• 瀏覽: 9,247
  • 回覆: 101
  • 追帖: 9
[隱藏]
有鄰居嗎?


熱賣及精選
好似冇鄰居
我都講下我睇樓買樓的情況。係8月的事,跟內地agent,由香港出發坐車去中山。
第一個盤睇佳兆業大都滙,複式均價16500一方,其實都幾鍾意,不過係公寓,當然睇埋住宅才決定。(買咗方直香山墅之後,agent話大都滙有3000幾個單位,未必咁好租,因為需求未必足夠。)
第二個盤係海雅繽紛城,公寓,平層均價13000一方。個人感覺比較偏,附近比較落後,賣點係大型商場綜合發展,高鐵站上蓋。我join嗰個團有人祖藉佛山而考慮呢度,因為近佛山。

[ 本帖最後由 glenlkl 於 2019-11-24 12:03 PM 編輯 ]



回覆 引用 TOP

第三個盤係新鴻基奕翠園。價錢超出我的預算。

第四個盤係火炬區美的悅府,住宅,均價15500-16000一方(後來好似減咗價)。主 sell 智慧家電,近碼頭。
其實我太太一開始最喜歡這個盤,因為發展商sales話可以行到碼頭,5-7分鐘。但因為銷售中心的廁所係痞厠,洗手盆水龍頭的水量很少,所以扣左分。後來查地圖,才發覺5-7分鐘到碼頭是車程,行路應該要25-30分鐘。(我太太怕坐長途車,我地搭船往返香港同中山,加上我們不揸車,所以如果個盤可以行路到碼頭,對我們來說是大大加分。)



之後睇火炬區的方直香山墅,住宅,有複式同平層,我們睇平層,均價14500。我們幸運地買了一個中層特價單位。(方直拿地成本是13500一方,我買的單位均價相若,感覺好扺。)賣點係近深中通道第一個出口,距離500米。30分鐘車程的深圳南山,樓價70,000一方,講緊係5倍差距。規劃中的中山地鐵2號線會在附近設站,步程也在10分鐘左右(注意:未落實!未落實!未落實!)園林做得不錯,因為方直本身是做園林起家的。
當時決定買,也是受了現場氣氛的影響,因為場面非常熱鬧,而且不斷有成交。
樓盤地點略偏,現時附近配套不足,但方直香山墅對面有個大型樓盤(錢隆華府)幾千個單位將入伙,相信配套未來會改善。(agent話錢隆華府均價17000,但小區質素不如方直,這加強了我們的信心。後來我check返,17000應是2018年開盤的價錢,現在已減到15000-16000。)

最後一個盤係港口鎮中海世紀薈,住宅均價18500一方。坐車去的時候見到附近好多好多好多新樓盤起緊,agent的評價是港口鎮人少樓多。而且我感覺頗貴,不值呢個價。

[ 本帖最後由 glenlkl 於 2019-11-24 12:07 PM 編輯 ]



回覆 引用 TOP

[隱藏]
我仲去咗珠海睇其他樓盤,包括華發峰尚,世榮翠湖苑,廣銀大都會,時代天韵,金地格林泊樂等,有機會再分享。


帶我去睇公寓既AA我會blacklist佢


回覆 引用 TOP

引用:
原帖由 glenlkl 於 2019-11-24 12:02 PM 發表

之後睇火炬區的方直香山墅,住宅,有複式同平層,我們睇平層,均價14500。我們幸運地買了一個中層特價單位。(方直拿地成本是13500一方,我買的單位均價相若,感覺好扺。)賣點係近深中通道第一個出口,距離500米。30分鐘車程的深圳南山,樓價70,000一方,講緊係5倍差距。規劃中的中山地鐵2號線會在附近設站,步程也在10分鐘左右(注意:未落實!未落實!未落實!)園林做得不錯,因為方直本身是做園林起 ...
平層總價幾多



回覆 引用 TOP

引用:
原帖由 lunasuda 於 2019-11-24 01:49 PM 發表


平層總價幾多
平層面積 90方,100方,137方。我買137方,18x萬人仔。當日100方剩返地下同頂樓,冇要到,大約150萬人仔。



剛收到一位師姐的私信,係鄰居,不過我未夠分回復唔到,喺度同你say 個hi


回覆 引用 TOP

[隱藏]
引用:
原帖由 glenlkl 於 2019-11-24 11:35 AM 發表

第三個盤係新鴻基奕翠園。價錢超出我的預算。

第四個盤係火炬區美的悅府,住宅,均價15500-16000一方(後來好似減咗價)。主 sell 智慧家電,近碼頭。
其實我太太一開始最喜歡這個盤,因為發展商sales話可以行到碼頭,5-7分鐘。但因為銷售中心的廁所係痞厠,洗手盆水龍頭的水量很少,所以扣左分。後來查地圖,才發覺5-7分鐘到碼頭是車程,行路應該要25-30分鐘。(我太太怕坐長途車,我地搭船 ...
但你知唔知碼頭會搬?



回覆 引用 TOP

引用:
原帖由 todayhomenet 於 2019-11-24 05:42 PM 發表




但你知唔知碼頭會搬?
我事前做功課不足,去中山之前唔知。當我們睇緊美的悅府的時候個agent都冇講碼頭會搬,到睇方直的時候才講,話碼頭搬走後,方直更近新碼頭。



小弟也在考慮去大灣區買樓. 師兄可吾可以講下點解會㨂中山?


引用:
原帖由 scott999 於 2019-11-24 07:28 PM 發表

小弟也在考慮去大灣區買樓. 師兄可吾可以講下點解會㨂中山?
有國家級深中通道,一定有發展。

[ 本帖最後由 todayhomenet 於 2019-11-24 07:59 PM 編輯 ]



回覆 引用 TOP

引用:
原帖由 scott999 於 2019-11-24 07:28 PM 發表

小弟也在考慮去大灣區買樓. 師兄可吾可以講下點解會㨂中山?
其實我哋喺中山買樓主要考慮兩樣嘢,第一係投資潛力,第二係宜居,將來打算退休自住。
投資潛力方面,有大灣區發展的國策,加上深中通道即將落成,中山應該有發展潛力。而家中山嘅樓價只是深圳嘅五分之一,深中通道落成後,兩地行車只需30分鐘,我認為兩地樓價差距會收窄。我買火炬開發區,就係因為火炬係深中通道第一個出口的地方。
點解我唔買珠海呢?因為香州嗰邊嘅樓價已經等於深圳嘅一半,橫琴再高過香州。考慮到深圳遠比珠海優勝嘅經濟發展同地位,我唔覺得珠海可以再升。如果買斗門的話,幾偏僻落後,價錢卻接近中山城區,咁我就寧願買中山。
宜居方面,我覺得中山同珠海兩個地方都好舒服,空氣好,美食多,我都好鍾意。但珠海樓價較高,我哋買樓的話只能買較細的單位。老實講,如果要返大陸住,我哋就唔想好似香港住得咁細咁迫,所以我哋選擇中山。



[隱藏]
引用:
原帖由 glenlkl 於 2019-11-24 10:02 PM 發表


其實我哋喺中山買樓主要考慮兩樣嘢,第一係投資潛力,第二係宜居,將來打算退休自住。
投資潛力方面,有大灣區發展的國策,加上深中通道即將落成,中山應該有發展潛力。而家中山嘅樓價只是深圳嘅五分之一,深中通道落成後,兩地行車只需30分鐘,我認為兩地樓價差距會收窄。我買火炬開發區,就係因為火炬係深中通道第一個出口的地方。
點解我唔買珠海呢?因為香州嗰邊嘅樓價已經等於深圳嘅一半,橫琴再高過香州。考慮到深圳遠 ...
Give me five. 我同你諗法一樣😂



回覆 引用 TOP

提示:支持鍵盤翻頁左 右
[按此隱藏 Google 建議的相符內容]