[按此打開]
[隱藏]
昨天同投資朋友吹水,佢兩間投資物業都中招,同大家分享下,一間係Sunbury house, 早幾年三十幾萬買入,因在於價位低的區域,已有十萬元的升值幅度,佢一直作出租,但西面平區我一向擔心的不是它們的升值潛力,而係租客質素,我的朋友同我講租客已多月冇交租,上了法庭出了文件也不走,下一步是要警察幫手入屋趕人,行到呢一步間屋會唔會被有意破壞都未知!
佢另一間係North Melbourne apartment, 非常近火車站,早兩年剛收樓時都同我講回報高出租快,點知昨天再問佢已經變成另一回事,雖然兩年樓但四個月找不到租客,原因係附近有apartments 不斷落成,一放租就一百幾十個一齊出,市場跟本消化唔晒,朋友話就算落價都冇客!
我之前講過,要買屋村式townhouse 或apartments投資, 一定要買區內優質盤,座向,views, 樓層,都要比其他單位優勝才能突圍成功租出,當然租金叫價是重中之重。