註冊 登入



打印

[樓市分析及CCL] 點解你買唔到樓 香討焦點

本主題由 System 於 2018-6-13 05:00 AM 解除限時高亮

點解你買唔到樓 E-mail 此主題給朋友

[隱藏]
「點解你買唔到樓」 :
好多人買唔到樓,但從來唔會研究點解自己明明勤力工作都仲係社會基層。我諗左好耐亦忍左好耐,決定要寫一篇文章,解釋一下點解部分香港人會越返工越窮,無論點勤力都永遠買唔到樓。


1. 公屋之毒
冇錯,公屋是有毒的。由於公屋申請的入息上限極低,故申請者都傾向找一些低薪的工作,就業市場會出現同一份工18000冇乜人做,但17000好多人爭住做的古怪現象。因此,對於一些本身薪金萬多元的打工仔來說,人工好難大幅上調,因為實在太多人願意接受更低的人工去做同一份工,老闆要請人取代佢地實在易如反掌。另一方面,公屋居民由於住屋成本低,故願意接受較低人工,壓低整個香港的薪酬水平。試想像一下,如果沒有了公屋,全部人租屋都要10000起標,那老闆出13000蚊仲會請到人嗎? 你人工低其實唔係香港老闆特別刻薄,而係社會上有三分一人口每月交租唔駛2000,出13000糧已經好好駛。咁既然老闆出13000都大把人願意做又生存到,點解要出23000俾你?
部分香港人買到樓,係因為人地個收入已遠超公屋申請者及公屋居民,唔需要鬥平鬥賤。咁人地收市價薪酬,你就長年累月俾公屋居民及申請者拖低個人工,結果就係人地儲到首期你儲唔到,人地過到壓測你過唔到。



2. 無償OT
香港打工仔低薪的另一個主要原因,係賤賣自己的青春和時間,恆常無償OT,無法透過兼職賺取額外收入。以現時最普遍的侍應兼職工作為例,時薪基本就是50元,假如每日做4小時,週末兩日就8小時,那兼職收入就有7500左右。夫婦二人都兼職的話,每月就多15000,一年就是18萬,三年內就可以儲到50多萬首期。
以另一個角度來看,恆常免費加班即代表每月賺少7500,如你月入2萬但日日OT到九點打後,其實你的人工水平和一個月入12500但成日兼職的清潔阿姐冇任何分別。無償OT令你的經濟實力貼近社會基層,買樓自然冇你份。當然,肯博肯捱遲早會加人工,但請自問,老闆會一加就加7500給你嗎? 若果你五年後先賺多7500並開始儲首期,咁人地早你五年買到樓,而你儲到首期時樓價又升左一大截,怪得邊個? 買樓呢個遊戲就係鬥快儲錢,要玩就唔好做咁多義工。



3. 遺傳性貧窮
有錢佬個老豆未必一定係有錢佬,但十個窮人入面,有十一個老豆都係窮人。冇錯,你窮除左係你老細剝削你,另一個更大的原因係因為你生於一個窮人家庭。
窮人父母將窮人的思維模式灌輸俾仔女,強調腳踏實地,靠自己雙手出賣勞力和時間去換取金錢,鄙視靠資本增值的不勞而獲,久而久之令仔女將多勞少獲甚至勞而不獲看作理所當然,繼而衍生出無償OT的不良陋習。但實際上要致富就是靠剝削和不勞而獲,當社會上有一群富人可以不勞而獲,同一時間必須有大量窮人勞而不獲,才能令資源分配達致平衡。窮人父母生兒育女,再思想訓練他們成為窮二代,就可以讓富人不斷有剝削的對象,作為窮二代的你其實很難去扭轉這個命運。
富人視兒女為財富的繼承者,窮人視仔女為退休保障。富人的兒孫無需俾家用,而身為窮二代的你就要和父母分享人工,美其名曰家用、責任或孝道,實際上係對窮人下一代的雙重剝削,令窮二代完全失去累積財富的可能。
人類的任何行為,都是由做決定的一方對結果負責任,唯獨是父母子女的關係雖然是由父母單方面做決定,但最終責任卻要由子女去承擔。養子女一般只需20年,但養父母卻可以係40年以上。很多窮人視這個時間差為投資機會,故意生兒育女去養兒防老,一開始已打算將仔女作為日後的長期剝削對象,而富人一般會將這個被剝削的角色交俾租客和員工去飾演。因此,窮人的仔女在絕大多數的情況下都會係窮人,唯一的解決方法就是擺脫這種長年累月的剝削。你可能會覺得我冇人性,教人唔養父母。但請明白,父母作為成年人,有責任在年輕時部署好自己的退休生活,養兒防老實際上係推卸責任,而當你因為養父母而無法為退休做好準備,你的仔女後代就要承受相同的命運,直至永遠!
中國人說不孝有三無後為大,真正的孝道是先考慮後代的生存條件,將稀有的資源投放在父母身上而令自己無法生兒育女,是最大的不孝! 孝的對象並非單指父母,而是包括祖宗前人。我相信列祖列宗在天之靈,都不會認同把資源浪費在失敗的尾二一代,而令最新的一代成為最後的一代,繼而絕子絕孫。孝道只是剝削的藉口,是否繼續被剝削卻是你的選擇。

(2018年3月12日補充)
文章的確是說中了某些人的痛處。

有幾點補充:
1. 公屋是窮人窮足幾代的最主要原因,亦是香港低下層工資長期低迷的原因之一。公屋的最初原意是為工業提供廉價勞動力,亦即是我說的所謂勞役對象。如果你住公屋又睇唔清楚呢點,必定世世為奴。

2. 我自己10幾年前就係靠做多份兼職儲錢。正職收入就用黎交租食飯。總之正職儲唔到錢就要做兼職。正職無償OT到晚上10點然後儲唔到錢買唔到樓 = 懶惰。勤力或懶惰並唔係睇攰唔攰,而係睇結果。晚晚OT但搵唔到錢,懶在唔用心去經營售賣自己寶貴的時間,將定價權完全交托別人。

3. 我自己會優先將資源投放在下一代,有剩才會給上一代。當資源真係極為缺乏,俾錢父母其實就係對自己及下一代殘忍,好多窮二代基本上就係割肉供養父母,然後絕子絕孫斷絕血脈。即使勉強生兒育女,長年累月的低薪、租金和家用,亦只會令下一代變成一生為奴的窮三代,真係好殘忍。當一個人一生都要俾資本家、業主和自己的父母剝削勞役,倒不如沒有生在世上。自私d講句,我絕對希望窮人不斷生產後代,以供我的子孫勞役,而我的整個45歲退休計劃都是建基於對租客及其後代的剝削。就係覺得太唔人道太殘忍,先忍唔住寫篇廢文提提大家。

[ 本帖最後由 83010278301027 於 2018-3-12 07:26 AM 編輯 ]



實用相關搜尋: 投資 清潔 遊戲 香港 對象
引用:
原帖由 83010278301027 於 2018-3-8 11:43 PM 發表

「點解你買唔到樓」 :
好多人買唔到樓,但從來唔會研究點解自己明明勤力工作都仲係社會基層。我諗左好耐亦忍左好耐,決定要寫一篇文章,解釋一下點解部分香港人會越返工越窮,無論點勤力都永遠買唔到樓。


1.  ...
終於等到數子兄再出帖,激讚!



實用相關搜尋: 香港

回覆 引用 TOP

數字兄新(十大買唔到樓系列)





思想正面不一定成功,但成功的人必定思想正面!
收租王Tony(80後)簡介:
荃灣3房x1(已售)
荃灣4房x1
荃灣車位x1
屯門收租樓x4
屯門車位x2(已售)
以上小小成績,感謝數字兄的一篇貼文!我做左CD-Rom好耐,忙樓忙足咁多年,終於可以上呢度抖下,多多關照!^_^

回覆 引用 TOP

大家要細心思考一下   我們社會太多陋習


熱門搜尋: 日文 課程 dse
[隱藏]
提示: 作者被禁止或刪除 內容自動屏蔽
9唔答8,如果冇晒公屋,租金10000起標,咁到時候20000就係低人工喎,買樓個d就要5萬一個月先可以喎,個分別係乜?數字上升與降低都係冇意思,咁不如講,租金係1蚊起錶,2蚊低係人工,5蚊月薪供樓。又或者租金係1億起錶,2億係低人工,5億月薪先可以供樓得唔得?
引用:
原帖由 83010278301027 於 2018-3-8 11:43 PM 發表

「點解你買唔到樓」 :
好多人買唔到樓,但從來唔會研究點解自己明明勤力工作都仲係社會基層。我諗左好耐亦忍左好耐,決定要寫一篇文章,解釋一下點解部分香港人會越返工越窮,無論點勤力都永遠買唔到樓。


1.  ...
[ 本帖最後由 旺旺終歸BBQ 於 2018-3-9 12:06 AM 編輯 ]



實用相關搜尋: 香港 供樓
d人越想要建公屋   就是越被公屋拖累工資水平

越努力無薪OT想升職加薪  就越儲首期不夠升幅快

打工仔之蠢



實用相關搜尋:
引用:
原帖由 旺旺終歸BBQ 於 2018-3-8 11:56 PM 發表

9唔答8

你睇唔明?







回覆 引用 TOP

提示: 違規內容已被屏蔽
留明,多謝數字兄,中晒






回覆 引用 TOP

[隱藏]
提示: 違規內容已被屏蔽
引用:
原帖由 旺旺終歸BBQ 於 2018-3-9 12:08 AM 發表

你唔係低能到以為住公屋好低人工吓?

樓主講緊申請公屋入息要求
你住太耐公屋  睇唔明嗎?



實用相關搜尋:
好多人話,唔俾家用,買樓就係靠父幹。
錯到飛起,呀仔出嚟做嘢,父母應該仲係做緊工,叫阿仔俾家用托呀。







提示: 作者被禁止或刪除 內容自動屏蔽
申請公屋入息又點?你唔係低能到點樣走法律罅申報都唔識呀,咁你讀咁多書仲乜?人地新移民都醒過你啦,仲好意思笑人地好老實
引用:
原帖由 JXAR 於 2018-3-9 12:09 AM 發表




樓主講緊申請公屋入息要求
你住太耐公屋  睇唔明嗎?







引用:
原帖由 旺旺終歸BBQ 於 2018-3-9 12:14 AM 發表

申請公屋入息又點?你唔係低能到點樣走法律罅申報都唔識呀,咁你讀咁多書仲乜?人地新移民都醒過你啦,仲好意思笑人地好老實

你好叻   叻到搵好多錢租公屋住   真心佩服  我就唔識  唯有買樓住囉~



實用相關搜尋: 法律
[隱藏]
4. 依家潮流興做freelance ,貪自由,冇紀律, 又係永遠買唔到樓


熱門搜尋: 胃癌 植牙 醫療保險 中醫診所
 提示:支持鍵盤翻頁 ←左 右→
[按此隱藏 Google 建議的相符內容]





重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。