• 瀏覽: 783
  • 回覆: 5
[隱藏]
我個case其實兩年半前已經講過,最後都尚算解決咗。
由於疫情關係,都無可能上到去,但都透過管理公司所開個微信知道吓近況
近日聽到班鄰居投訴,話管理公司質素極為不濟,搞到樓價跑輸鄰近樓盤,佢地力數以下罪狀

1 電話接收網絡極差,每次提出都話一星期內解決,最後無兌現,投訴復投訴
2 一到夜晚垃圾水滿布電梯、大堂(因管理公司要求住戶親自拎去垃圾站)
3 停電無通知,問管理處點解十問九唔知
4 縱容他人於屋苑後門種菜,搞到滋生蚊蟲、隔離屋苑都不滿
5 廚廁水喉、櫃檯面板質素奇差頻現損壞,要求維修當無到
6 8幢樓只有3個管理員,一個放假就必會出事(實際係7幢,因其中一幢被佛山法院查封,禁售禁租)
7 俾人亂搞業主架車,有業主話俾人連續幾日將所有輪胎放哂啲氣
8 話屋苑會開超市解決民生需要卻走數

我唔知個樓價差幾遠,佢地話隔離屋苑有18000-20000/平方,自己屋苑只能15000-16000/平方



回覆 引用 TOP

同情樓主的遭遇,以下幾點可能同管理上關係不大:
1 電話接收網絡極差,每次提出都話一星期內解決,最後無兌現,投訴復投訴。
    管理公司只能向電訉商反映情況要求改善,發射器是由電訉商自行安裝的。
2 一到夜晚垃圾水滿布電梯、大堂(因管理公司要求住戶親自拎去垃圾站)。
    住戶親自拎垃圾去小區的垃圾收集點是普遍的做法,物管費很高的豪宅可能例外。
8 話屋苑會開超市解決民生需要卻走數。
  開發商如已預設較大的商舖,大多數情況是招商困難,無商家願做。如果連舖位都冇,就算是欺騙了。



回覆 引用 TOP

空置率高,人流少,咁咪冇商戸進駐囉,開舖蝕硬,蝕住做咩


至於管理既問題,管理費俾得少,就唔好諗住有優質服務


香港每棟公屋樓下都有24 HR保安,大陸好多一個小區10幾棟樓都係3~4個保安,巡邏吓,管理吓車場,開吓車閘咁,文化背景唔同,冇話邊樣好邊樣差咁。大陸比較太平,治安唔差,比較悶少少,冇乜必要每棟樓都配一個座頭,加上空置率高,好多單位冇人住,請保安看守鬼樓空樓就怪怪地


我有親戚住鰂魚涌南豐新邨,佢果棟樓的地面一樣冇保安

[ 本帖最後由 古斯塔夫二世 於 2020-12-3 01:10 AM 編輯 ]



回覆 引用 TOP

電信方面,大陸新盤好多偏僻,鄉郊地方,原先係農田黎,人口少,人口密度低,加上多鬼樓,成棟樓晚黑7點至8點得4戸單位有燈光,電訊商唔會為左咁少人專登起座訊號塔,蝕到PK


現在國家大力推緊5G 6G,電訊商d錢投曬入去5G 6G,資金流緊張,根本冇乜錢,點會為左咁少人起多座3G 4G訊號塔。5G 6G基站成本高,起喺少人地方又蝕硬,優先起喺商業區,金融區,CBD,住宅區就要等多幾年


基建唔係即時有,要睇長遠,可能5年至10年後訊號會好好多,投訴都冇用,人地電訊商唔肯起,全國咁多小區,每個小區投訴完即刻起個基站俾你咩

[ 本帖最後由 古斯塔夫二世 於 2020-12-2 07:58 PM 編輯 ]



回覆 引用 TOP

[隱藏]
香港有得搵區議員,反映訴求,遊行吓,示吓威


大陸搞事拉你架,尋釁滋事,煽動顛覆國家政權。大陸冇維權呢樣野,本身你都冇乜權,維乜野權o即



回覆 引用 TOP

管理質素唔好可能會引埋d爛仔黑社會黎住,最後變左長豐苑就仆x了。


我未見過有一個朝代, 會因為領袖身邊多左幾隻擦鞋狗而變得強大.

回覆 引用 TOP

[按此隱藏 Google 建議的相符內容]