• 瀏覽: 24,921
  • 回覆: 128
  • 追帖: 3
[隱藏]
我在便利店公作已經接近十一年,在零九年的時候我特許了一間便利店,其實應該是一件開心的事,因自己在便利店打工多年終於做了半過老板,為何會係一個慘痛的經歷.
零九年金融海嘯,經濟十分差,當時排隊特許便利店的人十分多,特許經營可以話去到一個高峰期,我眼見很多準備特許便利店的人在其他舖頭做實習,我附近的舖頭亦一間又一間咁特許給新的經營者,正正就是咁多人攞舖,我好擔心自己會冇咗份工,因自己沒有什麼學歷,工作經驗最多亦是係便利店,我終於忍吾往問了自己的主任,我可吾可以自己攞間舖做,吾問由自可,一問就出事。
主任即時答,當然可以啦,你地D經理好多都自己攞間做,以後吾洗同人打工,自己做老板。其實吾係吾洗同人打工,只不過係用錢賣份工打,我一早已經明白這道理。
我選擇了一間接近二萬元一曰生意的舖頭,我等了三個星期,特許經營部給了這舖頭的一年整體生意及和我的分賬報告,他們給我三天時間考慮,我自己看了這份報告,非常失望,因這舖的平均毛利只得二十七,公司分賬六十四個巴仙,餘下三十六巴仙給你。你話這樣分賬的舖什樣做,我要包哂舖頭全部人工、大假、例假、強積金、器材維修及保養(包括無理的每三個月一次的例行檢查接近三千元一次)、壞貨及shot貨(壞貨是過期的貨,自己落貨落多咗賣吾哂,就係自己低死,但係公司亂分貨,分D月下貨賣吾到你就出事啦)(shot貨是被人偷的貨,間間舖都有,是乎多小,有D舖三個月可以shot六至七萬)
攞就得、吾攞就吾得、點解?
我同主任講:間舖我吾想要,條數出咗來好似好難做,估都估吾到主任會咁樣答我,有幾難做,你都做咗成十年啦,無嘢難到你喎,樣樣節省D咪得囉,我心諗,咁難講D說話都講得出囗,依個主任係吾係人嚟,攞間舖都係為咗搵錢,吾係攞間鋪番來用節省方法搵錢。
我決意吾攞舖,主任即時變臉(國術大師),主任問我,你有無諗過特許經營部已經幫你做咗好多嘢,你睇完條數小小吾鍾意,你就話吾要,我好難同你交代,加上現在好多人等緊攞舖,吾知你做緊個間幾時有人攞,你係吾係想吾做,你吾做大把人爭往做,你數就攞咗依家想吾要,我驚你好快無得露喎!我最終就範,因擔心連份工都無。
到現在舖頭真是要用節省來營運,我自已要做埋夜班來維持舖頭財政,你地話我係吾係好慘,毛利由接舖到現在永遠都是同當曰的報告下跌二至三個百份點,生意升毛利跌,個個行家都係咁講,同公司講條數做吾掂,公司係咁拖,不斷同我講,要用時間來收集數據,換舖又話無乜舖揀,你話死吾死,交舖就連渣都冇,吾交又吾知自自己幾時頂吾順,究竟命運是自己安排定是由過天來決定!
其實命運應該由自己決定,但是一次錯誤的決定,換番來只有缺陷和哀傷,你地話我是不是很慘,明明自己都好盡心盡力去做,換番來的連最低工資都未有,工作時間長,一曰復一曰,這樣的日子真是很難過。
隨此以外,對我和家人亦是一個大影響,我機本上,每曰剩係得返工同睡覺,毎天醒來就去上班,下班以後就是睡覺,有時想約下朋友食下飯或睇埸戲都冇時間,正所謂我都吾知幾時得閒,我覺得自己很像一部工作機器,好像不會停下來,回想以前,打份工的壓力真是很少,現在常常擔心舖頭無生意,生意多又驚做吾掂,再咁落去,我好驚自己會屈出病來。
家人接觸小了,關係亦開始淡了,好多時想講給家人聽自己的近況,但是又怕他們擔心,不竟自己都是成年人,無理由把自己的哀傷痛苦分給家人,默默承受亦都好似成為習慣。
一個沒有色彩的人生,以前做人玩下做下,雖然活得比較悶,但未至於沒有色彩,現在真正體會到沒有色彩的感覺,好像很想曰子快一點過,但是往往曰子就係好難過,明明很想落淚,但是永遠都是流不出來。

[ 本帖最後由 敏儀 於 2011-5-17 02:34 AM 編輯 ]



回覆 引用 TOP

熱賣及精選
根本係一個局, 特許經營概念根本係荒謬


回覆 引用 TOP

其實你成功攞舖,主任是有獎金收,你攞舖做吾掂又吾關佢事,你攞吾到舖佢冇獎金就大件事,正所謂:有死都是你死。
佢地班主任個個都好貪心,有着數你驚佢地吾攞到盡,班主任吞pok蛇王最耍家,推卸責任,扮做嘢扮忙最叻,成班都係廢人。



回覆 引用 TOP

我認為特許經營只有一個好處, 就係省了前面創業的階段, 對於第一次創業而又不懂的人係幾吸引。但往後更重要的經營及管理問題, 當然不會有人支援你, 而且限制多, 食水深, 好搵笨。


麥兜個同學

回覆 引用 TOP

[隱藏]
咁好做,個主任自己一早就做啦,

當然亦有成功例子,
不過近年實在開得太多了,
一條街居然會有成十間八間,
個餅咪一路細.....................



回覆 引用 TOP

個個都以為7仔大品牌,做得過,其實最搵笨,你賺$,咁佢咪賺少左???佢地計過晒數,點會益你吖,7仔自己一定賺好多,知唔知點解叫7.11? 因為D野人地賣7蚊,佢就賣到11蚊,點會冇$賺,只不過唔比你啫!!!


回覆 引用 TOP

同做保險一樣咯 , 唔怕你你唔識 , 最怕你唔肯入局


ok fine thanks you win

回覆 引用 TOP

點解香港幾百間7仔,得你地幾個係到嘈= =?
唔通其他人賺緊大錢



回覆 引用 TOP

我都相信仲有人係賺緊錢,不過我更相信有更多人係吊緊命,過過都被咗一大舊特許費,吾係咁易抽身,公司常常出陰招,大家都好難做,而且大部分都吾敢出聲,驚公司收舖。


回覆 引用 TOP

[隱藏]
請容許在下叫妳一聲師姐,好感動.唔識講...


回覆 引用 TOP

仲有呀,我對面間7仔2年前業主已經話收返,唔租比7仔,7仔就喺嗰間隔離唔夠20步開多間,因為生意額大跌,咁第一間既特許人就唯有比$攞埋間新鋪做,舊鋪半年後約滿,公司明知租約有問題都照叫個特許比$ 續約,舊鋪續左半年,就比業主收返,個特許人$比晒,現在仲等緊7仔安排,好慘,7仔真係明呃,咩都做得出.


回覆 引用 TOP

特許經營只係同人地 (品牌) 打工, 佢就賺錢, 你就承擔風險.
我朋友個朋友都係開七仔, 都係得個做字, 唔見生活有點改善.



回覆 引用 TOP

攞間7仔做, 一開波要幾多錢架??


回覆 引用 TOP

如果想創業,又唔夠錢開舖頭,倒不如揾下d頂手既舖頭好過個做5+2la


回覆 引用 TOP

[隱藏]
四十至六十萬,視乎舖頭生意多少


回覆 引用 TOP

提示:支持鍵盤翻頁左 右
[按此隱藏 Google 建議的相符內容]