註冊 登入



打印

[其他] 村屋價錢及問題?

村屋價錢及問題? E-mail 此主題給朋友

[隱藏]

今日響網頁睇到、請問呢D盤糸米真的?
超窮鬼只夠買呢D價錢
吾想被騙去到又糸假盤



精選樓盤
385尺差不多呢啲價啦!呢排我都睇唔少村屋,不過係揾700尺3房連花園,中層700尺係300頭到400頭,咁385尺賣2百幾好正路,多啲約   Agent 睇,同一個盤唔同 agent 睇,隨時撞正個比底價你,佣金減半,再幫你傾多啲電器仲得,我昨天都落咗訂個 agent 做足以上各點,買得開心


引用:
原帖由 IamErine 於 2018-3-19 08:17 PM 發表

385尺差不多呢啲價啦!呢排我都睇唔少村屋,不過係揾700尺3房連花園,中層700尺係300頭到400頭,咁385尺賣2百幾好正路,多啲約   Agent 睇,同一個盤唔同 agent 睇,隨時撞正個比底價你,佣金減半 ...
我都搵緊啲700呎中層既村屋,不過我係網上見好多都要$4xx,請問你問左邊到呀?



引用:
原帖由 IamErine 於 2018-3-19 08:17 PM 發表

385尺差不多呢啲價啦!呢排我都睇唔少村屋,不過係揾700尺3房連花園,中層700尺係300頭到400頭,咁385尺賣2百幾好正路,多啲約   Agent 睇,同一個盤唔同 agent 睇,隨時撞正個比底價你,佣金減半 ...
C兄請問買村屋有乜要特別留意?
好似全部化糞池⋯⋯幾時要清一次?
律師糸米會幫買家睇清楚D使用樓契權?
未置業過也不認識買了村屋人士



[隱藏]
引用:
原帖由 前期笨拙的筍盤 於 2018-3-19 11:05 PM 發表


我都搵緊啲700呎中層既村屋,不過我係網上見好多都要$4xx,請問你問左邊到呀?
我睇過間5年樓 700尺3房,地下連小小無圍牆花園,好新淨,開價$388咋,巒山有個中層盤,700尺3房,個我自己都鍾意,過年前開$428,鰲磡村有間11年地下700尺3房,入車花園$438,鳳降村傲凱峰有個地下700尺3房改了兩房,好大花園,車泊空地免租,$450,呢幾間我都曾經考慮過



引用:
原帖由 estateman 於 2018-3-19 11:10 PM 發表


C兄請問買村屋有乜要特別留意?
好似全部化糞池⋯⋯幾時要清一次?
律師糸米會幫買家睇清楚D使用樓契權?
未置業過也不認識買了村屋人士
我樓就買過3次,今次第一次買村屋,想熟想清楚,都係跟多啲 agent 睇,村屋完工後要等批滿意紙,滿意紙出咗才能住人,要補埋地價才能買賣,全新樓好多都係村花,即村屋樓花,原則上買賣村花是不合法的,買村花所簽的是認購協議書,理論上係無咩保障,村花通常連地基都未有已經被認購,發展商收3成訂,我地一般無人脈係唔會買到一手村花,買都只係二手村花,一手放出嚟要賺錢,行內稱之為補差價,既係你要買二手村花就要比3成樓價加差價,唔過$200都接近$200,現金唔多的話唔使諗,如果係有實力嘅發展商嘅一手村花,有機會可以兩成到尾做按揭,但要留意法例規定要有滿意紙補埋地價才能買賣,完工後等齊以上文件都要9個月甚至更耐,有些發展商全包地價,有些設上限,唔夠就由三層樓各業主夾錢補,地價除3,日後各人擁有1/3地權

[ 本帖最後由 IamErine 於 2018-3-20 12:40 AM 編輯 ]



糞池如果唔掉紙巾或其他雜物沖廁,10年以上無問題,如果當住樓咁沖廁法,我打聽到有人會年半吸一次$800起,視乎要駁幾長喉管去糞池,越長越貴,每次費用都要3層業主均分,公契會有寫,我住緊呢間村屋得兩層自己一家5口住哂,上手住4年加我住3年糞池都未滿

[ 本帖最後由 IamErine 於 2018-3-20 12:43 AM 編輯 ]



買村屋要揾有做開村屋的律師,律師費一手村屋會較多契要搞,所以律師費要過$20000,二手村屋律師費平一半


回覆 引用 TOP

村屋要問多樣,舖左光纖未


帶著殘破的軀體,追趕沒有的終點
[隱藏]
引用:
原帖由 IamErine 於 2018-3-20 12:04 AM 發表


我樓就買過3次,今次第一次買村屋,想熟想清楚,都係跟多啲 agent 睇,村屋完工後要等批滿意紙,滿意紙出咗才能住人,要補埋地價才能買賣,全新樓好多都係村花,即村屋樓花,原則上買賣村花是不合法的, ...
所以之前有師兄教路買村屋最安全係買二手屋苑式樓令有返好幾年以上果d
師兄你又點睇?
因為其實我都準備人生第一次置業, 村屋都係考慮泛圍



村屋好多時都無地址,係靠一樣叫 DD Lot 來識別,郵寄地址都係靠佢,銀行物業估價都係用佢,舉例流浮山一帶係 DD129 Lot 2527係分段,再細分為  Section A, B, C,D.......



引用:
原帖由 shum07 於 2018-3-20 12:22 AM 發表


所以之前有師兄教路買村屋最安全係買二手屋苑式樓令有返好幾年以上果d
師兄你又點睇?
因為其實我都準備人生第一次置業, 村屋都係考慮泛圍
我今次係買咗已完工未出滿意紙嘅現樓等滿意紙和補地價,可能要等9個月,去到呢個階段,我相信發展商唔會傻到比自己收唔到千幾萬尾數,所以都唔會驚出事嘅,同埋呢個發展商要求買家所有訂金支票抬頭寫律師樓,由律師樓託管訂金,所以更加唔驚出事



回覆 引用 TOP

引用:
原帖由 IamErine 於 2018-3-20 12:10 AM 發表

糞池如果唔掉紙巾或其他雜物沖廁,10年以上無問題,如果當住樓咁沖廁法,我打聽到有人會年半吸一次$800起,視乎要駁幾長喉管去糞池,越長越貴,每次費用都要3層業主均分,公契會有寫,我住緊呢間村屋得兩層自己一家5 ...
可能不掉厠紙嗎?原來這樣



引用:
原帖由 IamErine 於 2018-3-20 12:04 AM 發表


我樓就買過3次,今次第一次買村屋,想熟想清楚,都係跟多啲 agent 睇,村屋完工後要等批滿意紙,滿意紙出咗才能住人,要補埋地價才能買賣,全新樓好多都係村花,即村屋樓花,原則上買賣村花是不合法的, ...
C兄、請問村屋已完工後業權會否有問題?
報紙有報導過說有些根本不可能買賣、



[隱藏]
引用:
原帖由 estateman 於 2018-3-20 08:51 AM 發表


可能不掉厠紙嗎?原來這樣
而家會有駁出大渠,唔駛再吸



回覆 引用 TOP

 提示:支持鍵盤翻頁 ←左 右→
[按此隱藏 Google 建議的相符內容]






重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。