• 瀏覽: 1,026
  • 回覆: 1
  • 追帖: 2
[隱藏]


大市繼續破頂,強勢股、B股等等可以揸,今日就搵咗隻信陽毛尖(00362.HK)俾大家,趁市旺試下呢隻似係準備大變身嘅股仔,最緊要係睇中兩個因素,管理層自己喺高位0.46元增持,軟銀綠色準備入股,注資金額接近3.89億元,差唔多等同公司現市值。

362先係1月份公布,有意收購「我的雲科技」,其為一家吸引商家向用戶提供優惠、又透過優惠吸引用戶群嘅移動互聯網綜合平台。

公告指,我的雲科技已經有淘寶、京東、拼多多、美團、唯品會、餓了麼等等電商加盟。預期2020年度將收錄約3,000萬名會員、5,000名合夥夥伴及1,000萬特權卡用戶。

目標公司管理層又預期,2023年平台交易額可達到500億元人民幣,預定利潤將不少於20億元人民幣。

咁大個商機,362即刻搵軟銀綠色投資基金作出策略投資,金額不少於5000萬美元(即約3.89億元),包括買債、配股等等。

據指,軟銀綠色投資基金為「軟銀中國資本」和「綠色金融控股集團有限公司」合資成立。362最新市值只係4億左右,突然有個大碼頭科水,似係有料到。

362最新準備改名做「中國新經濟集團」,公司執董羅子平6月頭仲自己出手增持,作價0.46元買咗40萬股,公司股價落到0.3元樓下,似乎博得過,純粹趁低炒軟銀綠色入股呢單消息都抵博嘅。



回覆 引用 TOP

單野都出左幾個月。要炒都炒左啦


回覆 引用 TOP

[按此隱藏 Google 建議的相符內容]