Board logo

標題: [Q&A] 回答所有生意難題(15年經驗) , 你問我答. [打印本頁]

作者: 香港貼地青年    時間: 2018-6-8 02:44 PM     標題: 回答所有生意難題(15年經驗) , 你問我答.

對大多數人來說 , 做生意是九死一生既玩意 .
對少多數人來說 , 做生意屢戰屢勝 .
最主要分別是思維問題

在30年前 , 只要你有好產品 , 你就能風生水起
但現在你有好產品 , 沒有好策略同定位 , 基本上冇好結果

其實開這個{你問我答} , 是為了教我十歲女兒做生意
市面上講理論既書太多啦 , 但現實才是最好既老師
所以希望在幫到人之余幫到自己 .

你好 , 我叫 DONALD

本論壇嚴禁 , 明示或暗示PM .
2018/6/21 更新
多謝大家支持 , 本帖已經超過 2000 人次瀏覽
證明香港有心創業既人有很多 .
提問既人都越黎越多 開始有些亂 同 重覆
所以這兩日我在思考如何有效討論下去 , 因而停了回覆
希望大家感受到我真心在幫大家 .

飲食生意問題
81帖

[ 本帖最後由 香港貼地青年 於 2018-7-11 10:42 PM 編輯 ]
作者: 包糟糕    時間: 2018-6-8 03:21 PM

前輩你好 我做商貿 只係幾年貨仔。唔知你做邊行呢
作者: 香港貼地青年    時間: 2018-6-8 03:36 PM

提示: 該帖被管理員或版主屏蔽
作者: 香港貼地青年    時間: 2018-6-8 04:49 PM

有朋友 PM 我
[師兄你好,我很想創業,但資金不多,每天煩惱,想做飲食,或者受歡迎的零售,但唔知怎起步。求指教,謝謝。]
就這問題 , 我覺得應從現實同建議入手.

在現實中 , 100 間公司 80 間賺吾到錢
你做老板 , 要預左得份人工
你做老板 , 要預左開頭辛苦過打工
你做老板 , 要預左面對現實

很多創業者失敗在 , 把自己的偏好 , 當成顧客既偏好.
市場是殘酷的 , 顧客不會為你的偏好而買帳的 ,
記住 , 你要解決顧客的痛點 , 要解決顧客的痛點 , 要解決顧客的痛點
在找到顧客的痛點 前 , 你的定位和目標顧客就顯得非常重要 .
未找到的情況下 , 同出錢買工冇分別

禁建議點開始呀 ?
我反而建議從自身出發
第一步 , 首先了解自己既興趣
興趣是一樣很好既東西
有了他 , 你會不停追更好的技術 , 你會比客戶掌握更多 .
才會形成自己既價值 .
重要是 , 有了興趣你才能遇到貴人.

試想吓 , 你想做飲食 , 但冇興趣 , 就算你面前出現左個飲食大亨 .
你可以做什麼??吹兩句 , 你同佢都覺得冇引
當英雄遇上英雄 , 才有火花出現

第二步 , 了解自己既性格
有些人外向 , 有些人內向
有些人諗頭多 , 有些人勤力
在此 , 我建議網上找 智富八X 有個$50 TEST
但其他堂不建議上 , 只不過是重覆書上理論
要學好一件事 , 有個導師按你情況比意見更好 , 他的服務好似要 40萬左右 .搵我免費


題外話 飲食之我見~~定位篇
一直以來 , 飲食業是最簡單既創業方法
但系香港 , 租金同人工是最大既問題
你見屋企樓下 , 邊間茶記不是自己做 ??
老板只是出自己人工 , 除非租金好平 .
( 好多反人性餐廳 , 街坊區行文青路線冇問題 , 連電視都冇 ,單價提高不了 , 街坊客又小左 , 唉 )
要賺錢 , 只能做一些本小利大既潮流生意~最好例子台式飲品
可惜 , 市場飽和 ,開業成本不斷上升 .現在已經很高風險 .
目前""新店""能賺到既只有 ,X辰吉時 茶飲專門店
此時我告訴你定位既重要
本小利大既潮流生意 , 當你開業時 是 本小 利大 潮流 做定位
只要一天市場改變了 , 你既死期會到
要做下去 , 只能再找下一個 本小 利大 潮流 既產品
引至你開業時就要把裝修成本 同 產品開發 成本考慮加入恆常開支中 .
如果老板沒有這意識 , 結果可想而知 .
串燒 , 我覺得可以做 , 但定位好重要 . 我地要賺錢 吾係買份工呀 .

下期講 PACIFIC Bxx 同 x羊人餐廳 成功之道
但我更想網友提供一個營業中既案例 , 看看能不能為你解決困難 .

[ 本帖最後由 香港貼地青年 於 2018-6-9 02:32 PM 編輯 ]
作者: 香港貼地青年    時間: 2018-6-8 04:57 PM

你好呀 包糟糕
我做過好多生意
易加主力投資 ~ 新手

[ 本帖最後由 香港貼地青年 於 2018-6-9 02:30 PM 編輯 ]
作者: monniebabe    時間: 2018-6-8 09:06 PM

可唔可以問下,
攪食牌投資要幾多? (錢同時間)

網上賣食物係咪都係一樣既食牌?
作者: 香港貼地青年    時間: 2018-6-9 12:59 AM

攪食牌****簡單****分 大牌 同 細牌
網上賣食物依法例係要食物製造廠牌照申請指南
但我估一半人系冇牌

大牌 一般是明火 , 大電子爐 , 有坐位
細牌 不能明火 , 只能做小食 , 可有坐位

以全新街鋪計 ,
大牌零設計要五十萬左右
細牌零設計要二十萬左右
租鋪前要留意來去水 , 同廁所位 . 法例一定要架 ,吾系間間都可以做食

所以頂手是比較有著數
頂手時 , 要留意查清楚賣比你既是否持牌人
我知有騙子 , 賣鋪收左錢 , 之後牌要屈你比錢
或姐個牌有問題 轉吾到名

但在找鋪前 , 你的定位是什麼 呢??

[ 本帖最後由 香港貼地青年 於 2018-6-20 01:05 AM 編輯 ]
作者: 文一    時間: 2018-6-9 02:09 PM

樓主好厲害 識咁多商業知識 我都想學下 
作者: 香港貼地青年    時間: 2018-6-9 02:29 PM

助人助己啫
作者: luckycws    時間: 2018-6-9 02:59 PM

引用:
原帖由 香港貼地青年 於 2018-6-8 04:49 PM 發表

有朋友 PM 我
[師兄你好,我很想創業,但資金不多,每天煩惱,想做飲食,或者受歡迎的零售,但唔知怎起步。求指教,謝謝。]
就這問題 , 我覺得應從現實同建議入手.

在現實中 , 100 間公司 80 間賺吾到錢
你做老板 , 要預左得份人工
你做老板 , 要預左開頭辛苦過打工
你做老板 , 要預左面對現實

很多創業者失敗在 , 把自己的偏好 , 當成顧客既偏好.
市場是殘 ...
你好,你的說話一針見血。
做老闆一定要付出更多,要比任何人更有熱情才行
作者: 香港貼地青年    時間: 2018-6-9 03:24 PM

所以興趣要行先
背後藏著一連串既原因

我開 POST 一來為自己
二來 , 就是見到太多人為賺錢而做生意

但問題是 , 你沒有賺錢既邏輯時
你越做只會越辛苦 , 到頭來賺不了錢 , 又浪費人生 , 屢戰屢敗 .

在此我希望網友們能提出自己真實經營上既困難

新生意既諗法
不要怕被別人抄襲 , 因此你做的事很容易抄襲的話
已說明他沒什麼前途
而且有案例後 , 我會教你一些制造護城河的方法 , hehehe.
作者: 香港貼地青年    時間: 2018-6-9 03:36 PM

以下是引錄其他導師對學員餐廳既見解
雖然都是一些大概籠統既說法 , 但已經可以引導思考
我 POST 這文是有原因 , 吾知有冇人估到

((((((((本周我們要解決的問題來自@若水同學)))))))))

{{{{{若水的問題

老師好
我在地級市經營一家連鎖的咖啡西餐店,店面面積250平方,剛開始只供應純西餐和各類咖啡茶甜品飲品,後來私自加了一部分中餐,但點單的人也不是很多。充值返現、返券、美團、微信點餐等都試過,效果都不好。房租又高,人員工資也不低,該店由2個人合作,意見也有不統一情況,先後換了2個店長,第3個店長是其中一個股東親戚,管理粗放,廚房和飲品有部分原材料分別由廚房長和吧台長進貨。目前店收不抵支,連員工工資都付不起。附近另一家咖啡西餐也在轉讓。想知道我的問題到底出在哪兒?如何增加營收?}}}}}


{{{{{導師回答

我先說個資料,據統計,餐飲業每年以超過10%的速度增長,同時以70%的比例洗牌。餐廳關門休業幾乎是一個常態,也就是說,不是每個餐廳的問題都有解決辦法。

在若水同學的講述裡,她提到了自己面臨的一連串問題,比如成本太高、管理粗放等等,既然已經意識到這些問題,而且從她的描述中看得出,他們已經做了一些改變,但困難依然存在,很可能這不是關鍵所在,而問題的突破口在看不到的地方。

今天,我試著從商業邏輯的角度推演下這個問題,從銷售=流量*轉化率*客單價*複購率這個公式入手分析,告訴大家一個我思考問題、尋找答案時的方法論。

一、永遠關注有效流量

把西餐店開在商場的一樓,本質上就是你想利用商場流量,但這些路過的人流,不是為了你的店而來,他們是購物來的,順便在你這裡吃一頓,所以很大可能,這些人不是固定的一群人,而是每天不同的人群,來店裡進行一次性消費。

這就和你把店鋪開在寫字樓和社區完全不同。開在寫字樓,你面對的就是這棟樓裡的人,談複購率和會員計畫是非常合適的。開在社區裡,面對的就是求方便的社區居民,你要做出家一樣的熟悉感,強調實惠和口味。

@若水同學還提到了她自己是一家加盟店,但一般選擇一個品牌加盟,會有三個原因:

1、加盟的品牌可以為你提供原材料,省掉你的採購時間,品質有保證,價格上也有優惠。

2、加盟品牌可以幫你解決管理體系的問題,比如有人幫你來選址,教你應該怎麼來管理這個店,如何去引流,搞什麼活動等等。

3、加盟品牌可以自帶流量。

面對陌生路人,只有消除了陌生感和排斥感的品牌,才能吸引路人進入餐廳消費。你想,面對一個陌生的咖啡店和熟悉的星巴克,用戶一定會選擇星巴克,雖然星巴克一杯咖啡賣30元,但進了陌生的店他會擔心價格、品類不是他想要的。你需要的就是這樣有信任感和熟悉度的品牌,可以自帶流量。但如果你加盟的品牌不能滿足其中任何一個條件,你就要反思加入這個品牌有沒有必要了。

二、設計合適場景、提高轉化率

咱們再來分析下顧客群體:餓了來吃飯的、來喝東西等人或者休息的,以及來買東西的。

對於餓了要吃飯的人,你的競爭對手是其他樓層的餐廳,想辦法吸引他們的注意力,用優惠套餐鼓勵他們下單,是直接方式。

對於來喝東西的人,他們更多是進來等人的,可能是等太太逛街的丈夫,或者是等約好閨蜜的女生們,@Mr.Du 同學的建議很好,“借助在一層的地理位置優勢,為那些先到者提供休息等候的服務,同時適當提供免費純水和小甜食作為引流品,促進進一步消費。”@大客創新互聯網諮詢-Jackson董坤也提到了嘗試“咖啡製作少兒培訓班”、“公司咖啡下午茶”、“男性託管中心(為託管的男人打折或者專門制定行銷方案)等新的商業模式,非常不錯的建議。

你甚至可以拿個表記錄下一天中有多少人是帶著孩子來的,有多少是老公陪著老婆來的,有多少是男女一起的。如果你主要服務的是那些買完東西恰巧口渴的人,那一個簡單的飲品店就可以提供,250平米的面積就沒必要了。如果來你店裡的人帶孩子來的多,就可以設置一個兒童樂園,充氣城堡,讓孩子在裡面玩耍。比如是等妻子的老公們多,準備好wifi和報刊就夠了。所以你要知道自己到底是服務哪批人,他們的需求是什麼,搞清楚這個問題才能實現有效流量的轉化率。

三、改賣消費頻次高、客單價高的產品

在地級市,西餐很可能不是消費主流,那你想要從產品入手提升客單價,挑戰是很大的。

建議去看看其他加盟店的經營情況,如果和你一樣的地級市商場中的其他加盟店做得很成功,你就應該去學習學習,主動尋找答案。如果大家做的都不行,你就該撤出了,換一個地方換一個加盟品牌,做其他購買頻次高、客單價更高的產品。比如星巴克,它也不會提供西餐,只是會有一些糕點,打好燈光,讓路過客人一看特別漂亮。

四、想辦法提升複購率

如果你想提高你這個商場裡西餐的複購率,就要定位那些天天來這裡上班的人。

@Tony to ni 同學提到了有效利用商場的固有人流。這指的是商場的售貨員、工作人員等。

但這是一群非常在意成本的人,不可能吃一個很貴的西餐,你就要出一系列便宜的套餐,這也許不會給你帶來利潤,但是會維持你基本的經營。

如果你能服務好這些售貨員和工作人員,就可以進行異業聯盟,比如給售貨員一些優惠券,讓她們在服務來買東西的客戶時,發給使用者,比如老婆來逛街買東西,售貨員給她老公一張優惠券讓他去你的店裡買個優惠的蛋糕邊吃邊等,這樣他就可能順便能點杯咖啡,帶動你的銷售。如果售貨員發送出二十張優惠券,就是幫你拉進來二十個客人,你就給她午餐免單。這就不僅服務了商場裡的售貨員,提高了複購率,還能讓她們幫你帶來新的客源。

[ 本帖最後由 香港貼地青年 於 2018-6-9 03:37 PM 編輯 ]
作者: 一笑而過@    時間: 2018-6-9 04:55 PM

受教了,謝謝樓主。
作者: 包糟糕    時間: 2018-6-16 04:06 PM

樓主 請問你有冇開過冇限公司?
作者: in_hk_people    時間: 2018-6-19 12:13 AM

引用:
原帖由 香港貼地青年 於 2018-6-8 02:44 PM 發表

對大多數人來說 , 做生意是九死一生既玩意 .
對少多數人來說 , 做生意屢戰屢勝 .
最主要分別是思維問題

在30年前 , 只要你有好產品 , 你就能風生水起
但現在你有好產品 , 沒有好策略同定位 , 基本上冇好結果

其實開這個{你問我答} , 是為了教我十歲女兒做生意
市面上講理論既書太多啦 , 但現實才是最好既老師
所以希望在幫到人之余幫到自己 .

你好 , 我 ...
請問樓主,小女子岩岩開左間小店賣飾品,但因為該區啲客路大部份係學生,而店鋪賣的飾品對象係OL,變相生意麻麻,想轉平價路線,想問下如果一家店賣多啲不同種類既野,會係有利定不利呢?(如兼賣衫同精品,以形知該場人流既需要)

謝謝指教
作者: 唔想作條款鹹魚    時間: 2018-6-19 01:18 AM

想請教咁食品製造廠牌呢?目標:300呎

其實個牌難唔難拎?係未一定要搵顧問公司?

連牌頂唸唔唸得過?頂手費幾多先合理?


作者: 香港貼地青年    時間: 2018-6-19 02:27 PM

曾經有過 , 散左
因為我性格比較內向吾岩同人夾
之後
one man band 吾開有限公司
作者: 香港貼地青年    時間: 2018-6-19 04:26 PM

引用:
原帖由 in_hk_people 於 2018-6-19 12:13 AM 發表


請問樓主,小女子岩岩開左間小店賣飾品,但因為該區啲客路大部份係學生,而店鋪賣的飾品對象係OL,變相生意麻麻,想轉平價路線,想問下如果一家店賣多啲不同種類既野,會係有利定不利呢?(如兼賣衫同精品,以形知該場人流既需要)

謝謝指教 ...
in_hk_people 我先簡單回答你既問題 .
如果一家店賣多啲不同種類既野 一定一定是弊多於利 .
加上轉平價路線 , 基本上死硬 .
背後邏輯是
1 . 生意差
2 . 入多種貨
3 . 成本增加 , 而且失去焦點
4 . 沒有焦點 , 毛利降低
5 . 毛利降低 , 生意更差
除非你是廠家或已有自家品牌否則寧願結業 , 都不亂開戰線 .

那還有得救嗎 ?
從問題中 , 我們可觀察到 in_hk_people 應該是 OL . 但商場是學生為主 .
由於是小生意 , 可行的建議如下
1 . 突出 OL 飾品 , 由店名 , 宣傳品 , 到裝飾 . 裝飾 用品要佔 50% 以上 .
2 . 多同客戶傾計 , 特別是學生 .了解他們購買的原因 .
3 . 針對他們購買的原因 , 而推出不同系列或宣傳 .

剛開始只要先做好第1個建議

風格可參巧以下頻道
https://www.youtube.com/channel/UCGWhmYfsCrWI5maLqlKKAmQ/videos
注意風格要要統一 , 簡單 , 能突出主題 .
燈光不能少( 很多小商店死症 ) , 要用 COB 射燈 .

裝飾品既作用就好似以下三間都是魚旦檔 ,
第一間 , 零裝飾 , 你會肚餓先食
第二間 , 裝飾得兩隻字 , 你行過長洲會食 , 而且貴小小都照食 , 同第一間做吾同客
第三間 , 裝飾 , 招牌靓小小 , 如果加上 , 長洲島民古法咖哩 特大魚旦 . 只要夠香 , 行過你都想買黎食 .




[ 本帖最後由 香港貼地青年 於 2018-6-19 04:28 PM 編輯 ]

圖片附件: [1] QQ截圖20180619155118.jpg (2018-6-19 04:26 PM, 20.28 KB) / 該附件被下載次數 6
https://finance.discuss.com.hk/attachment.php?aid=8426084



圖片附件: [2] QQ截圖20180619155126.jpg (2018-6-19 04:26 PM, 11.51 KB) / 該附件被下載次數 6
https://finance.discuss.com.hk/attachment.php?aid=8426085



圖片附件: [3] QQ截圖20180619155132.jpg (2018-6-19 04:26 PM, 17.43 KB) / 該附件被下載次數 9
https://finance.discuss.com.hk/attachment.php?aid=8426086


作者: 樹上紫色的裙    時間: 2018-6-19 04:45 PM

Na

[ 本帖最後由 樹上紫色的裙 於 2018-6-19 04:46 PM 編輯 ]
作者: 香港貼地青年    時間: 2018-6-19 04:57 PM

NA ??
作者: PandaDa97    時間: 2018-6-19 05:05 PM

謝謝樓主的分享
留名學習
作者: PandaDa97    時間: 2018-6-19 05:12 PM

謝謝樓主賜教
我早前也在版區內賜⋯⋯
見到有樓主這個分享實在太好了!


~~~~~~~~~~~~~~
考慮頂手 (頂讓) 一間小食店嚟做
籌備及物色中

主要出售小食、飯盒、自家製的醬料及節期性食物 (例如:蘿蔔糕、糉......之類)
日常食物方面, 其實會重新計劃過
未必跟足頂回來的店原本的出品, 可能部份相同。

在考慮及籌備的過程中, 有甚麼需要留意的?
例如:
食物製造牌 / 食肆牌
BR申請
原本店舖的生財工具
原本店舖的賬目
.
.
.
等等


另外, 我需預備甚麼資金?
例如:
頂手費
租金的按金
水電按金
人工 x ?個月
租金 x ?個月
.
.
.
等等

因為知識有限, 所以想到的也有限
所以來求賜教
作者: in_hk_people    時間: 2018-6-19 05:15 PM

引用:
原帖由 香港貼地青年 於 2018-6-19 04:26 PM 發表



in_hk_people 我先簡單回答你既問題 .
如果一家店賣多啲不同種類既野 一定一定是弊多於利 .
加上轉平價路線 , 基本上死硬 .
背後邏輯是
1 . 生意差
2 . 入多種貨
3 . 成本增加 , 而且失去焦點
4 . 沒有焦點 , 毛利降低
5 . 毛利降低 , 生意更差
除非你是廠家或已有自家品牌否則寧願結業 , 都不亂開戰線 .

那還有得救嗎 ? ...
好多謝樓主既建議,其實我店隔離同斜對面都做緊好平既飾品,如10蚊或20蚊,佢地有大量學生擁入,變相我想做埋學生生意,如唔做學生生意我就索性搵份長工,索性再晏至晚上六點先開店(星期一至五)、呢個場好大、同我同類既飾品店都有既,即貴價少少,但我開正係平野附近、少不了有壓力、近日開始搵到平啲既入貨源、想入少少賣平啲、希望吸引街客

因為呢到啲人會嫌我啲野貴

我又覺得會不會轉型半間飾品半間衣服,會不會食到較多人?

謝謝解答!迷途小羔羊上
作者: 香港貼地青年    時間: 2018-6-19 06:17 PM

引用:
原帖由 in_hk_people 於 2018-6-19 05:15 PM 發表


好多謝樓主既建議,其實我店隔離同斜對面都做緊好平既飾品,如10蚊或20蚊,佢地有大量學生擁入,變相我想做埋學生生意,如唔做學生生意我就索性搵份長工,索性再晏至晚上六點先開店(星期一至五)、呢個場好大、同我同類既飾品店都有既,即貴價少少,但我開正係平野附近、少不了有壓力、近日開始搵到平啲既入貨源、想入少少賣平啲、希望吸引街客

因為呢到啲人會嫌我啲野貴

我又覺得會不會轉型半間飾品半間衣服,會不會 ...
我感受到你好想做平價貨 .
其實可試一試 , 成本只不過幾千 .
( M記$2雪糕 , 你都冇可能日日食 , 吸引左你黎 , 你又會吾會食多左M記 ?? 食多左 , 你又賺多左幾多 ?? )

但有成功經驗既網友都不會認同 .
你入左10蚊或20蚊貨時 , 佢會賣$8 ,$5 ,$2 ,很快你們都不用做.
鬥平 , 基本上 , 有效一星期 , 然後搵所謂既新貨 . 又鬥平 .

要吸客 , 要從客戶身上找痛點 .
我舉例說
店名叫 BE A LADY ( 好老土, 自己改個好D )
專賣一些成熟小小 , 成色明顯較好既飾物 .

學生行過 , 見到間鋪幾靓 , 入黎睇睇
你可以同佢講 :[我地專賣一D成熟小小既款 , 隋便睇 ]
見到佢冇咩心水 , 可以推一盤飾物 , 然後講 :[ 泥個系xx系列 , 近排比較受學生歡迎 , 好多學生帶去見暑期工 , 大方又得體. ]
就係一句 , 感覺已經吾同
個個學生都有成熟一吓既需要  , 比如 謝師宴 , 見男朋友 , 上台表演 , 見工 , 送禮比家姐 等
所以你要了解你的客戶 ,并將個畫面帶比佢 . 禁先有吸引力 .
但前題是 , 店舖裝修要得體 , 產品質量要合適 .
這呼應返之前回答的第二 , 三步
只要市場真有這需求 , 年年你都可以出個 見工飾物攻略 , 年年等收錢 .
客群確定後 , 加衫 , 裙 , 任你點賣 .更可同其他人合作 , 如化妝 , GEL 甲等

[ 本帖最後由 香港貼地青年 於 2018-6-20 02:45 AM 編輯 ]
作者: 香港貼地青年    時間: 2018-6-19 06:19 PM

提示: 該帖被管理員或版主屏蔽
作者: 包糟糕    時間: 2018-6-19 07:33 PM

引用:
原帖由 包糟糕 於 2018-6-16 04:06 PM 發表

樓主 請問你有冇開過冇限公司?
resend
作者: 街場仔    時間: 2018-6-19 08:33 PM

hello 師兄,
睇到你嘅post及回覆,很有共鳴,
小弟sales出身,諗住創業,
會做網上藥材生意
營銷策略已無問題
但後勤好似如何搵供應商合作,牌照申請問題等,無從入手,可否向你求教
(無諗住開門市)

[ 本帖最後由 街場仔 於 2018-6-19 08:35 PM 編輯 ]
作者: 唔想作條款鹹魚    時間: 2018-6-19 08:40 PM

引用:
原帖由 香港貼地青年 於 2018-6-19 06:19 PM 發表



你想做咩食物 , 可PM 我
新手,PM唔到
作者: 香港貼地青年    時間: 2018-6-20 12:56 AM

引用:
原帖由 唔想作條款鹹魚 於 2018-6-19 01:18 AM 發表

想請教咁食品製造廠牌呢?目標:300呎

其實個牌難唔難拎?係未一定要搵顧問公司?

連牌頂唸唔唸得過?頂手費幾多先合理?

睇返 7樓既帖
基本上差吾多 ,
好多顧問公司本身都吾識 , 可以吾搵
我見有人頂手 12萬 食品製造廠牌 , 系TUEN MUN
仲有好多差吾多既頂手盤
但有好多細節位要留意 ,
一個重點
吾清吾楚成件事吾好比任何錢
世界上冇咩生意要即刻做 , 特別系飲食
近年多左好多伏
寧願慢慢睇多幾間 , 行多幾轉 .

另外我又問 , 如果有得用五萬蚊試營運 , 類似共享廚房
你會吾會試左先 ?
作者: PandaDa97    時間: 2018-6-20 12:57 AM

引用:
原帖由 香港貼地青年 於 20/6/2018 12:56 AM 發表



睇返 7樓既帖
基本上差吾多 ,
好多顧問公司本身都吾識 , 可以吾搵
我見有人頂手 12萬 食品製造廠牌 , 系TUEN MUN
仲有好多差吾多既頂手盤
但有好多細節位要留意 ,
一個重點
吾清吾楚成件事吾好比任何錢
世界上冇咩生意要即刻做 , 特別系飲食
近年多左好多伏
寧願慢慢睇多幾間 , 行多幾轉 .

另外我又問 , 如果有得用五萬蚊試營運 , 類似共享 ...
共享廚房是怎樣的?謝樓主
作者: PandaDa97    時間: 2018-6-20 12:59 AM

引用:
原帖由 香港貼地青年 於 19/6/2018 06:19 PM 發表



你想做咩食物 , 可PM 我
我誤會咗你問我⋯
我咁岩又求賜教
作者: 香港貼地青年    時間: 2018-6-20 02:32 AM

引用:
原帖由 PandaDa97 於 2018-6-19 05:12 PM 發表

謝謝樓主賜教
我早前也在版區內賜⋯⋯
見到有樓主這個分享實在太好了!


~~~~~~~~~~~~~~
考慮頂手 (頂讓) 一間小食店嚟做
籌備及物色中

主要出售小食、飯盒、自家製的醬料及節期性食物 (例如:蘿蔔糕、糉......之類)
日常食物方面, 其實會重新計劃過
未必跟足頂回來的店原本的出品, 可能部份相同。

在考慮及籌備的過程中, 有甚麼需要留意的?
例如:
食物製造牌 / 食肆牌
...
你的問題 , 與很多網友相似 .
我嘗試列出一個通用公式 , 令大家更清楚明白 . 方便計算 .

先設定  食物種類 影響店舖類型 , 客源 ,人手
公式是 [目標客戶 / 租金 *重覆性 *利錢 - 成本 ]  /對手
舉例1 : 良x吉日奶茶店
食物種類是奶茶
店舖類型 外賣店 , 較細 , 貴裝修
客源 是年輕人
人手 只需兩,三個人
如果在屋村樓下開 , 開業成本約 $15 萬
[目標客戶(少) / 租金(平) *重覆性(少) *利錢 (少)- 成本(少)] /供應 (少)= 白做
如果在海壩街開 , 開業成本約 $80 萬
[目標客戶(多) / 租金(貴) *重覆性(中) *利錢 (高)- 成本(少)] /供應 (中,獨特性因素) = 有機賺 (主要看潮流能否持續)

舉例2 : 牧羊人餐x
食物種類是 文青西式
店舖類型 堂食店 , 較 , 貴裝修
客源 是年輕人
人手 2樓面 3廚房 1洗碗
如果在屋村樓下開 , 開業成本約 $50 萬
[目標客戶(中至小,年青人上班去) / 租金(貴,因為要大地方) *重覆性(中至小,食茶記會多D) *利錢 (中)- 成本(中)] /供應 (少) (零) = 白做
如果在大會堂開 , 開業成本約 $80 萬
[目標客戶(多,大會堂多文青) / 租金(中至平,政府地) *重覆性(中,口牌較好,位置中曬MOOD) *利錢 (高)- 成本(中) /供應 (少) (獨市) = 有機賺 (續約與否 , 成為回本關鍵)

同樣公式
可以套入肥媽X房菜(難賺) , 頂爺X房菜(易賺) , 坐月靓湯 (難賺,競爭一定好大) , 魚旦燒賣 (難賺)  ,貴租茶記(難賺) , 月費OL膳食(一般) , 星空旦糕(一般) , CUPCAKE 專門店(一般) ,手工啤(一般)

你試下計 , 如果你主要出售小食、飯盒、自家製的醬料及節期性食物 (例如:蘿蔔糕、糉......之類) 生意會.......答案好明顯
如果你還想做 , 我要了解你更多野先

[ 本帖最後由 香港貼地青年 於 2018-6-20 02:48 AM 編輯 ]
作者: 香港貼地青年    時間: 2018-6-20 02:42 AM

引用:
原帖由 街場仔 於 2018-6-19 08:33 PM 發表

hello 師兄,
睇到你嘅post及回覆,很有共鳴,
小弟sales出身,諗住創業,
會做網上藥材生意
營銷策略已無問題
但後勤好似如何搵供應商合作,牌照申請問題等,無從入手,可否向你求教
(無諗住開門市) ...
成藥 , 西藥 , 中藥 , 保健品 ?
一款 , 一系列 , 一類別 ?
作者: in_hk_people    時間: 2018-6-20 12:35 PM

引用:
原帖由 香港貼地青年 於 2018-6-19 06:17 PM 發表



我感受到你好想做平價貨 .
其實可試一試 , 成本只不過幾千 .
( M記$2雪糕 , 你都冇可能日日食 , 吸引左你黎 , 你又會吾會食多左M記 ?? 食多左 , 你又賺多左幾多 ?? )

但有成功經驗既網友都不會認同 .
你入左10蚊或20蚊貨時 , 佢會賣$8 ,$5 ,$2 ,很快你們都不用做.
鬥平 , 基本上 , 有效一星期 , 然後搵所謂既新貨 . 又鬥平 .
...
好多謝樓主你咁詳細解答,都會做平少少個價錢,希望啲人行入黎睇岩都會大啲動機買,但就唔會同$10/$20爭過你死我活了

我小店因為太細,所以都無特意裝修,但就有放兩個較靚的飾品櫃,黎緊改善緊店鋪格局,希望用多啲空間放多啲產品出黎,請問樓主,一家飾品店放多啲飾品係咪好過放得比較少呢?

希望樓主可分享賜教 感激不盡
作者: abrokenrib    時間: 2018-6-20 01:28 PM

請問樓主,本人25歲女仔,有少少fashion sense ,想副業開間IG online shop,但未決定到賣乜產品,有諗過賣內衣/情趣用品/代購(未決定邊個國家)但IG同行競爭都好大,我諗緊會唔會係推廣最難?因為如果無人follow 你IG ,你推幾多好嘢,都無人落單喔?求解
作者: PandaDa97    時間: 2018-6-20 01:56 PM

提示: 該帖被管理員或版主屏蔽
作者: PandaDa97    時間: 2018-6-20 01:59 PM

也想問多些樓主提到的「共享廚房」
是否共租一個有食物製造牌的廚房?
還是近年流行的,類似小型party room,有廚房的?

謝謝樓主
作者: yangyang448    時間: 2018-6-20 05:09 PM

引用:
原帖由 香港貼地青年 於 2018-6-9 12:59 AM 發表

攪食牌****簡單****分 大牌 同 細牌
網上賣食物依法例係要食物製造廠牌照申請指南
但我估一半人系冇牌

大牌 一般是明火 , 大電子爐 , 有坐位
細牌 不能明火 , 只能做小食 , 可有坐位

以全新街鋪計 ,
大牌零設計要五十萬左右
細牌零設計要二十萬左右
租鋪前要留意來去水 , 同廁所位 . 法例一定要架 ,吾系間間都可以做食

所以頂手是比較有著數
頂手時 ...
細牌零設計20萬左右什麼意思?是裝修廚房及樓面還有申請拍照的費用嗎?
作者: 香港貼地青年    時間: 2018-6-21 09:49 PM

引用:
原帖由 in_hk_people 於 2018-6-20 12:35 PM 發表


好多謝樓主你咁詳細解答,都會做平少少個價錢,希望啲人行入黎睇岩都會大啲動機買,但就唔會同$10/$20爭過你死我活了

我小店因為太細,所以都無特意裝修,但就有放兩個較靚的飾品櫃,黎緊改善緊店鋪格局,希望用多啲空間放多啲產品出黎,請問樓主,一家飾品店放多啲飾品係咪好過放得比較少呢?

希望樓主可分享賜教 感激不盡 ...
你 POST 幾張舖頭相大家參巧下啦
我亦容易比意見

現在我大概提出店舖設計時有幾個經常忽略既位

1. 燈光 .
易加 LED 好平 .一定要用COB射燈 ,最好用大牌子
( 大牌子柔和得黎又夠光夠散 ) .
而且要識分主燈同裝飾燈 .
裝飾燈越多既舖人會多D .

2. 牆紙
牆紙不是真的牆紙 , 是指你要懂得把貨裝得豐滿D .
在遠看 , 要客人一眼就知你賣什麼 .

在近看 , 要多用裝飾作襯托

棉花根本不是產品 , 但放在被鋪隔離 , 就覺得被鋪好天然
又舉例
OL 手飾隔離 放兩枝SK2 護膚品( 當然是用完 ) , 或幾張成熟自信既OL 相 .

3. 招牌
一定要簡單 明顯 .

圖片附件: 提升商品價值感1.png (2018-6-21 09:49 PM, 459.65 KB) / 該附件被下載次數 12
https://finance.discuss.com.hk/attachment.php?aid=8434255


作者: 香港貼地青年    時間: 2018-6-21 10:15 PM

引用:
原帖由 PandaDa97 於 2018-6-20 01:59 PM 發表

也想問多些樓主提到的「共享廚房」
是否共租一個有食物製造牌的廚房?
還是近年流行的,類似小型party room,有廚房的?

謝謝樓主
小型party room既廚房一定系冇牌 .
「共享廚房」是指有牌既餐廳在不營業時 , 將廚房借出給你使用 .
作者: babiesasa    時間: 2018-6-21 10:58 PM

有朋友話50萬開間飲品店, 10萬備用營運, 樓主係咪覺得真係夠?
雖然我唔係做生意, 但係真心覺得唔夠, 佢連每日應該做幾多生意額賣幾多杯飲品未睇, 只係覺得人地好賺就打算開, 話飲品入貨好平, 用具可以淘寶, 又無飲食經驗, 我只係輕輕問左啲問題佢就話一個人research唔晒, 仲想做自己品牌, 呢位朋友係咪太衝動呢?

[ 本帖最後由 babiesasa 於 2018-6-21 11:00 PM 編輯 ]
作者: 香港貼地青年    時間: 2018-6-21 11:11 PM

覆41#
引用:
原帖由 babiesasa 於 2018-6-21 10:58 PM 發表

有朋友話50萬開間飲品店, 10萬備用營運, 樓主係咪覺得真係夠?
雖然我唔係做生意, 但係真心覺得唔夠, 佢連每日應該做幾多生意額賣幾多杯飲品未睇, 只係覺得人地好賺就打算開, 話飲品入貨好平, 用具可以淘寶, 又無飲食經驗, 我只係輕輕問左啲問題佢就話一個人research唔晒, 仲想做自己品牌, 呢位朋友係咪太衝動呢? ...
錢是夠的
但冇特式 , 開一間死一間 .
睇返4# POST .

要賺錢 , 只能做一些本小利大既潮流生意~最好例子台式飲品
可惜 , 市場飽和 ,開業成本不斷上升 .現在已經很高風險 .
目前""新店""能賺到既只有 ,X辰吉時 茶飲專門店
此時我告訴你定位既重要
本小利大既潮流生意 , 當你開業時 是 本小 利大 潮流 做定位
只要一天市場改變了 , 你既死期會到
要做下去 , 只能再找下一個 本小 利大 潮流 既產品
引至你開業時就要把裝修成本 同 產品開發 成本考慮加入恆常開支中 .





葵廣飲品 , 有冇人知呢堆死曬未 ??
反而有個明星開果間 , SELL 真茶葉 ,茶味夠 ,
佢定位是實力 , 租金吾加既情況下 , 我覺得可長做 .

現實中是有些朋友是真有潮流觸覺
其實可在開業前 , 試下沖一杯 , 之後系葵廣走黎走去 .
假如有人望 , 就有市場 .
冇既話 , 憑什麼要專門走去你到買野飲 ??

[ 本帖最後由 香港貼地青年 於 2018-6-21 11:19 PM 編輯 ]

圖片附件: hqdefault.jpg (2018-6-21 11:11 PM, 19.5 KB) / 該附件被下載次數 7
https://finance.discuss.com.hk/attachment.php?aid=8434569



圖片附件: 195291_4.jpg (2018-6-21 11:11 PM, 119.14 KB) / 該附件被下載次數 11
https://finance.discuss.com.hk/attachment.php?aid=8434570



圖片附件: 1471503902_6e16.jpg (2018-6-21 11:11 PM, 29.78 KB) / 該附件被下載次數 15
https://finance.discuss.com.hk/attachment.php?aid=8434571


作者: dreaming84    時間: 2018-6-21 11:39 PM

[quote]原帖由 香港貼地青年 於 2018-6-8 02:44 PM 發表

對大多數人來說 , 做生意是九死一生既玩意 .
對少多數人來說 , 做生意屢戰屢勝 .
最主要分別是思維問題

在30年前 , 只要你有好產品 , 你就能風生水起
但現在你有好產品 , 沒有好策略同定位 , 基本上冇好結果

其實開這個{你問我答} , 是為了教我十歲女兒做生意
市面上講理論既書太多啦 , 但現實才是最好既老師
所以希望在幫到人之余幫到自己 .


樓主你好, 求指教!!
小弟一直都想嘗試創業,仲希望趁還年輕闖一番。
開門見山,求指教FishSpa /魚療行業(親親魚吸腳死皮等)在香港還能做得起來嗎?
了解過市場供應者少,實際需求不太確定,回頭率/持續性難保證,但都想試下。
想藉前輩經驗,分享一下心得。

市場最大擔憂是細菌傳染,
經營:
一人一缸, 小鱼
可供一次性腳套(慎怕者又想試)
泡完魚缸再用滴露等消毒腳
如選在西九龍,又吾知得吳得?
求高見 感谢!
作者: dreaming84    時間: 2018-6-21 11:54 PM

你好,樓主:
小弟一直都想嘗試創業,仲希望趁還年輕闖一番。
開門見山,請指教FishSpa /魚療行業(親親魚吸腳死皮等)在香港還能做得起來嗎?
了解過市場供應者少,實際需求不太確定,回頭率/持續性難保證,但都想試下。
想藉前輩經驗,分享一下心得。

Fishspa是香港仲有無得做, 市場最大擔憂是細菌傳染,
經營:
一人一缸
可供一次性腳套(慎怕者又想試)
泡完魚缸再用滴露等消毒腳
如選在西九龍,又吾知得吳得?
求高見
作者: 香港貼地青年    時間: 2018-6-22 01:26 AM

覆44#
引用:
原帖由 dreaming84 於 2018-6-21 11:54 PM 發表

你好,樓主:
小弟一直都想嘗試創業,仲希望趁還年輕闖一番。
開門見山,請指教FishSpa /魚療行業(親親魚吸腳死皮等)在香港還能做得起來嗎?
了解過市場供應者少,實際需求不太確定,回頭率/持續性難保證,但都想試下。
想藉前輩經驗,分享一下心得。

Fishspa是香港仲有無得做, 市場最大擔憂是細菌傳染,
經營:
一人一缸
可供一次性腳套(慎怕者又想試)
泡完魚缸再用滴露等 ...
這個問題非常好 , 十分經典 .
很好多人在外地遇到新時物 , 就想引入香港 .
有想法是好的 , 支持 .

以下就來說說我的看法
FishSpa /魚療行業 , 我相信網友心中已有一個否定的答案
只是不知道原因 , 所以對他念念不忘 .

你可回想一下 , 第一次遇到他是在什麼場景 ?
那天應是一個在台灣, 過著一個放鬆悠閒既假期 ,
逛了一天市集 , 累的時候 .
回到呂館 , 剛好有見到FishSpa , 覺得有趣 , 然後試啦 .

現在我們轉換一下場景 ,
在香港 , 你逛了一天市集 , 累的時候 .
你應該會回家吧 .

其實問題核心在於消費場景
FishSpa 作為一個獨立產業是不可能的.
他只是旅遊產業附加的一環 .
客人是以嘗鮮的心態去使用服務 .
他還沒有形成保健的形象 , 所以回頭率/持續性難保證 .

另外 , 成本亦是一個關鍵的問題.
在阿里山FishSpa , 魚是天然的 , 幾乎零成本 .
一次投入 , 長期使用 .
但在香港以人工飼養的話 , 成本極高 .
而且室內 FishSpa 極難擺脫骯髒的感覺 .
作者: babiesasa    時間: 2018-6-22 03:14 AM

引用:
原帖由 香港貼地青年 於 2018-6-21 11:11 PM 發表

覆41#

錢是夠的
但冇特式 , 開一間死一間 .
睇返4# POST .

要賺錢 , 只能做一些本小利大既潮流生意~最好例子台式飲品
可惜 , 市場飽和 ,開業成本不斷上升 .現在已經很高風險 .
目前""新店""能賺到既只有 ,X辰吉時 茶飲專門店
此時我告訴你定位既重要
本小利大既潮流生意 , 當你開業時 是 本小 利大 潮流 做定位
只要一天市場改變了 , 你既 ...
多謝樓主回覆,我唔敢同佢講到咁深入住,因為佢只係一心覺得人地做到,好好賺,佢都得,佢亦可能覺得旁人憑乜野覺得冇得做,但佢就係向潮流野,佢明知係紅海,所以我點到即止就算了。樓主講得好啱,潮流野要不斷搵,或者有能力嘅自己不斷創造,到底有幾多人有咁嘅能耐?
作者: 型控Style    時間: 2018-6-22 05:32 AM

人生的第一桶金
做生意最重要的是怎樣賺到人生的第一桶金,很多人努力奮鬥很多年,都沒有辦法賺到人生的第一桶金,最多是存到一些錢,有一些基礎,但生活依然充滿壓力。在真實的世界裡,有很多大富豪,賺回來的第一桶金,通常都是講得很模糊不清,為什麼?--因為他們都有用手段,而且都是用過非黑非白的手段。
作者: 香港貼地青年    時間: 2018-6-22 03:17 PM

引用:
原帖由 型控Style 於 2018-6-22 05:32 AM 發表

人生的第一桶金
做生意最重要的是怎樣賺到人生的第一桶金,很多人努力奮鬥很多年,都沒有辦法賺到人生的第一桶金,最多是存到一些錢,有一些基礎,但生活依然充滿壓力。在真實的世界裡,有很多大富豪,賺回來的第一桶金,通常都是講得很模糊不清,為什麼?--因為他們都有用手段,而且都是用過非黑非白的手段。 ...
不敢認同
大富豪做生意既邏輯性很強 , 用戶粘度很大 .

舉例 中原x產 , 你會感受到 , 他的對象是商業客 ,
他真知你行業既要求 , 提供合適的單位 .
法律支援很到位 , 令你放心做生意 .

又舉例 利加角
他的對象是小業主
小業主要的是小投資機會
如近來的工廈小單位
由建立公司的那一刻 , 市場已經是他了

你平時很多理所當然的事 , 都系有錢佬第一個做出黎 .
比如 新紅基 ,就是第一個把一層樓分幾個單位賣既人 .
這影響全世界人買樓的習慣 .
只是你不留意世界的變化 .
作者: kinseyyu    時間: 2018-6-22 06:04 PM

真心欣賞樓主,自幼教育女女財務之道,未來都想似樓主咁教育下一代。

小弟有少少情況想分享下,希望樓主比少少意見。

小弟廿頭,主要技能係產品設計,剛剛做左一兩年野,同時多接觸內地(大灣區﹑廣西等)

因為中學時期接觸學生營商計劃,當時認左一班朋友大家開左間印刷公司,成為人生第

一次接觸創業既經驗。當時因為各人升學上既種種變化,最後運營一年後就無再做(雖有小額利潤)。

但因為呢個經驗,對於創業有份執著。

依加而出黍做左2年設計業,發現左少少行頭情況,

第一﹑指望香港政府搞好創新產業援助等同發夢;

第二﹑對比內地設計市埸,香港開價不一定高﹑但客戶要求的確係世界級;
E.G. 一個充電器設計連工程圖深圳市價~50,000RMB,香港客可以開價1-20,000仲要講到比多左

第三﹑一間小設計公司老板主要做既係聯繫客人﹑以及培養新人,如何宣傳﹑溝通係重點

第四﹑年收入100萬既小型設計公司﹑老闆大概可以佔3成至5成利潤(個人認知﹑請指教)

第五﹑香港設計師,於內地依然有名堂上既優勢

有見於此,覺得同人做不如自己落手做。小弟計劃2年內自己開間內地公司收數開發票,但香港同時租個郵箱開間公司。

而內地公司主要設於廣西,因為工程人手5500-8000(有經驗),比深圳8000-15000開支更低。

但主要生意對象以大灣區為主。而名義上有香港公司優勢。

而且,因為一帶一路上既發展都有少少了解,打算將利潤投資內房(住宅﹑公寓)收租,可以作為公司以及改善生活既現金流(小弟於

廣西買左一間25萬既小公寓,現時租金1100)。短期發長展可能都想以內房投資﹑設計生意為主軸。

因為都比較粗略,但想了解師兄睇法,或者有無一啲重點必須認知,都想了解多啲。請賜教!

-------------------------------------------------------------
另外,想問下樓主有無咩書適合我呢類新手睇?

小弟最近睇過富爸爸之有錢人大陰謀(但未完全消化)

以及睇緊人性的弱點,想學下社會溝通技巧


希望樓主會抽空交流,感謝!

[ 本帖最後由 kinseyyu 於 2018-6-22 06:14 PM 編輯 ]
作者: 香港貼地青年    時間: 2018-6-22 08:12 PM

覆 49#
引用:
原帖由 kinseyyu 於 2018-6-22 06:04 PM 發表

真心欣賞樓主,自幼教育女女財務之道,未來都想似樓主咁教育下一代。

小弟有少少情況想分享下,希望樓主比少少意見。

小弟廿頭,主要技能係產品設計,剛剛做左一兩年野,同時多接觸內地(大灣區﹑廣西等)

因為中學時期接觸學生營商計劃,當時認左一班朋友大家開左間印刷公司,成為人生第

一次接觸創業既經驗。當時因為各人升學上既種種變化,最後運營一年後就無再做(雖有小額利潤)。

但因為 ...
很開心收到你的提問
證明現在的年青人很有想法 , 就算想法有問題都不怕 ,
只要有正確的指導加上練習 , 始終有一日成功 .

回應返提問 .
網友 提到五個觀點 .我想從兩個方向回答 .

從宏觀現實市場去看 .
第一﹑指望香港政府搞好創新產業援助等同發夢;
確實如此 , 因為要成功申請基金 , 不但要有清晰概念 , 更要懂得游戲規則 .
市面上 , 有一些幫人申請基金既公司 , 他們就是懂審批條件 ,
( 同飲食業出食牌一樣 ) 基金審批者只是打份工 , 乎合條件就批 . 因而批到成功的公司 ,來來去去都是那幾間 .
第二﹑對比內地設計市埸,香港開價不一定高﹑但客戶要求的確係世界級;
E.G. 一個充電器設計連工程圖深圳市價~50,000RMB,香港客可以開價1-20,000仲要講到比多左
確實如此 , 香港有實力的廠家 , 已有穩定的合作對象 .余下的 , 大多漫冇目的地問價 .
相反 , 國內廠家 , 長年受壓 . 為求改變 , 會傾向找已成功地區的人合作 .
50000 RMB 於他們說是一個改變命運的機會 .

從個人去看
第三﹑一間小設計公司老板主要做既係聯繫客人﹑以及培養新人,如何宣傳﹑溝通係重點
這個你沒講到重點 .概念未通 .老板主要的工作是市場定位 和建立系統 .
成功的設計公司粗略的市場定位有兩種 .
一種是專注某一類設計 , 形成核心優勢 , 四出宣傳 , 客人需求吻合主動找上門 .
另一種是主動吻合客戶需求 , 專注深耕現有客戶 , 但客戶本身要有一定水準 , 才能合作 .
第四﹑年收入100萬既小型設計公司﹑老闆大概可以佔3成至5成利潤(個人認知﹑請指教)
這個差不多 . 看你建立系統 和 操作系統的能力 .
第五﹑香港設計師,於內地依然有名堂上既優勢
因果錯左 .
國內人想成功 , 所以找成功比率較高的香港人 .
當他知道你是成功比率較底的香港人 , 就不會找你合作 .
因此你既設計如何令客戶成功就變得十分重要  . 如你忽略這點的話 .
香港設計師的光環就套不上你身上 .

反思既地方 .
待續 .

[ 本帖最後由 香港貼地青年 於 2018-6-22 08:17 PM 編輯 ]
作者: kinseyyu    時間: 2018-6-22 09:07 PM

感謝師兄認真回覆,上面提到建立系統,的確極為重要,感謝提點。

因為小弟現時係初創公司到做,系統由零慢慢發展緊,睇得

出一個好既系統先留得住人心以及能夠長遠發展。

雖然現時人工極度地低,但勝在老細咩都肯教,有時佢創業上既難題

解決方法都會俾我知道曬,希望用一﹑兩年時間學得幾多得幾多,加強

自己成功率以及未來可以俾客睇既資料。

[ 本帖最後由 kinseyyu 於 2018-6-22 09:21 PM 編輯 ]
作者: dreaming84    時間: 2018-6-22 11:01 PM

引用:
原帖由 香港貼地青年 於 2018-6-22 01:26 AM 發表

覆44#


這個問題非常好 , 十分經典 .
很好多人在外地遇到新時物 , 就想引入香港 .
有想法是好的 , 支持 .

以下就來說說我的看法
FishSpa /魚療行業 , 我相信網友心中已有一個否定的答案
只是不知道原因 , 所以對他念念不忘 .

你可回想一下 , 第一次遇到他是在什麼場景 ?
那天應是一個在台灣, 過著一個放鬆悠閒既假期 ,
逛了一天市集  ...
十分感謝樓主細緻的分析。
一路上都是想法多多,絕多數都是紙上談兵,從未試過邁出第一步。
如要解決不衛生的想法,
1.曾想過用獨立貼身腳套,
2.或用魚袋,魚袋放入缸中泡水泡30-40尾,
每天魚缸總數(150-200)完一次該30-40條卑客人帶走,
費用貴50%,(但店方操作較為麻煩)
想在市區發展這產業,(像沐足業)
每天工作完,除了腦袋最累,就是雙腳,覺得可以舒緩疲勞
亦明白市場不會為你的個人喜好去埋單,
定價方面能否給少少意見?(在消费者立场)
十分感謝你認真的回答,
作者: 香港貼地青年    時間: 2018-6-23 01:22 AM

回 52#
引用:
原帖由 dreaming84 於 2018-6-22 11:01 PM 發表

十分感謝樓主細緻的分析。
一路上都是想法多多,絕多數都是紙上談兵,從未試過邁出第一步。
如要解決不衛生的想法,
1.曾想過用獨立貼身腳套,
2.或用魚袋,魚袋放入缸中泡水泡30-40尾,
每天魚缸總數(150-200)完一次該30-40條卑客人帶走,
費用貴50%,(但店方操作較為麻煩)
想在市區發展這產業,(像沐足業)
每天工作完,除了腦袋最累,就是雙腳,覺得可以舒緩疲勞 ...
我定價沒有用 , 市場會定價
所以要用最低成本做市場調查

你可在FACEBOOK 開一個專頁 .
模擬開業時用的宣傳策略 .
看一看接觸人數 , 有多少人會查詢 , 預定 .
或者你模擬在西9龍開店
印一些宣單 , 發一些優惠 , 看看人們的反應 .
總比你投資現金開店做測試更好 .

[ 本帖最後由 香港貼地青年 於 2018-6-23 11:11 PM 編輯 ]
作者: 香港貼地青年    時間: 2018-6-23 01:36 AM

回 51#
引用:
原帖由 kinseyyu 於 2018-6-22 09:07 PM 發表

感謝師兄認真回覆,上面提到建立系統,的確極為重要,感謝提點。

因為小弟現時係初創公司到做,系統由零慢慢發展緊,睇得

出一個好既系統先留得住人心以及能夠長遠發展。

雖然現時人工極度地低,但勝在老細咩都肯教,有時佢創業上既難題

解決方法都會俾我知道曬,希望用一﹑兩年時間學得幾多得幾多,加強

自己成功率以及未來可以俾客睇既資料。 ...
有自己的目標是非常好 , 加油 !以下我問一些更個人的問題 .1 . 你是內向 ,還是外向 ?2. 你是有很多想法 ? 還是喜歡堅持,守底線 ?3. 二選一 , 有錢的打工仔 還是窮的老板 ?其實 , 我感覺到你老板是一個外向的人他會把工作交給下屬去做 .不知對不對呢 ?
作者: 包糟糕    時間: 2018-6-23 10:22 AM

引用:
原帖由 型控Style 於 2018-6-22 05:32 AM 發表

人生的第一桶金
做生意最重要的是怎樣賺到人生的第一桶金,很多人努力奮鬥很多年,都沒有辦法賺到人生的第一桶金,最多是存到一些錢,有一些基礎,但生活依然充滿壓力。在真實的世界裡,有很多大富豪,賺回來的第一桶金,通常都是講得很模糊不清,為什麼?--因為他們都有用手段,而且都是用過非黑非白的手段。 ...
你第一桶金的定義是多少?
作者: yangyang448    時間: 2018-6-23 11:01 AM

引用:
原帖由 香港貼地青年 於 2018-6-8 02:44 PM 發表

對大多數人來說 , 做生意是九死一生既玩意 .
對少多數人來說 , 做生意屢戰屢勝 .
最主要分別是思維問題

在30年前 , 只要你有好產品 , 你就能風生水起
但現在你有好產品 , 沒有好策略同定位 , 基本上冇好結果

其實開這個{你問我答} , 是為了教我十歲女兒做生意
市面上講理論既書太多啦 , 但現實才是最好既老師
所以希望在幫到人之余幫到自己 .

你好 , 我 ...
新開的飲食鏈接貼進不去,要特定
作者: kinseyyu    時間: 2018-6-23 11:20 AM

有自己的目標是非常好 , 加油 !以下我問一些更個人的問題 .1 . 你是內向 ,還是外向 ?2. 你是有很多想法 ? 還是喜歡堅持,守底線 ?3. 二選一 , 有錢的打工仔 還是窮的老板 ?其實 , 我感覺到你老板是一個外向的人他會把工作交給下屬去做 .不知對不對呢 ?

Thanks 師兄

1.偏外向,但仲調整緊,想培養興趣同談吐技巧。

2.有多想法,不喜歡跟指定方式進行工作,我想財務自由。

3.窮的老板,無生意最少有時間,可以學投資及改進;唔想因為驚沉船而一生留係岸邊。

樓主你講岩,目前老闆的確係個十分平易近人﹑外向既人。但因為公司初起步,而又

得我願意接受低工資幫佢做,所以好多唔同既野都變左我會幫手(甚至小客戶都會我去頃/跟進/匯報)。

目前公司都未有完整系統,我都希望幫佢安排做WEB﹑對客戶用既資料之類。

----------------------------------------------------------------
另外小弟同設計學校既老師比較熟,都有介紹佢地之間認識,同時搵緊新人幫手做野。

我都有諗過應唔應該收如此低工資幫佢做,但每次兩個月自我檢討都有頗大進步。

但小弟都計過數,2年後如果要自己做,都要有最少20萬做第一年既營運成本,

所以打算到時間就一係同老細商量價錢﹑一係就要自己再接FREELANCE/另搵地方。

[ 本帖最後由 kinseyyu 於 2018-6-23 11:30 AM 編輯 ]
作者: 香港貼地青年    時間: 2018-6-23 09:56 PM

引用:
原帖由 kinseyyu 於 2018-6-23 11:20 AM 發表

有自己的目標是非常好 , 加油 !以下我問一些更個人的問題 .1 . 你是內向 ,還是外向 ?2. 你是有很多想法 ? 還是喜歡堅持,守底線 ?3. 二選一 , 有錢的打工仔 還是窮的老板 ?其實 , 我感覺到你老板是一個外向的人他會把工作交給下屬去做 .不知對不對呢 ?

Thanks 師兄

1.偏外向,但仲調整緊,想培養興趣同談吐技巧。

2.有多想法,不喜歡跟指定方式進行工作, ...
你同你老板性格相似。
所以你老板遇到既問題,你亦會遇到
特別是人事問題。所以你要抄底
第時一定有用。

性格外向的人,給人感覺吹水多過做野。
強項是開展新生意 ,但較難按進度完成工作。
一個完整既系統是一個向內,一個向外,缺一不可。
你要懂的尊重內向既人 ,亦要取得內向人既尊重。
由你較底水平工資估計,目前公司後勤比較乏力。

最後,你覺得做老板好得閒是錯覺。
亦是你不尊重你老板既原因。
我不是叫你尊重他,而是想想如何得到下屬既尊重。

[ 本帖最後由 香港貼地青年 於 2018-6-23 10:06 PM 編輯 ]
作者: dreaming84    時間: 2018-6-23 10:31 PM

引用:
原帖由 香港貼地青年 於 2018-6-23 01:22 AM 發表

回 52#


我定價沒有用 , 市場會定價
所以要用最低成本做市場調查

你可在FACEBOOK 開一個專頁 .
模擬開業時用的宣傳策略 .
看一看接觸人數 , 有多少人會查詢 , 預定 .
或者你模擬在西9龍開店
印一些宣單 , 發一些優惠 , 看看人們的反應 .
總比你投資現金開店仲測試更好 . ...
感謝前輩的意見
作者: kinseyyu    時間: 2018-6-23 11:06 PM

受教 樓主功力深厚,睇透大多數情況。

老細的確講過我似佢後生個時,可能係咁最初先會留我做野。

「尊重內向既人 ,亦要取得內向人既尊重」小弟實在有所忽略,會抽時間認真思索,感覺極其重要。

----------------------------------------

而公司現時最大問題就係收大陸客戶付款時需經一位合作伙伴(廠);

當中除左要分利潤外,仲會被拖延過數(現時已經有半年,共40%利潤係佢手上),

所以老細都希望今年內成立內地公司,自己錢自己收。

-----------------------------------------

就師兄提出小弟不尊重老板,雖然不想承認,但的確有此情況。

小弟欣賞老板為人﹑投資眼光。同時不太認同佢對人力資源只求

低廉既態度。雖然明白初創控制開支十分重要,但老板一年來既

生意明顯有成長﹑有獲利,但依然唔打算向公司另一位有經驗既設

計師支付市場價。最後該名設計師都表明做到8月就唔會再幫手,

然而佢係公司既重要戰力之一。

小弟亦同樣情況,雖然想學野﹑但始終都會期望有合理待遇。

所以內心中有矛盾,欣賞他為人﹑待人接物﹑設計知識;但又

感覺佢無實際行動專重為佢賣力既員工,佢有時更會摸索員工底線,

說服我現時既工資收入已不錯。不禁令我心裡不平衡同疑惑。

小弟提醒自己,未來要做一位支付合理薪俸予員工既老闆。

(所以要夠20萬,第一年既本先開業)
-------------------------------------------

感覺同師兄交流,小弟多左個機會整理思緒,仲可以學到老手睇法,讚!

[ 本帖最後由 kinseyyu 於 2018-6-23 11:15 PM 編輯 ]
作者: 香港貼地青年    時間: 2018-6-23 11:51 PM

引用:
原帖由 kinseyyu 於 2018-6-23 11:06 PM 發表

受教 樓主功力深厚,睇透大多數情況。

老細的確講過我似佢後生個時,可能係咁最初先會留我做野。

「尊重內向既人 ,亦要取得內向人既尊重」小弟實在有所忽略,會抽時間認真思索,感覺極其重要。

----------------------------------------

而公司現時最大問題就係收大陸客戶付款時需經一位合作伙伴(廠);

當中除左要分利潤外,仲會被拖延過數(現 ...
當你創業後,你會驚呀自己行為與現時老板差不多。
因為這是性格上既通病。
試想下創業幾年後,因控制成本失誤而平手離場,那感覺很無奈。
加人工是有技巧的,而成功老板多喜愛分股份。
你要學會分析表象背後既原因
類似和你對話中,我能推算你公司經營狀況。
這就是經驗所在。

但這東西和領悟力,貴人有關。
你目前最不滿,在公司經常做丑人。對 ?
作者: in_hk_people    時間: 2018-6-24 06:54 PM

提示: 該帖被管理員或版主屏蔽
作者: 唔想作條款鹹魚    時間: 2018-6-25 05:57 PM

提示: 該帖被管理員或版主屏蔽
作者: 唔想作條款鹹魚    時間: 2018-6-26 10:22 AM

引用:
原帖由 香港貼地青年 於 2018-6-21 10:15 PM 發表



小型party room既廚房一定系冇牌 .
「共享廚房」是指有牌既餐廳在不營業時 , 將廚房借出給你使用 .
師兄 唔好意思 忙得製 甩左post. 

共享廚房而家好似只有共廚家作做梗?

我有興趣呀!不過我整既野要用d特別既機。。。。所以唔知共享廚房得師唔得

其實我對共享廚房個concepts都幾有興趣,想知多d,

例如有無legal concern, d野食出事邊個上身?共廚家作果隻係用人地落場既時間,咁如果整果d野要耐既,例如燉既,咁點算?又例如包餃子,包都包左果幾鐘。

上個Post犯左規,改正再Post
作者: 香港貼地青年    時間: 2018-6-26 01:32 PM

引用:
原帖由 唔想作條款鹹魚 於 2018-6-26 10:22 AM 發表




師兄 唔好意思 忙得製 甩左post.

共享廚房而家好似只有共廚家作做梗?

我有興趣呀!不過我整既野要用d特別既機。。。。所以唔知共享廚房得師唔得

其實我對共享廚房個concepts都幾有興趣,想知多d,

例如有無legal concern, d野食出事邊個上身?共廚家作果隻係用人地落場既時間,咁如果整果d野要耐既,例如燉既,咁點算?又例如包餃子,包都包左果幾鐘。

上個Post ...
已經有人做緊 , 上網搵下 .
出事個牌主要上身 , 因為佢有責任睇著食品衛生 .
作者: 香港貼地青年    時間: 2018-6-26 03:20 PM

in hk people
直接post 上黎
作者: 吃貨宅洋蔥    時間: 2018-6-26 11:07 PM

樓主~我有D疑問可以請教一下嗎?
我一直想開網店做日本代購賣網寵物食品及嬰兒產品~結果之前3月去咗日本入貨!但發現係出現蝕錢或無錢賺既情況~我當時做法係在FB上出售,由於競爭好大,所以間中都有在FB賣廣告咁~不過現在由於我呢2個月正職工作太忙兼加上蝕錢有D氣餒,導致呢2個月基本上無點理過!我現在好苦惱辭唔辭職專心做及其實現在網店競爭咁大仲有冇發展既空間~我1516好猶豫,我好想有自己既事業,希望可以改善家人既生活!(因我今年35啦!)
可以俾D意見我嗎?

[ 本帖最後由 吃貨宅洋蔥 於 2018-6-26 11:09 PM 編輯 ]
作者: 香港貼地青年    時間: 2018-6-27 12:02 AM

引用:
原帖由 吃貨宅洋蔥 於 2018-6-26 11:07 PM 發表

樓主~我有D疑問可以請教一下嗎?
我一直想開網店做日本代購賣網寵物食品及嬰兒產品~結果之前3月去咗日本入貨!但發現係出現蝕錢或無錢賺既情況~我當時做法係在FB上出售,由於競爭好大,所以間中都有在FB賣廣告咁~不過現在由於我呢2個月正職工作太忙兼加上蝕錢有D氣餒,導致呢2個月基本上無點理過!我現在好苦惱辭唔辭職專心做及其實現在網店競爭咁大仲有冇發展既空間~我1516好猶豫,我好想有自己既事業,希望可 ...
版主 ,可吾可以叫佢放名同FB 上黎睇睇 ?
我想以真實個案去分折 然後改善 .
理論太多啦

就禁聽 , 有幾個問題 .
建議有幾個 .

第一, 要 KEEP住做正職. 你未識基本功, 轉去全職做網, 都系吾知會做咩 .
第二, 我要知道你外向定內向, 做緊咩工 ?
第三, 日本代購賣網寵物食品及嬰兒產品已經有三個主題, 一齊做超難.
        日本代購, 日本寵物食品 日本嬰兒產品 三選一 .
第四, FB 已經冇用啦, 科金黨太多, 內容冇吸引力. 而且你已產品, 用開吾會系你已客.
        你要搵未用過, 但又想試用既人.

具體小小既行動
日本代購~有排講, 收埋.

日本寵物食品 ~ 網上已經太多. 但冇個識. 你要搵未用過, 但又想試用既人.
考慮做下日本散裝寵物食品, 聽個名就覺得有質數同平.
將易加賣吾到既產品拆散, (成本貴都吾緊要, 要試左市場先.)
去狗公園賣, $20一件狗骨餅, 狗零食 .( 最好是平時一包食吾曬.但又想買果D )

日本嬰兒產品
去母嬰健康院派毛巾, 要果D 一摸上手就知道分別.
叫佢加WECAHT , 有日本育嬰院 , 育嬰指南分享 .

你話幾多野做 .
作者: kinseyyu    時間: 2018-6-27 10:22 AM

"當你創業後,你會驚呀自己行為與現時老板差不多。因為這是性格上既通病。"
小弟會盡可以留意犯上同一毛病。我都嘗試問過老板考唔考慮股份而唔係穩定工資,然後先知佢以前創業因為同人合作出事,對分股份有介心。明白佢想穩定先支付合理人工,但現時實在無咩誘因留住老手。

"你要學會分析表象背後既原因
類似和你對話中,我能推算你公司經營狀況。這就是經驗所在。"
的確令人驚訝,証明經驗差別十分影響個人眼光。所以小弟打算學多啲,去搵書或者網站睇睇,唔知師兄有冇推薦?

"但這東西和領悟力,貴人有關。"
天資唔多,但小弟有幸一路與上唔同貴人,每次同佢地交流都感覺學多左野,對前景清晰左。(包括現時老板在內。)
"你目前最不滿,在公司經常做丑人。對 ?"
公司尚小,都無丑好之分,而家最不滿係老板經常說服我現時工資不錯,即係叫我唔好諗住改善生活無分別。而且呢個情況發生係公司營利多於預期之下。
作者: 香港貼地青年    時間: 2018-6-28 09:28 PM

引用:
原帖由 kinseyyu 於 2018-6-27 10:22 AM 發表

"當你創業後,你會驚呀自己行為與現時老板差不多。因為這是性格上既通病。"
小弟會盡可以留意犯上同一毛病。我都嘗試問過老板考唔考慮股份而唔係穩定工資,然後先知佢以前創業因為同人合作出事,對分股份有介心。明白佢想穩定先支付合理人工,但現時實在無咩誘因留住老手。

"你要學會分析表象背後既原因
類似和你對話中,我能推算你公司經營狀況。這就是經驗所在。"
的確令人驚訝,証明經驗差別十分影響個人眼 ...
“得到” app , 有個叫劉潤,可睇下
youtube 都有。
作者: 華妹    時間: 2018-7-4 01:05 AM

我之前做女裝剛剛轉型做日本內衣 係日本批貨回來賣 ,但發覺根本我現在剛租的位置沒有人流 ,但都已經租了可能因為旁邊都是補習社

我完全諗吾到可以點引人黎我鋪頭
我做是年輕18至35歲的款式
想向網上埋手 但感覺如何做都無什麼起息
地點位置不好 可以點樣做
如何 吸引 適合嘅人群黎自己鋪頭呢

我現在天天都很煩惱 😫😫

[ 本帖最後由 華妹 於 2018-7-4 01:08 AM 編輯 ]
作者: donald_ki    時間: 2018-7-4 02:57 PM

你好, 師兄, 有事想請教.  本人已經年過四十, 在一家香港公司任職,人工總算過得去, 養得起一家三口.  由於公司人事鬥爭太複雜, 導致萌生去意.  本身自己有點兒儲蓄, 但是不多, 只有大概二十幾三十萬,都是自己辛辛苦苦儲存來的.  本人喜歡烹飪煮食,所以希望有一家自家的食店, 但資金是有限的, 我想請問如果頂讓店舖資金是否足夠,基於我本人沒有開店經驗, 是否加盟店舖比較合適? 資金又是否足夠?   煩請給予高見.  Thanks!
作者: jacklihy    時間: 2018-7-5 07:07 AM

本人想在日本生活及發展,見有些港人開的加盟店餐廳(3X3,華記)可以助你開店,做得過嗎?請給點意見,謝謝
作者: jacklihy    時間: 2018-7-5 07:07 AM

本人想在日本生活及發展,見有些港人開的加盟店餐廳(3X3,華記)可以助你開店,做得過嗎?請給點意見,謝謝
作者: 香港貼地青年    時間: 2018-7-5 11:26 AM

引用:
原帖由 華妹 於 2018-7-4 01:05 AM 發表

我之前做女裝剛剛轉型做日本內衣 係日本批貨回來賣 ,但發覺根本我現在剛租的位置沒有人流 ,但都已經租了可能因為旁邊都是補習社

我完全諗吾到可以點引人黎我鋪頭
我做是年輕18至35歲的款式
想向網上埋手 但感覺如何做都無什麼起息
地點位置不好 可以點樣做
如何 吸引 適合嘅人群黎自己鋪頭呢

我現在天天都很煩惱 😫😫 ...
我睇左你個facebook page.
有兩個大方向要去做.
第一是裝修方面.
多加日式風格.
參巧popteen .加些日文字.日本直送.
印一些日本女孩穿旗袍既風board.印一些日本女孩內衣既風board.


一些鯉魚旗裝飾物等.
另外要增加一點隱閉性 , 太赤裸啦, 始終是香港, 而且較北區位置.
https://www.peachjohn.asia/?gcli ... 77aaJxoCQp4QAvD_BwE


宣傳方面,已有初步想法.
但要有一些數據支持.
一是店門口人流量與客人特性. 二是每天營業額.

圖片附件: download.jpg (2018-7-5 11:26 AM, 14.37 KB) / 該附件被下載次數 7
https://finance.discuss.com.hk/attachment.php?aid=8488500



圖片附件: images.jpg (2018-7-5 11:26 AM, 11.42 KB) / 該附件被下載次數 8
https://finance.discuss.com.hk/attachment.php?aid=8488501


作者: 華妹    時間: 2018-7-5 03:38 PM

引用:
原帖由 香港貼地青年 於 2018-7-5 11:26 AM 發表



我睇左你個facebook page.
有兩個大方向要去做.
第一是裝修方面.
多加日式風格.
參巧popteen .加些日文字.日本直送.
印一些日本女孩穿旗袍既風board.印一些日本女孩內衣既風board.

一些鯉魚旗裝飾物等.
另外要增加一點隱閉性 , 太赤裸啦, 始終是香港, 而且較北區位置.
https://www.peachjohn.asia/?gclid ...
thankyou

[ 本帖最後由 華妹 於 2018-7-6 10:41 AM 編輯 ]
作者: 香港貼地青年    時間: 2018-7-7 12:58 PM

引用:
原帖由 donald_ki 於 2018-7-4 02:57 PM 發表

你好, 師兄, 有事想請教. 本人已經年過四十, 在一家香港公司任職,人工總算過得去, 養得起一家三口. 由於公司人事鬥爭太複雜, 導致萌生去意. 本身自己有點兒儲蓄, 但是不多, 只有大概二十幾三十萬,都是自己辛辛苦苦儲存來的. 本人喜歡烹飪煮食,所以希望有一家自家的食店, 但資金是有限的, 我想請問如果頂讓店舖資金是否足夠,基於我本人沒有開店經驗, 是否加盟店舖比較合適? 資金又是否足 ...
你本身做邊行?
有冇興趣 ?(可以是不賺錢興趣)
性格外向定內向

[ 本帖最後由 香港貼地青年 於 2018-7-9 10:59 AM 編輯 ]
作者: 香港貼地青年    時間: 2018-7-7 12:58 PM

引用:
原帖由 jacklihy 於 2018-7-5 07:07 AM 發表

本人想在日本生活及發展,見有些港人開的加盟店餐廳(3X3,華記)可以助你開店,做得過嗎?請給點意見,謝謝
外國吾多識
作者: 摸頂大亨    時間: 2018-7-7 05:27 PM

Donald兄你好,小弟想閞一些舖作為自己第二門生意,趁自己仲有小小運仔有籌碼去嘗試, 請師兄俾d高見我,谢!

簡單介紹下自己,小弟34, 當年與一位拍檔柴娃娃去創業,公司已第8年了,當然收入比不上"真"老闆啦,不過我果行既特性同可能個人較懶,盡量都不OT,同五天工作,所以自己私人時間較彈性,好吧,入正題:


1. 自助洗衣店
開係新樓盤/劏房附近

2.足浴
有小小可以自娛用,細細地靚裝

3. Function room
係工廈,租場俾人活動
作者: 香港貼地青年    時間: 2018-7-7 05:44 PM

引用:
原帖由 摸頂大亨 於 2018-7-7 05:27 PM 發表

Donald兄你好,小弟想閞一些舖作為自己第二門生意,趁自己仲有小小運仔有籌碼去嘗試, 請師兄俾d高見我,谢!

簡單介紹下自己,小弟34, 當年與一位拍檔柴娃娃去創業,公司已第8年了,當然收入比不上"真"老闆啦,不過我果行既特性同可能個人較懶,盡量都不OT,同五天工作,所以自己私人時間較彈性,好吧,入正題:


1. 自助洗衣店
開係新樓盤/劏房附近

2.足浴
有小小可以自娛用,細細地靚裝

...
1 同 3暫時吾好諗啦
供應太多,除非你好有信心做到特色出黎
供應多既原因是中介要圈錢
將簡單操作,又賺到小小既生意,講到好有前途。再賣比你。(類似7仔)

第2是可考慮,但你搵多d 資料。
考慮目標客群。

你本業做咩,吾考慮做大 d ?

[ 本帖最後由 香港貼地青年 於 2018-7-9 11:01 AM 編輯 ]
作者: 香港貼地青年    時間: 2018-7-11 04:25 PM

有網友問我
要日賣四百碗面計,大約要咩設備。
老實講,面利潤高d.

以茶餐廳計, 做一個客要20分鐘
營業十小時有4個rush hours
營業十六小時計有6個rush hours
以營業十小時計。
400客 / 4 小時 /一小時3轉。
最小要50個位,而且客要肯搭枱。
人手方面
約五分鐘出一個餐。
(煮公仔面3分鐘,水滾,煮其他材料,沖食物,落單,出餐,收枱, 如果事前功夫不夠,嚴重影嚮出餐時間 , 如有炒小菜,時間更長)
一人一小時出12個餐計。
要7~8個人同時做事。
如果做16小時,人工要double .頂假已經7日。
(所以做飲食,好小返5日,做死老細)

另外,50個位,約 13張四人枱。
以一張枱,3平方米空間計(包行走通道)
樓面要450呎實用左右
根據法例要求,廚房樓面同等面積計。
加埋細倉,廁所,約要1000呎實用,1300呎建築面積。

以民生地段計,$30/呎(建),約4萬月租。
人手8個,12萬
雜費2萬,共18萬
利潤60%,營業額要做30萬。
30萬/400客/30日(冇休息,新年都要做),平均$25。
( 仲有好多野未計,而且午市好難車輪轉吾停做3轉)
所以早餐點解要$35個,午餐要$45個

結論是,當你有能力解決以上所有既事。
餐廳系可以做既。
但吾勤力就吾好諗啦。

PS : 以上只是粗略計算,要實際數字,真系要企系餐廳門口計。
浪費兩三日考察時間,好過浪費幾十萬同幾年時間。

覺得資料有用,請比個LM , 支持我

[ 本帖最後由 香港貼地青年 於 2018-7-11 08:26 PM 編輯 ]
作者: 香港貼地青年    時間: 2018-7-11 05:29 PM

引用:
原帖由 abrokenrib 於 2018-6-20 01:28 PM 發表

請問樓主,本人25歲女仔,有少少fashion sense ,想副業開間IG online shop,但未決定到賣乜產品,有諗過賣內衣/情趣用品/代購(未決定邊個國家)但IG同行競爭都好大,我諗緊會唔會係推廣最難?因為如果無人follow 你IG ,你推幾多好嘢,都無人落單喔?求解 ...
漏左你,sorry.即刻補。
網上賣野, 要捉住特色同流量兩個要點。

先講流量如facebook , hktvma, ig ,ebay ,amzon .
基本上人人成本差吾多。
如果要平,就要懂得找新興平台,如抖音。
或針對性平台,如bb討論區。廣告費,貴極有限。
IG 好既地方在互相 follow .勤力就有流量。

由於光靠流量是沒有用的。
所以要在特色上花功夫。
舉例說,ebay 特色是平同快上新款。
因為國外商家多靠ebay找貨源。
所以要贏,你知點做啦 ?
( 好多ebay 新手吾知遊戲玩法,見到ebay 價賤就覺得圍吾到皮, 玩ebay 其實要守到有下家先賺 )

說返fashion.
其實吾難,ig 十分易用。
舉例,美國a&f target 系高中男生
果堆男生,最想吸引女仔。
所以廣告全是年青大隻仔。
比錯覺男生,以為著左就有女生尖叫。
所以果時好興。
但十年過後,班後生變佬餅,個牌子完左。

[ 本帖最後由 香港貼地青年 於 2018-7-11 10:41 PM 編輯 ]
作者: 水景頁    時間: 2018-7-11 10:44 PM

引用:
原帖由 香港貼地青年 於 2018-7-7 05:44 PM 發表




1 同 3暫時吾好諗啦
供應太多,除非你好有信心做到特色出黎
供應多既原因是中介要圈錢
將簡單操作,又賺到小小既生意,講到好有前途。再賣比你。(類似7仔)

第2是可考慮,但你搵多d 資料。
考慮目標客群。

你本業做咩,吾考慮做大 d ? ...
我都有諗1. 近呢1兩年多了
2. 無師傅
作者: 香港貼地青年    時間: 2018-7-11 10:47 PM

引用:
原帖由 水景頁 於 2018-7-11 10:44 PM 發表




我都有諗1. 近呢1兩年多了
2. 無師傅
就黎多過7仔。
同共享office 有得輝
好快一齊死,淘汰一大堆。
作者: 水景頁    時間: 2018-7-11 10:55 PM

開果汁店加串燒,屋邨有冇得做
作者: 香港貼地青年    時間: 2018-7-11 11:37 PM

引用:
原帖由 水景頁 於 2018-7-11 10:55 PM 發表

開果汁店加串燒,屋邨有冇得做
吾負責任禁答你,我有得做,你冇得做。

咩資料都冇,點答 ?
你搵到間鋪做例先答你啦。
而且果汁同串燒,南轅北轍,冇協同效益。
簡西餐同果汁,串燒同啤酒
邊有果汁加串燒。
作者: 水景頁    時間: 2018-7-11 11:41 PM

引用:
原帖由 香港貼地青年 於 2018-7-11 11:37 PM 發表




吾負責任禁答你,我有得做,你冇得做。

咩資料都冇,點答 ?
你搵到間鋪做例先答你啦。
而且果汁同串燒,南轅北轍,冇協同效益。
簡西餐同果汁,串燒同啤酒
邊有果汁加串燒。 ...
因路過某區,—小鋪做串燒,隔離小鋪做果汁,合併可唔可行,係屋邨
作者: 香港貼地青年    時間: 2018-7-11 11:45 PM

引用:
原帖由 水景頁 於 2018-7-11 11:41 PM 發表 



因路過某區,—小鋪做串燒,隔離小鋪做果汁,合併可唔可行,係屋邨
oic
冇對手應該可以
但太多野要預,落單都200個 item
manage 技巧要好高,辛苦d

[ 本帖最後由 香港貼地青年 於 2018-7-12 04:57 AM 編輯 ]
作者: 水景頁    時間: 2018-7-11 11:48 PM

引用:
原帖由 香港貼地青年 於 2018-7-11 11:45 PM 發表




冇對手應該可以
但太多野要預,落單都200個 item
manage 技巧要好高,辛苦d
明白🙏再想深—層
作者: 香港貼地青年    時間: 2018-7-12 12:07 AM

引用:
原帖由 水景頁 於 2018-7-11 11:48 PM 發表




明白🙏再想深—層
諗幾多都冇用
要有實例計,計多左自然就識。
我都系做好多生意。
一睇就知,賺吾賺,賺幾多,可以賺幾耐。

所有想做小食既朋友問我
我都叫佢睇幾間鋪先傾。
因為冇睇過既話,諗野會離地到外太空。
點講都吾明
作者: 香港貼地青年    時間: 2018-7-12 12:12 PM

岩岩見到

熟食街市招租, 夜市租1000蚊晚、廳堂有40座位,可借用餐具廚具,有爐頭、蒸櫃,已擁有大量忠誠顧客、夜市時段6:00pm-12:pm,按金10000,歡迎家庭主婦/年輕人/好兄弟/專業廚師/同業自組班底營運.

$ 1000 晚,點做呀
易加好多租金貴,頂平
泥個租貴,按平
博你玩兩日走。

當$5500 成本,
$1000租,$1500人工,$3000食材
一晚兩轉坐滿80人
人均要$75位。
街市,人均$75, 晚晚爆場,先打和。
作者: 賺錢買維他奶    時間: 2018-7-12 07:26 PM

師兄
最近有無留意到自動售賣機生意?
我都留左一排, 有間仲響電視賣廣告
佢地包埋營運, 我淨係俾錢
可以有賣貨, 同廣告收入

我想加盟玩下! 你點睇?
作者: 香港貼地青年    時間: 2018-7-12 08:37 PM

引用:
原帖由 賺錢買維他奶 於 2018-7-12 07:26 PM 發表

師兄
最近有無留意到自動售賣機生意?
我都留左一排, 有間仲響電視賣廣告
佢地包埋營運, 我淨係俾錢
可以有賣貨, 同廣告收入

我想加盟玩下! 你點睇? ...
跟據趨勢,會越黎越多機
成本會上升,收益會下降。
回本期會由三年變成五至十年以上。

另外,目前既加盟模式太被動啦。
沒有任何選擇權。
留得比你既位都吾多好。
收費又吾透明,層層剝削,到手會好少。
(如果多都自己做啦)

由於多左機供應商
我估計會開始有保證回本計劃。(如不出,更有問題)
競爭出現,將會出現一批苦主聯盟。
自己供貨,自己維修,自己租場。
而且政府亦會開始討論出牌問題。
因目前量小,沒有任何規範。

做生意不能講死,分分鐘有新發展。
只會說三個月內我冇興趣。

[ 本帖最後由 香港貼地青年 於 2018-7-12 08:53 PM 編輯 ]
作者: 賺錢買維他奶    時間: 2018-7-13 02:01 AM

引用:
原帖由 香港貼地青年 於 2018-7-12 08:37 PM 發表




跟據趨勢,會越黎越多機
成本會上升,收益會下降。
回本期會由三年變成五至十年以上。

另外,目前既加盟模式太被動啦。
沒有任何選擇權。
留得比你既位都吾多好。
收費又吾透明,層層剝削,到手會好少。
(如果多都自己做啦)

由於多左機供應商
我估計會開始有保證回本計劃。(如不出,更有問題)
競爭出現,將會出現一批苦主聯盟。
自己供貨,自己維修,自己租場。
而且政府亦會開始討論出牌問題。
因目前 ...
多機都係佢地selling point
因為佢地主打做marketing, 廣告, 越多機就有叫價力,
當然分到落黎有幾多, 真係天曉啦!

而其中有間上過訪問, 因為起40萬, 舖唔到咁多, 先搵加盟。
另一間就唔知喇!

佢地之前有保證回報計劃, 一開始有成皮, 之後好似得幾千。
可以話係70000 - 10000, 即係加盟成本60000

btw 加盟佢地的確被動, 雖則話唔使理, 佢地包埋托管。
同埋收費問題的確要考慮。
要成10皮野, 所以無加盟到
作者: yangyang448    時間: 2018-7-13 09:53 AM

引用:
原帖由 摸頂大亨 於 2018-7-7 05:27 PM 發表

Donald兄你好,小弟想閞一些舖作為自己第二門生意,趁自己仲有小小運仔有籌碼去嘗試, 請師兄俾d高見我,谢!

簡單介紹下自己,小弟34, 當年與一位拍檔柴娃娃去創業,公司已第8年了,當然收入比不上"真"老闆啦,不過我果行既特性同可能個人較懶,盡量都不OT,同五天工作,所以自己私人時間較彈性,好吧,入正題:


1. 自助洗衣店
開係新樓盤/劏房附近

2.足浴
有小小可以自娛用,細細地靚裝

...
Function room跟party room有什麼不同,我有朋友剛剛開了party room
作者: 香港貼地青年    時間: 2018-7-13 12:08 PM

引用:
原帖由 yangyang448 於 2018-7-13 09:53 AM 發表


Function room跟party room有什麼不同,我有朋友剛剛開了party room
祝你朋友好運
易加party house 太難做。
吾識做宣傳,又冇特色會出事。
你可問吓佢生意好吾好。

[ 本帖最後由 香港貼地青年 於 2018-7-13 03:30 PM 編輯 ]
作者: 楓玥    時間: 2018-7-13 02:54 PM

樓主, 你好犀利呀..經驗豐富而且好多諗頭, 想你比下意見

我有間網店係賣健身野既 ( FB+網站, IG之前有,但冇乜人睇已放棄)
成立已一年了, 頭一年只賺幾萬, 生意額不多,
我諗主要係因為:
1.冇實物睇
2.唔係現貨, 要訂最快要3-4日送到
3.香港土地問題, 好少人屋企有咁多地方放健身機, 多數寧願去健身室做GYM
4.D貨價錢貴, 因為多數係重貨, 運費貴過賣其他野, 如果賣得平又冇乜錢賺

我本身有正職, 做文職, 性格比較內向, 不善於對客...只鍾意網上同客對話
之前做FB廣告放左唔少錢, 但都係冇乜效果, 所以依家都冇乜點做宣傳了
好多客都想睇實物, 問有冇門市...因為D人想試玩, 岩先會買
但係香港租金咁貴, 如果要放D機要租好大地方架....
今年生意差左好多,最近做優惠都冇乜人落單......我該放棄了嗎?
真係愈做愈灰...請指教..謝謝

[ 本帖最後由 楓玥 於 2018-7-13 03:35 PM 編輯 ]
作者: HLATC    時間: 2018-7-14 05:15 PM

提示: 作者被禁止或刪除 內容自動屏蔽
作者: HLATC    時間: 2018-7-14 05:15 PM

提示: 作者被禁止或刪除 內容自動屏蔽
作者: HLATC    時間: 2018-7-14 05:18 PM

提示: 作者被禁止或刪除 內容自動屏蔽




Copyright © 2003-2020 香港討論區