[按此打開]
[隱藏]
本故事是最近發夢情境，純屬虛構。如有雷同，實屬巧合。
近月江湖上一名小伙子因行運行到腳趾尾，撞正IPO大時代來臨，幫阿公賺唔少錢而極速上位，有好多跟佢搵食兄弟都稱呼佢做大佬B。
夢中無講大佬B 係唔係無料扮四條，好似新界隻牛肯勤力都搵到食的道理，上網不斷 Copy and Paste 大V 的文章都搵到飯食。但短時間極速上位令大佬B走火入魔，竟然想另起新字頭，公開召集有實力兄弟開私 group。一班兄弟面對大逆不道之事當然唔敢盲撐，最後不了了之。
後來大佬B 睇中菜心價格的浮動，而且中籤率高，係食大茶飯既機會，心生一計。大佬B 想利用自己在江湖上的影響力完美複製 GME 事件，吹雞call 馬力撐，務求令自己可以高位出貨。大佬B不斷盲目唱好菜心價格，曾經預言100%要strong hold，要一班兄弟全部支持。有老叔父睇唔過眼出面，大佬B 會即時會抹黑叔父及禁言。
可惜大佬B高估了自己的影響力，不少兄弟懸崖勒馬跳船。菜心價格當然直插無水花，GME 輸錢都可以拎KOL張相去鵝頸橋打小人，可憐跟大佬B 搵食班兄弟無仇報，欲哭無淚。
[ 本帖最後由 新股判官 於 2021-3-3 11:36 PM 編輯 ]
