• 瀏覽: 4,519
  • 回覆: 3
[隱藏]
標準地產代理佣金表之四:一個更好的安排(只限香港住宅樓宇)


依家嘅地產代理制度有一定嘅問題,我舉例說明,如果有個樓盤一百五十萬,
同時有兩個買家有興趣,一個係用家,一個係炒家,大家都願意用一百五十萬買呢間
樓,大家俾嘅佣金都係0.5%,你哋估經紀會
做邊一單生意?答案當然好簡單,一定係做炒家嘅生意,我諗都唔駛我點解釋啦!

第一、經紀手上有幾多炒家,對佢生意有好大影響;
第二、炒家買樓後一定放出去,到時經紀就可以多一單生意,如果用家買咗,市場上就少一個單位。
大家千祈唔好話經紀咁做有問題,因為佢都係為自己利益著想,情理上係冇問題嘅,
如果你係佢,你同佢都係同一樣做法。

但問題係點解用家同炒家都出同樣conditions條件,用家都唔可以買到佢心
目中嘅物業,又或者就算用家肯出一百五十二萬,佢都未必一定可以買到佢
想要嘅物業!!點解呢??因為一百五十萬嘅0.5%佣金係七千五百蚊,一百五十二
萬嘅0.5%係七千六百蚊,相差只係一百蚊,佣金相差好少,經紀有可能為討好炒家,
而做成炒家果邊生意,而唔做用家生意!!咁大家覺唔覺
得對用家一方有唔合理嘅地方,對賣家一方又唔合理呢!!

又有一個情況,市況好旺嘅時候,好多時經紀都唔會理班準租客或者二手市場
準買家,又或者只係做一手盤,唔理二手盤,原因當然係經紀覺得做租盤或者二
手盤冇做一手盤咁好做(以當時情況嚟講),即係二手市場根本有空隙。既然市
場有空隙,點解唔俾其它人幫助一班想睇二手市場嘅準租客或者準買家呢!

如果大家細心D諗,問題其實出在帶客睇樓嘅程序上,所以香港係應該有以有償
形式去帶客睇樓,即係如果你去睇樓,你係需要俾錢嘅,例如睇一個普通單位,
可能要八十至一百元,睇一個山頂豪宅單位,就可能要二三百元,甚至更多,
完全視乎需要嘅時間來決定,但係你睇完樓之後,業主嘅聯絡資料例如電話等
係會俾翻你,會唔會聯絡業主係你嘅決定,又或者你請一個經紀去同業主傾,
都係你嘅決定。當然業主一方亦可得到準租客或者準買家嘅基本資料,例如姓氏及聯
絡電話。  

當然,帶你睇樓嘅人唔係經紀,而係睇樓協助員,睇樓協助員係唔需要攞經紀牌
嘅,因為佢哋只係出賣時間,係勞力工作而已,情況等如你去坐的士,
以時間計算車資一樣,睇樓協助員可以以兼職做呢份工作,我相信
適合部份社會人仕做呢份工作。當然,開設睇樓協助員呢間公司嘅人需要有經紀牌,
以保障呢間公司提供俾市民嘅資訊係正確嘅。我相信市場對呢種服務有一定需要,
而只要市場有充份競爭,相信睇樓嘅價錢一定會好合理。


如果社會上覺得呢樣生意利潤微薄,可以由社會企業去做呢樣生意,咁樣唔係
同地產代理爭生意,而係提供另一個選擇俾市民,大家要記著:有得揀、你先係老闆!
(我唔係跟嗰位梁生講㗎!!)

各位,如果市場上有呢D服務,你哋會唔會幫襯?如果地產代理或者地產發展商反對
以上安排,你哋又會唔會向政府要求呢?


p.s.我又問大家兩個問題
    第一、點解地產代理會反對以上建議?
    第二、點解地產發展商唔會支持上述建議?


and more information on http://hk.myblog.yahoo.com/op781009



熱賣及精選
如果大家細心D諗,問題其實出在帶客睇樓嘅程序上,所以香港係應該有以有償
形式去帶客睇樓,即係如果你去睇樓,你係需要俾錢嘅,例如睇一個普通單位,
可能要八十至一百元,睇一個山頂豪宅單位,就可能要二三百元,甚至更多,
完全視乎需要嘅時間來決定,但係你睇完樓之後,業主嘅聯絡資料例如電話等
係會俾翻你,會唔會聯絡業主係你嘅決定,又或者你請一個經紀去同業主傾,
都係你嘅決定。當然業主一方亦可得到準租客或者準買家嘅基本資料,例如姓氏及聯絡電話。


行不通!  點保證個業主吾系妺呀!
業主同經紀夾住穩食,經紀系咁call客人去睇又平又正ge盤,平市價一半 。業主就做一味反價,反到客人吾買為止。層樓長睇長有!一日call得2-3十人去睇:各有千幾蚊一日收入,幾過引呀 米仲好過賣樓



安得广厦千万间,大庇天下寒士俱欢颜,风雨不动安如山。
唔係經紀call客,在這間社會企業內的經紀係唔會主動call客,只有
客人揾佢,當然,你講嘅問題係會發生,所以我話最好由社會企業
去做呢門生意,如果有業主玩嘢,就有懲罰方法,例如罰款或者永久
禁止呢個業主用呢項服務,仲有,業主放盤係要俾錢嘅,唔係免費。

依家資訊發達,亦可以將玩嘢嘅業主資料放上網,等大家都可以警惕。



提示: 作者被禁止或刪除 內容自動屏蔽
[按此隱藏 Google 建議的相符內容]