• 瀏覽: 86,077
  • 回覆: 212
  • 追帖: 22
[隱藏]
由於有通脹, 長時間手持大量存款並不理智。買樓曾經是個不錯的選擇, 但現價超買, 政策亦不配合, 不考慮。股票似是唯一的選擇。

之前數星期分段吸納了匯豐 (HKSE No.5), 現持有 16,400 股, 平均作價 $36.5。昨天該行落實精簡人手, 消息利好, 今日本想再入七八手, 但落盤價定得太保守, 未能成交。希望明天可以以 $36 - 36.2 入貨。

目標價: 不設。四十元樓下收集作長線投資。

建倉上限: 盡量不超過 $1M, 或 30,000 股。始終要留一部份資金買其它板塊, 亦想樓亦調整時多買一間作投資用途。

股數: 16,400
平均價: $36.5



回覆 引用 TOP

匯豐過去三十年做了兩大決策:

1. 搬遷
2. 轉攻大戶

事實證明是錯的。董事局似乎亦意識到問題, 努力調整中。大象要轉身不易, 相信沒有三幾年不見成果。但現價超值, 可以偷步買。



回覆 引用 TOP

19.6.2020 (Fri)

今日 HSI 上望 24,650
下望, 無得計

700 一直係造市工具, 而 5 走勢飄忽。開市上落 200 點以內仍會下指示盤 $36.2, 相信要上午後段後才有機會執行。

收市後再檢討



回覆 引用 TOP

4:30pm, 19.6.2020 (Fri)

HSI 收 24,644 (+ 0.73%)

HSBC 收 37.35 (+0.674)

指示盤未能執行, 持股量維持 16,400。



回覆 引用 TOP

[隱藏]
全星期小結

相信六月高位已經出現, 但月底前又不會急跌, 24000 應該守得住。

恆指加入了不少妖股, 700 便是一個例子。遲些可能連美團這類老千股也會染藍, 跌起上嚟可以好得人驚。這亦是我買 HSBC 的原因, 感覺比較實在。

如果月尾外圍依然差, 可能買些 7500 對沖。



回覆 引用 TOP

22 - 26 June 2020 初評

國安法條文出台, 局勢沒有明顯轉好, 亦沒有明顯轉壞。下個星期維持 24,000 - 24,650 之間遊走格局。中線上落市偏淡。

自中美攤牌之後, 隱約見到有人靠幾隻街貨少的成份中資妖股托市 (騰訊、中制藥、申洲、蒙牛、瑞聲等), 如果背後是國家隊, 理論上是可以買上月球的。如果不是, 回吐時一定很急, 順勢食埋權、期同牛, 但不像在六月發生。

滙控身處風眼, 四面楚歌。又跌近歷史低位。買滙控一定要有耐性, 最少守半年以上, 甚至更長。但中線回報一定高過大部份成份股。有閒錢首選。



回覆 引用 TOP

下星期策略

滙控建倉未完成, 跌近 $36 再加一注, 短期希望增倉至約三萬股。

逢高 (接近 24,650) 會小注 7500 對沖手上的正股, 甚至每個小浪亦可小試 7500。



回覆 引用 TOP

4:30 pm, 22.6.2020 (Mon)

HSI 乏善可陳, 收 24,511。HSBC 收 $36.70, 低位 $36.40, 未觸及買盤, 倉位不變。

個市明顯有人唔比佢大跌, 700 已經由三月中 $320 夾上 $474, 升近 50%, 單佢一隻已經托起過千點。

七月傳統上稍好, 但五六月無回傳統智慧仲係咪有效? 暫時覺得七月下試 22,000 機會好大。所以估計大市最多托多兩三日。

23.6.2020 策略, 以不變應萬變。如果再夾上 24,650 會入 7500 對沖手上正股。



回覆 引用 TOP

23.6.2020 (Tue)

要不斷提醒自己, 越近七月越兇險。HSI 逼近 24,650 要忍下手, 甚至用 7500 對沖手上正股。

恆指企到呢個位, 純粹靠 700 同四五隻中資成份股, 否則已經見 22,000。逆向睇, 淨係平番呢幾隻短倉已經可以質低近 3,000 點, 利潤可觀。

當然, 如果假設中央托市, 上述情況未必出現。但靠五六隻妖股可以撐幾耐?

所以, 𥄫住 700 幾隻妖股, 就是背後是龍是蛇。



回覆 引用 TOP

[隱藏]
4:30 pm 23.6.2020 (Tue)

HSI 24,907, 升近 400 點, 但有十一隻成份股沒有升, 甚至跌。這是典型夾淡倉。

HBSC 定 36.05 入 3,200 股, 差一口價未能執行。倉位不變。

早上 V 上短炒跟了一轉, 有食唔食罪大惡極, 但 Day trade 不提也罷。

尾市 Day High, 照計升勢未盡, 明天再上機會高。但要信自己定下的策略, 小注 30,000 股 7500, 定 $6.71, 竟然 15:59:xx 成交。且看是上天關照定害我。

妖股 700 明天如何? 似乎不願讓美團專美。



回覆 引用 TOP

24.6.2020 (Wed) 策略

坐定定欣賞 700 同 HSI 表演破大位。昨日殺到上 24,900 都留 25,000 一條生路, 轉死性想定引人加注造淡?

HSI 自從引入幾隻大型妖股之後已經變成殺 derivatives 工具。遲多幾個月染藍美團、阿里、京東等老千股真係任佢開, 最後爆到石破天驚, 害死靠 MPF 養老嘅打工仔。

HSBC 要七月先有機會低吸, 暫時可以不理。

之前估計今個星期有升幅無突破, 24,650 見頂, 七月反手。所以 HSI 企穩 24,900 收市幾意外, 可能部份芬佬想頂多兩日等分紅。

反正去到 24,900, 我係投行就夾多二百先收手, 25,000 以上半年結好睇又好食。手上多十幾億貨唔多, 反手又可以做子彈, 係咪?

初步睇七月 23,500 有支持, 其實下行水位唔多, 就算以 $6.5 買 7500 最多 $7.5 要食糊, 無乜肉食。何不買期、權或熊? 玩呢 D, 一隻 700 已經可以輕易 ko 你。

六月最後幾個交易日做多錯多, 進入七月做淡安全好多。

今日策略, 食花生。話雖如此, 如見大陰蠋可以搭下順風車, 但要做好風險管理。



回覆 引用 TOP

4:30 pm 24.6.2020 (Wed)

HSI 24,781, 跌 127 點。全日高位 25,071, 一突破即回落, 之後全日窄幅上落。收市前插一插, Day low 收, 但聽日紅假, 走勢無乜啓示。維持六月未必太淡, 七月不會太好的看法。

全日食花生

HSBC : $37, 16,400 股
7500: $6.76, 30,000 股

看來調整快出現了。



回覆 引用 TOP

25.6.2020 (Wed) 假期

美股收 25,446, 跌 710 點。有人歡喜有人愁。今朝亞洲市跟跌, 多少係因為所謂「美期」無反彈。

依家股市變賭市, 舖舖清。中長線 no one cares。所以市場極度情緒化, 投行好容易利用情緖兩邊殺。所以短炒用 7200/7500 相對安全, 當然投放多先有肉食。

六月人人都見有人力頂, 頂得好肉酸添, 做咁多嘢最後先放軟手腳講唔通。24.6.2020 走勢同 23.6.2020 極似, 但力度差好遠, 即係好友仍佔上風。

26.6.2020 策略, 除非外圍今晚繼續尋底, 否則港股走勢依然反覆向上 ~ 多一兩日。喜歡日日參與嘅寧好勿淡, 忍多兩三日見「大」陰蠋出現先跟贏面大。

HSBC : 目標 $36.05 入
7500: 唔放住



回覆 引用 TOP

多謝


回覆 引用 TOP

[隱藏]
27.6.2020 (Fri)

首先多謝「直」兄, 我手上好多正股, 如果插到 21,000 我會死, 上上落落最好。

Dow 六月走勢其實好差, 不過政府成日干預, 大跌完又少漲, 令人以為係上落市。都係個句, 依家個個玩即日鮮, 中線走勢無人理。

港股仲衰, 依家越嚟越多中資股, 50 隻入面有十隻我唔識, 十隻唔敢沾手, 十隻政治不正確。權重問題之下, 舞住四五隻已經可以控制指數, 升跌任佢開。你見每日走勢都係: 先殺一邊; 橫行比大家再參與; 之後再殺, 再重覆。玩牛熊輸面九成, 7200/7500 相對公平。

即市策略不變: 少做少錯, 手痕寧好莫淡。



回覆 引用 TOP

提示:支持鍵盤翻頁左 右
[按此隱藏 Google 建議的相符內容]