• 瀏覽: 27,244
  • 回覆: 20
  • 追帖: 8
[隱藏]
我都係70後,唔否定70後比較易D買到樓,當年首期要求係細好多,但另一個重要原因係我地細個窮慣捱得。尤記得當時97買第一層超細價樓一買即大跌,息又貴到爆炸,但憑住死捱死頂既精神,層樓放租(但當時好平租),繼續係屋企個廳訓碌架床,唔食早餐、午餐一個特價漢堡包(7-8蚊)加飲水、晚餐一個街巿18飯盒,平日盡量咩都唔買唔出街,我當時連手提電話都唔捨得買慳電話費又慳台費,要搵我一係打番公司、一係打去我屋企,日日OT、俾老闆當狗咁鬧都撐住。


若今時今日既後生仔好可以頂到咁既生活,大學畢業當做幾年野約1.5-2萬人工,支出每月2.5千,家用3.5千,每月儲1-1.4萬,做5-6年加埋投資都買到層3百幾萬既樓作為一個開始。無好講冇3百幾萬既樓,我第一層買既樓都係超細價的,果層樓到而家都仲值幾3百萬多D咋。



熱賣及精選
引用:
原帖由 jon_jon 於 2021-2-22 20:25 發表


不如你試吓而家搵fresh grad人工
睇吓一個月點樣可以洗2500?
同埋300萬又係買到乜嘢樓?
50年樓?定100呎納米樓?
唔好講到自己好捱得
當年Lump sum細自然易好多
我而家都係洗4千到,係包埋阿仔當中洗費1千到加全屋柴米油鹽,wifi錢之類,所以我每月個人支出都係2千幾,唔係冇錢唔洗,係因為慣左慳。

第二,屯門仲有3xx幾萬係既樓既,咁質素一定唔係好同埋細,但我當年上車都係買呢d樓。



引用:
原帖由 jon_jon 於 2021-2-22 20:31 發表


多餘
旅行食嘢洗得幾多
唔通個個月歐遊咩
而家5球只買到開放式200-300呎
就算點慳都無用
開源最實際
咁你又唔夠錢又要方便較新樓冇計喎,事實係仲有較細舊地點一般既樓,問題你要嫌跟住又怨買唔到。

旅行食野一年洗多4萬,十年八載年就幾十萬嫁啦,同埋儲到錢可以用黎投資果度就係儲唔儲到首期既分別,當然開源搵得多更好。



引用:
原帖由 chuckleberry 於 2021-2-22 20:15 發表


就算七零年出世9697年都係26/27歲,嗰陣時啲樓價咁貴,有幾多20幾歲後生仔嗰個年代可以買到樓?我識96/97年瀬嘢嗰啲都係60初中期出世嗰批,70後反而可以享受到董伯伯隊冧樓價狂跌入市時機。02/03年差唔多可以唔使俾首期都可以買樓,只要你夠膽就得,擎天半島唔使$4000建呎一尺,所以我好同意樓主嘅睇法。
我就係70年代出世,97最貴果時買左樓😢,我係俾父母焗上車,因為96-97升得好勁好勁,又易夠首期,買平既樓十萬蚊首期就得,搞到個個都賭徒心態好似唔買第二時唔會買到咁,當年我又儍儍咁聽父母安排,結果買左一個月即狂跌。



[隱藏]
引用:
原帖由 clogalaxy 於 2021-2-23 08:17 發表


我兄長70後,97年6月買樓。太古嗰頭,500萬兩房,之後跌到百幾屬。如果今日一定冇事!
同你兄長一樣,都係果時買,不過我果層係最細價屯門樓。



引用:
原帖由 hketbenny 於 2021-2-23 06:59 發表

我都係70後,2019年尾趁社會事件,樓價震一震才第一次入市買樓。


首期係多,都有百幾萬,但我要儲十幾年先有喎。


我個代既人,家底好既就買樓快啫,我這些家底不好既,幫手供完阿媽層樓,才諗下自己再儲錢買樓。結婚都係租住先。

人工又吾高,但係慳慣左既就係慳慣,你叫我花20多,30元買杯老虎堂奶茶?咪玩啦,我想飲汽水都不會去7仔買啦。現在供樓都佔每月收入一大部份,有時可能花凸咗 ...
哈哈,咁似我以前,從來唔會7仔買汽水,唔會買20-30蚊杯奶茶,連落食早餐都唔會。我呢幾年手頭較充裕,都試過幾次7仔買氣水,同落街嘆個早餐。



引用:
原帖由 山邊委屈的老闆 於 2021-2-23 00:38 發表

成功靠父幹沒錯今時今日二十幾歲有多少個靠自己俾首期?
咁廿幾歲做野幾年,就算努力但未買到唔過份丫。好過我當年廿幾歲係一身樓債😢負資產捱十厘息。

諗番起,當年都係好多人會問有冇買樓,但唔係有樓覺得你勁,反而係後生有樓即係欠一身債,有兩層更加係大鑊過大鑊,點都要死錢去供樓,因為負資產想賣都冇資格,要抬錢去「熟」身先得。若想識個女仔/男仔拍下拖更加唔好諗,冇人想無端端幫人還埋一份債。



引用:
原帖由 CKL28 於 2021-2-23 09:48 發表




正常70頭的朋友
有一層樓應該不難
(上述只是自用)

收租樓是另一件事
其實都係果句,難唔難睇下你好唔好彩,加幾大毅力耐力。照計番,若今天20幾歲的,若肯努力,廿年後有樓都係正常不難。



引用:
原帖由 projectdicky 於 2021-2-23 10:07 發表


跟本係以家物質主意太多,呢一年疫情多左幾多私家車,是否必需養?

樓市全世界一樣係講資格,如果沉醉於物質主意,乜年代都買唔到樓

收租樓一開二更加無可能,因為政府用按揭辣招去限人買樓,結果係d錢積左係到個個等機會,點有可能跌番比你買平貨
多左😅,真的嗎?我以為大家經濟唔好,好多人會放棄咁奢侈既玩意添



[隱藏]
引用:
原帖由 pp_yy 於 2021-2-23 10:17 發表


同樓主相同睇法,時也命也
你未經歷過,跟本唔會知當年壓力大成點,日日有人跳樓丫。好彩?



引用:
原帖由 Proteing 於 2021-2-23 12:11 發表


應該話個時消費冇咁多?
以前冇咩人去旅行
又冇咩手提電話、電子設備

依家基本娛樂都係要高消費
你諗真一下,娛樂從來都唔應該係基本野,係有多餘錢先做。冇既或自己有更重要目標既,就要放棄嫁啦,97-98當年開飯都有困難,仲講咩娛樂呢?供得掂樓頂得住d壓力已經萬幸,仲要養家呢,我地多數冇父母幹不特止,仲要父母靠我地家用生活。我冇工開唔夠儲蓄頂住父母都食風,邊敢亂娛樂消費。

我都中意嘆世界嫁,中意得閒樓下食個早餐食下好野,買下新玩具都幾爽,但衡量過目標與能力,我努力💪🏻慳,或者曾經捱過小小啦。

其實比起我媽果代10歲出黎打工,細個日日食粥加鼓油食到大,我地已經算嘆嘆地長大。不過80或打後出世,一般社會成長條件會更好,先會認為有娛樂係基本。我地果時大學冇咩去旅行嫁,亦唔多咩交流團(我冇去過),更冇咩大學畢業旅行呢回事。



引用:
原帖由 最緊要有小米 於 2021-2-23 11:12 發表


係,回望非常唏噓。無父母幹98年尾上車,利息2位數。03年通街銀主盤街招,幾乎日日有人燒炭跳樓。行經地產舖要兜路唔敢望到招紙層樓得翻半價都要死供,租值得供款6成。果種刻骨銘心令到我們普通人即使捱過最黑暗歲月亦不會太進取。直到今日4張幾望5張,揸2層,自住租值低果層,只求保住退休後唔洗睇下一代面色唔洗執紙皮,不會再有其他想法。
我都係咁心態,唔求大富貴咩享受,係驚唔慳儲錢,第二時有咩冬瓜豆腐俾人炒冇人請,全家訓街食風。



引用:
原帖由 奇異果博士 於 2021-2-23 11:19 發表


我最初都以為係,直至我十二月頭訂位聖誕食飯,當時9成半以上嘅5星酒店lunch buffet同afternoon tea,已經full booking。係嗰刻我已經改觀!係香港人真係好有錢,定係香港人先使未來錢,唔識積彀防饑?照計邊個答案都好,出嚟個結果都冇理由會係怨人頼政府囉!
有錢唔怕洗,但洗完真係冇理據怨。我都好怕我仔太過有物質咁長大,驚佢大個養自己維持唔到生活質素會覺得好慘。

我覺得而家後生怨氣咁重,其中一個原因係佢地出黎搵食之後,先真正感受到世界其實好艱難。因為所有父母,包括我自己都會盡量將最好既俾子女。例如我自己訓左幾十年廳碌架床,買左樓都租出去,兩公婆都仲同屋企人迫埋一齊住慳錢,但我仔出世,我就為佢換大層樓,細細個我都已經為佢準備一間房,真係好難比佢領會到世界係困難既。



引用:
原帖由 老美隊長 於 2021-2-23 23:14 發表


月入1.5-2萬,2.5千支出?
你點計出來呢?食飯,搭車,醫療保險,電話費,上網費,衫褲鞋襪,我當你唯一娛樂係睇電視免費,呢度幾樣加加埋埋都唔只2.5千啦。搬出來一個人住你食三餐都唔2千啦!搭車呢?住得遠新界出港島隨時來回40-50!所以你咁預係不切實際。
仲有,1.5-2萬比3.5千家用?又係搏鬧!除非你係唔洗養家,否則呢個家用點可以養起父母呢?租金?你又假設唔洗交租/交貴租?你係假設有父蔭 ...
個人黎講我每個月都洗緊呢個數到。
無買保險公司有包,電話$9x plan,好小買衫褲鞋襪,有都係淘好平的幾十蚊件,一年最多買幾件(其實我試過2-3年冇買),車錢幾百,上網200,其餘主要都係食。



[隱藏]
引用:
原帖由 老美隊長 於 2021-2-23 23:14 發表


月入1.5-2萬,2.5千支出?
你點計出來呢?食飯,搭車,醫療保險,電話費,上網費,衫褲鞋襪,我當你唯一娛樂係睇電視免費,呢度幾樣加加埋埋都唔只2.5千啦。搬出來一個人住你食三餐都唔2千啦!搭車呢?住得遠新界出港島隨時來回40-50!所以你咁預係不切實際。
仲有,1.5-2萬比3.5千家用?又係搏鬧!除非你係唔洗養家,否則呢個家用點可以養起父母呢?租金?你又假設唔洗交租/交貴租?你係假設有父蔭 ...
至於家用,咁要睇下家庭情況。Grant loan真是忘了,因我當年學費冇咁貴,同埋我係一路番學一路幫人補習,番part time、暑假又狂做補習搵學費的,所以冇咩借到。



提示:支持鍵盤翻頁左 右
[按此隱藏 Google 建議的相符內容]