查看完整版本 : 呢個世界真係有免費午餐?

秋天浪漫的烈女 2018-5-27 11:20 AM

呢個世界真係有免費午餐?

想問下大家,你地覺得呢個世界真係會有免費午餐?如果你地相信,就證明你真係天真無知!呢個世界係相對,你攞左人地嘅所謂著數,同一時間一定會失去某啲嘢!

有間不知名嘅旅行社新開張,在各大報章刊登廣告,話$0團費就可以報團,去一啲短線嘅大陸美食團,聽到有邊個唔心動,個個仆到去啦。開張第一日,啲人就蜂擁而至,真係超誇張,未開舖就已經幾十人排隊等報名,直至到收工果刻都依然係咁多人!呢個就係現實世界,個個鐘意攞著數,貪心,不勞而獲嘅心態。問心又幾多真係想去旅行輕鬆下,睇下風景,影下相呀?佢地報呢啲團都係因為”$0”團費,全包呀!又包車費,又包酒店,又包自助餐,真係執輸行頭,慘過敗家!睇見排隊嘅大部分都係師奶,呀婆,呀伯,年青人相對少,通常三五成群去報名。點解會咁呢?就係因為佢地退休後百無聊賴,生活好苦悶,完全無培養一些興趣,又趁行得走得,有得去就去啦!我知有好多人仲差不多兩日就去一次,誇張啲講句,去旅行嘅時間仲多過返屋企呀!

好多$20店嘅客人去完呢啲”$0”團費嘅大陸團,都叫苦連天!佢地話又要好早起身啦,有唒時間表,行程好緊迫,酒店又殘又舊,自助餐質素也不能接受,導遊又唔多友善,仲要被迫聽講座,聽完唔多唔少都要買野!去完旅行都唔開心,仲要不停有怨言,咁其實為咩呢?貼錢買難受嗎?

其實當你報團果一刻就應該知道無咁大隻蛤乸隨街跳㗎啦!大佬!$0團費呀,你係咪唔應該有任何要求呢?導遊態度差係應該㗎,自助餐唔好食都好合理,被迫買野更加係正常啦,你估免費午餐後真係唔洗付出任何代價㗎?用腦諗下都知啦,人地都係做生意,要賺錢㗎,你估佢開善堂呀?

真心奉勸各位,便宜莫貪呀!如果你要攞著數,就預左有呢個後果啦,無得怨㗎!


即時互動專區👇

留言 / DM / Whatsapp📱63338294

識貨嘅快Like & Follow我啦!

[url=https://instagram.com/p/BjQ-zfVFfD9/]https://instagram.com/p/BjQ-zfVFfD9/[/url]

#心靈雞湯 #人生 #成功 #文字 #哲學 #笑話 #失敗 #人生馬拉松 #命運 #心理醫生 #棟篤笑 #自殺 #感情 #狗眼看人低 #心情 #心情語錄 #心聲 #共鳴 #語錄分享 #語錄 #勵志 #hkgirl #quotes #quoting #情侶 #女神

一個夢 2018-6-18 05:34 PM

點解冇?:smile_41:
頁: [1]
查看完整版本: 呢個世界真係有免費午餐?