• 瀏覽: 17,333
  • 回覆: 238
  • 追帖: 38
[隱藏]
各位師兄,好耐冇喺呢個版留言,之前本人有另一貼討論深圳樓市,但因疏於管理極懶於回貼,經香討版主詢問我意見后,我贊成交由另一位活躍於該貼的師兄代為管理發揚光大,我最近都係跟人貼討論下香港時事,冇眼睇香港所以懶得開新貼……

深圳從4月份開始幾乎每天都係零確診, 仲安全過香港, 香港就……爆嚟爆去唔知爆到幾時。

最近深圳樓市升得好勁,終於忍唔住開貼講下:從2、3月份深圳樓市開始騷動,我亦忙於睇樓,疫情之下睇樓當然不像從前般方便了,防疫措施要做足(口罩、護目眼罩和膠手套這三寶必備,有膠衣嘅就加多一層保護),不過話咁快深圳疫情從4月份開始穩定,最近這3個月,深圳在室外已經很多人沒有戴口罩,之前在深圳進入每個食肆都要查看健康碼,沒有問題才能進入,現在差不多全部都不需要登記健康碼,深圳控制疫情相當成功。

最近深圳樓市一枝獨秀,相信各位睇新聞都應該睇到,2020年6月份深圳二手房均價74929元一平方米,漲幅全國第二,僅次於江蘇連雲港市,深圳與另外三個一線城市二手房價格差距進一步拉大,比北京高20%,比上海貴36%, 是廣州的2.09倍,深圳第二次蟬聯全國一線城市樓價最高。


抽其中一個升幅比較大嘅案例講講,稍為熟悉深圳嘅ching,應該聽過最近半島城邦有幾恐怖:2018年中-90平米總價980萬,2019年中開始發力至現價: 1800萬;半島城邦,位置係深圳西部南山嘅后海,下面係半島城邦一期:


深圳呢一波升市,同2015年嗰次一樣,都係由南山開始,不過今次有一些例外,上次可以話整個南山、福田、龍崗、鹽田甚至羅湖之房價都有上升和暴漲,可以稱之為深圳各區普漲;

但深圳今次嘅升市有些不同:從南山的前海、后海,再沿深圳灣海岸線一路延伸上寶安中心區、碧海、光明和沙井這一條軸心(請參考以下深圳地圖內之黃色線),沿線區域樓盤都暴漲,聰明嘅師兄應該聯想到,暴漲區域是從南山前、后海,一直延伸到寶安中心區、碧海、沙井和光明,這就是大灣區概念的威力!

講到大灣區,當然不單是深圳受惠,今次的升幅從這個軸心更一路往上延伸到東莞,深圳灣凹入去這灣區靠右側這個區域,亦是將來大灣區的核心所在,所以東莞最近幾個月房價也開始暴漲,這都是受大灣區概念所影響,細心嘅網友會發現這也是為什麼大灣區的AA,最近只推臨深的中山、佛山、珠海和廣州樓盤,而極少推銷東莞樓盤。

不過深圳福田漲幅就一般般,而且仲係最近這一個半月左右才補漲,升幅亦當然沒有上面文章所說那條軸心的區域那麼厲害,到福田區補漲完,因為南山、福田現价偏高,業主惜售,深圳地產代理最近只好開始推羅湖和鹽田的二手盤(如同東莞價高業主惜售,大灣區AA改推佛山無影腳+孫中山先生)。

差點忘記解釋今次升市同2015年深圳上一波升市有何不同:2015年你只要選啱咗核心城市(深圳),閉著眼睛買買買,就算這一個月你嗰區未升,根據板塊輪動法則,等深圳西部升完,話咁快到中部然後到東部升,各區有樓嘅都能賺錢。

但今次升市不同了,不但要選中核心城市,更要選中優秀區域,非熱點非優秀區域除非選中網紅樓盤,否則一律持平到最近這一個半月才開始補漲一點(要注意真的只漲了一點點,平均約不足兩成);除非你買了深圳西部以上所說的大灣區深圳軸心區域(這些地方從2月份開始一直猛漲,有些樓盤每個月漲兩成至三成)。

至於好多人所講有價冇市,熟悉深圳樓市嘅,唔需要多解釋,都知道今年2月開始,深圳熱點地區市價出貨,大家爭住搶,非熱點區域按現市價劈價半成(視乎地區,有興趣再討論),你也一定可以搵到買家,不過今次升市深圳龍崗區樓盤表現是最差了,很多樓盤持平,最近先稍為升了一點點,比福田表現更差。

深圳西部樓盤,舉例:半島城邦和紅樹西岸這些深圳灣一綫樓盤,根據地產代理嘅盤源顯示,有誠意賣嘅唔超過十個盤。

除了深圳大灣區概念軸心樓盤暴漲,如果有熟悉深圳樓市嘅師兄,亦應該知道深圳有現行政策控制發展商新盤開售價(限價),但深圳政府不限制二手樓價格,由市場自由發展,所以深圳最近亦流行“打新”(抽新盤購買資格),好運抽中嘅,就可以買到比二手市價便宜很多的新盤(如最近一些光明新樓盤,說買到就賺100萬,不過限售三年,等攞到房產證才開始計算,即係2+3=約五年後才能解限出售,抽中係咪實賺就自己諗諗),所以最近深圳非常流行新盤《打新》呢個遊戲(講運氣,唔係咁易抽中,但係無需成本所以好多人樂意一試,最多係鎖住你筆誠意金抽唔中退返比你),有興趣又唔怕隔籬14日嘅可以到深圳實地視察一下,不過只限於我以上所說區域新樓盤,羅湖嗰幾個新盤就唔好制,抽到羅湖都喊三聲。

講到口水乾,有興趣討論下最近深圳樓市嘅不妨跟貼,好過睇住香港樓市一個悶局。

[ 本帖最後由 西部肉肉鞋抽 於 2020-7-15 06:53 AM 編輯 ]



熱賣及精選
另外再同大家講一個比較有趣嘅事,深圳灣樓盤暴漲,源於深圳政府大廈燈光表演和煙花,這一點和香港有點相似,香港九龍可以睇到煙花嘅海景樓,西半山、中半山、東半山樓盤,煙花景係賣點之一,真係偷香港橋段


回覆 引用 TOP

上面文章漏咗一個最緊要嘅提示,唔係一陣話我大灣區亂托市,除了深圳和東莞,其他大灣區樓盤一律不要買,買咗你唔好賴我,其他臨深AA請自行讓路,這個帖討論深圳,不影響你推售其他大灣區樓盤,感激。


回覆 引用 TOP

還有補充一個最重要嘅資訊,上邊文章所說,深圳室外很多人開始沒有戴口罩,呢點絕對唔建議大家學,深圳室外有人開始唔戴口罩,係因為國內大家都明,有啲人係窮到一個罩帶幾個月都有,人地唔帶唔代表你又學佢唔帶,為咗保護自己,室內場所我自己都係N95去到邊戴到邊,祇有自己揸車嘅時候先會唔帶休息一陣,或者去到人煙稀少嘅郊外就除低一陣,一有人走近我都會好快手戴返個罩。


回覆 引用 TOP

[隱藏]
點解其他大灣區性呢?


升呢?


回覆 引用 TOP

引用:
原帖由 抄股仔 於 2020-7-15 06:14 AM 發表

點解其他大灣區性呢?
師兄,你問題比較簡潔,可否詳細一點?



引用:
原帖由 西部肉肉鞋抽 於 2020-7-15 06:55 AM 發表




師兄,你問題比較簡潔,可否詳細一點?
比喻广州D樓?



另外,亦恭喜兩年半前跟貼又投資了深圳的師兄們,錢不多投資鹽田港后方區半山樓盤的,特別恭賀當時選擇了中海半山溪谷的朋友,雖然贈送面積沒有其它樓盤多,但小區內之私立幼稚園幾個月前升格為市幼稚園,半山的業主可佔近半入學名額,附近其他樓盤等運到抽獎,半山樓價升幅為鹽田之首。

買了西部的就不說了,財不可露眼😂

[ 本帖最後由 西部肉肉鞋抽 於 2020-7-15 07:39 AM 編輯 ]



回覆 引用 TOP

[隱藏]
引用:
原帖由 抄股仔 於 2020-7-15 06:57 AM 發表




比喻广州D樓?
廣州地太多,當然,市中心樓價很高,但二八定律比深圳更明顯;請查看上面文章中大灣區概念,最近祇有東莞在升,亦有價有市(但請注意核心區域+網紅樓盤這概念);惠州、中山、佛山和珠海最近下跌,而且大部分樓盤有價冇市,完。

師兄們不好意思,大灣區樓市不再討論。



此貼只討論深圳樓市,其餘大灣區城市如廣州、中山、佛山、惠州、東莞、珠海這些城市不作討論,貫徹我上一個帖的宗旨:不談大灣區只討論深圳,因為人生苦短,大灣區太遙遠。

而且跟大灣區AA們河水不犯井水,此帖才會有好結果。

[ 本帖最後由 西部肉肉鞋抽 於 2020-7-15 07:26 AM 編輯 ]



回覆 引用 TOP

引用:
原帖由 西部肉肉鞋抽 於 2020-7-15 07:15 AM 發表




廣州地太多,當然,市中心樓價很高,但二八定律比深圳更明顯;請查看上面文章中大灣區概念,最近祇有東莞在升,亦有價有市(但請注意核心區域+網紅樓盤這概念);惠州、中山、佛山和珠海最近下跌,而且大部分樓盤有價冇市,完。

師兄們不好意思,大灣區樓市不再討論。 ...
👌



回覆 引用 TOP

前海還是後海升得比較厲害嗎?


請問你認為深圳樓市上車盤同豪宅盤中,邊個升得好啲?


[隱藏]
引用:
原帖由 miscreant 於 2020-7-15 08:31 AM 發表

請問你認為深圳樓市上車盤同豪宅盤中,邊個升得好啲?
豪宅盤應該係1千萬以上吧?



提示:支持鍵盤翻頁左 右
[按此隱藏 Google 建議的相符內容]