[按此打開]
[隱藏]
提示: 作者被禁止或刪除 內容自動屏蔽
各位巴打、絲打，截止8月14號，已經有差唔多50位巴打、絲打將美金現鈔連埋ID 放上連登。
或者加埋嘅錢對大戶嚟講係斗零都冇，或者我哋對聯繫匯率係毫無影響，或者最後解放軍會先過美軍入城。
但係我哋嘅目的係同廣大投資者講，連住係香港嘅香港人都對港紙冇信心啊！
港共政權一次又一次出賣香港人，將金庫嘅錢一車車咁送上大陸，究竟香港嘅金融體系係咪真係有足夠嘅貨幣基礎去捍衛聯繫匯率呢？我對此抱有極大懷疑。
加上連日嚟匯豐高層嘅震盪令到港共同中國大陸之間嘅利益輸送更加撲朔迷離。
呢個唔單止係一場對金融體系嘅信心危機，更加係對政治制度嘅信心危機。香港落後嘅政治制度無法制衡官商鄉黑勾結。回歸後22年裙帶資本主義變本加厲，使到廣大市民不斷被剝削、壓榨；使到商業社會出現壟斷、不公平競爭，不利於經濟發展，長遠下去，香港經濟將會失去市場經濟的自我復修（self correct)功能，陷入萬刧不復嘅長期經濟衰退。
有見及此，我呼籲各大機構投資者審慎評估是否仍然持有港元資產；各位香港市民亦要按自身需要兌換足夠美金，以防萬一香港政府無力捍衛聯繫匯率。
冇人知風暴幾時來臨，但係未雨綢繆總好過亡羊補牢。
