查看完整版本 : 建議檢討黑名單功能

阿聞 2018-6-6 12:21 PM

建議檢討黑名單功能

目前的黑名單功能如下:

加入黑名單
-被添加的黑名單用戶給會員發送短消息或於該會員發起的主題中留言將不予接受
-被添加至黑名單的用戶所有留言將會縮小
-會員即使使用了追帖功能,亦將不會收到任何由黑名單用戶留言的通知


其中最大問題係被添加的黑名單用戶於該會員發起的主題中留言將不予接受呢項. 已經開始有人濫用呢個功能. 例如新聞區同時政區, 一D政治立場偏激的人會將幾百個同自己政見相反的人加入黑名單, 之後佢發的帖就唔會有對家可以留言, 造成成個帖都係支持佢的回覆的錯覺.

希望可以改善一下黑名單被如此濫用的問題. 一些建議:
-黑名單留言可以照留, 但字體縮細. 或
-黑名單留言可以照留, 但自動對樓主屏敝, 其他人仍可見. 或
-黑名單留言可以照留, 但限制每個帖最多回十次. 或
-黑名單設時限, 如一星期, 之後自動取消. 因為如果會員只想防止個別人仕騷擾, 一星期一般已夠. 如之後仍有問題, 就要重新加入黑名單. 或
-黑名單數目限制在五十個以內. 其實如果真係某人因為不文明騷擾而要加入黑名單, 實在不多見, 我玩左香討多年, 我遇過的這類人不超過十個.

希望版主考慮一下以上建議. 一直以來, 香討比其他某些論壇優勝之處係我地有唔同立場的人, 大家你一句我一句發表各自的意見, 形成好好的討論氣氛. 黑名單原意係好, 但而家被部份人濫用, 唔處理好的話, 日後香討只會得番好多一言堂自HIGH帖, "討論" 區就名存實亡了!

[[i] 本帖最後由 阿聞 於 2018-6-6 12:40 PM 編輯 [/i]]

ken_kan 2018-6-6 01:44 PM

樓主你好
謝謝你對於「黑名單」功能的意見,我們會將你的意見轉交比相關部門。
謝謝

阿聞 2018-6-6 10:12 PM

謝謝!

空中飛 2018-6-9 04:56 AM

我就是長期被某位會員針對的人 如同樓主這樣張黑名單改了的話 我會玩得極不開心:smile_o06:

ken_kan 2018-6-9 10:02 AM

[quote]原帖由 [i]空中飛[/i] 於 2018-6-9 04:56 AM 發表 [url=http://www.discuss.com.hk/redirect.php?goto=findpost&pid=481695895&ptid=27491659][img]http://www.discuss.com.hk/images/common/back.gif[/img][/url]
我就是長期被某位會員針對的人 如同樓主這樣張黑名單改了的話 我會玩得極不開心:smile_o06: [/quote]


師兄你好

謝謝你對於「黑名單」功能持不同的意見,我們也必然會將你的寶貴意見轉交比相關部門。查其實壇方一直樂於聆聽不同持份者的各種意見,亦必然作詳細之考慮。

再次謝謝你的意見分享

阿聞 2018-6-9 11:47 AM

[quote]原帖由 [i]空中飛[/i] 於 2018-6-9 04:56 AM 發表 [url=http://www.discuss.com.hk/redirect.php?goto=findpost&pid=481695895&ptid=27491659][img]http://www.discuss.com.hk/images/common/back.gif[/img][/url]
我就是長期被某位會員針對的人 如同樓主這樣張黑名單改了的話 我會玩得極不開心:smile_o06: [/quote]

會係點針對你? 一樓的建議中有沒有一種做法, 或有冇其他方法, 可以防止某人如此針對你, 但又唔會產生我一樓講的問題?
頁: [1]
查看完整版本: 建議檢討黑名單功能