註冊 登入



打印

[地產新聞轉載] 【樓奴】鬥窮求上公屋 IT男拒升職加薪:射落海都唔益地產商 香討焦點

【樓奴】鬥窮求上公屋 IT男拒升職加薪:射落海都唔益地產商 E-mail 此主題給朋友

[隱藏]


香港擁有一大片石屎森林,但港人要在廣袤之間尋方寸立身之所,難度堪比登天。房屋置業階梯已朽,幾百萬人在「樓海」中艱苦尋覓安身之所,劏房戶等公屋、租戶等買樓、業主等供完樓,「樓奴」都在等一個改變命運的機會。

年近三十的阿杰(化名),任職IT多年,但為了排隊上公屋,過去5年主動向老闆要求「不升職、不加薪」,令自己入息水平和資產繼續符合「上樓」資格。他認為,自己與21萬劏房戶一樣,有住屋需要,更抗拒用畢生積蓄上樓,「射落海都唔想益地產商。」
年輕人應該追夢,28歲的阿杰,最大夢想是「上公屋」。出來工作6年,同輩的職級與薪金持續上升,唯獨阿杰「原地踏步」。理論上阿杰正值人生的黃金時段,事業處於上升期、薪金會持續提高。但他指,畢業後的人生規劃,首先便是申請輪候公屋,所以主動入紙向老闆申請不加薪,亦放棄升職機會,只為了繼續符合公屋入息水平,故多年來月薪維持11,540元以下。

「佛系」等公屋  自認「廢青」

阿杰說,為了上樓,自己不會刻意節衣縮食,繼續有正常社交、聚會,甚至一至兩年會去一次短途旅行,總之他會盡力令積蓄不會超出單身人士申請公屋資產限額的24.9萬。

他透露,自己在事業上本來可以更進一步,但認為樓價太高,要覓得一個安居之所,反而要「鬥窮」,拒絕「上流」。他形容,自己屬於「佛系」,「緣分一到,屋自然會來。」他更承認,自己是社會大眾所說的「廢青」,但自嘲:「廢青總好過連住屋都成問題。」

「幫老闆慳錢好過」

不少港人都認為,能夠有自己的物業,再貴也屬於自己,但阿杰絕不認同:「每日大部分時間都返工,實際『享用』住所時間唔算多,更何況樓價咁高,供完層樓都唔知等到幾時。」他又說,用大部份薪金供樓,最後會失去太多:「拎多啲人工,但攞晒去供樓,供完啲錢都唔係我㗎啦。」他更指買樓是「貼錢買難受」:「我射落海都唔想益地產商。」又指自己主動不加薪,老闆也會對自己好點:「幫佢慳錢好過。」

上公屋只為不變成更慘的輸家

不少人都聽過兩種關於住屋的說法,一是「住公屋就是人生贏家」;另一便是青年發展委員會副主席劉鳴煒金句:「年輕人少去幾次日本旅行,就可以買樓」。阿杰指,自己雖然都想成功申請公屋,但上樓不代表就是人生贏家,只是不想變成更慘的「輸家」。

他又強調,「上樓」不應是人生第一大目標,只是以香港的環境,連基本的住屋需要都未能滿足得到;他又笑指,以現時的樓價,就算不吃不喝,儲蓄十多年都未必可以買樓:「如果真係去少幾次旅行就買到樓,我可以喺佢(劉鳴煒)面前撕爛本passport。」

不敢見女友家長 「大家都唔敢諗將來」

近年網上曾廣為流傳的「公屋潮文」,形容未來外母面對女兒男友住的不同居所,會有完全不同的嘴臉和對待。對於會否擔心自己的取態影響和女友的將來,阿杰以一句話直接終結話題:「大家都唔敢諗將來。」他表示,女友現時也是和家人一起住公屋,但兩人都不敢考慮太長遠的住屋問題,只能見步行步:「未見過家長,唔敢見。」

阿杰稱,自己的環境的確不算最差,但他認為自己同樣有住屋需要:「人哋慘,唔代表我無需要。屋企擺得落一張梳化、唔使4、5個人輪住用一個廁所,呢啲都一樣係需要。」他說,不會對自己的決定感到後悔:「反而我後悔自己無一滿18歲即時入紙,因為身邊有朋友18歲開始申請,26歲就排到上樓。」談起友人比他「捱」少很多年,阿杰輕輕一笑,不知道這是對殘酷現實的苦笑,還是對個人選擇的自嘲。
https://hk.mobi.yahoo.com/home/【樓奴】鬥窮求上公屋-it男拒升職加薪:射落海都-143202479.html

供三十年樓而家風高浪急,絕對不是買樓上車時候,仲要升足15年而家啱啱開始跌⋯



精選樓盤
何來益發展商?

供完系你自己。

吾明D人乜Logic



其實【樓奴】系列想表達D乜


引用:
原帖由 最緊要有米 於 2018-11-8 09:53 AM 發表

何來益發展商?

供完系你自己。

吾明D人乜Logic
你認為現在樓價合理, 但佢唔係咁認為



[隱藏]
IT依家好好揾,隨時40000-50000 人工。。。。


引用:
原帖由 kpchg4 於 2018-11-8 10:00 AM 發表




你認為現在樓價合理, 但佢唔係咁認為
期實呢D post 真心好L悶
一班買不起昨千百理由出尼為自己解說




住公屋一世做無產階層




引用:
原帖由 vvshop 於 2018-11-8 10:01 AM 發表

IT依家好好揾,隨時40000-50000 人工。。。。
5年+ 經驗加際遇先有



回覆 引用 TOP

引用:
原帖由 vvshop 於 2018-11-8 10:01 AM 發表

IT依家好好揾,隨時40000-50000 人工。。。。
可能系整電腦嘅IT
吾系你指嘅IT



[隱藏]
睇佢個背影打扮已經估到系乜人




唔好咁自大啦 你都唔係人家目標客戶 
自己都顧唔掂 何來益到人 



好想去釣魚 好想去釣魚 好想去釣魚 好想去釣魚
錢放落其他投資市場


引用:
原帖由 最緊要有米 於 2018-11-8 10:06 AM 發表


可能系整電腦嘅IT
吾系你指嘅IT
我估係office 幫printer 入下墨個d,  壞機幫人reboot,  多小小功能都無既IT assistant.



垃圾


回覆 引用 TOP

[隱藏]
呢條廢柴冇乜用,陰陽合同都吾識


 提示:支持鍵盤翻頁 ←左 右→
[按此隱藏 Google 建議的相符內容]




重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。