打印

2019年恆指成分股解構 (#1回補解構的原意/意義)

2019年恆指成分股解構 (#1回補解構的原意/意義) E-mail 此主題給朋友

[隱藏]
2018年高位33484.08, 低位24540.63.

解構會就以下重磅藍籌 (恆指比重4%以上)分析.
其他唔睇, 好似2382 舜宇光學科技, 高位174.90 (佔恆指379.53點), 低位58.55 (佔恆指127.05點), 雖然高低位相差近3倍, 但只影響恆指250點.

代號股份/指數收市價周息率市盈率恒指比重
700騰訊控股3480.2539.7210.34
5匯豐控股66.16.0317.679.48
1299友邦保險69.91.4317.69.21
939建設銀行74.936.328.26
941中國移動83.157.712.925.57
1398工商銀行6.024.826.614.84
2318中國平安76.72.6913.334.67


=========================================================
解構的原意/意義

指數只係合成數字, 本身意義唔係咁大.
炒恆指, 無論用咩工具應該都要睇下權重股.

港股恆指計算方法係上日點數乘以當日流通市值變化綜合再經調整計算出來, 好容易扭曲, 更遑論反映香港經濟.
反映香港經濟?
港人有幾多人在香港道路上駕駛吉利的車?
金沙銀娛有幾多資產在香港? 港賭客比例佔幾多?
就連匯豐收入也只有49%係來自亞洲 (2018).
所以恆指只係扭曲的合成數字, 不能反映任何野.



而造成扭曲的原因正正係恆指係上日點數乘以當日流通市值變化綜合再經調整計算出來.
恆指本身以至其技術指標係非常不可靠, 因為只係個指數, 技術指標更甚.
個股就唔同, 好似騰訊470蚊好250蚊也好, 都係當時股份的市值, 至少係真實的價值, 個股技術指標也相對'可靠'.

你心水清可能會問: 為何騰訊高低位跌近半, 恆指卻只跌1/4多一些?
騰訊高位476.6 恆指33484.08時, 騰訊佔恆指約11% (約3683.25), 低位251.4 恆指24540.63時, 佔恆指約9% (約2208.66).
騰訊股價自高位跌-47.25%, 但因騰訊拉跌恆指點數只有1474.59點, 即-40.04%.
其間托住其他恆指跌到24540.63更只係跌-26.71%.
造成騰訊跌近半, 恆指卻跌1/4多一些.

其實成分股股價越高, 權重會相應上升, 權重上升帶動恆指的升幅亦會相應增加, 反之亦然.
即是高位跌5%同低位跌5%影響恆指的力量係可以好唔同.

比較一下2018年2月6日同11月2日恆指同騰訊.


騰訊11月2日騰訊大反彈9.29%只拉升恆指4.21%.
2月6日騰訊跌7.03%恆指跌5.12%.
而騰訊當日佔恆指點數變化分別係212.44同-249.33, 騰訊11月低位大反彈9.29%升的恆指點數竟然不及2月暴跌7.03%的跌的恆指點數.

你可以從中睇到恆指扭曲程度.

所以分析恆指, 我寧願反過來先分析權重股, 再推算會影響恆指幾多.
也正正是此post的原意.

估算恆指變幅聽落好似好複雜,其實唔難,心算都可以。比如話騰訊,恆指現時 (2019/02) 28000,騰訊現佔恆指10%,即是2800點,要升5%的話,即是140點,就係咁簡單。不過記住,恆指每日都按上日收市點數計算,唔好計得太長遠,適合計算幾日到一個月內的估算。當然如果你係即日鮮,計得來股價指數都跳幾格就無謂計喇!

[ 本帖最後由 HSIsniper 於 2019-6-4 04:02 PM 編輯 ]



熱賣及精選
總體市況
2019/2/1今日反彈至28000水平.

假設所有成分股升(跌)至2018年以來的最高(低)位,恆指係咩水平?見下圖 (註: 假設一日升/跌晒, 非精密計算).

紅色數字係假設的‘最差情況’ , 假設所有成分股在2018年低位再跌20%,恆指會跌到幾多?答案是 18469.16 . 騰訊控股會跌到 201.12, 匯豐控股會跌到48.28, 友邦保險會跌到 46.56, 建設銀行會跌到 4.82, 中國移動會跌到54.28, 工商銀行會跌到 4.08, 中國平安會跌到 52.76, 香港交易所會跌到156.48…個人看係基本上不可能的, 所以2019年不應看得太淡,預計不會跌穿20000點.



上圖可能太細, 下圖暫時頂檔.


[ 本帖最後由 HSIsniper 於 2019-2-3 10:53 AM 編輯 ]



騰訊篇

先講一個普遍關於業績的誤區, 下圖係過去幾年的分項收入表現. 坊間不斷將重點放在遊戲業務其實係不太恰當. 遊戲業務2015年初的確係佔業務好大比重, 收入近6成,到2018年第3季雖然已比2015年初增長近1倍, 但已經只佔業務不到1/3, 期間廣告業務收入增長近5倍, 其他業務 (當中包含雲業務) 收入近18倍, 惟毛利率下降, 意味遊戲業務毛利高, 比重下降會導致毛利下降. 未來焦點應該放在雲業務等其他業務.



2019/2/1股價估值
代號股份/指數收市價周息率市盈率恒指比重
700騰訊控股3480.2539.7210.34

騰訊股價看似好大波幅, 難以觸摸. 但其實好規律, 過去5年市盈率係平均約25到45倍間遊走, 息率係平均約0.25%到0.45%間遊走.

參考下表過去5年市盈率週息率區間, 個人睇現價屬中性. 按2018首3季表現, 個人估計2018全年每股盈利約11元 (2017全年係9.1092元), 現價預測市盈率週息率分別大約係32倍同0.3%. 如果按市盈率區間你可以話現價算抵買, 但考慮到毛利率下降有持續的情況, 市場可能會不會再接受最高45倍咁高市盈率, 可能只接受到最高40倍左右, 屆時即是最高會返回440元左右.

過去5年市盈率週息率區間
700騰訊控股截止日期2013/122014/122015/122016/122017/12
周最高價100.40134.90171.00220.80439.60
周最低價47.4093.00111.30132.10188.00
最高市盈率(倍)46.3341.9246.9545.3348.26
最低市盈率(倍)21.8728.9030.5627.1220.64
最高週息率(%)0.500.390.420.460.47
最低週息率(%)0.250.270.270.280.20


以上係基本因素分析. 至於市場因素, 幾時都係供求關係, 大家都知南非大股東405散貨, 另外大量ELN 在360蚊樓上, 料呢兩個大位阻力大. 250蚊以盈利約11元計算, 預測市盈率大約是23倍左右, 實在無乜可能跌到咁低. 個人睇2019年騰訊股價絕大部分時間都會係3xx, 僅屬大型上落, 唔會有大突破.

股王短期內未有被取代的危機. 匯豐, 自亞洲金融風暴又適逢3G網絡開展被中移取締, 2008自金融海嘯又適逢社交通信apps普及, 中移又被騰訊取締. 暫時未見到有可取代騰訊的股票.

[ 本帖最後由 HSIsniper 於 2019-2-2 02:56 PM 編輯 ]



回覆 引用 TOP

匯豐篇


匯豐其實無咩好講. 匯豐早10年已經再不是股王, 先後被中移騰訊取代. 高盈利增長的時代早已逝去, 其投資價值主要係長線收息.

入正題前先說明一下數據調整, 用Yahoo Fin的adjusted close, 見下圖. 本篇股價股息均相同相應調整.


入正題: 股息. 下圖一目了然, (平均)股價(平均)股息高度掛勾.


而然一年當中股價總有高低 (見下表),  但股息按年都唔會點變.


如果將按每年最高/最低/平均股息率plot圖, 可見到股息率有上移傾向, 由2000年3.5%上移到今年5.5% (下圖紫線, 約9年升1%), 所以現價6%股息率 (綠線) 係唔係好抵買? 只可以話幾抵, 但未係最抵買的時候, 6.5%,7% 股息率先買都未遲 (股價分別係61.3同56.9).
代號股份/指數收市價周息率市盈率恒指比重
5匯豐控股66.16.0317.679.48




[ 本帖最後由 HSIsniper 於 2019-2-2 10:53 PM 編輯 ]



回覆 引用 TOP

[隱藏]
 
友邦篇


大話西遊一下先. AIA前母公司AIG 股價2001年最輝煌曾上至2,051.25。 2004年進道指,2008年金融海嘯時須美國聯邦儲備局提供850億美元的緊急貸款,以79.9%股份的認股權證來作交換, 避免資金周轉問題而倒閉,同年被踢出道指成分股, 2009年3月股價曾低殘至6.60, 10年後的今天都只回升到43.82。


若然AIG未被踢出道指成分股 (仲有花旗集團等等), 道指莫講話27000, 17000都未必見到!! 所以可以話道指現在已同美國經濟無咩關連性, 侵侵卻日日歸功自己話美國經濟好股市升… 真係無語…

2010年10月,友邦保險於香港進行公開招股,集資1383億港元,招股價範圍為18.38-19.68港元,並以上限19.68元定價。集資的資金主要為母公司AIG用作償還美國政府債務的用途。股份定於2010年10月29日在香港掛牌。因應招股反應理想,友邦保險行使20%的增發權,及行使15%超額配股權,令AIG在這次售舊股,最終套現1,590.78億元。AIG當時持有友邦約39.6億股友邦,持股比例為32.8%。2011年6月7日友邦加入恒生指數成分股。真係童話般夢幻… 一拆骨上市無耐就成為藍籌重磅…

======================================================
入正題, 下面係主業保險的部分營業數據 (斜體字不是全年數字!).

以一個非新經濟的傳統行業保險來講, 稅後營運溢利按年平均有約15%增長, 算係非常非常理想!! 有匯豐當年股王的影子. 只係每4, 5 個季度市場波動, 純利短期暴跌一下 (見下表), 然後又重回正軌. 加上中國政府陸續開放壽險市場 (友邦剛獲批於天津和河北省石家莊籌建營銷服務部), 有助新業務價值增長. 惟盈利倒退, 股價卻近破頂, 用市盈率週息率區間來睇現價非常貴 (雖然極大機會會借天津和河北省石家莊消息再炒上甚至破頂), 但應該等股價回到市盈率週息率區間底部才侯低吸納, 取代部分匯豐. 個人預測友邦會在金融板塊取代匯豐的股王地位, 有機會在恆指同騰訊平起平坐.


市盈率週息率區間

撇除2016年上半年盈利大幅倒退, 過去5年市盈率係平均約14到20倍間遊走, 息率係按年以約0.2% (最高0.25%最低0.15%)增加. 如果無重大事故, 以現價預測市盈率息率 (下圖, 該網站似乎預測2018年盈利會倒退1成, 只有3.6), 合理吸納股價大約為50 (屆時市盈率13.88息率 2.40%) , 可長線持有.


[ 本帖最後由 HSIsniper 於 2019-2-5 10:31 AM 編輯 ]



回覆 引用 TOP

建行/工行篇



下表係歷年的盈利/經營數據. 十幾年間, 盈利翻左約4-5倍, 息率更加翻左約7-8倍 (早年國企都係鐵公雞, 唔派息).


下表係PB, PE, Yield. 早年股價可能係國企熱的關係股價偏貴, 近5年股價回復到合理水平.


簡單來講, PB回到0.6左右, PE回到5左右, Yield回到7%左右就適宜吸納.
唯短期需承受國家任務 (小微企業貸款, 債轉股, 永續債等) 相關的不利影響, 或導致利息支出增加, 盈利受壓, 不良貸款率升.

[ 本帖最後由 HSIsniper 於 2019-2-7 07:01 PM 編輯 ]



回覆 引用 TOP

平保篇



按保費收入平保係阿2, 但按營運表現應該係國內1哥嘞.



但平保不是純保險股, 以總收入計只有約70%係保險 (壽/財) 業務,  20%平安銀行, 資產管理/金融科技各佔約5%.
可以講平保係金融綜合企業.


說前景, 近年平保保持較高增長, 聲稱成功落實FinTech, 且有分拆概念 (陸金所等), 但要政府對外國 (AIA, 保誠等) 開放市場. 總體來講算係惹人憧憬.

至於估值方面, 如果用市盈率/息率區間看會比較困難. 早年數據也是可能國企熱關係, 股價偏離比較多. 近年盈利比較飄忽, 派息續漸增加. 留下數據圖表給讀者自行分析.


要注意, 2018年的新業務係幾乎無增長...


[ 本帖最後由 HSIsniper 於 2019-4-6 01:51 PM 編輯 ]



回覆 引用 TOP

中移篇

做下功課有時真係有意外收穫. 先簡短回顧一下流動通訊的歷史, 3G係2000-2001年間投入服務, 4G係2009-2010年間投入服務.


下圖係中移上客數據. 可見3G普及程度好一般, 2014年尾係高峰期 (係3G投入服務後14年, 4G都已經投入服務4年), 佔總體客戶亦不過係30%左右. 但4G發展非常迅速, 2015年年中 (即3G高峰期後半年) 已經追平其3G客戶數量, 到現在4G, 佔總體客戶更加到達77%.


而然, 4G總體客戶達77%並未有為中移帶來爆炸性的盈利驚喜...



可以預期5G好可能並不會為有為中移帶來突破. 不禁一問, 有幾多人有使用5G的必要? 日常生活3G/4G其實都相當足夠. 如果期望突破, 應該係工商業範疇 (大數據 Big Data, 物聯網IoT等). 另一方面也要留意5G資本開資, 提速降費的負面影響.


至於分析合理股價, 我會定位中移為公用/收息股, 圖中冷色線係市盈率, 暖色線係息率 (扣除特別息), 箭頭直線係趨勢. 長線可見市盈率在11倍左右可以吸納. 至於息率 (扣除特別息) , 自2002年開始派息, 到2009年升至4%左右開始持平, 可見息率4%左右可以吸納.


[ 本帖最後由 HSIsniper 於 2019-2-9 01:29 AM 編輯 ]



回覆 引用 TOP

引用:
原帖由 tscnk 於 2019-2-2 01:07 PM 發表



好細...睇唔清...放大又好朦
唔好意思, 我睇下有無辦法整好幅圖.



[隱藏]
 
今年應該係大型上落市, 高位應不超2018高位, 低位難講, 只能講低於20000機會微.


今日寫到匯豐, 明日續


回覆 引用 TOP

引用:
原帖由 5793 於 2019-2-3 02:02 AM 發表

2018 low 24540 同你個 230 計出黎爭好遠?
...假設所有成分股升(跌)至2018年以來的最高(低)位...

真實市況24540時唔係所有股票同時係2018低位,我的假設係全部都係低位,全部的話當然會更低啦。



回覆 引用 TOP




source: http://www.dicj.gov.mo/web/cn/information/DadosEstat_mensal/index.html

[ 本帖最後由 HSIsniper 於 2019-2-4 10:44 AM 編輯 ]



回覆 引用 TOP

引用:
原帖由 買大陸股等發達 於 2019-2-3 02:47 AM 發表

友邦17倍PE咁貴既
係呀現價貴, 但侯低吸納, 值得長線持有 (幫AIG還債美聯儲的債).

[ 本帖最後由 HSIsniper 於 2019-2-5 10:36 AM 編輯 ]



回覆 引用 TOP

[隱藏]
 
一週過去, 粗略完成左恆指成份股分析.
====================================

睇翻今週恆指成份分析:

非常有趣!! 今週得兩日市, 恆指今週近乎平收.
有趣的是, 除左友邦急升近 6%, 今週重磅恆指成份股 (3%以上) 全部下跌.
而且友邦恆指佔比急升0.54%, 直逼騰訊!!

如果你認為現在仍然係熊市, 友邦可謂恆指的最後一根稻草!!
粗略計算, 友邦每升$1, 恆指就升30點, 友邦去到$80的話 (升$6), 會推高恆指多180點左右.
若然恆指要再升, 升到28500甚至29000, 單靠友邦單天保至專真係太吃力啦...
騰訊匯豐建行要幫下手先得~~



回覆 引用 TOP

 提示:支持鍵盤翻頁 ←左 右→
 




 


重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Rights Reserved.
版權所有,不得轉載。