• 瀏覽: 16,591
  • 回覆: 158
  • 追帖: 42
[隱藏]
係呢度國內地產區有啲年資嘅朋友,可能都會有留意小弟有投資大陸樓,得閒係呢度講吓國內房產投資啲嘢,今日出post,因為其中一層大陸樓,係深圳皇崗啱啱賣咗,套現咗,錢都袋袋平安,呢幾年嘅經歷分享下,係而家龍蛇混雜嘅年代,希望大家有所得著。

首先利申,我仲有樓係大陸,本業同地產完全無關,下文有部分數據會略為修飾以防自爆,我都唔會講太多有機會自爆嘅資訊,請多多見諒,細水長流低調啲好。

1. 層樓早幾年RMB 20k+ 一坪入,70k+走,七成按揭,出租冇斷過,放盤四個月成交,成交後兩個月錢已袋,准備調動返嚟香港再闢戰線。

2. 基本上係果個年代香港人入深圳貨,個個都賺錢,問題係賺幾多,以我了解,20k+入貨,大部份香港人係40-50k 走左,皇崗香港人業主10%都吾唔知有冇。

3. 投資就係投資,投資係講回報,套現能力,一線城市就係一線城市。二三四線城市high risk high return,套唔套到現先?

4. 大陸投資物業,唔做按揭,full皮買,咁就冇咗投資物業最大嘅優勢係槓桿。賺大錢唔係靠樓價升左幾多,係槓桿幾大。

5. 大陸樓加按唔流行,比較難利用到樓宇升幅嘅部份financing。呢個都係我套現嘅其中一個原因。

6. AA靠唔住,但係好好利用AA會解決好多嘢,點做?利之所在也,錢係賺唔晒嘅。靚價快成交,打賞有乜所謂。你好我好。

7. 如果用係香港簽合約簽文件嘅概念,係大陸真係嚇鬼死你,好多文件其實簽有風險唔簽就成交麻煩,要靠相熟AA幫一幫把關,一線都咁樣二三四線仲牙煙。

8. 係國内只有第一層按揭可以做七成,用咗就算還咗以後都冇,以後最多借五成,所以我不嬲都建議人第一層要投資一線城市,銀碼大啲著數啲。

待續。。。



熱賣及精選
thx for sharing


回覆 引用 TOP

想問下套現係覺得深圳樓升值空間太少?
同埋大額轉錢番大陸,比較安全係咪得銀行同找換店?
謝謝



留名


回覆 引用 TOP

[隱藏]
引用:
原帖由 SayingLoveU 於 2019-12-4 02:40 PM 發表

想問下套現係覺得深圳樓升值空間太少?
同埋大額轉錢番大陸,比較安全係咪得銀行同找換店?
謝謝
第二個城市唔知,深圳賣樓可以正規經銀行匯返嚟香港。

見得找換店匯返嚟香港就唔係正規,不過好多人咁做,安唔安全見人見智。



走得快好世界


引用:
原帖由 SayingLoveU 於 2019-12-4 02:40 PM 發表

想問下套現係覺得深圳樓升值空間太少?
同埋大額轉錢番大陸,比較安全係咪得銀行同找換店?
謝謝
套現返香港唔係睇淡深圳,內文講過,難做加按係一個理由,個人係投資策略同分散投資角度都有考慮,我傾向keep好子彈係第一二季再睇,我香港海外大陸都有樓,調動下唔代表睇好睇淡邊個市。



回覆 引用 TOP

引用:
原帖由 大贏家炒樓 於 2019-12-4 03:19 PM 發表

走得快好世界
師兄大把貨咪笑我啦



引用:
原帖由 hotwheels-asia 於 2019-12-4 03:21 PM 發表




師兄大把貨咪笑我啦
總之走⋯⋯⋯

怕左d政治極左化國家

[ 本帖最後由 大贏家炒樓 於 2019-12-4 03:27 PM 編輯 ]



[隱藏]
恭喜樓主成功套現。
除了第3,8點有誤外,其他訊息不錯

[ 本帖最後由 半夜灰駱駝 於 2019-12-4 03:58 PM 編輯 ]



回覆 引用 TOP

請問楼主6.点样利用AA能够解决問题,例如?  7.好多文件簽有風險唔簽就成交麻烦?請指教


請問ching大陸按揭用香港入息做唔做到?搵咩銀行好?


師兄准备掃港樓?


cheng
有无售樓証據俾网友睇下?


[隱藏]
引用:
原帖由 Brian668 於 2019-12-4 04:10 PM 發表

有无售樓証據俾网友睇下?
賣樓都要證據?
樓主私隱野來的哦!

你買賣開大陸樓野便相信樓主的啦,不信的話,給埋證據給網民睇都可以話是假野。



提示:支持鍵盤翻頁左 右
[按此隱藏 Google 建議的相符內容]