• 瀏覽: 10,362
  • 回覆: 8
  • 追帖: 2
[隱藏]
轉貼,相信有朋友會需要關於TVP 的資料 

政府係2016年就已經推出左科技券計劃,但截止依家成功申請到既公司並唔多,而且好多公司都被拒絕,咁究竟係出現咩問題呢? 而科技券係未人人都理解到呢? 而LINKER知道大家對科技券計劃唔係好熟悉,所以專登為大家整左個懶人包幫大家了解!

科技券計劃作用是什麼
科技券計劃其實係政府拎五億出黎幫中小型企業提高生產力或者升級轉型,令公司個運作會變得有效率同快啲,唔洗浪費咁多人力資源同時間。


科技券計劃點解可以幫到公司?
當你申請左科技券計劃而又成功左既話,你可以利用政府資助既錢去增添科技券本身支援既項目,而呢啲項目所需要既科技係可以提高生產力同競爭力,令到自己公司會更加鞏固企業優勢。

 
點先知夠唔夠資格去申請科技券計劃
申請資格非常簡單,只要中兩樣野就夠哂。

A: 公司有按《商業登記條例》係香港登記

B: 公司必需係香港有實質業務運作(不包括上市公司)

 
公司開左只有半年都可以照申請科技券計劃嗎
絕對可以!三個月都得!

 
科技券計劃支援既項目會唔會包括埋品牌推廣
不包括,所有行銷手法,市場及品牌推廣也不會被接納。

科技券本身支援既項目大部份都係關於提升生產力既服務,係用黎資助公司購買科技軟件方案,例如︰預約安排及輪侯管理系統,大數據及雲端分析方案,文件管理及流動存取系統,企業資源規劃方案等。呢啲系統係可以係公司持續及長期使用而令到公司可以減少人力資源同處理過程中會有效率。

 

可以自行申請科技券計劃嗎? 還是一定要找顧問公司?
可以自行申請科技券計劃﹗科技券顧問公司只係一個建議,因為顧問公司都可以從頭到尾幫手將你所有野填好同整理好,而且本身對科技券計劃相當熟悉,可以俾到好既意見你。而最重要係搵到間有信譽良好既公司而唔會非法亂用你既個人資料。

 

申請時間大概要幾耐?
申請科技券計劃時間大概需時6個月,提交所有文件後再等政府發通知批準。

 

申請科技券計劃後,可否購買其他科技產品或系統?
可以,但需要留意既係若然公司購買既系統在原本科技券計劃有申請的話,而申請尚未批准,咁政府就唔會批呢筆錢俾你,因為需要等政府去批准先可以去買。而一些科技產品例如︰電腦、維修保養。呢一啲就唔關科技券計劃事啦。

 
大概幾時先會收到錢?
由申請至收到錢,大概6-12個月,包括申請加完成項目的時間。
 

限期去到幾時?
科技券計劃由2016年開始,為期3年,將會在2019年11月完結。

其實申請科技券一啲都唔難,但點解會有公司交齊文件都申請唔成功呢? 好可能係因為佢地無係限期前回答署方既提問,而且填寫文件果陣無仔細閱讀到項目而亂填。其實最重要都係要搵番適當既項目套用係公司,等政府明白到公司既真正需要,如果仲有好多疑惑,不妨去問一問顧問公司既意見,等自己理釐清個計劃。



熱賣及精選
邊間顧問公司好? 有介紹嗎?

收費貴嗎?



引用:
原帖由 宋慧喬 於 2019-3-2 01:50 PM 發表

邊間顧問公司好? 有介紹嗎?

收費貴嗎?
唔洗顧問公司。只係建議,應該叫 IT Vendor 包埋。



多謝分享,幾實用


[隱藏]
有咩好介紹


小弟可以分享少少,之前老細叫我搵D資料睇下科技券點申請,之後入左官網睇完好灰,要準備D文件複雜到無朋友,之後有個FD介紹左個顧問公司比我,我聯絡過佢,真心唔係HARD SELL,可以解決晒我D問題,最後見埋老細,搵左佢地幫手,咁我先可以唔駛煩咋...


thx


引用:
原帖由 superivanhk 於 2019-5-30 04:28 PM 發表

小弟可以分享少少,之前老細叫我搵D資料睇下科技券點申請,之後入左官網睇完好灰,要準備D文件複雜到無朋友,之後有個FD介紹左個顧問公司比我,我聯絡過佢,真心唔係HARD SELL,可以解決晒我D問題,最後見埋老細,搵左佢地幫手,咁我先可以唔駛煩咋... ...
可否介紹?



學習咗


[按此隱藏 Google 建議的相符內容]