註冊 登入



打印

[新盤] (詳盡分析)我住大埔超過三十年(而家住大埔新達), 你睇清楚內文先好買大埔天鑽(頭POST持續更新15/1/19) 香討焦點

(詳盡分析)我住大埔超過三十年(而家住大埔新達), 你睇清楚內文先好買大埔天鑽(頭POST持續更新15/1/19) E-mail 此主題給朋友

[隱藏]
*****************************
15/1更新

天鑽買家好快要坐艇,仲要係深海潛水艇
好多人子彈得一粒, 當然要例不虛發

大埔爆發新盤搶客戰,信置(00083)旗下大埔白石角逸瓏灣8公布獲批預售僅3天,發展商昨晚即發出首張108伙價單,折實平均呎價低至13228元,較毗鄰對上一個發出價單的新盤雲滙第2期首批,開價低近25%,而相對同區招標發售的新盤及二手則低最多達40%。項目折實入場費607.38萬元,個別單位折實呎價僅12088元,為近年白石角區內新盤新低價。

*****11/1 更新****************
市區樓馬頭圍DOWNTOWN 38 都係500萬 , 你真係會買地點唔好的天鑽嗎???

*******
大家不要買大埔天鑽啦, 好多優質盤等你買******
二手, 一手都大把選擇
2019年全港預計可供發售新盤 單位總數約32,591個
https://ps.hket.com/article/2243800/2019%E5%B9%B4%E5%85%A8%E6%B8%AF%E9%A0%90%E8%A8%88%E5%8F%AF%E4%BE%9B%E7%99%BC%E5%94%AE%E6%96%B0%E7%9B%A4%20%E5%96%AE%E4%BD%8D%E7%B8%BD%E6%95%B8%E7%B4%8432,591%E5%80%8B

********************************************************************
我住大埔超過三十年(而家住新達), 大埔天鑽未必真係可以9分鐘去到大埔MTR

我住左大埔超過三十年, 每星期都會經山塘路 (天鑽) 行去大埔滘行山

GOOGLE MAP:
https://goo.gl/maps/57GGL96qgvH2

(轉發)AA 落山實地VIDEO (我認為步速唔似正常,有D JOGGING)
http://www.cpn.com.hk/singlelink.aspx?videoCode=ODJINLEENG
其實有兩條路上天鑽,
路線1)經大埔火車站再上山塘路上斜行去天鑽係好辛苦,特別係夏天, 條路勁斜
落山急行後生仔可能真係十幾鐘到MTR, 有老人家同小朋友(好健壯除外)真係行唔到, BB車一失手就BYEBYE.
你話你係田徑選手應該可以9分鐘跑落山, 但一定出晒汗.
沿途無紅綠燈可以過馬路, 你話幾危險, 山上龍城堡同盈峰翠邸D 私家車開得好快. 我住大埔新達廣場, 我同你講由大埔新達行上去天鑽係辛苦架

路線2)沿達運路, 經過運頭塘邨,去到荔枝山花園(丁屋群),有條小路去天鑽地盤
呢條路無咁斜,但一定過20分鐘先返到MTR,而且條鄉村小路好窄

壞處:
1)交通死
沿途無小巴, 巴士
就算有屋苑小巴, 未必可以係大埔火車站落, 因為大埔MTR村巴上落位已飽和, 嵐山同白石角都唔可以係大埔MTR

****如果好似嵐山SHUTTLE, 係太和火車站上落車就好玩咯, 發展商無話一定申請到SHUTTLE, 同SHUTTLE一定會係大埔火車站上落******
1600 伙, 但得3百幾個車位 ,你唔行落山就要搭SHUTTLE.

你要幾密的SHUTTLE BUS先散到條人龍, 等SHUTTLE都等到你傻,
你唔耐煩就行落山, 但夏天你就行到個妝都溶埋, 底衫褲都濕埋, 諗起人都癲.
網友:豹王之王 (POST 262)評論:

(呢個盤1600伙,只有35x 個車位,即係有1250伙,總共2500人左右靠屋苑村巴出入,諗下返工放工時間會點

2)有斜坡
要自費維修, 條數係未知之處

3)噪音, 空氣問題
勁近吐露港公路, 噪音問題真係要入住先知

4)野猴, 野狗問題
我親眼見過盈峰翠邸附近,即天鑽對面有野猴同野狗出沒,唔信打去漁護署問下

5)車位不足附近無商店
3百幾個車位 比千幾伙分, 你話你住龍城堡, 盈峰翠邸呢D有錢人,就話有車可以隨時去買野食, 夜晚無SHUTTLECALL 的士
都未必上. 條路夜晚我唔敢行, 隨時俾人劏死牛

6) 坐向 (西斜問題)
樓盤一字排開, 享有開揚景的住戶會有西斜問題,值得關注 (鳴謝版友小飛越2)

7)樓花期長
20211月收樓, 到時樓價大跌就HIHI
無樓者要租多兩年樓,

8)有單位可能望墳景
唔信風水可以不理

9)蚊蛇蟲鼠蟻
住開市區的人, 你要頂得順附近密林的蚊蛇蟲鼠蟻,可以親親大自然
有無見過手掌咁大的飛蛾, 白紋伊蚊與你同眠, 你咪裝蚊紗咯, 你個露台睇下仲有無用

10)通風
唔似大埔寶馬山花園同悠然山莊地勢高, 食到海風
天鑽中低層我諗會好焗, 無風到, 附近吐露港公路的污染物會令你心曠神怡


11)投資價值
連自住我都唔推介, 我諗唔到呢個盤會有高回報的投資價值
管理費我諗唔會點平
我諗唔到有咩人會特登去租呢個盤

好處: 勁近大埔滘自然保護區, 夏天可以睇螢火蟲,隨時可以郊遊
新樓, 戶型多


結論: 新達都係13,14K , 大埔中心都係13K, 配套交通一流
你話天鑽係SHK,可能值呢個價, 買得一兩房自住又未必爭到車位, 你話住千呎單位就話個度夠幽靜, 買得1000萬樓下個D人都係一般打工仔, 日日趕搭MTR,巴士返工, 你住山卡啦,入伙後都真係仆得直. SHUTTLE都等到你傻, 行落山就個妝都溶埋, 底衫褲都濕埋, 諗起人都癲

買黎收租都唔必租得好,我間新達兩房都租到16K,17K,好多外國人同中大生租

租金有支持. 同樣價錢, 我買新達算, 但係想買都唔易, 好少放盤, 因為好好住.


大埔我出世住到而家住個幾個屋苑,
我一般打工仔, 要趕返工, 有車牌但無車, 住火車旁無謂養車啦
平民百姓無車就住市中心, 行平路
你叫人每日行勁斜山路(有人話9分鐘到大埔火車站), 仲要渺無人煙, 好大機會被野狗咬, 被人老笠,
唔好話無人提過你無配套
你話個盤開均價9K-10K, 我覺得OK, 因為地價唔駛2K
你而家賣13K均價, 係咪賣大包呀?


7/1/2019 更新
*****財爺話會放寬按揭成數, 唔駛焗住買新樓******************
即係可用少D的錢買優質地段的物業, 如要在大埔區內買樓, 我推介新達廣場
跌市時先會睇到邊個樓盤的抗跌力高
而家買天鑽,個市跌, 好快就會坐艇

好簡單, 新達係大埔LOCATION 最好的私樓, 由自己屋企大門最快3分鐘到大埔MTR閘口(我今日7/1/2019 試過 4MINS)
基座商場有超市, WATSONS, MANNINGS, FORTRESS, 酒樓, 食店如大家樂, 基本野
唔滿意咪行5 MINS 到大埔墟市政大樓, 有大型街市,圖書館, 社區中心, 體育館, 傳統食店, 菜檔, 肉檔一應俱全
生活配套齊全

基座有交通交滙處, 齊晒所有行駛區內的巴士及小巴

吐露港公路成日塞車, 要準時出市區, 一定係搭火車, 而唔係搭巴士
沙中線南北線開通33 MINS 到金鐘

大埔多分支家庭, 首選都係大埔樓
大埔近十年的新樓, 全部交通都唔方便. 你話廣福道四里重建, 我諗先會有人棄新達換個度
而太和附近的太湖花園其實唔太近太和火車站

*******************************************

總之, 唔好信AA, 自己用以上兩個方法去行下(特別係夜晚), 感受下
麻煩請廣傳俾親友, 唔好盲終終買左, 到頭勁後悔

呢個POST會持續更新, 將所有潛在風險話俾大家知
我驚有唔少人唔小心買錯樓,終生後悔

大埔友要守望相助,唔好俾AA



[ 本帖最後由 wanttoplay 於 2019-1-15 09:50 AM 編輯 ]



精選樓盤
引用:
原帖由 wanttoplay 於 2019-1-4 09:49 AM 發表

我住大埔超過三十年(而家住新達), 大埔天鑽未必真係可以9分鐘去到大埔MTR

我住左大埔超過三十年, 每星期都會經山塘路 (天鑽) 行去大埔滘行山

其實有兩條路上天鑽,
路線1)經大埔火車站再上山塘路上斜行去天鑽係好辛苦,特別係夏天, 條路勁斜
落山急行後生仔可能真係十幾鐘到MTR, 有老人家同小朋友(好健壯除外)真係行唔到, 推BB車一失手就BYEBYE.
你話你係田徑選 ...
當年嵐山夠話鳳園村交通不便....
香港新樓, 只要呎價平, 就會有人狗衝 ....



應該只有區內分支客,住開新峰,寶馬山啲換樓客會捧場。睇班友喺火車站旁等穿梭巴士真心覺得慘,不過佢地應該已經習慣咗


謝謝你分享


回覆 引用 TOP

[隱藏]
引用:
原帖由 ch_margaux 於 2019-1-4 10:00 AM 發表

應該只有區內分支客,住開新峰,寶馬山啲換樓客會捧場。睇班友喺火車站旁等穿梭巴士真心覺得慘,不過佢地應該已經習慣咗
特別係打風落雨, 或3十幾度高溫等村巴, 真係幾慘



回覆 引用 TOP

推BB車一失手就BYEBYE


邊個發展商 係咪信和


良心帖😭


引用:
原帖由 wanttoplay 於 2019-1-4 09:49 AM 發表

我住大埔超過三十年(而家住新達), 大埔天鑽未必真係可以9分鐘去到大埔MTR

我住左大埔超過三十年, 每星期都會經山塘路 (天鑽) 行去大埔滘行山

其實有兩條路上天鑽,
路線1)經大埔火車站再上山塘路上斜行去天鑽係好辛苦,特別係夏天, 條路勁斜
落山急行後生仔可能真係十幾鐘到MTR, 有老人家同小朋友(好健壯除外)真係行唔到, 推BB車一失手就BYEBYE.
你話你係田徑選 ...
你當個個都無車嘅咩



[隱藏]
引用:
原帖由 2012111 於 2019-1-4 10:02 AM 發表

推BB車一失手就BYEBYE
條山塘路勁斜,行人路又窄, D車又開得快
推BB車落山你話危唔危險



回覆 引用 TOP

有野𤠣?想嚇死米米咩




引用:
原帖由 pherrows 於 2019-1-4 10:07 AM 發表

你當個個都無車嘅咩
三百幾個車位 , 一千五百伙分係咪要共享私家車呀, 聰明人



火車站d村巴廿年前已經飽和


回覆 引用 TOP

好心提一提, 果度開陽景在夏天西斜會勁晒...


回覆 引用 TOP

[隱藏]
冇所謂,樓唔係攞黎住



用戶入錯了紀錄,係因IT講得唔清楚;攞Requirement唔齊,係因IT聽漏;用戶沒做好測試,係因IT溝通有誤;用戶講漏野,係因IT冇問;做DEMO時有人瞓覺,係因IT講野唔夠生動;
 提示:支持鍵盤翻頁 ←左 右→
[按此隱藏 Google 建議的相符內容]




重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Rights Reserved.
版權所有,不得轉載。