打印

僱主 mpf 填錯公司名,僱主唔太願意更正,作為僱員,我可以點?救救打工仔

僱主 mpf 填錯公司名,僱主唔太願意更正,作為僱員,我可以點?救救打工仔 E-mail 此主題給朋友

[隱藏]
假設


僱主有公司 a , b, c,僱員在公司 a 工作,報稅係公司 a
mpf 僱主填錯左公司 b,已經供左幾年錢,大家都冇發覺錯左
而出糧銀行過數係用公司 c 個名 (總之就亂晒大龍)


其實公司 a, b, c 個名差唔多一樣,係分行地區分別


問左積金局,佢叫我問 mpf 公司,而 mpf 公司話要寫返封信取消個 mpf 戶口 b (b公司名),再將退出來既錢入落去 mpf 戶口 a (a公司名),而唔可以直接轉公司名


但因為咁,mpf 公司會當僱主係遲交供款,係...要當遲交...都幾唔人性化...明明係填錯公司名...就係要當人地係遲交供款...要罰附加費,好喇一罰就幾千銀,僱主唔知咩原因總之就唔太願意,或者係呢筆罰款又或者係其他原因,不作猜測


而 mpf 公司開出另一個既方案係由即月起將供款改為公司 a,但以往幾年既記錄還是顯示公司 b,僱員唔太接受呢個方案,因為結果與現實不相符


作為僱員,完全被動,冇得迫僱主係封信簽名,而僱員又冇任何能力更正,最後一步當然就係搵積金局開 file 查,但當然一查就唔洗旨意再係呢間公司做落去,打工仔,又可以點呢...


僱員要更正既主要原因係想記錄保持一致,唔好外人 (例如稅局,房署或任何其他部門) 眼中覺得係兩間公司出糧比自己好似有兩份糧咁,有人覺得低能無聊多舊餘,僱員覺得錯不在佢,想自己既工作記錄完整其實一D都唔過份


想請教各位,僱員可以點做?請比D意見,僱員已盡佢能力問晒所有部門,暫時唯一方法就係開 file 查要求更正再等炒冇埋份工,呢步唔係僱員希望行既,始終想好來好去


其實如果有關部門例如稅局房署查起,發覺公司名錯,僱員口頭解釋,係未完全冇說服力?僱員都覺得係,所以想搵方法解決,可惜僱主覺得只係小問題感覺佢唔太願意解決,至少僱員呢一刻感覺係有僱主既壓力


暫時問左房署意見,大致都唔太作準,每個職員講法唔同,其中一位有提到房署要求既文件係個人能力可以拎倒既文件,如果公司不合作,唔更正,拎唔倒文件就自己寫聲明解釋,但僱員都係擔心即使寫聲明房署唔接受或唔相信既話僱員係冇任何其他文件證明公司在 mpf 申請表當時填錯公司名,又有邊個會諗倒咁都會錯...錯又唔更正...

比D意見呢位打工仔丫...或者如果你地有類似既經驗可以講下分享下,多謝各位

[ 本帖最後由 oisdlkasdhk 於 2019-6-6 11:48 PM 編輯 ]



回覆 引用 TOP

熱賣及精選
搞掂咗未?可以分享番嗎?


回覆 引用 TOP

其實如果有關部門例如稅局房署查起,發覺公司名錯,僱員口頭解釋,係未完全冇說服力?僱員都覺得係,所以想搵方法解決,可惜僱主覺得只係小問題感覺佢唔太願意解決,至少僱員呢一刻感覺係有僱主既壓力


呢度有啲問題,A公司請你,但用錯咗B公司發MPF
咁公司報稅,用 A 還是 B 報 ?



回覆 引用 TOP





重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Rights Reserved.
版權所有,不得轉載。