• 瀏覽: 373,976
  • 回覆: 352
  • 追帖: 123
[隱藏]
經常都有網友問及強積金組合應該點揀好,所以想係到講少少個人意見,利申我雖然有做開投資但絕對唔係股神,所以我唔會識100%係底揸高沽。

以下內容需要符合一D條件先適用 :

1. 少投資經驗甚至冇
2. 懶得去郁或者唔識點去轉fund choice

好喇入正題,其實策略好簡單,就係揀死一隻fund,用時間同平均投資法去降低佢既風險,所以首先嚴正奉勸大家唔好揀保守以及所謂既保證基金,因為大部份,或者我敢講全部都係跑唔過通脹,部分連基金管理費都唔夠俾。

咁我相信好多人就會問喇,如果買恆指,股票基金個d,一次股災我都收得皮喇,安安定定就算年年輸少少都起碼仲有個本呀,但事實上大家如果有花時間去望下各大MPF trustee 既股票基金十年年度化回報,其實全部都係正數,而且增長率都唔低,部分平均每年都去到7~9%,每年7~9%平均回報係咩概念 ? 咁就要問下偉大既複利息喇。

假設你20歲出黎就做野,60歲就退休,平均你成世既月薪係$20,000,僱員僱主每個月各供1000蚊,年度回報平均有8%,退休有幾錢?

講你都唔信,足足有$6,982,015.66,夠唔夠你過好好既退休生活 ? 40年之後既世界我唔敢講,但相信基本生活都會ok既,如果係咁,有冇人想知道點樣可以揀好E隻影響你一生既基金 ? 如果有既留言話我知,得閒我再打,冇我就摺番埋😂

28/08/2018

#1068 論時間對MPF的重要性

[ 本帖最後由 何必買股 於 2018-8-30 11:06 PM 編輯 ]



引用:
原帖由 公園的師兄 於 2017-9-30 04:00 PM 發表

點入行
你指既係sales?admin?analyst?



引用:
原帖由 公園的師兄 於 2017-9-30 04:06 PM 發表




有時行商場見到d擺攤位個類sales
底薪有幾多
如果sales黎講分2種,一種係銀行既mpf sales , 舉例獅子銀行既入門post就14k再加3個月出一次既sales bonus , 實數就真係睇表現

另一種就係保險公司sales , 舉例Forever sun底薪係6000 , 底薪低之餘其實一隻case既佣都唔係多,幾百蚊到,所以最終目標都係要你搵到公司客同埋cross sell 保險



回覆 引用 TOP

引用:
原帖由 newlife729 於 2017-9-30 04:21 PM 發表

mpf, 係咪可以當股票咁玩? 升市就擺係股票高風險,當見就冧就轉走去保本,如是者不斷重覆
其實suppose 係應該要咁做,但奈何頂同底邊有咁易睇,睇得中既去炒期一早發左達,更何況係一般對經濟冇咩認識既市民,所以如果想穩穩定定又唔多識股票炒賣既,我會建議除左臨退休個10年,選隻10年年度化回報最高既股票基金長擺



[隱藏]
引用:
原帖由 不死熊仔 於 2017-9-30 04:23 PM 發表

舊錢比返我自己炒一定多佢十倍
十年先得個1x%
事實上好多打工仔經常投訴自己份強積金蝕錢,原因歸究係管理貴高,mpf呃人上面,但其實強積金既收費同一般基金冇咩分別,甚至更低,而且管理費講緊係1.xx%,係咪真係有咁大影響力令你份強積金蝕錢 ?

我眼見唔少香港人,超過一半以上根本連mpf係咩都唔清唔楚,填基金選擇個時更係隨心,但入面唔少人其實本身有多年投資股票經驗,咁當然更多係冇經驗。好老實講句,好多人買幾萬蚊股票都會做好多research , 死度爛度之後先去買,但點解你地對份強積金咁唔上心 ?

講緊係你下半生既保障,幾十萬既投資,但竟然合埋眼是旦選個number , 需知唔同mpf公司都有唔同既擅長基金,而唔同基金都會有唔同既往績,而唔同既人(佢會唔會留意大市,會唔會經常轉mpf組合) 都會影響佢應選既基金,要深入去講去研究,其實可以鑽好深,但我可以咁講,只要你願意花d心機時間去了解研究,我唔敢話Mpf可以幫你賺好多,但至少唔應該蝕成咁,至少我以前做sales個時幫客做既選擇,3年來已經增長左4x%



引用:
原帖由 benben999 於 2017-9-30 04:30 PM 發表

點樣避開供MPF?
好簡單,入息少於7100蚊咪唔使供



引用:
原帖由 benben999 於 2017-9-30 04:34 PM 發表




多過點樣可以唔供
其實你咁同上網問人點樣逃稅有咩分別。。。



引用:
原帖由 simonsir 於 2017-9-30 04:40 PM 發表

點樣check 返自己所有在不同銀行或公司,累積的mpf結餘?因為唔想靠佢一年寄一次信先知。又忘記了網上login name and pw
(於匯豐、永明同宏利都有mpf account )
以我所知最方便既方法,mpfa係app store有一個app可以check到你所有既Acc , 只要登記番同埋網上俾個ID copy佢,就可以check到



引用:
原帖由 bloodytequila 於 2017-9-30 04:56 PM 發表

如果個跌市,除左轉保本,仲有冇其他更好選擇?
首先你要明白係強積金條例監管下,係嚴禁基金經理買入期貨,沽空合約,都唔可以買入高槓桿既金融產品如牛熊證窩輪,以減低mpf既風險。

導致可以係跌市中賺錢既產品,例如沽空期指,黃金期貨合約等等。mpf都唔可以買入,但其實仲可以有其他選擇既,基金既好處就係唔止買單一地區既股市,如果港股跌,你可以買美股,歐洲股市,以至環球股市基金,但當然股市既下跌好多時都係全球性既災難。

咁既情況就可以考慮債券基金,因為債券同黃金一樣都係傳統既資金避險所,跌市資金大多會流入



[隱藏]
引用:
原帖由 bloodytequila 於 2017-9-30 05:44 PM 發表

果然夠專業,我唸除左債券應該冇其他選擇
專業唔敢講,但mpf慢慢已經由工作發展成為自己既興趣,香港人普遍對mpf既觀感都係負面,覺得mpf係呃人,我只係想做少少野去改變香港人既想法,我唔介意免費去share mpf相關既知識,甚至我會主動同唔識既人做一d財務分析,去擬定佢地既mpf投資策略 , 因為我真係從中得到左好大既滿足感,但重申一點我真係絕對唔係sales,唔係上黎搵生意,有追蹤我既師兄都知我會係財經版介紹股票,都係唔收錢而且我夠膽講So Far每一隻現時都係賺的,我想得到既只係更多人對我既認同



引用:
原帖由 大大b 於 2017-9-30 05:48 PM 發表

mpf個plan係埋可以任轉?有冇話只可轉自己果份?
Mpf既acc主要分2種,第一種個人帳戶係過往工作既acc並且現時已經離職,咁僱主同僱員既供款係你離職後都會儲左落去個人帳戶上面。

第2種就係你現職供緊既acc , 同樣都係有僱主同僱員既供款。

咁入正題喇,現時個人帳戶(過往工作僱主,僱員合共既供款)係可以任意咁轉換既。

而現職供緊既acc , 僱主供款部份係由你僱主選擇,所以你係冇權轉換既,反而現職既僱員供款部份,因為實施左強積金自由行條例,所以你可以將現職既僱員供款部份,每年轉換一次



引用:
原帖由 raykw531 於 2017-9-30 05:52 PM 發表

點解唔show每年收費同總收費响每年結單上?
如果你開餐廳,相信你都唔會想係餐牌上列明每項菜式既成本,但其實你只要上網google一下,唔難搵到相關既數據資料



引用:
原帖由 Mer哥 於 2017-9-30 06:13 PM 發表

恒指基金係咪買死700,5仔,1299,941之類,其他d二線藍籌蒙牛,金沙,昆倫都會買下?
你要明白恆指基金同香港股票基金完全係2回事,恒指基金以追蹤恒指為目標,其投資組合貼近恒指,以滙豐恒指基金分布為例,投資組合內三大資產為滙控(00005)、中移(00941)及建行(00939),盡可能將升跌百份比同恆指睇齊以至跑贏佢,當然做唔做到一回事。

但香港股票基金就唔同,基金內既組合每一間都有分別,所以先至會係回報上反映番出黎,所以如果你有興趣知道相關基金既持倉策略,都係個句google下就睇到



回覆 引用 TOP

引用:
原帖由 Manyin12345 於 2017-9-30 06:39 PM 發表

請問強積金股票基金成份股:所派發的股息怎處理,去了那?
首先你要明白一隻基金既股票組合,其實係商業秘密,大多數既基金只會披露最大佔比既5隻股票,至於股票既派息當然都會歸番去基金既獲利,不少Mpf基金就係利用藍籌股既穩定派息去對沖番風險,如果話要具體既數字,正如我岩先所講,你唔會知一隻基金係由咩股票所組成,你只能夠係年度既fund report到睇到lump sum既數字



回覆 引用 TOP

[隱藏]
引用:
原帖由 raykw531 於 2017-9-30 06:40 PM 發表


e個係收費唔係成本,成本係你地d人工同燈油火立。即係响餐廳埋單唔比睇收費,就算買股票、基金都好清楚寫眀收費項目,只有強積金係唔使寫,明顯有問題
可能我講既比喻唔係太洽當,但係積金局有規定所有trustee 都要披露相關收費,所以你係選用既時候,相關agent都會提供番,又或者你自己可以上網睇到,唔存在你所講既唔使寫

[ 本帖最後由 何必買股 於 2017-9-30 06:51 PM 編輯 ]



提示:支持鍵盤翻頁左 右
[按此隱藏 Google 建議的相符內容]