• 瀏覽: 74,512
  • 回覆: 498
  • 追帖: 119
[隱藏]
引用:
原帖由 28717 於 2019-3-30 02:22 PM 發表

近期熱炒 3同823,好多人都問邊隻好d?師兄可以分析下3嗎?
以息率睇, 公用類可以留意美國債息.
息率以外留意本身資產質素, 專利程度, 有幾多水分, 公允值變動對回報有多少影響.
香港水電煤專利程度都好高, 你有錢想搞都唔知從何搞.

視乎在股市周期那一個階段,
牛市/強勢市, 公用類合理股息率 可能係 (美國債息+1%), 打個比喻,
熊市/弱勢市, 公用類合理股息率 可能係 (美國債息+0.5%), 低d差距, 意味資金流入股價升, 股息率下降.

公用類股息率 = 美國債息+ x%
(目前國際投資者仍然視美債係最安全資產, 當有日不再是.
就將公式中 '美國債息' 換成 適合的利率. )

美國債息加減, 預視全球經濟走勢, 資金流向.
美國10年期債息未來應該都會在2%-4%上落,
美國想維持國內通脹於2%左右.

x%簡單講就是相對對美國債息的溢價, 視乎股票本身資產質素.  
x%變大, 意味股價跌.
x%越大, 股價越吸引, 也表示避險資金傾向流出公用股.

買公用股的時機可以參考美國債息, 預測債息走向, 對比現價是否吸引, 再做決定.

[ 本帖最後由 HSIsniper 於 2019-4-1 11:32 PM 編輯 ]



回覆 引用 TOP

熱賣及精選
滬港通及深港通 每月數據
Source: https://www.hkex.com.hk/Mutual-Market/Stock-Connect/Statistics/Historical-Monthly?sc_lang=zh-HK#select1=0&select2=0

留意2月3月



引用:
原帖由 HSIsniper 於 2019-4-1 11:24 PM 發表

滬港通及深港通 每月數據
Source: https://www.hkex.com.hk/Mutual-M ... ct1=0&select2=0

留意2月3月
9501577
二、三月的分別係三月賣出多過買入?



引用:
原帖由 獅子座●流星雨 於 2019-4-2 01:51 PM 發表

二、三月的分別係三月賣出多過買入?
三月賣出買入相約, 可能係換馬.



回覆 引用 TOP

[隱藏]
事隔 239 日, 自18年6月16日, 今日恆指重見30000.
到底係牛1定係熊2呢?

回顧一下, 特別睇3個水平:
1) 18年低位24500水平.
2) 30000點大位
3) 33400點歷史高位

留意來去3個水平之間所需的時間.
1) 第一次由24500水平升至 30000點大位, 17年3月開始11月完成, 歷時8個月.
2) 30000點大位衝上33400點歷史高位, 17年11月開始18年1月完成, 歷時僅2個月多. (期間首次觸及30000急回至28200, 其後僅50日左右由28200衝上33400.)
3) 33400點歷史高位跌穿30000點大位, 19年上半年多次短暫穿1穿30000大位, 若以真正一去無回頭跌穿30000點計, 應該係18年6月19日, 當日裂口跌800點. 歷史高位後5個半月正式告別30000大關.
4) 30000點大關跌至18年10月尾低位24500水平, 歷時4個半月.
5) 再次由24500水平升至 30000點大位, 18年10月開始至今, 歷時5個月. (期間19年頭曾回調至25000邊造雙底, 其後僅3個月由25000衝上30000.)




僅3個月由25000衝上30000, 好似過快.
比第一次由24500水平升至 30000點大位歷時8個月, 的確好急, 不到一半時間.
如果以牛市睇, 其實係合理. 近4次都有相似走勢.




牛市的話, 往後半年應該進入整固期.
不然繼續急升就要小心, 可能係熊2反彈/大型雙頂. 凡事去得太盡, 緣分必將早盡.
成交係另一個疑點, 近日都有1000億左右, 牛1來講似乎有點過大.
不過考慮到內地科創版同MSCI富時增加比重因素, 可以係新常態.
如果係新常態, 屆時明年後年下次牛3頂的成交可能會平均達2500億水平, 個別日子可能過3000億.
故牛市的話, 希望有個健康的回調, 後市才樂觀.

今月下旬港股權重開始出第一季季績.
上年第4季, 好多都相當'差', 感覺反正市況差有意將所有衰野入數, 等今年有個好開始.
騰訊, 友邦, 港交所, 平保都有憧憬空間.
過幾日會嘗試預測今年權重每股盈利.
5月中季績後明朗化, 再修正一次今年每股盈利預測.


[ 本帖最後由 HSIsniper 於 2019-4-5 04:25 PM 編輯 ]



回覆 引用 TOP

今年每股盈利預測

簡單 (非精密, 大行都難準確, 何況我等小股民?) 預測6大恆指權重: 友邦, 平保, 港交所, 騰訊, 匯豐, 建行

前3者 (友邦, 平保, 港交所) 應該比較容易, 會用modelling 的方式預測.
騰訊最難, 政策左右大局, 同時5G/雲業務亦難知走向/協同效應, 到底5G/雲業務的最大得益者係電信商 (如中移) 還是網絡服務供應商 (如騰訊) 是未知數.
匯豐除環球經濟外, 主要變數係英國脫歐進程, 其實歐洲業務只佔匯豐6份1左右, 問題係脫歐對全球的影響, 特別係LIBOR倫敦銀行同業拆息,會否動搖倫敦的國際金融地位呢? 可能導致匯豐成本增加, 盈利收窄.
建行最易, 預測價值亦最低. 內銀往往一直橫行, 直至牛3頂先升最後一波, 所以見內銀急升可能大市見頂前夕.

==============================================

友邦

早幾個月我 (應該係第1個人)就預計友邦或取代匯豐成為恆指金融股龍頭, 目前係3頭馬車友邦騰訊匯豐, 似乎續漸實現. 匯豐如再無增長亮點或英國脫歐進程出現意外, 慢慢會好似當年中移咁被邊緣化. 所以對友邦的走勢特別留意.

友邦今年兩個行業亮點, 獲批於天津和河北省石家莊籌建營銷服務部, 香港自願醫保.

為簡化分析, 一如以往大藍籌非必要暫時忽略Balance sheet /Cash Flow, 偶爾睇下有無轉差就可以, 大藍籌永遠係焦點, 有事大行/財經媒體自然大肆報導, 故重點放在盈利.

推斷19年年中友邦股價, 我會繼續用PE/Yield區間法, 因為未有突破性的價值改變.

友邦我會睇兩個盈利數據: 每股純利 (EPS, earning per share), 每股稅後經營盈利 (下文下表簡稱OEPS).
稅後經營盈利大致係本業保險的盈利, 純利係稅後經營盈利加/減非經營盈利/虧損 (投資, 公允值變動等).
因為友邦純利受市場環境影響頗大, 單睇純利可能錯判股價, 故同時睇埋經營盈利.

先估經營盈利, 過往經營盈利按年有15%增長左右, 今年簡單估計或有20%增長.
18年全年每股稅後經營盈利係 $3.51, 19年增長20%就大約係 $4.2.
下圖下表係經營盈利, 如果PE用經營盈利計算, 會得出右下經營盈利折線圖.
右下經營盈利折線圖好清楚睇到 (經營盈利) PE 20倍係中線, 過去8年最高25最低14.
故19年友邦股價大致應該在59.4至105.6之間游走, 當然100過外預計年尾先會到.

至於純利, 非經營盈利估計虧轉盈, 每股 $0.8, 加上經營盈利係 $4.2, 純利就係齊頭 $5.
由於2015年2018年純利大倒退, 脫離正常軌跡, 故我排除2015同2018的最高/最低PE.
下圖上表係純利, 右上係純利折線圖. 排除2015同2018, 過去8年(純利)PE最高21.7最低10.7.
故19年友邦股價大致應該在53.6至108.7之間游走.



計算還計算, 都要睇返實際市況.
友邦今年目前低位係1月4日造61.00, 現價80.
大市已大幅回暖, 除非係熊市, 故友邦回到5字頭應該近乎不可能, 1月頭61.00可能已經係全年低位.
籠統計今年友邦股價大部分時間會61到 105之間, 下半年應該比上半年好.
現價80 可能已經偏低, 上半年最高可能到85 - 90. 再高恐怕去得太盡, 緣分早盡.
唔似騰訊, 友邦18年最低都係58, 高低波幅都係23%左右.
上半年若然回到70蚊邊或68, 69, 應該係幾適合吸納, 前提係呢個要係牛市.

友邦係19年權重中相對最容易預測, 有穩定的行業前景, 無甚不利/不明朗因素, 相對有把握.

[ 本帖最後由 HSIsniper 於 2019-4-5 11:03 PM 編輯 ]



回覆 引用 TOP

平保過去3年每股 (非一次性) 淨利潤都有接近$1的增長. 基數越來越大, 增長率下降.

平保過去3年都 '金融科技與醫療科技'業務 錄得一次性重大重組融資收益, 分別佔淨利潤的9%-16%不等.
  • 2018年 普惠業務重組損益。陸金所控股完成C輪融資, 大幅增長重大公允價值重估收益。
  • 2017年 平安好醫生重組利潤。
  • 2016年 普惠業務重組利潤。

暫且估計19年非一次性每股盈利$7, 一次性每股利潤$0.8, 合計$7.8.


壽險及健康險新業務有倒退跡象, 比2018要少.


至於股價就唔預測啦.
用唔到市盈率區間, 可能Fin Tech概念/分拆(陸金所)概念, 區間似乎上調中.
瘋狂起來到$120都唔係無可能.

================================
重要更新

...12月3日下午,路透社消息称平安集团旗下金融资产交易平台陆金所获得13亿美元融资,融资后估值380亿美元,低于此前预期400亿美元...
Source: https://www.sohu.com/a/279317273_115565

呢筆13億美元 (72億RMB, 包含期內普惠業務重組損益) C輪融資應該已經入左18年下半年數, 見下面下半年圖黃色highlight部分.
上半年

下半年


重新分析每股季度非一次性淨利潤, 呢筆陸金所 C輪融資係第4季完成.
第4季淨利潤如果扣除呢筆一次性淨利潤, 每股季度非一次性淨利潤就只有$0.94.
咁條數就合理好多, 無理由BIG 6 騰訊友邦匯豐建行港交所全數第4季或下半年業績下滑, 平保卻按季盈利獨升.


解構左每股季度非一次性淨利潤後, 可以估計19年第1季每股淨利潤, 應該在18年第1季($1.8)同第3季($1.36)之間, 雖然A股大幅回升, 鑒於19年到目前新業務稍遜, 暫估19年第1季每股淨利潤$1.5左右.

另外陸金所完成 C輪融資, 睇下短期未來會否上市.

[ 本帖最後由 HSIsniper 於 2019-4-7 08:05 PM 編輯 ]



引用:
原帖由 HSIsniper 於 2019-4-6 04:12 PM 發表

平保過去3年每股淨利潤都有接近$1的增長. 基數越來越大, 增長率下降.

平保過去3年都 '金融科技與醫療科技'業務 錄得一次性重大重組融資收益, 分別佔淨利潤的9%-16%不等.
  • 2018年 普惠業務重組損益。陸金所控股完成C輪融資, 大幅增長重大公允價值重估收益。
  • 2017年 平安好醫生重組利潤。
  • 2016年 普惠業務重組利潤。
    暫且估計19年非一次性每股盈利$7, 一 ...
  • 咩位入値博d?



    引用:
    原帖由 siusuetlub 於 2019-4-6 04:13 PM 發表


    咩位入値博d?
    真係答唔到你, 盈利仲都可以估下, 股價真係估唔到.



    回覆 引用 TOP

    [隱藏]
    港交所18年首3季季度每股盈利都接近 $2, 當中第1季係創歷史新高.
    第2第3季有下面幾隻大型新股上市, 所以縱使總成交比第1季少, 季度每股盈利仍能維持相約水平.
    第4季市況進一步轉差又缺大型新股上市, 季度每股盈利下降至$1.5水平

    第2季
    6098 碧桂園服務
    1833 平安好醫生

    第3季
    6862 海底撈
    3690 美團點評-W
    6160 百濟神州-B
    788 中國鐵塔
    1810 小米集團-W



    牛熊難測, 全年難以預計.
    只按第第1季市況回暖, 滬股通深股通成交火熱, 估計港交所19年第1季季度每股盈利可望回復至接近 $2 水平.
    現價280, 若然第1季季度每股盈真係回復至 $2 水平, 280算係合理水平.
    不過今年仲未有觸目大型新股上市, 會係盈利隱憂.

    問題係後市係咩市.
    • 若第2季繼續顛升, 第2季季度每股盈利會好可觀. 不過7月尾/10月尾要清貨啦. 唔知點解最後升浪總是1,4,7,10月季初一個月月尾完成...
    • 若第2季整固, 進入悶市, 成交會略減, 第2季季度每股盈利可能又下降至$1.5水平, 不過股價未必回調太多.
    • 若第2季大跌甚至係熊3, 成交唔會少(尤其浪底), 但會少新股上市, 估計第2季季度每股盈利略為下降至$1.7水平. 股價到時係跟市況唔會跟盈利囉.


    後市牛定熊, 第2季都睇唔通 , 全年真係唔敢估咁遠.

    第2季4月先開始左幾日, 為時尚早...

    [ 本帖最後由 HSIsniper 於 2019-4-7 02:27 AM 編輯 ]



    回覆 引用 TOP

    引用:
    原帖由 HSIsniper 於 2019-3-22 10:58 PM 發表

    本周短評

    本周儘管有超級星期4, 惟恆指仍欠方向, 全週升101點, 近乎持平.

    權重
    頭10有8隻跌.
    惟除中移跌4.7%友邦跌1.8%, 其餘跌不足1%, 另外騰訊升, 所以恆指未有大跌.
    9464963


    Weekly top gainers
    頭10 依次為 石藥 吉利 萬洲 碧桂園 蒙牛 中國生物製藥 恆基 恆安 太古A 旺旺, 當中無1隻恆指權重超過1%.
    ...
    樓主可否post呢兩個星期啲恒指成分股啲分析數據 謝謝



    引用:
    原帖由 tscnk 於 2019-4-7 12:40 PM 發表 
    樓主可否post呢兩個星期啲恒指成分股啲分析數據 謝謝
    可以可以唔好意思, skip左上周. 唯有今周直接到兩周前比較.

    其實, 我等明日出累積淡倉數據做一個較詳細的季度總結.
    4月非常關鍵, 19年首季高低位急彈近4000點.
    第2季走勢, 尤其是4月, 將大致可斷定大市後向, 係熊2反彈? 牛2整固? 抑或短命牛3急升大直路?

    =========================
    雙周短評

    權重
    恆指雙周升近3%.
    除中移派息唔理想自高位跌10%雙周跌3%外, 其餘都大致跟恆指同步升2-3%.
    另外工行建行業績稍遜, 表現較差.


    Top gainers
    Top 10依次為 銀河 創科 新世界 金沙 吉利 蒙牛 潤地 瑞聲 新鴻基 舜宇.
    完全沒有權重股. 同過去一個月差不多一樣散亂, 賭股, 手機, 地產等低比重股領漲.


    Top losers
    雙周只有5隻下跌, 集中在資源股.
    依次為 神華 中移 中石化 中石油 工行


    [ 本帖最後由 HSIsniper 於 2019-4-8 01:06 AM 編輯 ]



    重要更新 - 2318 平保
    https://finance.discuss.com.hk/viewthread.php?tid=28011532&page=9#pid497358730

    重新考慮 18年第4季 陸金所 C輪融資的因素.
    更新內容在底部.



    回覆 引用 TOP

    後市可睇下陆金所 蚂蚁金服會否上市.
    香港, 還是內地科創版.

    目前內地科創版都未有觸目消息, 睇下會否用陆金所 蚂蚁金服響頭炮.



    回覆 引用 TOP

    [隱藏]
    匯豐第4季每股純利倒退至$0.55, 主因係保險業務及其衍生工具公允值損失同一些信貸減值所致.
    市況好轉, 睇19年首季每股盈利能否重返18年第1第2季之間的水平, 大約HK$1,3, 可能太樂觀.




    回覆 引用 TOP

    提示:支持鍵盤翻頁左 右
    [按此隱藏 Google 建議的相符內容]