• 瀏覽: 5,094
  • 回覆: 22
[隱藏]
第一個香港盤居然不理想?

17000 呎價買馬鞍山區

來自
https://hk.appledaily.com/finance/20201120/PCYDOZUR3RG3VK3XYFD44M6ZOU/

楊氏這一家是典型的港人置業故事,由公屋換居屋,再由居屋換私樓。父母老了,三個女都嫁了,大姐和三妹搬到馬鞍山,4名兒孫是兩老的心肝寶貝,天天山長水遠由屯門到馬鞍山湊孫。二姐膝下無兒,與丈夫居於北角千萬單位,搵到錢又可負擔,為了父母不用舟車勞頓之苦,就把他們持有的屯門居屋賣掉套現300多萬元,換入馬鞍山新樓泓碧,買入價868萬元,每月2.7萬元供款由三姐妹支付,二姐供最多。鏡頭前是三妹,她說:「層樓係我哋幾姐妹送畀阿爸阿媽嘅。」鏡頭後的二姐則認為:「我覺得直頭自己畀首期,先係送,但無能為力呢!」

三妹說,就着這次換樓行動都傾過好多次,「父母嘅屯門居屋仲有兩年就供完,兩年後一勞永逸,但搬嚟呢度畀晒啲錢做首期,仲要每個月攞啲錢出嚟供樓,就喺呢個位。老人家都唔想我哋咁辛苦,所以都講過好多次。我哋不斷勸佢,話呢啲唔使佢哋操心,等我哋諗,同埋私樓會升值,咪當買磚頭儲錢囉,慢慢佢哋接受。直至收樓,睇到佢哋個樣都好滿意。」二姐補充:「其實佢哋講過好多次唔應該買,話有屯馬綫,但每日咁樣係非常之攰,享受兒孫生活都唔好咁操勞。」

其實都是用父母名義買樓吧?三妹坦言:「我哋收樓,經紀話畀我聽呢啲單位而家賣緊900幾萬,所以我哋話:『嘩!畀你叻極每個月儲3萬蚊,一年內點都追唔到一球!』而家暫時畀老人家安享晚年,長遠都係投資。」但馬鞍山新樓都好多選擇,何必以身試內房碧桂園在香港的第一個住宅項目?三妹回應:「可能有啲人聽到有啲大膽,但大陸發展商喺香港第一個樓盤,有機會做靚啲,打響頭炮。」最終她們以868萬元買入泓碧一個兩房單位,實用511方呎,呎價約1.7萬元,支付約3成首期,月供約2.7萬元。

單位本月收樓,他們最驚喜是景觀開揚,客廳和兩個睡房都望見八仙嶺,兼且看見觀音像,信佛的阿爸都好滿意。不過單位牆身油漆、大門、露台及浴室去水位就好似有問題,三妹最驚:「話畀我聽係咩入水樓,唔知邊度牆身空心呀。」那就交由資深驗樓師賴達明吧!
868萬單位12塊空心磚 睡房天花空鼓

明哥到埗,單位開門見廚房,但未講廚房先講門,事關大門門鼓太鬆,自動閂埋勁大力,明哥建議業主可以要求發展商調返緊門鼓。廚房來去水沒有問題,惟洗碗盆水龍未安裝穩固有鬆,更甚的是,地板及牆身石材就出事,崩裂到手摸到起級,絕非天然裂紋,而其中一塊地面石材的裂縫之間已白化,反映水氣入侵,石材病變。明哥建議更換地面一塊地磚,否則滲水到磚底,增加日後滲水風險。

打開露台門,門頂牆身敲一敲,清脆的空鼓聲衝入耳朵,不是一塊半塊,而是12塊之多,算是近期少見的問題,但相信與位處門頂鋪工太累了所致。浴室石材同樣差,洗手盆枱面石材有裂崩。四大扣分位之空鼓批盪亦於主人房天花牆角被發現,面積約2平方呎,明哥指,不符合標準,必須鏟底重鋪。
業主希望這家內地發展商的頭炮會是傑作,但明哥總結,單位瑕疵問題比較明顯,質素是麻麻地,「市場其他新樓單位空心磚、批盪空鼓已好少見。喺香港嚟講係唔理想,內地嚟講係可以接受。」

碧桂園香港營銷部回應,管理處已於11月13日收到業主之驗收報告,全部的執修包括更換安全玻璃已於11月15日完成,將安排與業主作最後驗收。此外,露台被指去水慢,經實測後,去水情況正常,因地台瓦面為粗糙面引致去水略為受阻而較慢去水



熱賣及精選
估唔到質素麻麻

業主希望這家內地發展商的頭炮會是傑作,但明哥總結,單位瑕疵問題比較明顯,質素是麻麻地,「市場其他新樓單位空心磚、批盪空鼓已好少見。喺香港嚟講係唔理想,內地嚟講係可以接受。」



交樓質素唔理想但子女孝順難得。


引用:
原帖由 JessePinkman 於 2020-11-20 07:05 AM 發表

交樓質素唔理想但子女孝順難得。
承建商質素係重要

https://www.discuss.com.hk/viewthread.php?tid=29518710&utm_source=copy&utm_campaign=ios&utm_medium=share



[隱藏]
 
引用:
原帖由 edwwin 於 2020-11-20 07:09 AM 發表


承建商質素係重要

https://www.discuss.com.hk/viewthread.php?tid=29518710&utm_source=copy&utm_campaign=ios&utm_medium=share
阿女肯供樓,買乜都心甜啦。



引用:
原帖由 JessePinkman 於 2020-11-20 07:05 AM 發表

交樓質素唔理想但子女孝順難得。
Apple 姐一樣孝順

https://www.discuss.com.hk/viewthread.php?tid=29489825&utm_source=copy&utm_campaign=ios&utm_medium=share



引用:
原帖由 JessePinkman 於 2020-11-20 07:05 AM 發表

交樓質素唔理想但子女孝順難得。
內地發展商相比香港要求唔同?

中海外又係
https://m.youtube.com/watch?v=0IqafSvu3b4



珀麗灣往深井方向果啲啦


引用:
原帖由 JessePinkman 於 2020-11-20 07:09 AM 發表


阿女肯供樓,買乜都心甜啦。
但泓碧交樓質素麻麻



[隱藏]
 
捱左幾廿年,有新私樓住,仲要係子女供,應該好開心


三姐妹好孝心, 抵讚。 


提示: 作者被禁止或刪除 內容自動屏蔽
孝心最緊要


引用:
原帖由 edwwin 於 2020-11-21 09:04 AM 發表


但泓碧交樓質素麻麻
阿女嘅心意,就算住間爛屋都開心啦!



[隱藏]
 
又要供2.3十年


提示:支持鍵盤翻頁左 右