打印

[其他] AA要求我開票先同業主傾

[隱藏]
一d一d
有d就怕你白撞
如果你還500萬
業主接受又怕你繼續還價
加上如果你只係想試水溫
AA同業主都唔會想理你
所以部分都會要你開票,AA同業主傾,傾唔掂就俾返張票你



熱賣及精選
引用:
原帖由 逆浪行 於 2019-6-19 11:15 PM 發表

本人無買樓exp, 第一次去睇樓
AA帶我睇完單位後問我最多出到幾錢
咁我就講左我心目中既價位
之後佢叫我簽份"議價協議書"同開張10萬蚊既支票
以示我既誠意同方便佢既同業主傾價
結果我無簽到就走左
請問通常叫AA講價都要簽尼份野?
同都需要開支票?
支票抬頭寫邊個?當唔當係細訂?會唔會拎完張票就消失左?
好似好無保障咁 ...
如果票係開業主名/律師樓名, 冇問題
如果係唔寫抬頭, 呃人多, 唔好理佢.
開票簽好晒買賣合約, 業主見唔到價但差唔得遠
好多時都會賣



回覆 引用 TOP

合理哦


回覆 引用 TOP

引用:
原帖由 雷遁雷鳥 於 2019-6-20 12:18 PM 發表


唔太明你意思?
咁最後落細訂,梗係俾票喇。

樓主講緊,開票同業主傾喎,我身邊同事朋友都唔需要開票先同業主傾,都係傾好價先開票(近幾個月既事) ...
俾市價就傾好先慢慢唔遲
唔到價/鋤價, 冇票就唔使諗
以我唔多嘅經驗, 落票先有機會買得平...



[隱藏]
引用:
原帖由 hk_fletcher 於 2019-6-20 12:03 PM 發表

要傾減價既就一定要俾票。
冇票又問人減價既,即係白撞,傾都費事傾。
唔係喎!之前睇樓,美x條八婆話要,開張票寫佢名,我地即走。之後去C永青果間,個AA去同業主講價都冇同我講e樣野,最後成交左。



Ching, 開張票, 銀行個支票戶口可以唔洗有錢住, 傾好價錢先轉錢入去咪得囉
支票都係道具黎姐



回覆 引用 TOP

開票講誠意係真,提高說服力,有時啲業主未到價但都會因見票而心動。樓唔係流動資產,除非自己個單位本身也好多人鍾意又易搵到啱價嘅客要,否則如果有人現兜兜話想睇吓你單位,同唔肯比票而睇你單位,你覺得邊樣推動力大啲?尤其是個單位已經有租客住緊,更加唔想啲白撞嘅睇樓團去睇。呢個時候張票嘅作用就大好多。話agent厄票嘅人唔該現實啲!你估做戲咩?騙案可以報警處理架嘛!你唔過數住又得啫!


回覆 引用 TOP

分享我的經驗。
買樓賣樓我都試過。
首先從賣樓角度:
我開價肯定預空間比人講價,但問題我唔確認aa講有買家是不是真的有買家,定還是他只是想chok我底牌。故此,我一律唔回覆我低價,只會跟佢哋説有票先再講價。


買樓角度,將心比己,賣方一樣唔知道我是不是運吉。所以我一般如果決定買,但想還價,都會直接開我希望都價格的細定(一般是3%)。一般aa見到我開票,都特別用心幫我壓業主價。


至於張票,宜家一般都stakehold處理,故此應該寫律師樓名字。如果唔知道律師樓名字,就寫”         律師“  (前面漏空位置,後面寫”律師“2個字)。


至於會不會擔心aa拿住張票?擔心什麼?難道佢可以兌現嗎?



我以前賣,無票唔傾


回覆 引用 TOP

[隱藏]
引用:
原帖由 逆浪行 於 2019-6-19 11:15 PM 發表

本人無買樓exp, 第一次去睇樓
AA帶我睇完單位後問我最多出到幾錢
咁我就講左我心目中既價位
之後佢叫我簽份"議價協議書"同開張10萬蚊既支票
以示我既誠意同方便佢既同業主傾價
結果我無簽到就走左
請問通常叫AA講價都要簽尼份野?
同都需要開支票?
支票抬頭寫邊個?當唔當係細訂?會唔會拎完張票就消失左?
好似好無保障咁 ...
我唔知你使唔使做按揭
如果要做,你開票比AA
如果銀行唔幫你做按揭你10萬就凍過水,AA實會話你係落細訂
可以去佢公司投訴呢個AA
做得AA好多只求開單賺佣金
大部分都冇職業操守
從來冇聽過買樓要講誠意



兩個情況,就系要睇下你有幾想要呢層樓,如果系必買不可,還是到價就買,唔得就下一間。

一般做法是AA同雙方口頭講價,會拖拖拉拉,最後雙方同意一個價,就簽約,其間雙方都唔使見面,呢個都系一般做法。

另一情況,可能業主比較高姿態,價錢好硬,咁AA就要客先簽份合約,同比訂金業主睇,價錢當然會比業主要求低,業主見客人實在,可能會簽,又可以比一個價買家等佢諗。

如果要試低價就第二個,在傾價之中,如果業主未簽,買家都可以改變主意唔買,比咗票唔一定要買。



我之前買樓AA淨係問我有無票係身
有就會落力啲傾價
岩價即刻開票落訂
但唔會未傾就開票囉



回覆 引用 TOP

引用:
原帖由 逆浪行 於 2019-6-19 11:15 PM 發表

本人無買樓exp, 第一次去睇樓
AA帶我睇完單位後問我最多出到幾錢
咁我就講左我心目中既價位
之後佢叫我簽份"議價協議書"同開張10萬蚊既支票
以示我既誠意同方便佢既同業主傾價
結果我無簽到就走左
請問通常叫AA講價都要簽尼份野?
同都需要開支票?
支票抬頭寫邊個?當唔當係細訂?會唔會拎完張票就消失左?
好似好無保障咁 ...
唔係架, 你肯咁做, 成既機會大, 如果差少少, 佢會肯用佣金貼, 你可以係票注明係用於某某某單位, 什麼價錢的訂金, 他動用你, 那就刑事了, 地產公司也要上身的。



回覆 引用 TOP

有票容易傾


回覆 引用 TOP

[隱藏]
預先開定支票,其實AA常用嘅策略,係俾賣家知,呢個睇樓客有心買,令到賣家坐定定同AA傾,或者議價。支票枱頭當然寫賣家的名啦,賣家收得你票(可以當細訂,或者樓價嘅5%),即係雙方同意某個價,即最終的成價。

[ 本帖最後由 Joecheng2019 於 2019-6-20 01:25 PM 編輯 ]



 提示:支持鍵盤翻頁 ←左 右→
[按此隱藏 Google 建議的相符內容]






重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Rights Reserved.
版權所有,不得轉載。