• 瀏覽: 57,717
  • 回覆: 190
  • 追帖: 38
[隱藏]
其實唔算係咩成功生意,但呢幾年人生真係充實好多,又見有朋友成日驚創業風險,所以想分享一下自己嘅經驗…

我本身係做設計嘅,但同時又鐘意影相,所以得閒會接下freelance,但促使我去創業原因係舊老闆對員工越黎越差,由當時開始我就積極儲錢同接唔同嘅影相job,無錢嘅都會盡量接,務求要令自己可以學到更多野,終於係四年前辭職,拎住十萬去打天下,開公司,Home Office,不過第一年係好難捱…有四個月基本上零收入,但我無放棄過,將之前影過嘅相搞好個網站,等人一問起就即刻可以有作品俾人睇。

第二年開始,生意慢慢穩定,由於我性格比較開朗,識嘅野比較廣泛,好多生意客戶都係由傾下興趣慢慢轉去傾我嘅工作,而本身我朋友比較多,有唔少生意都係由朋友介紹過黎,而我好著重branding,所以一開始已經有晒自己嘅公司簡介、卡片、公司恤衫等等,客戶們都覺得我公司好專業,以為係大公司,當然其實無人知係One man band啦,就咁樣開始左第一個長期合作嘅公司客戶,當然第一次上去開會係好驚,但只要做足資料搜集,開會個陣主動發言,將主動權掌握在手,客戶就會更同意你嘅意見,而且呢個客戶係一間中型銀行,而就係咁我請左第一個同事幫我手…

由第一個客開始,我可以話俾我班潛在客戶聽我其中一個客係銀行,令佢地對我有更大信心,但呢幾年當然係要唔怕蝕底咁付出,同某幾間公司合作初期,我係以免費方式打動佢地,慢慢地係佢地同事之間建立口碑,然後就將大部分攝影工作交俾我,當然中間一定會有幾單免費去幫佢地做嘅野,但做生意嘅係講長期合作關系,唔係下下講錢…

到第四年嘅今日,雖然無上市…人手都唔多,但我嘅長期客戶已經有銀行,大型時裝公司、藝術機構、大學、政府、皇宮、大地產商、美容公司等等…人工亦由第一年嘅慘淡,到而家每個月有穩定增長收入,仲可以請埋人幫手,而且每日會覺得有好多新挑戰,其實創業可以過得好快樂!

創業小小分享…
  • 唔好怕付出同蝕底,要將每次付出視為學習;
  • 要主動去吸取知識,不論時事、車、錶、樓、興趣等等…,同老闆閒談嘅時候起碼可以令佢對你嘅話題有興趣;
  • 亦要主動去搵人傾計,唔好怕瘀;
  • 將自己嘅工作經驗/作品放上去一個隨手俾人睇嘅地方,好似FB page或網站,如果傾傾下發現個客對你嘅工作有興趣,可以即時分享到俾客人;
  • 最重要嘅係,要令客人覺得唔係佢揀服務而係你幫佢度身訂造適合佢嘅產品,咁就更加容易做成生意


[ 本帖最後由 zoeho85 於 2016-7-21 01:55 PM 編輯 ]



熱賣及精選
多謝你既真心分享,能夠將自己專業開公司,捱出頭來,係唔容易。加油






叻仔,add oil


多謝你地鼓勵,其實我係女性黎嘅,剛剛三十出頭,中五畢業就出黎打工,中間讀左一個設計文憑,所以對比起其他人,我可以講係無後台、無學歷嘅人,分享俾大家一張工作照,係兩年前幫俄羅斯皇宮拍攝,係一個好特別嘅經歷!

引用:
原帖由 I-HAVE 於 2016-6-8 09:27 AM 發表

叻仔,add oil



[隱藏]
係第二年創業就有幸成為香港七人足球賽攝影,為荷蘭阿積士指定攝影師。




係咪做得好,有口碑,之後客介紹客咁啊?






首先其實係我未開公司之前已經係Facebook上面分享自己freelance嘅相,有唔太熟嘅朋友係fb見到我做有關嘅野就問我接唔接job, 阿積士呢單就係咁黎嘅,佢地仲要連續兩年搵我指定做球隊攝影師


多謝分享






多謝大家pm同留言,其實有好多時候,我會學定唔同層面嘅技術,包括唔同類型嘅攝影設定,而我嘅老師包括Youtube, Google, Vimeo同書籍(一半外國書一半中文書),而咁啱創業第二年有位朋友嘅朋友公司需要搵攝影師影食物,咁我就順理成章咁接左呢單生意,當然之前毫無實戰經驗嘅我就已經係網上同書面上不停溫習,再係屋企set埋場去試影,其實最估唔到嘅係客人居然係一個集團,我要幫旗下二十間唔同嘅餐廳影食物照,以下就係其中一張工作成品相…




好多時候機會放係你面前就係睇你有無好好預備去應付,而咁啱我做足準備工作去應付呢個咁大嘅工作!希望俾到大家小小唔同嘅創業靈感!



[隱藏]
請唔請攝影師?😁
影開人象識後期






謝謝分享!得益良多






加油!






Ging. Keep up the spirit and add oil. Good luck.






樓主你好
唔知你公司請唔請人
我係女仔
做梗Freelance 攝影
影開小朋友
做過電影花絮
請隨時聯絡我
我都好想學多D野!






[隱藏]
樓主,有無影wedding 呀?






提示:支持鍵盤翻頁左 右
[按此隱藏 Google 建議的相符內容]