查看完整版本 : 遇見。失去。重遇。

吾。狗奴也 2017-10-22 01:59 PM

遇見。失去。重遇。

同大家分享下我嘅經歷。。。
6月嗰陣買咗康文健身室月票,逢一,三,五,下午都去做運動。
人做我做,我做運動好唔專心,好鐘意四圍望下其他人做咩同偷聽下啲阿姐阿叔講咩。其實健身室嚟嚟去去都係同一班人,只係有時大家做運動嘅時間未必係固定。當時,我每次去都認得七八成人。
有一次喺啞鈴區嗰邊,留意到有個黑眼圈幾深嘅男仔。因為好好奇究竟佢嗰眼圈有幾深,所以望咗一陣。
點知,就係因為太好奇,之後去健身室都會好想知佢有冇嚟。我一三五去,佢三日有喺到。有時佢已經到咗,有時我差唔多走佢先到。
有幾次我用拉筋嗰部機,眼尾望到佢望過嚟,即時有啲不知所措嘅感覺,當然有可能只係我對號入座,ff得太多。試過—次佢走去我隔離條柱拉筋,當時簡直心亂如麻。
有次做gym突然聽到"碰"一聲,原來係佢想舉重多5kg,不過唔夠力。當時好想去幫手扶一扶,等佢成功可以加重。但係我淆底!好驚就咁埋去會嚇親人。。。
月票完咗要離開香港做intern。。。
八月尾番到嚟香港,我第二日就去買月票。因為見親佢都係舉啞鈴,唔操,肌肉會縮。所以咪諗著睇下佢仲有冇喺果間健身室做gym。結果係,之後都冇見到。。。

不過,香港真係好細!冇見幾個月,竟然俾我見到佢喺樂富某Halloween 活動做遊戲攤位工作人員!!!(間健身室喺九龍區)我見到有個男仔好熟口面,望下對鞋同身形,好肯定係佢!當時我同屋企人企咗喺度研究遊戲卷點換,我見到佢有望過嚟呀!!!唔知認唔認得我呢。。。
不過,結果我哋唔知遊戲卷點換就走咗。。。

連名都唔知,唔知算唔算暗戀。
呢種感覺好難用文字形容!


其實以前中學都錯過咗一個暗戀對象。對方好似都鐘意我(坐我後面嗰同學成日話佢鐘意我,我以為係講笑,冇理到)。其實我都鐘意佢,但當時唔識表達自己嘅感受,又覺得佢可以搵嗰更好,就白白錯過咗。最後佢離開香港升學,冇再聯絡。

勞氣非偶然 2017-10-22 09:00 PM

再去過,見到就say 個hi! 珍惜機會

Mer哥 2017-10-23 04:24 PM

我都好耐冇去:fst_015:
頁: [1]
查看完整版本: 遇見。失去。重遇。