,無人肯同佢合作。



[隱藏]
 
心寒post


主題標籤 #投資
提示:支持鍵盤翻頁左 右