話多唔多 話少唔少
如果拎住一百萬選擇上車 (當自住計), 就要預左長期進"供", 期間仲要keep住有份穩定收入的工作, 同埋供樓期間既利息都要維持超低水平, 所以話多唔多, 小弟認為起碼累積到二百萬以上再考慮上唔上車就會比較好d
如果拎住一百萬入市買股票, 彈性就大好多, 起碼幾時買, 買幾多, 自己可以睇餸食飯, 有信心就出擊, 冇信心就唔好勉強買, 最多做住觀眾先, 小弟認為就算信心幾強都好, 都要保持某個百分比的現金, 以備不時之需 (例如: 撈底, 溝貨之類) 至於點操作呢一百萬就真係俾唔到任何意見, 因為小弟自己既成績都麻麻地, 根據你個計劃 (三成收息股, 三成熱炒慨念如5G, 新經濟等, 三成內房, 一成短炒或做槓桿式成份), 如果小弟係你, 點都會從中預留最少一成至一成半作後備之用 (例如: 五成收息股+內房, 三成或兩成半熱炒慨念如5G, 新經濟等, 一成短炒或做槓桿式成份)
