打印

匯豐坐蓮會 31 : 坐蓮成佛

[隱藏]
引用:
原帖由 前來的獅子 於 2019-9-12 10:18 PM 發表


TDR兄好,唔駛咁客氣,有興趣的話當大家交流一下好了。我來討論區之初,早有說過,我股票資金都是從物業而來,記得重投股市己是11、12年之事,由最初的,想在股票處一開二,二開四..........😅,想得美!結果大家都想到,蟹貨一堆😆!至15、16年開始買入5仔,買到去記得好似見9、10釐息(好似係),投資目標已變成是為了追求股息。

實不相瞞,過咗17年我已停了轉按及加按等活動,而轉了去用按股、 ...
1) 客氣是需要的,禮多人不怪。做人基本禮貌,當他人不禮貌時該如何處理對待或回應。那看各人取向及品行。
2)金字塔砌大組合,那是雙刃劍。有人成功,有人失敗。看各人取向、技巧與風險取態及運氣。風險大回報大估算是大家噹噹上口的鐵律,個人不盡同意,傻人如我就是如此。孖展跟身,壓力很大的,請小心注意身體健康及心理平衡。
多講幾句~單一標的物/多標的物砌組合,回報及息率是倍大了,相對風險亦然。只要單一標的物/多標的因唔理咩事,Down value/停牌!放貸人立刻call loan或者代你郁手/知你有野嘅會立刻要求提供抵押品俾信心佢地。放貸人不會代你博的<=這是最大的風險。
記得曾有位年輕人做了一堆當時當抄長升長有股票的即月short put 5-8%價外,total premiun好像2萬幾銀。『應該成功過數次/一段時間了』當時小弟同佢計吓,入價2幾千萬野,你有能力接晒?回應是無的,諗住贏開繼續博,接貨就俾息蝕差價。當時小弟亦太多口了~虛構俾佢聽,如入價後停牌!你點走貨?
3)最近小弟收到一些持牌金融機構提供用按股買野的優惠,幾好的~按股買野唔駛俾手續費,不用不計,送呢樣送果樣,息口從優。個人無膽,驚死無用~最主要係懶簽名所以…行人止步。

一家人最緊要是健康開心,背後支持是穩健的財政。風險野無咩必要就唔好沾手啦,太進取並不是好事。

井底蛙意見,如令你賺小咗有怪莫怪,敬請海量包涵。


*補充15-16年,5仔有9-10%股息?翻查過去數年5仔派息實數計算
2014年 USD0.1, USD0.1, USD0.1, USD0.19 (4th div time-2013),
於2015年 第四次股息加至USD0.20(2014年度), 於2016年第四次股息加至USD0.21(2015年度)保持至現在,按USD0.51(0.1+0.1+0.1+0.21)*7.85 聯匯上限*10=HK$40.035 2016年6月,5仔最低價HK$44.50
按個人可查的紀錄,近5年5仔從未以USDHK$7.85匯率派息,相反USDHK$7.75之下就存在~7.74972/77『2015年度第1及第2次股息』。
2014-2017年派息多在USDHK$7.74972-7.8136之間進行。

[ 本帖最後由 TDR 於 2019-9-12 11:23 PM 編輯 ]



大夢誰先覺,平生我自知;博彩緣偶遇,傳世不適宜
博彩無必勝,輕注好怡情;閑錢來玩耍,保持娛樂性

搏彩娛樂, 樂而不迷, 休閒耍樂, 樂在其中.
必需次序要識分,孤注一擲要諗真
熱賣及精選
引用:
原帖由 TDR 於 2019-9-12 11:01 PM 發表



1) 客氣是需要的,禮多人不怪。做人基本禮貌,當他人不禮貌時該如何處理對待或回應。那看各人取向及品行。
2)金字塔砌大組合,那是雙刃劍。有人成功,有人失敗。看各人取向、技巧與風險取態及運氣。風險大回報大估算是大家噹噹上口的鐵律,個人不盡同意,傻人如我就是如此。孖展跟身,壓力很大的,請小心注意身體健康及心理平衡。
多講幾句~單一標的物/多標的物砌組合,回報及息率是倍大了,相對風險亦然。只 ...
師兄說得好!TDR兄,我完全明白您講的,當股價下行,按股額度收縮時的風險,就如泡沫爆破,槓桿是可以去得很快的,個棚搭上去慢,散落嚟快,這是要親歷其境後才能有的經驗,多謝提醒!

我都希望強調一下給其他看官們知道,按股借貸投資或進行孖展活動,都是存有一定風險,真要量力而為。

而我承認這或與性格有些關係,自問在投資上是較"搏"的,97前物業一開二,二開三,計好哂數點都供得掂,但不幸,遇上後來的金融風暴及沙士,收唔到租都算,短期已計算埋,但當時連政府都傳出減薪凍薪,又有殺校聲傳出,連自己認為是鉄飯碗的,都有機不保,仔細老婆嫩,那時就的確是苦日子,壓力大,當時,要靠循環貸款供樓,利息幾多都唔記得了,好似係P+3、4咁上下,好在,都捱了過去。亦或許因為咁,對各種貸款都變得了解,與友人談到貸款,多十分在意付出的息,我反而著眼佢幫到我幾多,上月尾申請貸款,是因為感覺大市見底,睇好第四季,遲下稅貸較低息都唔等了,用3.09%借入嘅錢即時放入股市,我買入股票後又產生另一筆息口2.375%之額度,平均使用之即是2.7325%利息。另一方面,説真的,我硏究過, 我是不會做孖展的,與按股循環貸款兩者在操作上有很大分別的,按股在資金使用上靈活好多,舉例,孖展補唔切倉會被斬倉,乜都冇哂,按股就會先當您係出現額度外貸款,多付利息就是(當然最後佢係可以郁您扺押品),另外,我不會衍生工具,只持實股,保守但又安全一點。

很多謝師兄的分享及提點,萍水相逢,是我的緣份吧!5仔有冇見過9釐10釐咁高息,我都唔係好肯定,印象有點模糊了,或者較難相信,我對數字並不敏感,不用Excel記錄,好多價位我都記不清楚😅。

另外見師兄提及壓力及關心健康問題,我覺得適當運動及能適時抽離一下股場是好的,6、7月我減倉清哂貸款,自己拆咗個棚,只持實股,舒舒服服去行下,8月至今,都主要是買入,錢係賺唔哂的呢!這方面,我好多時係識話人唔識話自己。😊

[ 本帖最後由 前來的獅子 於 2019-9-13 09:28 AM 編輯 ]



祝大家中秋節快樂,5仔加油!



引用:
原帖由 me2014 於 2019-9-13 09:22 AM 發表

祝大家中秋節快樂,5仔加油!
Me me 早!中秋月快上,眾人快樂!😊



[隱藏]
思老闆消失左?
冇錢上網?
定係15日行正拘留?

[ 本帖最後由 呢蒙尼 於 2019-9-13 11:33 AM 編輯 ]



引用:
原帖由 呢蒙尼 於 2019-9-13 11:27 AM 發表

思老闆消失左?
冇錢上網?
定係15日行正拘留?
未走大象好走啦!死貓反彈完左啦!熊三剛開始



提示: 違規內容已被屏蔽
引用:
原帖由 前來的獅子 於 2019-9-13 09:45 發表


Me me 早!中秋月快上,眾人快樂!😊
大家節日快上



回覆 引用 TOP

合伙人咁快比人屏蔽?


回覆 引用 TOP

[隱藏]
引用:
原帖由 時代革命指揮官 於 2019-9-13 11:35 AM 發表


未走大象好走啦!死貓反彈完左啦!熊三剛開始
驚驚呀...



回覆 引用 TOP

大家中秋節快樂


回覆 引用 TOP

祝各獅友中秋節事事順景,五仔快上100蚊


回覆 引用 TOP

5仔近排強勢


回覆 引用 TOP

無乜交投下竟升
60.700        +0.450        +0.747%



[隱藏]
引用:
原帖由 前來的獅子 於 2019-9-13 12:25 AM 發表


師兄說得好!TDR兄,我完全明白您講的,當股價下行,按股額度收縮時的風險,就如泡沫爆破,槓桿是可以去得很快的,個棚搭上去慢,散落嚟快,這是要親歷其境後才能有的經驗,多謝提醒!

我都希望強調一下給其他看官們知道,按股借貸投資或進行孖展活動,都是存有一定風險,真要量力而為。

而我承認這或與性格有些關係,自問在投資上是較"搏"的,97前物業一開二,二開三,計好哂數點都供得掂,但 ...
邊間按股有2.375%?
恒生asset link?

[ 本帖最後由 呢蒙尼 於 2019-9-13 04:54 PM 編輯 ]



 提示:支持鍵盤翻頁 ←左 右→
[按此隱藏 Google 建議的相符內容]






重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Rights Reserved.
版權所有,不得轉載。