• 瀏覽: 56,474
  • 回覆: 2
  • 追帖: 8
[隱藏]
大家好!小妹係今個夏天成功上車,是剛30年的居屋屋苑,由於本人無父母幹,人工唔高,全靠自己與老公租樓多年後(辛苦的過程唔講啦),只能勉強上車。但我其實覺得好荒謬,只是30年3百多尺的舊居屋,卻用上我們筆生的積蓄,樓按係用盡所有身家之後,仲要供到70歲先供完,最好60歲後一個文員仔唔好俾人抄,否則我都諗唔到點算。

問題嚟啦,由於已用上筆生金錢,又擔心依家份工唔穏定,心理壓力好大。而且樓齡又有番咁上下,依家間樓有少少問題都好緊張,(例如少少滲漏、入水等)一直情緒好差,覺得好似SHOW HAND ALL IN 咁,有D咩事就一舖清袋,覺得付出咗咁多都唔能夠「安居」,我覺得我已經有D過度焦慮症,好少問題已經覺得好煩。

反觀以前租樓,唔鍾意咪搬囉,心理壓力無咁大。我明白買樓係財務安排上有一定的好處,但上咗車之後(心理壓力同情緒)又係另一回事.....

各位師兄/姐,我真係覺得好辛苦.....   你地有咩意見........  (我係真CASE,請求大家唔好惡意攻擊, 我就爆煲.....)

感謝~!~!



熱賣及精選
多謝各位嘅回覆,你哋嘅鼓勵同分析,小妹會book mark咗佢,希望若干年後拎出嚟睇真係覺得自己當時自尋煩惱。不過情緒病(我自己覺得嘅焦慮症)呢啲嘢,我覺得唔似係計啱上車條數就可以解決,我知道財務安排上上咗車勝算會高啲,但當有其他壓力接種而來,個人總會覺得好唔開心。尤其係我買咗幾十年嘅舊樓,覺得層樓問題特別多,唔少修修補補滲漏等問題一直煩惱住我,相反以前做租客就覺得理得佢死,層樓一日勉強住到,過得一日就一日。 (明白你哋睇完會覺得我好戇居,甚至可能覺得我作故仔,我老公都話我諗埋啲無謂野,但我就係因為咁煩所以先想請教大家吖嘛)

謝謝咁多位賜教



大家一人少句啦,升又好跌又好,冇水晶球大家都唔知

反而好多謝啲師兄師姐提醒,可以樓換樓,但我有以下疑問:
假設我今年有$200,000 ,買了一層樓價$1,000,000的樓,負債$800,000,目標是樓齡較新的私人樓(樓價2M)
三年後所供本金為100,000(即負債$700,000) ,overall樓價升值一成 (即自住樓市值1.1M,目標私樓市值2.2M)
咁我樓換樓, 賣咗自住樓之後手持400,000,買目標私樓後欠債(2,200,000 - 400,000=1,800,000)
咁同我第一日就買目標私人樓有乜分別(都係欠債1,800,000)??

我明白當中有太多假設,但簡單舉例去講,我睇唔到有任何樓換樓嘅可能, 因為自住樓樓價升的同時,目標樓宇樓價也在升, 咁點換



[按此隱藏 Google 建議的相符內容]