• 瀏覽: 74,490
  • 回覆: 498
  • 追帖: 119
[隱藏]
早在5月下旬, 料恆指年底/Q4或跌至22000.
最新想法係低位可能推遲到2020Q1.
現在7月頭, 估計恆指8~10月間會隨友邦見頂, 尤其8月.

下面re-quote 5月的模擬最差情況, 同新加按週五收市價模擬 8~10月間可能高位.
都係個句, 模擬, 勿認真.
31000可能真係有d過高, 因為模擬全部升, 只係升幅不同, 現實好可能有升有跌, 有30000都唔錯.

模擬條件:
騰訊設置用南非配股價樓下今年高位400水平.
保險 (主要友邦平保)再創新高.
內需/地產 優於大市 (4叔/超人系較差, 收租類或較好)
非必需消費/服務股/銀行(特別內銀)差於大市 (主要 汽車/手機/賭股, 差於大市不代表跌)  


按以上條件模擬, 恆指今年應該難創新高, 銀行(特別內銀) 難拉上去, 權重雖然已下降, 但仍然唔低.

[ 本帖最後由 HSIsniper 於 2019-7-7 06:32 PM 編輯 ]



回覆 引用 TOP

熱賣及精選
新權重預言


上次話友邦將會逐步取代匯豐地位.
到現在可以話續漸進行中...


新預言係...
平保會逐步取代建行地位.
快可以係1~2年間...



回覆 引用 TOP

回覆 引用 TOP

吉利汽車(0175)發盈警
跟進一下

=================================
吉利汽車(0175)發盈警
Source: 【吉利盈警】吉利汽車料半年少賺40% 削全年銷量目標一成

重點:
  • 預期截至6月底止6個月,淨利較去年同期的66.7億元人民幣,將減少約40%。
  • 6月總銷量(包括所擁有50%權益的合資公司所銷售的領克品牌汽車銷量)為90,875部,按年減少約29%。
  • 2019年上半年總銷量為651,680部,按年減少約15%,只達到全年銷量目標1,510,000部的43%。
  • 管理層團隊決定將原定全年銷量目標由151萬部下調10%至136萬部。


=================================


按季度, 2019Q2銷量跌22%


睇半年中期
量減少29%, 淨利減少40%。平均每架車淨利約減少15%。

2018中期每股賺HK$0.88, 淨利較去年同期的66.7億元人民幣將減少約40%.
人民幣對HKD轉弱, 按HKD計2019中期可能HK$0.5。

大行在盈警前下降目標價
大摩今日將吉利目標價由8元降至5元,評級續為減持。
花旗日前亦指吉利的黃金時代已結束,由原來「中性」降至「沽售」,並削其目標價逾43%,由原來的16.4元降至9.3元,認為其風險與回報比率不再吸引。

2019年上半年總銷量為651,680部,全年銷量目標下調10%至136萬部。
下半年要賣近700,00部先會達標.
銷量達標係可能的, 通常第4季係吉利銷售旺季, 但每輛盈利/每股盈利普遍比上半年底, 估計年底減價速銷所致.
所以下半年盈利唔會比上半年好, 估計同上半年相約.
引用:
原帖由 HSIsniper 於 2019-4-11 06:51 PM 發表

...
...

按月表現, 通常第4季係吉利銷售旺季, 但18年下半年外圍環境轉差, 吉利未有如往年般大賣.
值得留意是, 2019年目標銷量是近年首次低於上年.



下半年尤其第4季大賣, 但每輛盈利/每股盈利普遍比上半年低, 估計年底減價速銷所致.

...

之前提及:
高增長期 (2006-2010, 2015至今), PE區間 8倍至20倍左右.
平穩期 (2010-2014), PE區間 介乎5倍至13倍左右.

吉利訂立2019年目標銷量與2018年相約, 如果話吉利2019由高增長期進入新平穩期的話, 今年19年的合理PE區間可能係 介乎5倍至13倍左右.
假設2019年每股盈利同2018相約, 係HK$1.6的話, 今年的合理股價區間將會是 $8至 $20.8左右 (純粹計算, 讀者須自行管理風險).

...
現在盈利半年跌40%跌至HK$0.5的話 (全年盈利當HK$1計), 大摩目標價由8元降至5元, 按平穩期 PE區間 介乎5倍至13倍左右睇, 其實大摩價唔係好過分.

總結
盈警後, 按平穩期 (2010-2014), PE區間 介乎5倍至13倍左右, 全年盈利係HK$1的話, 今年的合理股價區間將會是 $5至 $13左右 (純粹計算, 讀者須自行管理風險).
現價HK$12看似好殘, 但按平穩期PE區間你可以話好貴.

[ 本帖最後由 HSIsniper 於 2019-10-10 01:59 PM 編輯 ]



回覆 引用 TOP

[隱藏]
今年D中期業績有壓力


引用:
原帖由 cliveau 於 2019-7-9 05:55 PM 發表

今年D中期業績有壓力
騰訊友邦 美國減息 係後市最後一根稻草...



回覆 引用 TOP

本周短評

恆指跌303點/1%.
10大權重股全數下跌.
銀行股 (匯豐, 內銀) 優於大市.
平保最差, 其餘大致與大市同步.



Top gainers & losers
上升只有9隻. Gainers板塊有石油, 賭股.
留意上升的股份 (下圖黃色highlight), 合共只升37.28點.
呢9隻的權重總和係11.43, 僅僅比單一隻友邦權重多少少.
Top losers好臘雜, 未有特別板塊.




美股創新高, 不如睇外圍.
下表係各地主要指數的轉角位.



各地自年初低位到4/5月高位都有約20%升幅, 上證更升3成3.
5月中港跌幅都超10%, 外圍跌6至9%.
6月反彈幅度全球大致相約.
但美股德國反彈比5月前高位還要高, 分別係美股創歷史新高, 德國唔係.
近日美股創歷史新高, 其他市場反而搞位回落, 其中上證要回近4%.

美股業績期前創歷史新高, 比較意外, 本來預計創新高都係業績期後的事.
咁業績一定要好好, 否測後市壓力會好大.
個人睇美股業績未必係非常好, 但還是可能足夠高位橫行一段時間.
當然業績太差還是有暴跌的可能.

[ 本帖最後由 HSIsniper 於 2019-7-13 07:22 PM 編輯 ]



引用:
原帖由 HSIsniper 於 2019-7-13 07:15 PM 發表

本周短評

恆指跌303點/1%.
10大權重股全數下跌.
銀行股 (匯豐, 內銀) 優於大市.
平保最差, 其餘大致與大市同步.



各地自年初低位到4/5月高位都有約20%升幅, 上證更升3成3.
5月中港跌幅都超10%, 外圍跌6至9%.
6月反彈幅度全球大致相約.
但美股德國反彈比5月前高位還要高, 分別係美股創歷史新高, 德國唔係.
近日美股創歷史新高, ...
請問在那個網頁,可看到恆指成分股的比重?
謝謝



引用:
原帖由 newstart01 於 2019-7-13 08:49 PM 發表


請問在那個網頁,可看到恆指成分股的比重?
謝謝
恒生指數及分類指數
https://www.hsi.com.hk/chi/indexes/all-indexes/hsi


Scroll下去至 "每日報表", 選擇 "成份股每日變動情況 (xls 格式)" 同 日期 下載即可.


打開Excel, 最後一個column就係.



[隱藏]
引用:
原帖由 HSIsniper 於 2019-7-13 09:24 PM 發表




恒生指數及分類指數
https://www.hsi.com.hk/chi/indexes/all-indexes/hsi


Scroll下去至 "每日報表", 選擇 "成份股每日變動情況 (xls 格式)" 同 日期 下載即可.
...
好詳細解釋,謝謝你



回覆 引用 TOP

引用:
原帖由 HSIsniper 於 2019-2-24 11:24 AM 發表

823領展

領展房地產投資信託基金(Link Real Estate Investment Trust),2015年8月19日以前稱領匯房地產投資信託基金於2005年11月25日在香港聯交所上市,是香港首家上市及最大型的房地產投資信託基金領展房地產投資信託基金。


上市緣由

領展的資產是由香港房屋委員會(房委會)分拆其零售物業及停車場而來。房委會早年由於特區政府決定停售居屋,導 ...
以而家息率得2.7、2.8左右 要回到5% 睇怕有啲痴人說夢喎

你覺得有幾大機會回到4%或者5%? 如果回唔到 係唔係一股都唔吸納?

4厘個價要回到$67
5厘個價要回到$54

[ 本帖最後由 victoria63 於 2019-7-13 11:35 PM 編輯 ]



引用:
原帖由 victoria63 於 2019-7-13 11:24 PM 發表


以而家息率得2.7、2.8左右 要回到5% 睇怕有啲痴人說夢喎

你覺得有幾大機會回到4%或者5%? 如果回唔到 係唔係一股都唔吸納?

4厘個價要回到$67
5厘個價要回到$54 ...
你講得無錯.

以現況來講,
4厘個價要回到$67
5厘個價要回到$54
的確無咩可能.

呢個係典型使用市盈率區間/息率區間的漏洞.
當市場改變對某類資產估值的看法時, 歷史數據的市盈率區間/息率區間會過時.

領展同港鐵都差無幾. 當然可以繼續升, 但個人認為領展返$80邊先考慮, 港鐵$40 (係痴人說夢).



回覆 引用 TOP

上週低位281xx,雖然破唔到28000,但大戶成功殺咗三千幾張牛證,都幾飽。殺完牛就殺熊,下星期有機會上28800甚至29000。


恆指成份股Q2業績預測

先回顧自己過去睇法
引用:
騰訊
大膽估算 2019Q2 經常收益可能增長約 10%, Q2其他收益當佢 HKD 0.6, 人民幣6月又跌近7算.
2019Q2 EPS 可能大約係 HKD 2.6 至 2.8 左右.

騰訊 - 好小心咁磨住升, 免得放走d蟹, 最後煙花式衝一衝就完, 市場一提起Naspers分拆NewCo應該反向視為"好消息", 直至落實上市為止. 小心半年業績. (模擬355, 現價354, 符合預期. )
中海油 - 短線跌得太多. 中期業績前或會彈得幾好. 但中期業績按年倒退兩3成不是奇怪事, 年底穿$10都不是奇怪事. (模擬13.21, 現價13.14, 符合預期. )


友邦
友邦創新高, 是時候估算一下中期業績嘞.

(非常) 簡單籠統來講,
每股溢利 = 每股營運溢利 + 每股非營運溢利
營運溢利 估計 半年可能大約 HK$2 或更多.
非營運溢利 估計 同今年Q1平保人壽情況類似, 會完全收復2018年的帳面虧損, 非營運溢利可能大約 HK$1.5 ~ $2左右, 以中間計HK1.75.
即 中期每股溢利 = 2 + 1.75 = HK$3.75.
幾乎可以肯定中期業績, 友邦業績一定大幅創半年度新高. (半年計, 最高紀錄係2017年下半年的HK$2.11)

友邦19年中期業績創新高係幾乎100%肯定, 美股美債價格都係高位, 問題只係新高有幾高.
睇友邦8月業績前咩價位. 如果95或以上有機會績後散水, 甚至90以上都有機會. 開始減息一刻係最後的煙花, 2019Q3開始受新25%關稅影響, 談判總係跌跌碰碰沒完沒了.

匯豐
會繼續牛牛豆豆, 睇實$60呢個2018低位, 一旦跌穿$60可能會一段深跌幅, 中長線$55樓下才考慮.

港交所
首季盈利輕微創新高, 但觀乎市況往後3季都相當可能盈利按年不及2018年, 最後全年盈利可能要倒退10%左右.
短線睇有無機會返$260, 不過第4季前後會返2018年低位$195.

內銀內險
尤其平保, 有無形手托住, 大市最後防線. 內銀講過, 今年盈利唔會好, 中線2019年低位好可能低2018年低位一些, 但幅度不會太大.

中移
現時息率已達4.7%, 以息率區間已進入吸引水平.
最差情況可能跌至$60邊, 屆時息率是5.3%, 揸長線/炒中線(息率區間底部賣出, 1至2年內)都可以, 幾乎穩賺不賠.


中海油
短線跌得太多. 中期業績前或會彈得幾好. 但中期業績按年倒退兩3成不是奇怪事, 年底穿$10都不是奇怪事. (模擬13.21, 現價13.14, 符合預期. )

汽車/手機
貿易戰風眼. 好多都已接近2018年低位, 短線真係唔識睇, 但中線2019年低位好可能低2018年低位一截.

公用/地產
6月18/19日美聯儲議息, 6月中可能有憧憬減息.
特別講一講煤氣/領展,
煤氣
現時息率1.83%, 近年息率區間一般在2.3%至2.9%, 雖然煤氣每年10送1紅股, 有複合滾存效應, 但現時股價真係非常貴.
美國10年債息率都係2.22%.
領展
現時息率2.66%, 近年息率區間一般在3.5%至4.8%.
現時股價同樣非常貴.
假如領展繼續發癲,息率跌至美國10年債息2.22%水平, 屆時領展股價會到$112水平.
騰訊
暫時維持看法.
2019Q2 EPS 可能大約係 HKD 2.6 至 2.8 左右.
(2019Q1 EPS 係 HKD 3.37)
好小心咁磨住升, 免得放走d蟹.
業績前, 如果升至380或更高要小心.
業績前, 如維持360就最麻煩, 難以估計.


友邦
維持上週最新睇法, 估計中期每股溢利 = 營運溢利 + 非營運(投資)溢利 = 2 + 1.75 = HK$3.75.

友邦19年中期業績創新高係幾乎100%肯定, 友邦會完全收復2018年的帳面虧損 兼 一定大幅創半年度新高.
美股美債價格都係高位, 問題只係新高有幾高.

睇友邦8月業績前咩價位. 如果95或以上有機會績後散水, 甚至90以上都有機會. 開始減息一刻係最後的煙花, 2019Q3開始受新25%關稅影響, 談判總係跌跌碰碰沒完沒了.

唯一隱憂係新業務價值.
各國經濟/股市都好似無咩問題, 美股創新高, 上證差d, 中國GDP保6應該問題不大.
但呢d數字有大企業有錢佬拉高扭曲, 普羅大眾的財富可能遠不如呢d數字.
買保險不如近身錢, 新業務表現可能不如坊間般樂觀.

新業務價值造好, 股價較可以維持高位. 新業務價值差...


匯豐
維持睇法.
會繼續牛牛豆豆, 睇實$60呢個2018低位, 一旦跌穿$60可能會一段深跌幅, 中長線$55樓下才考慮.
匯豐中期業績, 投資收益再沒有Q1般報復式反彈, 不過美股美債價格都係高位, 每股盈利可能略低於Q1或持平.
無咩大事都係63至67之間遊走, 跌穿62升穿68後市或有明確方向.


內銀
維持睇法.
內銀講過, 今年盈利唔會好, 中線2019年低位好可能低2018年低位一些, 但幅度不會太大.
內銀2019Q1盈利真係幾難睇, Q2可能更差, 但權重已降低, 拖低恆指力量減弱.


平保
曾經創高位$98.
2019Q1盈利 HK$2.98, 當中有 HK$0.68係投資收益, 係帳面數, 收復2018年的帳面損失.
A股2019Q1~升35%, 2019Q2~跌10%. 平保Q2盈利有機會比較差.
2019Q2盈利可能係 HK$2至2.4.
同友邦一樣, 盈利或可維持, 但新業務價值係隱憂.
內地會更差, 經濟差, 對外資開放市場增加競爭.

中移
維持睇法.
現時息率已達4.7%, 以息率區間已進入吸引水平.
最差情況可能跌至$60邊, 屆時息率是5.3%, 揸長線/炒中線(息率區間底部賣出, 1至2年內)都可以, 幾乎穩賺不賠.

港交所
首季盈利輕微創新高, 但觀乎市況往後3季都相當可能盈利按年不及2018年, 最後全年盈利可能要倒退10%左右.
短線已返$270樓上, 最高282.
百威有可能打撻Q, 市傳 阿里巴巴 集資規模縮一半至100億美元.
2019Q1每股盈利 HK$2.09, Q2料倒退10%至20%, 以中間 15% 計, Q2盈利每股盈利 HK$1.76左右.
但我略為調高之前 2018年下半年可能低位 $195 至 $220.


中海油
維持睇法.
中期業績按年倒退兩3成不是奇怪事, 年底穿$10都不是奇怪事.


汽車/手機
維持睇法.
中線好可能低2018年低位一截.

[ 本帖最後由 HSIsniper 於 2019-7-14 12:47 AM 編輯 ]



[隱藏]
上週摩根大通上調保險股目標價
友邦 105.00 -> 108.00
平保 120.00 -> 140.00

友邦佔恆指權重10%
平保佔國指權重10%
而目前
恆指 28,471
國指 10,788
友邦 85.45
平保 94.25.

如果如摩通所言友邦平保升到目標價,
即 友邦 要升 26.4%,
平保 要升 48.5%.
就算其他唔升唔跌,
單單 友邦 會令恆指升750點 (現恆指水平2.64%),
平保會令國指 520點 (現國指水平4.85%).
屆時 恆指會到 29200 水平, 國指 11300 水平.
未計其他成份股, 友邦平保升到咁, 其他點會唔升呢?

假如其他成份股全部升10%, 恆指會到 31784.73, 國指到12282.58 .

[ 本帖最後由 HSIsniper 於 2019-7-14 01:33 AM 編輯 ]



回覆 引用 TOP

提示:支持鍵盤翻頁左 右
[按此隱藏 Google 建議的相符內容]