打印

[其他] 其實香港要買層樓一向都係難!

其實香港要買層樓一向都係難! E-mail 此主題給朋友

[隱藏]
五十年代買樓吾係買個單位而係買成幢樓。六十年代開始可以有按揭供樓但有能力買到衹係極少數人,絶大多數人都住公屋、板間房、木屋區或徙置區。所以新一代怨今日買樓難絶對係對過去的無知。舉返D明星細個的例子就知,劉華住過木屋區公屋、三哥學友住過板間房、黃日華公屋、郭富城伊面許冠杰公屋、仲有無數例子。我八九十代中學時代D同學有一半以上全部唔係住私人樓。


熱賣及精選
引用:
原帖由 西西積叻 於 2019-7-20 09:17 PM 發表

五十年代買樓吾係買個單位而係買成幢樓。六十年代開始可以有按揭供樓但有能力買到衹係極少數人,絶大多數人都住公屋、板間房、木屋區或徙置區。所以新一代怨今日買樓難絶對係對過去的無知。舉返D明星細個的例子就知,劉華住過木屋區公屋、三哥學友住過板間房、黃日華公屋、郭富城伊面許冠杰公屋、仲有無數例子。我八九十代中學時代D同學有一半以上全部唔係住私人樓。 ...
80/90 年代按息貴到無譜




但08 開始 根本香港俾緊機會你發達
如果一年一間, 到今年開始收割已可退休

[ 本帖最後由 yylam1126 於 2019-7-20 09:39 PM 編輯 ]



引用:
原帖由 yylam1126 於 2019-7-20 09:31 PM 發表




80/90 年代按息貴到無譜




但08 開始 根本香港俾緊機會你發達
如果一年一間, 到今年開始收割已可退休
當年利息十一厘👹👹



回覆 引用 TOP

當年借錢難,人工唔高,一屋幾個夾錢先供到,拆息跳得勁無封頂。


[隱藏]
引用:
原帖由 thatislife 於 2019-7-20 11:19 PM 發表

當年借錢難,人工唔高,一屋幾個夾錢先供到,拆息跳得勁無封頂。
對呀!當時最高衹有按到7成利息十幾厘人工又吾高,買樓吾易



引用:
原帖由 西西積叻 於 2019-7-20 11:23 PM 發表



對呀!當時最高衹有按到7成利息十幾厘人工又吾高,買樓吾易
印象17里,可以想像低成數首期供死人。而家d人仲成日話個時易買樓

而家成數可借得高,有cap位,2年refund玩,仲有ml, 安全好多。

每疑係上車難左,因首期大,但以前出來做1x 至2x年先有人上到車,而家上車個個都年輕化,30歲都未到話上車難,大佬大學生先做得個6至7年,以前15至16歲都出來做野。

同而家買樓既人多左要求,同佢地傾唸住買幾錢,個個都有條數,到問深入d佢地無講既要求就出來了,單幢樓唔選,樓齡舊唔選,無會所又唔選,新界遠又唔選。。。咁你話以前都難,而家仲點會唔係難。。。



回覆 引用 TOP

他們活在想象中,看看他們所寫:


😢😢😢
致香港人!

From Facebook:

我係一個媽媽,一個普通到不能再普通既人,我經歷左, 生仔爭床位,搶奶粉, 爭公屋, 返學爭學位, 樓價高得高攀不起,依然要為生存而生存既香港人。我不再年輕,但我也年輕過……
年輕人都係想要機會啫⋯⋯

致唔認同近日年青人行為嘅大家,特別係收成期嘅人:

點解年輕人要搞事
當你係佢地嘅年紀時,
申請公屋只要幾年就有,
而家,申請公屋,單身由18歲排到50歲都未上到樓,而同時間新移民可以極速上樓
而你,問佢地點解要搞事

當你係佢地嘅年紀時,
一年有過萬居屋供應,一年可以抽幾次,中簽機會唔低,私樓亦唔係遙不可及
而家,一年一次抽居屋,得三幾千個單位,幾十萬人爭,仲難中過六合彩,私樓更加係絕望,除非你有父幹
而你,問佢地點解要搞事

當你係佢地嘅年紀時,
政府正在將市民由木屋,臨屋帶上公屋,居屋
而家,政府話年輕人冇屋住,可以住橋底水管屋或者官民合辦嘅劏房
而你,問佢地點解要搞事

當你係佢地嘅年紀時,
雖然未至於想買樓就買樓,但要解決居住問題都唔算難,有租務管制,租都租得起,再加各種置業資助計劃,冇幾多人會因為住屋問題而冇得結婚
而家,大把年輕人拍十年拖都唔敢結婚,就算結左分 (婚) 都要分開住,就係因為屋貴到租唔起買唔起
而你,問佢地點解要搞事

當你係佢地嘅年紀時,
大學畢業起薪萬幾,食個早餐十幾蚊,
而家,大學畢業起薪都係萬幾,但食個早餐係三四十蚊。
而你,問佢地點解要搞事

當你係佢地嘅年紀時,
一個人做嘢可以養一家幾口
而家,兩口子做嘢都唔知夠唔夠養家
而你,問佢地點解要搞事

當你係佢地嘅年紀時,
撞正移民潮,做三幾年野就有得升職人工翻幾翻,公務員冇人想做
而家,個個年輕人志願都係政府工,如果唔係,私人工隨時做十年人工都係多三幾千
而你,問佢地點解要搞事

當你係佢地嘅年紀時,
公園真係公園,營地真係營地,冇錢去旅行,放假拍拖去行下公園露下營都可以享受寧靜
而家,公園係大媽跳老舞揾生意嘅地方,營地就係中國人嘅免費酒店,仲嘈過旺角
而你,問佢地點解要搞事

當你係佢地嘅年紀時,
政府係鼓勵建設香港,為香港出一分力,成個香港朝氣勃勃
而家,政府係不斷叫年輕人去大灣区,香港冇前途架喇,但同時又不斷放中國人落黎
而你,問佢地點解要搞事

當你係佢地嘅年紀時,
唔會有官二代富二代同你講成功需苦幹,因為當時苦幹的確會有出路
而家,劉鳴煒之流最鐘意同年輕人講去少次日本就買到樓,但去少一次日本都追唔到樓價一個月升幅
而你,問佢地點解要搞事

當你係佢地嘅年紀時,
民意能夠直達政府,建制泛民都可以響政府各部門佔一位置,更加唔會動輒被DQ
而家,連監警會都容不下一個中間派,莫講話政府內部,議會就早已失效,政府議案絕對通過,議員議案就絕不通過
而你,問佢地點解要搞事

當你係佢地嘅年紀時,
政府就算要顧及法治,都會顧及民情,例如ICAC成立後特赦貪污警員,六七暴動後一邊拘控暴徒,但同時主動檢視治港政策,引入多樣惠民政策
而家,無論佔中後定反送中運動後,政府都只係強力打壓抗爭年輕人,判刑甚至比六七暴動更重,但政府絲毫冇檢討過自己嘅問題
而你,問佢地點解要搞事

當你係佢地嘅年紀時,
對住嘅係一個會重視人命嘅政府
而家,對住嘅係一個若蓮喪子嘅政府,係一個老師自殺因為唔捱得,學生自殺因為冇做好生涯規劃,年輕人死諫被完全無視嘅冷血政府
而你,問佢地點解要搞事

當你係佢地嘅年紀時,
港督夠膽單人匹馬落區食蛋撻,體察民情
而家,特首唔將方圓一公里封閉生人勿近都唔敢落區 
而你,問佢地點解要搞事

總括而言就係,
當你係佢地嘅年紀時,
香港到處都充滿希望活力
而家,香港對大部分年輕人都係絕望,日復日工作結果連安居樂業嘅微細願望都遙不可及
而你,問佢地點解要搞事

我敢講,假若而家呢一刻嘅你係佢地嘅年紀,
隨時你仲激進過佢地,
因為年輕人唔係搞事,只係想奪回以前美好嘅香港。








.



滿口歪理


回覆 引用 TOP

引用:
原帖由 nnes 於 2019-7-21 02:16 PM 發表

他們活在想象中,看看他們所寫:


😢😢😢
致香港人!

From Facebook:

我係一個媽媽,一個普通到不能再普通既人,我經歷左, 生仔爭床位,搶奶粉, 爭公屋, 返學爭學位, 樓價高得高攀不起,依然要為生存而生存既香港人。我不再年輕,但我也年輕過……
年輕人都係想要機會啫⋯⋯

致唔認同近日年青人行為嘅大家,特別係收成期嘅人:

點解年輕人要搞事
當你係佢地 ...
買吾起味租住等,租盤大把,搞事捉到租都交吾到



回覆 引用 TOP

[隱藏]
引用:
原帖由 西西積叻 於 2019-7-20 09:17 PM 發表

五十年代買樓吾係買個單位而係買成幢樓。六十年代開始可以有按揭供樓但有能力買到衹係極少數人,絶大多數人都住公屋、板間房、木屋區或徙置區。所以新一代怨今日買樓難絶對係對過去的無知。舉返D明星細個的例子就知,劉華住過木屋區公屋、三哥學友住過板間房、黃日華公屋、郭富城伊面許冠杰公屋、仲有無數例子。我八九十代中學時代D同學有一半以上全部唔係住私人樓。 ...
詩呢?



回覆 引用 TOP

17厘   收工再返工  又窮又堅毅


回覆 引用 TOP

[按此隱藏 Google 建議的相符內容]






重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Rights Reserved.
版權所有,不得轉載。