引用:
原帖由 ask20082008 於 2019-3-1 05:48 PM 發表




你唔换呢兩樣, 慳到幾多? 最後装修幾錢?  總之, 呢舊装修費係個大騙局影响回報, 一早知有呢d 潜規則, 唔會投资日本樓
如果唔換就十幾萬yen (基本換下牆紙果d)
換晒就四十幾萬yen
已經係幾個月前既事
真係好垃圾
佢俾完個裝修報價我
叫我最好幾日內決定
因為果個星期六下午有客會睇我層樓
如果決定裝修就可以到時同客講
我見佢咁講
最後我就響星期六早上答應左做十幾萬個裝修
咁租管公司又講喇
熱水爐太舊, 用左三十年, 陣間漏水保險唔包喎
結果我都決定換埋喇
最後都揀左四十幾萬yen 果個plan 打算一次換晒唔好煩

點知乜都應承晒又過晒數俾租管公司
香港agent 同租管公司又黎懶懶閒
匯左錢一星期問佢幾時開始裝修
結果就係答得三個字, "排期中"
有乜理由收完錢幾時開始裝修都無確實時間
拖左近一個月再問開始裝修未
agent 又話租管公司負責條友放新年假喎
到我好不滿直接搵租管公司投訴
租管公司另一條友竟然同我講我匯款後三日已經開始左裝修!
已經接近完成
真係好垃圾!

宜家佢叫我裝修又裝修左
租客佢地都無幫我搵到一個

你講得好岩呀!!!
果然真係好大的騙局!!!

[ 本帖最後由 ANTMeow 於 2019-3-4 01:28 AM 編輯 ]



引用

被引用(3)
我個agent 仲衰, 我見冇比租我, 一路追佢發生乜事, 三個月後先通知我, 租客做左租霸, 欠租, 只收到部份租, 再跟住話要搞装修, 前後搞左七個月先租返出去, 最離譜話要造個洗衣机位收8萬yen 就易好多租出去, 结果租左出去, 個洗衣机位仲未做。

當時我話唔做洗衣機位, 佢話我唔做, 你間屋就租唔到出去,根本就係呃人嘅。所以奉勸大家唔好買日本樓,呢嚿數啊真係難以估計。

如果每年換租客,根本d租未别cover到嗰個裝修費。

仲有嗰啲租回報好多時我覺得好多水份尤其是大阪樓, 嗰啲租根本係業主貼出嚟,跟住呢就誇大個回報率。朋友試過有間日本樓個租金回報好高,跟住嗰租客退租, 朋友上去睇返間樓,啲塵幾尺厚, 根本似大半年都冇人住過。跟住又要畀裝修費租返出去,收到原本一半租金已好好彩。

所以買日本樓真係要好小心,最好唔好買。

[ 本帖最後由 ask20082008 於 2019-3-9 01:27 AM 編輯 ]



請問師兄產樓幾多年歷史? 有返咁上下舊,要執下都難免。

同埋買個時幾錢? 如果係幾十萬港幣貨仔,執四十幾萬円即係成4%-5%,成一年租喇。



師兄, 可否開開名 , 唔好全名打個交差都好 , 等大家可以睇路行.