打印

[海外置業] 檳城樓係繼掘礦機、日本樓後另一個騙局 香討焦點

檳城樓係繼掘礦機、日本樓後另一個騙局 E-mail 此主題給朋友

[隱藏]
近排youtube, FB 上無數KOL日吹夜吹檳城買樓,其實只不過係另一個掘礦機、日本樓騙局。我自己都申請咗MM2H, 今年亦去過檳城考察,基本上除左地方大樓價低之外,其他可謂一無是處:

1. 食
樣樣都係濃味為主,毫無鮮味可言,炒河個汁可以浸滿成碟河粉。基本上可以講,當地華人仍停留6、70年代香港草根水平,食物以飽肚濃味為主,甚麼養生、健康不在考慮。這些食物間唔中食吓係幾好,日日食應該會好快死。

2. 天氣
熱到仆街,帶父母去他們都話如果我搬過來他們不會再來探我。每天要日出前或日落後才出没,一年四季皆如是好難頂。

3. 景點
算把喇!Book咗司機五天,這三日已經無地方去,又熱到無mood, 竟然hea到去酒店食lunch buffet,又去老連咁遠嘅無人outlet打發時間。

4. 天然環境
同香港比,香港有幾十個海灘、海島、行山徑。檳城就只有北部有海灘,條路又窄又塞車,D水質又差。行山更加係無得比,天然環境香港贏九條街!

5. 城市設計
基本係以汽車為主,我地一家住了間近3000呎Airbnb, 2-300米外已經有個超大商場,但完全無行人路。一家在商場食完晚飯返Airbnb竟然要call兩部Grab走。

6. 樓價
這是唯一的好處,但一個地方咁大國家先得3千萬人口,樓價想升真係咁易?香港六、七十年代時南洋已發展得比較成熟,點知四五十年後仍然係咁,想靠吹炒起個樓市,算把啦!By the way, 檳島正在瘋狂填海,之前買了海景condo突然變了內陸condo的正在揼袋。

7. 油價
漏了這點,也是馬拉一大好處,汽油入油便宜到笑。

最後,如果你忍得以上1-5,其實Penang退休還是可以,但想炒樓發達就祝你好運。
難聽講句,如果你香港住劏房或蚊型公屋,去到住千幾二千呎會好happy。但如果你香港住得還不錯的私樓,去到我又唔覺有幾威水,係大D,但裝修、會所、商場同香港比始終低兩班。仲有,檳城個機場好廢,退休住馬拉首選都係KL,起碼外遊都方便些。



熱賣及精選
引用:
原帖由 1968HK 於 2019-5-14 01:54 PM 發表

去過KL,食野差過 bangkok 好多
大馬唯一優點係樓價平,一千萬樓下可以買到幾千呎 apartment,仲要係一層過+包幾個車位👍🏻
是香港平民不能想像的
泰國買house便宜過馬拉,馬拉house設計好垃圾,個plot又長又窄,大部分係排屋極少獨立屋,無花園只有泊車位,同樣價錢泰國好幾十倍,唯一問題係泰國landed property外國人只能長租不能買。



回覆 引用 TOP

引用:
原帖由 西部鬆弛的通道 於 2019-5-14 01:58 PM 發表

上兩個禮拜
無線有個節目吹到馬拉醫療平靚正
KL還好,檳城就一定唔係,我有檳城本地朋友有大病都要走去KL醫。做body check好的醫院唔代表醫人一樣好,基本上,整個東南亞醫療水平都係遠遠低於香港,只係香港私家太貴公立等太耐,但醫生水平絕對世界一流。東南亞果D只宜都body check, check有事都係返港醫。



回覆 引用 TOP

引用:
原帖由 東邊日出西邊雨 於 2019-5-14 02:04 PM 發表



甘差? 嗰度樓價就多錢一尺? 賣比外國人既樓房,是比本地人或者旁邊地段貴嗎?
本地人除左富豪外基本上只能afford 50萬馬幣以下的樓,一般係以長期樓花出售。但而家有大量貴價樓係以現樓型式出售,對象係外國人因為外國人只可買1M以上的樓,香港人可能覺得個價仍然好平,但對本地人就係天價,所以賣極都未賣曬,由長樓花變成現樓都賣唔出。好像商台
推薦的Alila 2, 得2橦樓,我兩年前已經去過展銷會點知到而家仲賣緊,最近仲搵陶傑、項明生幫手推。



回覆 引用 TOP

[隱藏]
 
引用:
原帖由 ShakingJack 於 2019-5-14 02:09 PM 發表




嗰scheme 規定一定要係嗰邊買樓咩?
不用



引用:
原帖由 rayrayccw 於 2019-5-14 02:33 PM 發表




檳城一個月洗費好平?
30%-40% of Hong Kong



回覆 引用 TOP

引用:
原帖由 kamtlai 於 2019-5-14 02:22 PM 發表

同意,良禽擇木而棲,香港甘衰的話,甘多人重响度?檳城甘好的話,求自由之士又唔去?
香港係世上難得的好地方,我如果大把錢一定留港退休。



引用:
原帖由 okguy9394 於 2019-5-14 02:17 PM 發表




而家係香港開始炒樓都未必會發啦。
自用的話馬拉我都唔反對,只係唔好呃自己有得賺就得。仲有好多仆街agent叫香港人買樓做Airbnb, 但我今次住Airbnb經驗係屋苑管理處係好反感業主搞Airbnb, 屋苑內有backdrop警告同叫其他業主舉報,短租客又不准使用pool and gym。



回覆 引用 TOP

引用:
原帖由 ShakingJack 於 2019-5-14 02:59 PM 發表




據我所知檳城嘅第二語言係福建話。當地華人所稱嘅廣府人,主要係喺吉隆坡一帶。
You are right !



[隱藏]
 
引用:
原帖由 abbalau 於 2019-5-14 02:32 PM 發表


去美國的近郊的地方,五十萬美元都可以買到二丶三千尺的地方了!如果有簽証十年內每次都可以住半年!但先決條件是識話、識揸車!
去美國買樓不一定要移民的。作為渡假地方都可以! ...
歐洲都得,每半年可stay 三個月。



引用:
原帖由 呢個回收的高潮 於 2019-5-14 02:49 PM 發表

每個地方不同,只要不是爛尾樓,就不是騙局
唔係發展商騙你,因為你真係有間樓。
係搞MM2H、地産代理、網紅KOL騙你,因為佢地給了你錯誤訊息而令你有不切實際的期望,而他們已賺了一筆。



引用:
原帖由 地球有危險 於 2019-5-14 03:19 PM 發表

香港樓係貴, 呢個無得否認...  但好多條件支持香港樓貴, 去外國走下睇下就會明... 都係唔明就呢世都唔好明,
去台灣, 日本, 馬來西亞買得唔得? 有閒錢無問題, 但只拎住幾舊退休金個D, 一百幾十想住千呎樓個D, 老實講, 不如慳番..
層樓升唔升唔係重點, 最重要係有問題點解決? 法律公道? 唔好以為全世界法庭係香港法庭.. ...
有多餘錢去外國買多間當然無問題,但要賣清香港資産先夠錢去買就好冒險。



引用:
原帖由 護陰急先鋒 於 2019-5-14 03:11 PM 發表

剛剛TV先有個外地節目講,馬拉種族歧視仍然十分嚴重,尤其排華問題,香江人仲敢去住?
排華我又唔驚,始終二三十年都未必出現一次,就算出現我地香港人都即閃喇,你話本地華人無處走就慘,所以退休在外在香港也一定要留個去路。



引用:
原帖由 朱樓瑾 於 2019-5-14 03:49 PM 發表




咁你就知佢地開呢個帖既目的啦!
我唔贊成買新山喎,你咪屈我!



回覆 引用 TOP

[隱藏]
 
引用:
原帖由 skyarrow 於 2019-5-14 05:00 PM 發表




澳洲布里斯本

買嘅時候,好多每個月都要比的雜費或各種同當地政府或公用事業有關的支出,agent 根本就唔會話比你知,當然份約係有寫的,只能怪自己無睇清楚

我間樓有包租的,但包租的仲死,原因有二:
一:由於係發展商包租,租客由發展商搵,所以無得揀租客,阿豬阿狗都要租比佢
二:發展商為求快啲搵倒租客,會開一個較市值租金低的價錢以吸引人租;當一年包租期過後,不可能大幅加租至發展商的包租水平,咁 ...
蝕80萬咁大煲!



 33 123
 提示:支持鍵盤翻頁 ←左 右→
 




 


重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Rights Reserved.
版權所有,不得轉載。