註冊 登入



新手一問


各位師兄  最近我同家人有打算置業既打算
目標是荃灣一帶的樓盤 因為我地係初次置業 無太多cash
希望買到2房中細單位 450-500呎左右 預算750萬$以下
我地都希望個屋苑要新的同岩我地 一定唔揀20年以上既樓
最好有個會所畀小朋友玩下同老公健下身
依家呢個樓價 我地都好現有d離地 班業主好似覺得層樓叫幾高都有人接貨
個價好硬 所以我地一早都唔敢諗荃西3寶 同萬景峰d 貴樓
連近價小小既環宇都叫到差不多8球 仲要得低層望填近F1賽道既垃圾單位先可以揀
所以上去睇晒都放棄了 翠豐台都叫新但可惜太唔就腳都放棄
得番工廠3寶中既爵悅庭可以 睇晒3寶最中意都係佢 非單棟 SHK出品 會所算係唔錯
雖然都唔叫方便 但10零分鐘去到西鐵同地鐵我地接受到 只係衰在黑廁同開廚呢個位
依家D OFFER得番望廠既中低層開價都要730-750UP 望到小小海都要成760-800$
如果另1邊望萬景既方向個人中意多小小 起碼唔駛對著幾庭工廠面壁 但價錢再貴D
我個AA係甘說我叫我盡快岩價就買 但我地唔想買左個單位又住得唔開心
個心情好掙扎  有考慮過等隔離新盤億京開賣 個AA就話諗都唔駛諗 一開售肯定21000呎價UP
講到似層層甘 我同老公心情都上上落落甘 特別依家個市係甘升 好驚係摸頂入
你地建議我地係買爵悅庭定係等埋億京好? 因為好怕億京到時開賣之後呢到會仲貴....
我地真心求教 麻煩想做生意既AA 唔好打擾我地



引用 TOP

被引用(18)
急用就爵仔,唔急就億京,億京地點好過爵仔好多(無咁近工廠同近西鐵D又有商場),所以一定貴過爵仔


引用 TOP

爵悅。等二手冇人買


引用 TOP

租住先,唔好心急


引用 被引用(1) TOP

甘多要求,安心租樓!


引用 被引用(1) TOP

抽咗億京先, 唔得就買其他
除咗爵悅庭, 點解唔考慮康睦庭園同名逸居?



引用 被引用(2) TOP

海日2好抵買,實一Q清


引用 被引用(1) TOP

加多200萬入全城滙低、中層細2房,快問AA,可能有傻瓜放!


引用 TOP

有一個風險如果憶京開賣呎價唔平同清得快的話,爵悅庭一定又會升


我住過爵仔其實我個人嚟講唔太中意
佢只係門面靚同埋SHK排頭好啲
入面又暗冷氣整窮人又多小強(聽講有米奇但未親眼見過)諗清楚先

我而家搬左樂悠居仲好,我鐘意㕷人樓光猛啲樓底高啲

億京新樓地段唔錯(雖然好似起緊橋連去爵仔),周圍多商場都唔差!



引用 TOP

買樓不用急,淡市時出手。


引用 TOP

樓又唔會走,等佢開價慢慢炎究喇AA為左開單乜都敢死個個好似你咁心急,我係業煑都吊高泥賣賣平左會比人笑,面子事大


引用 TOP

買樓自住同投資係兩回事,樓價升又何止爵仔,荃西整體升價水位當然吸引,如揀爵仔自住,就自己做足功課,多了解屋苑多年來有甚麼係死症,始終自住係日日對住間屋最小3年。


引用 TOP

樓主有小朋友點解唔諗下愉景新城,budget arm,又有會所,樓下商場好arm小朋友喎


睇晒post, 好替樓主担心,蘇州過後冇船搭,如果樓價再升一成你都可以買二手,就等億京搏一搏,如果不是,就建議你睇岩雀就買。


引用 被引用(1) TOP

伸延閱讀
 19 12
 提示:支持鍵盤翻頁 ←左 右→
[按此隱藏 Google 建議的相符內容]
發新話題發佈投票


重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Rights Reserved.
版權所有,不得轉載。