註冊 登入



近排youtube, FB 上無數KOL日吹夜吹檳城買樓,其實只不過係另一個掘礦機、日本樓騙局。我自己都申請咗MM2H, 今年亦去過檳城考察,基本上除左地方大樓價低之外,其他可謂一無是處:

1. 食
樣樣都係濃味為主,毫無鮮味可言,炒河個汁可以浸滿成碟河粉。基本上可以講,當地華人仍停留6、70年代香港草根水平,食物以飽肚濃味為主,甚麼養生、健康不在考慮。這些食物間唔中食吓係幾好,日日食應該會好快死。

2. 天氣
熱到仆街,帶父母去他們都話如果我搬過來他們不會再來探我。每天要日出前或日落後才出没,一年四季皆如是好難頂。

3. 景點
算把喇!Book咗司機五天,這三日已經無地方去,又熱到無mood, 竟然hea到去酒店食lunch buffet,又去老連咁遠嘅無人outlet打發時間。

4. 天然環境
同香港比,香港有幾十個海灘、海島、行山徑。檳城就只有北部有海灘,條路又窄又塞車,D水質又差。行山更加係無得比,天然環境香港贏九條街!

5. 城市設計
基本係以汽車為主,我地一家住了間近3000呎Airbnb, 2-300米外已經有個超大商場,但完全無行人路。一家在商場食完晚飯返Airbnb竟然要call兩部Grab走。

6. 樓價
這是唯一的好處,但一個地方咁大國家先得3千萬人口,樓價想升真係咁易?香港六、七十年代時南洋已發展得比較成熟,點知四五十年後仍然係咁,想靠吹炒起個樓市,算把啦!By the way, 檳島正在瘋狂填海,之前買了海景condo突然變了內陸condo的正在揼袋。

7. 油價
漏了這點,也是馬拉一大好處,汽油入油便宜到笑。

最後,如果你忍得以上1-5,其實Penang退休還是可以,但想炒樓發達就祝你好運。
難聽講句,如果你香港住劏房或蚊型公屋,去到住千幾二千呎會好happy。但如果你香港住得還不錯的私樓,去到我又唔覺有幾威水,係大D,但裝修、會所、商場同香港比始終低兩班。仲有,檳城個機場好廢,退休住馬拉首選都係KL,起碼外遊都方便些。



引用 TOP

被引用(37)
6。言論自由
唔滿意政府,唔知邊處鬧,又唔知點組織人馬上街打到政府。

7。無投票權。



在發達地區移居落後市鎮





引用 被引用(1) TOP




引用 TOP

甘差? 嗰度樓價就多錢一尺? 賣比外國人既樓房,是比本地人或者旁邊地段貴嗎?


引用 被引用(1) TOP

去過幾次peang, kl做野, kl 市中心買樓實際d, 檳城除左旅遊區喬治城外, 真係無咩人, 移民, 台灣啦。


引用 被引用(1) TOP

D馬拉妹呢?


引用 被引用(5) TOP

終於見到良心Post

Re: 檳島正在瘋狂填海,之前買了海景condo突然變了內陸condo的正在揼袋。






點解香港啲地咁值錢?因為有班反填海撚樣喺度阻住呀嘛
大家都明呢啲係咩玩法啦

係外國話填就填 你去炒樓吔屎啦

[ 本帖最後由 炒樓大贏家 於 2019-5-14 02:13 PM 編輯 ]



引用 被引用(1) TOP

而家係香港開始炒樓都未必會發啦。


引用 被引用(1) TOP

檳城一個月洗費好平?


引用 被引用(2) TOP



[ 本帖最後由 fbc6db5991d770 於 2019-5-14 03:40 PM 編輯 ]



引用 TOP

多謝分享


引用 TOP

多謝師兄分享


引用 被引用(1) TOP

食其實不大問題,那邊物産豐富,最大問題係當地回教國家,買舊豬肉,買支酒都要好似買白粉,好似俾人當罪犯。


引用 被引用(1) TOP

其實有多餘錢外地買樓都係唔錯,同樣如果買馬拉,我情願買沙巴,起碼比檳城平一大半,沙巴那邊有一個時代廣場,在哥打市,又方便又舒適,華人又多,真係唔錯,另一買外地樓我會揀泰國華欣,那邊日夜也好,自己有車更可以往南部走又有超大沙灘🏖️,食中菜,泰菜合港人口味,再次選買樓,我會買大陸二線城市𡋾墅,又大又便宜。


伸延閱讀
 38 123
 提示:支持鍵盤翻頁 ←左 右→
[按此隱藏 Google 建議的相符內容]
發新話題發佈投票


重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Rights Reserved.
版權所有,不得轉載。