• 瀏覽: 27,058
  • 回覆: 10
  • 追帖: 4
[隱藏]
香港樓市:奇皅、獨特,不能按常理評估

表面嘢係人都識睇,但點解社會狀況咁多嘢湧出嚟,樓市最多都係跌5-10%,重要3月開始慢慢升返?

理性分析,大家唔好淨係諗受影響一群,倒返轉頭諗下,依家重入市ga人係乜嘢行業:公務員,教育界,醫護界,律師,專業人士,依啲行業全不受影響 (隨時搵得重多)

另外重有一班做生意又識理財ga人,人地對上賺ga 20年錢,食一世都食唔完,重有一班早已喺房屋市場賺飽晒ga人以及真正「有錢人」捧場

細價樓未來價格,我自己好有信心,近來易手盤 / 新盤入票ga熱烈反應,反應咗有質素ga盤真係不愁易手,相反1000萬以上樓盤,就真係無咁暢旺,甚至出現蝕讓情況

有人話怕升幅唔大,其實唔同地區/位置/樓齡/配套 ga房屋升幅,一直各有不同,「平買平賣 ,貴買貴賣」規條一直存在喺市場

至於話會越嚟越平,甚至冧價ga情況,暫時我睇唔到細價樓有乜實質嘢反映出嚟,試問一下,你係依期入市ga業主,你600萬買間屋,3年後有人拍門開價:「經濟唔好,500喇」,你會蝕俾佢嗎?

留意返中港兩地樓市,都出現「逆市上揚」ga情況,反應出中國人房屋意識強橫,比人保值ga信心,移民潮根本唔係問題,因為中國人社會,樓市就是奇巴

樓市一直係跟隨通漲,依家更出現「逆市上升情況」,樓價升到800萬入門,只係時間問題,回頭望一望,當年大西北新盤開價1萬蚊呎,何常唔係比人話貴?道理根本係一樣

最後,睇淡無問題,歡迎任何人理性討論🤝



熱賣及精選
引用:
原帖由 ESMP!! 於 2020-5-29 02:41 PM 發表


理性討論:

$600萬樓9按25年月入要$55923
但去到$800萬樓9按分25年月入就要$74564
(以上我只用2%年利率計)

我知QE確係有利於磚頭!
但都必需要有本土經濟去帶動。。
上車盤如果要$74564月入先做得到?
即係兩個人合力每人都必需要搵$37282先得!
比今日兩個人合力每人$27961顯得較困難。。

我唔係話上車盤如果去到$800萬會冇人上到車?
但睇返入息去推算 ...
多謝討論
師兄帶出咗一個問題,就係承接能力

依樣野,真係好視乎你從乜角度,乜角色去睇

一般貧窮階層(如有得失請見諒諒),確係越來越入門檻,幾年前450萬上車話貴,依家情況係重貴,樓市超越一般人薪酬負擔,係事實,甚至有部份年輕人,心底已打咗輸數:我一世都無能力上車 (亦係事實)

但另一邊廂,富者越富亦係事實,物業係一代傳一代

以閣下為例,閣下係多個物業業主,又有穩定收入,若然你有下一代,你ga財產亦會由你下一代繼承,已贏在起跑線,此情況基本上發生喺每一個有物業ga家庭,就算我地下一代喺我地百年歸老夠鐘之時,我相信佢地一般情況都唔會賤賣祖業

但我承認,他日承接能力可能會減低,因為我唔睇好依個果班新一代,但長遠嚟講,我依然睇好,至少現時我見政府,依然偏向保護物業財產居多



引用:
原帖由 wuusolo 於 2020-5-29 03:56 PM 發表

一篇唔理性的分析, 叫人理性討論


咁你有乜睇法?講出嚟討論下



回覆 引用 TOP

引用:
原帖由 wuusolo 於 2020-5-29 03:59 PM 發表

講到所有人冇受影響


醫護界,律師,專業人士
不受影響? 


倒返轉頭諗下,依家重入市ga人係乜嘢行業:公務員,教育界,醫護界,律師 ...
請問我邊一句,邊一個字眼意思係:所有人無受影響???



回覆 引用 TOP

[隱藏]
引用:
原帖由 wuusolo 於 2020-5-29 05:34 PM 發表


醫護界, 得公立正常 名醫手術延期 其他診所少人去, DENTIST 無開2個月, 手術延期, 醫療中心直情收皮.整容醫學又係.

法律.......開工?? ...
多謝意見,但實情係我識ga醫生及專業人士依然好掂

所以正反兩方,好視乎你係乜階層人士去睇



引用:
原帖由 VTCIVE 於 2020-5-29 05:50 PM 發表



請問你識嗰啲律師,你識嗰啲律師,一搬平均月薪有幾多?
8雞以上



引用:
原帖由 江湖仙俠 於 2020-5-29 05:52 PM 發表


淡淡留言我真係笑到肚痛, 師吧認真回覆值得嘉許.
我都認真覆下啦, 其實呢, 淡淡呀, 你地圈子真係太細,放眼世界啦, 呢個真係會影響左你地買樓決定
我都希望學下嘢麻



回覆 引用 TOP

引用:
原帖由 hihi198956 於 2020-5-29 09:06 PM 發表



依家只得1手盤批,銀行會唔會批2手大銀碼按揭?唔係點解d成交去哂1手,2手死寂?
2手盤都可做9成按揭,但樓齡有影響做唔做到30年

相反1手樓付款方法唔止1種,但以我所知,較抵ga付款plan, 並非唔係做9成



引用:
原帖由 kslui2000 於 2020-5-29 11:02 PM 發表



用月薪推算負擔能力已過時,靠父幹或靠上一代所累積資產多少,才是現時的靠買力所在。只要有人幫你比首期,搵兩三萬一個月也可供到800萬的樓。
另國內有錢人的購買力也是港樓的支持。
即貧窮之距離只會愈來愈大。 ...
確係有咁情況
老一輩手頭有物業,亦有筆錢
幫下一代出首期,下一代去供,再唔掂重有家人支持

其實作為父母,到老時都係希望留最多最好比下一代



回覆 引用 TOP

[隱藏]
引用:
原帖由 紫微斗數白熊王 於 2020-5-29 11:08 PM 發表

https://youtu.be/eCzqcoqVTnQ

經濟唔好喎⋯⋯
依件旦散?咪比我睇死佢,最終咪又係死死地氣留喺香港,有骨氣就走喇



引用:
原帖由 前來粗俗的西瓜 於 2020-5-30 10:07 AM 發表

我個人認為失業率始終好影響樓事,過去數個月係累積而形成今次既升市。當然發展商唔會錯過今去貨既時機,而且發展商近半年來已經拖慢左發展進度。對未來市況不易言看好。但礙於香港資金氾濫,下跌空間都有限。個人認為2020同2021二年只有15至20%跌幅。

利申:有物業。 ...
多謝意見

師兄提出ga失業率問題,其實好多人都會話「依家經濟問題未完全反映晒」,但留意一點,依句說話我喺上年年尾左右已經聽到

社會穩定咗,成交量及價即時上升,易手市場有始至終唔肯平賣ga盤,亦反價已更高價錢售出

我個人認為,買賣拉鋸中,「心態」決定一切,喺依段日子,我個人感覺到大部份業主心態好強,依期入市依班,我相信佢地心態亦都係進取一群,易手都唔會同你手軟

失業率ga影響,其實最大損害係租金,依家放租確實係難咗,如果失業率高企,我覺得喺「業主」階層出現「去弱留強」ga情況,頂唔順ga就離場,換入ga係更有實力ga持貨人,換血後ga市場,只會更穩更硬

[ 本帖最後由 匯聚良友 於 2020-5-30 11:39 AM 編輯 ]



[按此隱藏 Google 建議的相符內容]