• 瀏覽: 393,571
  • 回覆: 1,966
  • 追帖: 17
[隱藏]
先感謝咁多位C兄/C姐的寶貴意見!
集思廣益,才可以諗出最有效,最慳錢,而又獲最多人認同嘅方法!
能做到唔加管理費又儲到錢,當然皆大歡喜喇!






熱賣及精選
引用:
原帖由 DiuBlackL 於 2013-2-17 10:35 PM 發表



最好將管理判比東旭既公司,協同效應,減低成本

其實我一直都好欣賞隔離屋苑嘅管理,花圃又靚,又冇僭建,管理費又平!
若如C兄所言,用埋同一間管理公司,便能產生協同效應減低成本,當然最好不過喇!


但如果冇記錯的話,上次換管理公司時,佳定(即東旭管理公司)都有入標,但價錢就比新昌、置邦都貴!? 好似仲要加管理費添??

(如有記錯,請各位更正!?)

所以要做到協同效應?係咪要 2個屋苑合併招標先得呢? (依家係個別屋苑黎招標報價,管理公司點會計平d??  ) 2個屋苑一齊招標?可行嗎?合法嗎?


http://i1.hk/d/images/r10/mobile.jpg

[ 本帖最後由 潛水專家 於 2013-2-19 03:03 PM 編輯 ]



多謝管理處"正月”未過就安排全日無”水”、無電、大半日無電梯嘅”無家一日”予住戶,大吉利是,無限感激!


引用:
原帖由 QK168 於 2013-2-18 05:46 PM 發表

成個屋苑嘅財政主要分成收入與支出,如果有限度增加管理費(如5%),以增加屋苑財力,減輕日後大型維修嘅財務壓力,本人係讚成。
不過喺增加收入嘅同時,我哋係咪有需要節流而面對其 ...
減少恆常電費開支



[隱藏]
引用:
原帖由 TTC08 於 2013-2-18 12:13 PM 發表

今朝顏議員派單張, 政府給1億各區, 他問點用,
佢提議用作譚公廟前起個摭雨的蓋廣埸 , 我就覺得浪費些了,冇乜大作用,.......
各位c 兄有冇好提議給顏議員呢? 填好份 from 交給他吧
計我話最好就好似東旭、愛東咁起個有蓋行人通道,連接至東濤嘅社區會堂外面果4條柱就perfect喇!



[ 本帖最後由 潛水專家 於 2013-2-19 10:48 PM 編輯 ]



引用:
原帖由 QK168 於 2013-2-18 05:46 PM 發表

成個屋苑嘅財政主要分成收入與支出,如果有限度增加管理費(如5%),以增加屋苑財力,減輕日後大型維修嘅財務壓力,本人係讚成。
不過喺增加收入嘅同時,我哋係咪有需要節流而面對其 ...

先謝謝您詳盡嘅回覆  
睇黎 C兄對東濤都有好深入嘅了解!
唔知係咪曾經係會員黎呢??

我都同意如果係為咗將來唔駛夾錢做大維修而加少少管理費,我都贊成!
依家東濤主要收入(唯一)來源得管理費,停車場租金歸房署,我地又冇份!而人工+電費都佔每月支出嘅一半左右。

所以C兄提議減電費開支係好正確 ,聽聞管委會都研究緊邊D燈熄得?邊D唔熄得?

(可能涉及消防或公共地方照明標準等等因素?)
但最怕係熄完又有街坊投訴,話點解支燈壞咗咁耐都冇人黎換嘅!?

關於花園,我之前都有問過,合約好似包一盆盆小花(種係花園度果d),但大堂過節用的時花應該係另外買的,
至於話一次過種植開花植物?我都好想呀
我成日都彈我地屋苑跟隔離花圃比,真係差天共地!

但聽聞人地洗咗好多錢去整!? 而我地連自動灑水系統都冇 ,只得一位園丁?仲要逢一、三、五先黎工作!
搞到 d 花花草草唔生唔死咁
所以花卉/園藝方面嘅支出其實佔好少數

最後,感謝 C兄的寶貴意見,我有機會的話會向委員/管理處反映!謝謝!




引用:
原帖由 QK168 於 2013-2-18 05:46 PM 發表

成個屋苑嘅財政主要分成收入與支出,如果有限度增加管理費(如5%),以增加屋苑財力,減輕日後大型維修嘅財務壓力,本人係讚成。
不過喺增加收入嘅同時,我哋係咪有需要節流而面對其 ...
讚同QK兄開源節流的想法!洗得其所!慳得有法!




登記日期

地址

層數

單位

建築

面積

成交

(百萬)

呎價

(建築)

補地價

2013

A座

716

3,930

5489

2013-02-14

D座

40

5

952

6.000

6303

2013-01-17

C座

4

5

736

5.148

6996

已補

2013-01-03

C座

25

1

744

3.566

4793

2012-12-28

A座

29

10

517

2.730

5280

2012-11-05

B座

21

1

716

3.790

5293





引用:
原帖由 潛水專家 於 2013-2-19 03:07 PM 發表



計我話…最好就好以東旭、愛東咁起個有蓋行人通道,連接至東濤嘅社會會堂外面果4條柱就perfect喇!

比顏議員的提議實際好多!



[隱藏]
引用:
原帖由 win07 於 2013-2-19 05:02 PM 發表



比顏議員的提議實際好多!
係呀!涉及公眾利益架!
社區會堂、愛寶樓、東濤、東旭嘅住客及使用者都享用到!
其實只係政府出錢起,我地東濤負責維修費!
我地都出錢出力架!



多謝潛水專家師兄嘅關注
師兄喺回覆中亦帶出一個問題----溝通。如果管委會定期出版刊物,將屋苑情況或者未來動向”帶入屋”,便能免卻”壞燈唔換嘅投訴”,再者,呢啲所謂投訴,只要解釋合理而又係對屋苑利多於弊,咪當意見囉,何須怕?


至於一盆盆小花係合約包埋,管委會亦可同承辦商傾,可否將合約內”小花”換成”開花植物”,當然要俾多幾錢、是否合理,要管委會決定喇!
其實園丁作用,本人覺得只係淋水、施肥、修剪同栽種,日常淋水可以安排俾清潔工或者保安員兼顧,一至兩小時已可以做完,對日常運作應該影響不大,安裝自動灑水系統,效果可能更佳。。施肥,本人對種植認識不深,估計兩星期至一個月先做一次。修剪就一至兩個月做一次都仲得。如果無小花,咁就唔洗栽種添喇,所以園丁一星期嚟一次(一日)人工成本支出又可以減低!又慳一筆。
希望管委會對下一份園藝合約預早作出意見收集及理性討論,以便訂出合約內容!
P.S.小花喺管理處門口果啲就又多又日日開,但係停車場出入口及D座對出花槽果啲就少又得半個月有花,兩個半月”無花光晒頭”,大細邊,仲值唔值得種,請各委員諗一諗!


至於你提到嘅花圃同自動灑水系統,其實都係源於一個概念(我估),”以一個年期爲期限,先投放一定支出,再於期限內收回成本,日後果啲咪就係慳番嚟嘅成本囉!”我可能表達得唔好,以下係一個例子:
假設預計未來五年園藝支出為十萬,現在有人建議用五萬整一個靚花圃,可以用五年,加上日常護理,人工兩萬全包,咁即係五年園藝總支出為七萬,咁園藝五年支出咪可以慳三萬囉!如果個花圃可以用多兩三年,園藝支出可以慳得仲多!
當然有利自然有弊喇,利就係慳到錢,弊就係要先預繳支出,仲要確保估算正確!
其實呢個概念可以運用係屋苑唔同地方嘅支出,包括日常照明系統!


以上只是本人之愚見,可否實行,自然要管委會與管理處研究及決定喇!

[ 本帖最後由 QK168 於 2013-2-19 05:31 PM 編輯 ]



引用:
原帖由 QK168 於 2013-2-19 11:28 AM 發表

多謝管理處"正月”未過就安排全日無”水”、無電、大半日無電梯嘅”無家一日”予住戶,大吉利是,無限感激!

C
因為法例規定每五年需要檢查固定電力裝置及領取證明書( WR2
WR2 須遞交至機電工程署加簽
東濤嘅WR2將於20133月底前屆滿
延期的話可能時間上唔許可!?
希望您體諒



與君一夕話,勝讀十年書!真是獲益良多!
其實我係非常同意管委會跟業戶/居民要多溝通、多做諮詢、從而得到更多人支持和認同,相信這樣做事起來都會事半功倍喇!
就好似花圃一事,未與C兄討論之前,我會認為係人手不足,所以導致d花花草草種到唔生唔死咁,正如您所講,真係唔種好過種,d花係盆度好好地,一放入地就好快謝晒!?自問對種植一竅不通,只係覺得唔靚,人地東旭果庭園好鬼正!
但應該繼續這樣浪費d小花?定唔種唔買慳番d錢?還是做一次徹底改善工程,加設自動灑水系統或用其他方法!?如您所說的,好應該係下次傾合約之前,便要廣泛諮詢討論、收集意見!
究竟有幾多人諗法同我地一樣,唔種好過種?定想花錢整好佢!?定有其他更好意見!?應該以少數服從多數黎決定!?
其實好多委員都曾經有不同嘅提議,例如,全苑改用led燈黎慳電慳錢、c座隔離果車閘更亭取消改為八達通自動閘出入,慳番3名保安員人工等等...
但好多時都係講下講下冇咗下文,因為做任何一項改善工程都要先洗一大筆錢!咁做邊樣先?邊種成本效益比較高?又快歸本?又最慳到錢?
我覺得其實都可以交由大家去做決定,因為屋苑大家都有份!



其實管委會係好需要各位街坊嘅支持和信任!
曾經有好多人加入,然後離開...
用經歷3年零8個月黎形容佢地,一點都不為過!
今日總算叫做天下太平!
我係好希望佢地繼續為本苑服務,亦希望有更多有能之仕加入,例如QK168 c兄,更歡迎前委員回來!集思廣益!



[隱藏]
引用:
原帖由 潛水專家 於 2013-2-19 05:02 PM 發表


登記日期地址層數單位建築面積成交(百萬)呎價(建築)補地價2013A座低 7163,9305489未2013-02-14D座4059526.0006303未2013-01-17C座457365.1486996已補2013-01-03C座2517443.5664793未2012-12-28A座29105172.730528 ...



提示:支持鍵盤翻頁左 右
[按此隱藏 Google 建議的相符內容]