• 瀏覽: 7,453
  • 回覆: 65
  • 追帖: 5
[隱藏]
2020年轉眼到年底,肺炎疫情雖然依然藕斷絲連 (lingering),但社會上大致回復正常運作(除了要戴口罩,無得去旅行,限聚令…等諸多不便)。
最近大圍新屋苑柏傲莊開賣,在眾多中環白領打工仔Whatsapp群組瘋傳排隊8小時人山人海的相片,未上車的心㤢㤢,已上車的心思思買多個收租。
與此同時,無論係連登巴打,定BK JM,以及香土Ching,唔少網民有一個大辯論:究竟香港地住邊個區域先最正?
今次SJ團隊諮詢過住過港九新界的朋友,同大家嚴選究竟香港年輕中產最宜居係邊個區份。評審準則:返工交通方便,社區完善度,居民質素,環境,治安等。
新界區
大圍 / 沙田: B-
去中環雖然唔算太遠,一/兩個站就到九龍塘,之後去邊都得,亦算係最近市區的新界地方,去成個新界東都方便(但,無啦啦其實都唔會去馬鞍山行啦,貪佢美食沙漠咩)。返工而言略嫌九龍塘轉車個轉麻煩,東鐵月台無冷氣日曬雨淋,繁忙時間人逼人,出中環返工的話,去到旺角又轉荃灣綫,返灣仔或港島東的話去到金鐘又轉車,路程唔太長,但係咁轉線,轉轉轉。週末時屋企附近得閒踩下單車都幾開心,環境可接受。
大埔:C+
吐露港到大尾篤一帶環境怡人,好天時堪稱港版蔚藍海岸(Côte d’Azur),但真係遠左少少,返工有D蝕底。搭東鐵體驗麻麻地,太多人拖喼,搭一次就明。當你自己開車,朝朝吐露港大塞車,其實都好抹滅人的意志。
荃灣:B
另一個最近市區的新界區,亦係荃灣綫尾站。傳統而言,荃灣去柴灣係「最遙遠的距離」,可見本來係頗山卡啦,而且仲係工廠區。然而,近年有左荃灣西,其實去中環都唔係好遠。而且開多幾個新樓盤同大商場,又活化左個紗廠變左文青潮去溜狗消遣好去處,一個 “Gentrification”的本地例子。
青衣 : B+
青衣站上蓋樓盤可能係第一代鐵路上蓋的成功例子,基本上商場內有齊日常生活衣食住行所需。雖然講起來好似有D遠,但事實上青衣位處極戰略位置,去中環搭機鐵(可買月票)10分鐘到香港站,無論係旅行定出差,去機場又快,即使上大陸搭高鐵都同一條線可直達。以返工而言,基建便利程度來講無得輸。環境都唔錯,有山有水,但最大問題係孤島效應:本身青衣已經自己一個島,上蓋物業又係自己自成一國咁,生活雖便利但較人工(artfiicial),缺乏有深度同歷史的Community。
元朗: D-
本來好似Yoho之類的樓盤係近年年輕中產的新寵,夠平,而且夠型夠好玩 (當年地產商主打 “Play more, sleep less” 口號賣 Yoho),而雖然位處天各一方的元朗,坐西鐵轉東涌綫其實都係30分鐘到中環,搭968巴士行西隧唔塞車時可能更快(然而多數塞車)。 然而,自從上年大家見到呢個區分發生咩事,唔想無緣無故頭破血流,就避免呢個區分了。
天水圍:E+
悲情城市迎來一個靚樓盤,座落濕地公園旁,濕地公園同米埔靚景,田園靚景可謂全港獨有,而其實天水圍本身都有幾個屋苑頗適合預算有限的年輕中產。然而,天水圍最大兩個問題,一就係好鬼遠(一定要計埋輕鐵,出中環60分鐘走唔甩,巴士967/969疏到你唔信,而且必定無位坐,每日來回罰企2個鐘),二就係居民質素,去過就知,搭輕鐵永遠上車乘客同落車乘客鬥推,經常一言不合大打一場。
上水:E-
絕對邊陲地方,但又缺乏怡人景色。太遠,太雜,太無香港味 (Very un-Hong Kong-like)。
西貢:B+
比較適合鬼佬,Make sure你日日開車返工。景色同環境係正既,過埋西貢市中心後,繼續開入去,越入越似去左外國,居民清一色西人,背山面海,家門前就係個頗為隱蔽的海灘,係嘆。
將軍澳:B-
將軍澳綫去中環雖然25分鐘到站,但同樣地繁忙時間塞到痴線。區內配套都充足,衣食住行全部大商場搞掂,而且基本上都有會所,做Gym游水街都唔使出,係好高效率的生活。但一大壞處係太高效率,將軍澳有著全港最嚴重的「大商場病」,來來去去都係個堆連鎖食肆同舖頭,生活雖稱得上可以多姿多彩,但頗為公式化,因你不只是一個「住戶」,更係更龐大的地產商及大集團為你精心設計的商場路線上的的消費「用戶」。雖然咁講,以年輕中產而言,將軍澳未嘗唔係一個安居樂業的好地方。
九龍
西九四小龍: B-
所謂西九,實際上係荔枝角同長沙灣,傳統而言係工業區,亦係市區範圍的邊陲地帶,即使到而家附近都係工廠大廈,行出幾個屋苑外,總有種荒涼感。雖然,又無乜必要離開屋苑範圍。交通尚算方便,搭荃灣綫又得,行遠D (都幾遠)亦可以去南昌站。
奧運站: B+
奧運站早10年係當時年輕中產的新寵,就好似而家的元朗同將軍澳咁。亦係第一代鐵路上蓋連商場生活圈,又係商場內一應俱全,完全唔使出街,亦最好唔好出街(行返出去大角嘴舊樓群等收購同埋工廠大廈,夜晚好靜,日頭都無乜嘢好行)。行遠D就行埋去旺角,唔知算優點定缺點。方便程度而言算幾高,因爲返中環好快,兩個站到香港站。
九龍站: B+
九龍站價錢比奧運站高一級,Class屎身價非同凡響。而且一個站就到香港站,加埋等於係高鐵站上蓋,成個交通配套就係本來就好似大阪梅田站或者倫敦King’s Cross/St. Pancras車站的地理位置,基建為王,先天就註定成為交通樞紐。
然而,交通樞紐一回事,好唔好住又另一回事。九龍站上蓋物業固然豪華,名稱亦極具霸氣,但缺乏「家」的感覺。試想下,當你落樓,就有大量湖南湖北的商務客自由行興奮買錶同趕高鐵返深圳北同廣州南,又有大堆ICC返工放工的Bankers白領高速行過搭車轉車,大堆名店Sales行行企企,唔知咁樣係宜居定不宜居。所以,雖然豪華級數高過奧運站一兩級,交通亦更方便,但呢一點足以扣分。另外,行出去就西隧口,另一邊就通往佐敦尖沙嘴,車量極多,經常塞車,烏煙瘴氣,佐敦廟街一帶治安亦麻麻。
黃埔: A-
香港出晒名黃埔人心目中自己係全香港中心,所謂「去邊都方便」,在未有地鐵時對於外區人而言天方夜譚,去邊都搭巴士何來方便。而通地鐵後,係好D,但都未見得處於鐵路網的正中心,觀塘線好多時亦唔去到黃埔,要何文田落車等下一班。即使係咁,黃埔去中環算快,雖然油麻地轉線都好逼人,但起碼一轉就兩三個站到金鐘中環(同上面的大圍/將軍澳等不同),而且只需轉一次。
黃埔最大魅力在於佢自成一國,而且黃埔加紅磡才屬於成個區,裡面既有大商場,亦有好多地舖,而大商場因屬於誠哥系,(因租務部經營不善而)唔算係千篇一律的連鎖店霸晒,而比較多D地區小店,較有特色。行返過黃埔新邨同舊區一帶,好多本地地舖,比較多非連鎖中價食肆,幾多嘢食。飯後行返過海邊個長廊,望住維港璀璨景色,就此過上美好週末。因此,黃埔適合年輕中產家庭,尤其係有小朋友之後,區內治安良好,多元社區而相對無咁高壓商業化,係幾好住。
港島
北角: C+
電車路一帶,睇下條街就知咩事,全港島條Curve可能就被呢條街拉低。海邊個堆同上左半山就好住D。去中環尚算方便,地鐵巴士小巴都有,始終係港島。
西灣河 / 太古城:B+
都係地鐵沿線,但再遠D,而住海邊個堆的話,行去地鐵站都一段距離,電車路的話則都係舊樓為主。住西灣河同太古城,如果係返鰂魚涌一帶返工就好近,即使返中環都尚算方便。不過,太古城又真係好舊,假設你而家入市買太古城,你供完時層樓可能樓齡有70年,呢點唔知點Factor in。太古城治安好,居民質素較高。
中半山:U (或A-)
年輕中產買唔起中半山(雖然其他都唔見得好Affordable),所以Unqualified。但假如買得起的話(其實好似舊山頂道都有一棟比較Affordable),出入唔係自己開車 / 有司機,就通常坐屋苑Shuttle, 住戶價$8-10一次,上車後5分鐘到中環。以返工方便程度而言係幾高,即使夜晚OT完坐的士都三幾十蚊有找。地點清幽,居民質素極高。但一個重大Trade off係缺乏自己社區,基本上就係你自己棟樓,附近無舖頭乜都無,遑論公共交通工具。但你住得起咁富貴,唔使理呢D。
SOHO及堅道一帶:B
基本上荷里活道對上到堅道,東起大館西至磅巷一帶,中間好多橫街,好多矮矮地的舊樓翻新變到好有格調。可能係全香港最文創Feel而又最Authentic的社區。最適合年輕單身中產,熱愛飲酒熱愛交際就十分適合。但極度烏煙瘴氣,尤其星期五六晚。去中環返工基本上行路,經扶手梯落去,唔怕大汗都可以。 一個有趣地方係,呢頭充滿香港早年歷史氣息,好多街道甚至建築都有典故。鍾意呢類文化同歷史氣息,鍾意到要身處其中,呢區就不二之選。
跑馬地: B+
傳統中產社區跑馬地,居民質素高。社區配套你話齊又得,你話唔夠又得。區內食肆唔算多,基本上都要出返銅鑼灣,行路又有D距離,開車又煩泊車,搭叮叮又慢。但又假如你係果個圈子,去馬會木球會消遣就好方便,週末都唔使離開跑馬地,即使唔係,夜晚食完飯去馬場中間個公園跑步散步都幾舒服。來往中環算方便,但最怕塞車,馬場兩邊經常塞車,跑馬日更係惡夢。
堅尼地城: A+
堅尼地城神奇之處在於佢既可能係最近而且去中環最方便的住宅區,亦係平地(因此直接DQ左石塘嘴同西營盤),亦多高質 (稍離地) 食肆,而又唔係全部連鎖食肆,亦有中低價食肆,有傳統社區氣息。仲有個景色一絕的海邊,好天時望出大海一望無際。咁近中環的同時,基本上唔會有車係經過堅尼地城,因佢已經位處港島西端,而車量同廢氣唔會太多。電車總站一帶望去海邊,咁講可能有D誇張,有幾分似鐮倉江之電的海濱小鎮感覺。主要缺點可能係地方較細,堅尼地城本身得幾條街十字交錯,又無商場,要行街買嘢基本上只買到生活必需品。但又咁講,唔通日日落街買衫咩。
薄扶林: B
一句講晒:環境清幽但隔涉。
海怡半島:B
自成一國,但區內商場唔夠用,缺乏地舖,缺乏傳統社區氣息,雖有地鐵但略嫌轉車麻煩。景色優美。
SJ結語其實住咩區先最好,除左睇好多客觀因素,仲睇你自己本身家人朋友住邊區,以及你自己成長係咩區,睇你個社交圈子以及個人的情意結。

https://stealjobs.com/嚴選全港20大最適宜中產居住地區/

我反而喜歡杏花村。



熱賣及精選
又係呢篇文

米米就覺得度度都係四面牆,米米對交通配套冇乜要求(求奇有基本配套就可以丶荃灣方便而又平丶荔景美孚四小一帶全港最方便),米米卡屎要B但完全冇一度做到

港島區
亨亨逸樺意濤:OK,卡屎C,好細,附近環境OK
泓都西環:只是亨亨一東一西,性質一様,多ABC老外
太古海怡杏花藍灣北角:根本不用排,太舊
柏蔚傲維頌:根本冇卡屎,得個貴字
寶翠:吾覺卡屎特別出色,大約C+,比較大始終豪宅,一千呎三房可以住一個人,要同人一架𨋢
貝沙:向西已經不用考慮
傳統半山區(西北半山大坑跑馬地薄扶林):可能呢D耆英質素仲高,寶馬山景觀最好

西九龍
九站+港景+austin:擎天漾日反而比較有卡屎不過也只是C+,這兒根本只是為卡屎,冇露台,凱旋門只是為個景,圓方只是做様,附近經常塞車
奧運(維柏帝桃浪君):卡屎C,太舊好多冇露台,好矮,除向海IHV外冇景,要同人一架𨋢
瓏X帝峰只是大6人區,OSS就景好
曼哈頓:卡屎C+,起得幾靚,好窄公用走廊,得AB可以住人,要同人一架𨋢又要先上平台好多門先入到大堂,管你廢貴,曾經有西裝壯男接的士服務
四小:卡屎D,算抵,密,交通真正方便,姑維亞區,則差,三房冇一千呎,向海南高層先可以住人
南昌:只是湯房區一個
港灣只是cheap野

東九龍:
海逸:卡屎C+,LV歐6格調現在仍有睇頭,冇露台,得15-25可以住人不過太貼海丶樓互望,有啹喀保安,環境好則OK。黃埔半島全部不評,LV已代表紅磡,現在很多印巴珠寶商住
翔龍傲雲只是cheap野
現祟山:得一個優點嘉里起得OK,有特色制服接待員,實焦有推門,管你貴,附近公屋,冇一千呎,冇景,卡屎D-
麗匯星德:全部只是舊樓一堆

九龍塘何文田:
傳統九龍豪宅區丶喜歡舊時代嘅就啱丶比九龍駅好,爵士又一花君怡比較好
太子道常塞

荃灣:
荃灣西(乜之丶全城丶柏O丶映日丶環宇丶VC丶御凱)
乜之卡屎E,爆屎壞𨋢,名核突,交通根本不方便轉黎轉去,臭,附近好多躝杆,商場只是超市只是比AA吹大,管你貴,公用空間窄,得兩架𨋢,同人一架𨋢,海景西只是開楊根本吾靚,則差三房長形冇廚好多鬼祟位開則
全城卡屎E,太平實,基本嘅問題同乜之差不多
柏O好多冇廚又西又細
映日環宇卡屎E 只是貪佢夠cheap
VC 卡屎D-,反而起得比新樓好,附近街市,三不到半天吊,不過紅線比西鐵方便,三房冇一千呎,同人一架𨋢,冇景,內陸冇咁好風
朗逸寶雲:卡屎C-,多蚊,比荃西好
荃灣其他舊樓:住呢D好過太古城,因為大家一様咁OUT,荃灣亦方便
華景海峰:時常大霧冇露台,單位大景好,直接有車路小巴去各座,𨋢細,住呢度多數係加港兩邊走八九十年代成功耆英,居民質素可能更好

垃圾灣:
全部只是一條村咁丶大媽多丶溢價高丶又臭丶仲成日幻想自己系貝沙圓方


沙田大圍馬鞍山大埔沙田半山:

巴拉蘇:卡屎B-,有燕尾保安,grand,管你貴,三房冇一千呎,向馬場高層住得下人
名城溱8:卡屎分別D丶E,兩個冇特別
柏莊:未入伙,不過估計冇特別,只是中佬區兩房為主
迎海:好多人好矖
銀湖:卡屎D+C-,比迎海好,是巴拉蘇翻板
沙田比荃灣不便,舊樓就荃灣好過
新九肚山:靚呀,令人喜出望外,不過冇景,只是第二個天巒
華翠鹿恩滌滌天父逸瓏:適合追求生活質素之人,大丶景靚丶人少
白石三盤:只是上車盤一堆,被錯配

DB:
太遠
青公:
方便過DB,隠世環境丶大
加州四季:
吼屎入場

元朗屯門大西北:
只評yoho區,其他只是cheap野
冇乜特別,D窗好細,好多元朗佬大狗,交通不便上不到車,管你貴,三房冇一千呎,同人一架𨋢,開揚,勝在新

東涌珀麗深井:
只是cheap野

咁評好D喎

[ 本帖最後由 最緊要有米2 於 2021-2-28 12:29 PM 編輯 ]



引用:
原帖由 星星同學會 於 2021-2-28 12:16 AM 發表

2020年轉眼到年底,肺炎疫情雖然依然藕斷絲連 (lingering),但社會上大致回復正常運作(除了要戴口罩,無得去旅行,限聚令…等諸多不便)。
最近大圍新屋苑柏傲莊開賣,在眾多中環白領打工仔Whatsapp群組瘋傳排隊8小時人山人海的相片,未上車的心㤢㤢,已上車的心思思買多個收租。
與此同時,無論係連登巴打,定BK JM,以及香土Ching,唔少網民有一個大辯論:究竟香港地住邊個區域先最正 ...
太古城排黃埔花園之後因為樓齡高?黃埔花園樓齡同太古城樓齡差唔多喎。


太古城揸車搭的士去金鐘中環CBD只需10分鐘,黃埔應該塞到紅隧入口都未見到。



回覆 引用 TOP

提示: 違規內容已被屏蔽
[隱藏]
引用:
原帖由 最緊要有米2 於 2021-2-28 11:27 發表

又係呢篇文

米米就覺得度度都係四面牆,米米對交通配套冇乜要求(求奇有基本配套就可以丶荃灣方便而又平丶荔景美孚四小一帶全港最方便),米米卡屎要B但完全冇一度做到

港島區
亨亨逸樺意濤:OK,卡屎C,好細,附近環境OK
泓都西環:只是亨亨一東一西,性質一様,多ABC老外
太古海怡杏花藍灣北角:根本不用排,太舊
柏蔚傲維頌:根本冇卡屎,得個貴字
寶翠:吾覺卡屎特別出色,大約C+,比較大始終豪宅,一千 ...
親戚買奧運時,都會看巴拉蘇,但不會看渿8
所以應該是同級

另外,同意寶翠和9龍站應該
一樣
另一個親戚買寶翠園前
都會看9龍站,君恰,爵士

海逸應該比上文幾個低小小



回覆 引用 TOP

引用:
原帖由 CKL28 於 2021-2-28 11:42 AM 發表

親戚買奧運時,都會看巴拉蘇,但不會看渿8
所以應該是同級

另外,同意寶翠和9龍站應該
一樣
親戚買寶翠園前
都會看9龍站,君恰,爵士
巴拉蘇溱8名城一定會比較,遲下加埋柏莊凱堤
不過柏莊根本冇特別,只是為抽而抽(米米覺得工業風好核突,環保笑左,中佬口味難以理解,米米不是老野耆英)

有D AA會叫人睇埋華翠丶玖瓏丶晉名



[ 本帖最後由 最緊要有米2 於 2021-2-28 11:47 AM 編輯 ]



回覆 引用 TOP

引用:
原帖由 星星同學會 於 2021-2-28 12:16 AM 發表

2020年轉眼到年底,肺炎疫情雖然依然藕斷絲連 (lingering),但社會上大致回復正常運作(除了要戴口罩,無得去旅行,限聚令…等諸多不便)。
最近大圍新屋苑柏傲莊開賣,在眾多中環白領打工仔Whatsapp群組瘋傳排隊8小時人山人海的相片,未上車的心㤢㤢,已上車的心思思買多個收租。
與此同時,無論係連登巴打,定BK JM,以及香土Ching,唔少網民有一個大辯論:究竟香港地住邊個區域先最正 ...
天水圍先正 抵玩 中產 上去深圳灣富人區 南山區勁方便 消費生活做上流人



回覆 引用 TOP

文中集中討論配套交通
不過事實講到好好又激安又剩,根本區區都有,現在區區都有商場群,況且附近有基本野就可以喇
至於交通,荔景四小美孚一帶全港最方便

~同埋中環白領大把窮鬼
~年青中産是指甚麼?因為現在吾係單靠份工就可以買到樓




[ 本帖最後由 最緊要有米2 於 2021-2-28 12:14 PM 編輯 ]



回覆 引用 TOP

引用:
原帖由 最緊要有米2 於 2021-2-28 11:27 AM 發表

又係呢篇文

米米就覺得度度都係四面牆,米米對交通配套冇乜要求(求奇有基本配套就可以丶荃灣方便而又平丶荔景美孚四小一帶全港最方便),米米卡屎要B但完全冇一度做到

港島區
亨亨逸樺意濤:OK,卡屎C,好細,附近環境OK
泓都西環:只是亨亨一東一西,性質一様,多ABC老外
太古海怡杏花藍灣北角:根本不用排,太舊
柏蔚傲維頌:根本冇卡屎,得個貴字
寶翠:吾覺卡屎特別出色,大約C+,比較大始終豪宅,一千 ...
又俾機會廢米伯回廢帖



[隱藏]
引用:
原帖由 你好我好大家好 於 2021-2-28 12:06 PM 發表


又俾機會廢米伯回廢帖
讚你美孚交通方便



引用:
原帖由 最緊要有米2 於 2021-2-28 12:09 PM 發表


讚你美孚方便
係人都知, 唔使講



回覆 引用 TOP

喜歡杏花村因為新買左水陸兩用車?


回覆 引用 TOP

天橋底


回覆 引用 TOP

香港人去英國,大陸人唔會黎!講乜都冇用


回覆 引用 TOP

[隱藏]
引用:
原帖由 星星同學會 於 2021-2-28 12:16 AM 發表

2020年轉眼到年底,肺炎疫情雖然依然藕斷絲連 (lingering),但社會上大致回復正常運作(除了要戴口罩,無得去旅行,限聚令…等諸多不便)。
最近大圍新屋苑柏傲莊開賣,在眾多中環白領打工仔Whatsapp群組瘋傳排隊8小時人山人海的相片,未上車的心㤢㤢,已上車的心思思買多個收租。
與此同時,無論係連登巴打,定BK JM,以及香土Ching,唔少網民有一個大辯論:究竟香港地住邊個區域先最正 ...
跑馬地



提示:支持鍵盤翻頁左 右
[按此隱藏 Google 建議的相符內容]