村屋上車分享2

因為業主個人原因,要求長成交期。
苦苦等左三個月,我間村屋終成交。
多謝大家上一個post與我的交流。

在此祝福大家盡快上到車。

今次我有以下分享:

1. 村屋是可以做到85%按揭的,我已經做到83.xx%了。(扣埋1.9%回贈)前題是齊契,有路權等等。(可參看上一個post及爬文)有兩間銀行offer:爺及建。

2. 村屋是可以做到30年按揭:建提供的。爺就批25年。 當然是按照人齡或樓齡計算。我的是新樓,而且我三十出頭。我最後選左建。

3. 律師費及雜費要三萬幾。當中律師費二萬左右,圖則雜費萬多。因為業主未分契,未整圖,要求新業主平均三份比錢。而且業主指定律師,即是我局住比錢。做到就算啦,唔計得咁多。而且AA都話這律師樓是熟村屋買賣。

4. 村屋是有二百尺的。仍然有人話:村屋冇咁細,或不是700尺嗎?我的就是200尺,測量師計出內部(不計牆)為190尺。露台近40尺。天台近190尺。樓梯20尺左右。即全部計埋420尺(或減樓梯380尺)兩個人都夠住啦。

5. 首期+雜費+佣金=總支出50萬有找。如果預埋裝修就60萬左右。我好想講比大家知,買樓是有可能的。只要你願意睇送食飯。

6. 分享我對一個朋友的觀察:他們結婚後租村屋,400尺左右,每月大約一萬租金,租左兩年半左右。即租金大約30萬。其實已經是我半個首期。非正式計算,其實當年他們如果願意遲一年左右結婚,及先處理買樓的事。之後才按能力處理結婚的其他支出。(他們去了瑞士雪山影結婚相,係令人羨慕的)只要忍一忍,好好安排。足夠買到一間較細的村屋,供的錢是自己的。而且當年樓價仲平好多,現在樓價更升值了。現在他們要為找租盤而煩惱呢。所以我建議大家,因爲結婚而置業的人,如果沒父幹,真的要睇送食飯。而且先處理最貴,最重要的事情:樓。否則,影結婚相一萬、印喜貼一兩千、婚紗幾千等等,是有能力支付。但會令你支付不起最重要的首期,更為了別人而供樓。長遠是得不償失。

最後,其實我近排仲有留意這類村屋。錦上路、元朗、天水圍都仲有二百萬的盤。其實FB或apps都有。大家只要多留意,真係去睇樓,識AA就會遇到。

當然,前題是過到自己,過到另一半,過到家人,過到朋友。因為二百尺,真的是細的。好多朋友都對我層樓抱有疑問。我都答唔到令佢地滿意的答案,那又何妨?我最終是成為了業主就夠了。

多謝大家。祝早日上車。



引用

被引用(5)
恭喜樓主!

我層樓係standard 700呎果種,轉按去爺兩個月,做到30年



恭喜樓主終於攪掂


現在新起村屋好靚下搬傢俬入去就住得!
利申本人住村屋廿幾年



有無相睇


所以話 唔係無平樓
只係d人唔願住村屋 唔願搵
恭喜你 其實村屋真係好好住 😊