查看完整版本 : 中國人?香港人? -- 中華民放

fowlerchung 2017-9-11 09:25 PM

中國人?香港人? -- 中華民放

其實而家啲人成日响度嘈中國人,香港係中國嘅一部分,中華民族萬歲咁。其實真係有幾多人了解中國歷史,幾時起香港成為中國嘅一部分,中華民族嘅定義?
反對嘅人又真係有幾個講得出自己唔係中國人,咁自己係咩人?真正反對嘅原因?實際可行嘅路向?
香港呢個小小嘅地方基本上响秦朝嘅時候納入“中華民族”管轄。大家記住,“中國”呢個名稱係近代先有嫁!
到今時今日其實我哋嘅國家係“中華人民共和國”。或者大家會覺得“中國”係一個比較方便嘅簡稱,但係世界上仲有一個政權叫做“中華民國”。大家當然可以自欺欺人話一個中國,同一個國家。但係從任何角度去睇,“共和國“同“民國”都係兩個國家嘅實體。所以我一向都唔認同哥啲所謂嘅政治家响人民面前大講虛偽嘅大話。
講返正題,其實當年香港,九龍係由清政府讓俾英國,新界美其名係租借,實際與港九無異。噤中國大陸(單指土地)政權一再交替,咁其實當初簽約嘅政權經已不存在。响咁嘅情況,其實香港呢片土地當初被英國人放棄,自立成一國又好似合情合理。當然有人話香港無天然資源好難獨立生存,咁呢啲人又唔睇下星加坡,佢哋嗎又係咁生存到而家。不過,香港同星加坡唔同嘅係我哋同“中國大陸”主要組成嘅民族相同,所以回歸“中國大陸”似乎又順理成章。
咁問題又嚟啦,雖然大家民化,文字“大約相似”。但係始終都係不盡相同,以今時今日被人“因時之利”被人大“解釋”多次嘅基本法去保障香港市民。大家真係會唔擔心咩?我自問,真係擔心。我擔心响我有生之年,香港就會被一啲所謂嘅香港人因為私利所出買變成一國一制。呢啲人唔好同我講咩民族大義,我深深相信呢啲人連中華民族如何組成都唔了解!
咁又會有人講今時今日“共產政權”下嘅“中國大陸”如何進步。但係唔好忘記响今日進步背後,“中華民族”所犧牲人民,民化同歷史。到今時今日,“共產政權”依舊可以為咗發展去犧牲佢嘅人民。呢樣嘢亦係我最唔能夠接受嘅!
我响八,九十年代嘅教育教我哋嘅係政府權力來自人民。當然我同意當下嘅“共產政權”並唔適合一人一票選領袖!並唔單純係教育嘅問題,呢個係關乎共產主義最大嘅缺點~無神論!宗教可以話係人類歷史上最廉價嘅工具去整合人民嘅價值觀,大家可以睇下同我哋最接近嘅日本,以及過去歐洲人植民歷史。
民主當然當然唔可以當飯食,但係卻係保障個人自由權利最重要嘅部份!當然我個人認知下,自由係响唔傷害其他人情況下做自己喜歡嘅嘢!但係試問今日“共產政權”一切以政權利益嘅情況下,回歸共產嘅政制下大家真係可以接受咩?
我相信香港人無咗共產政權嘅幫助都係可以生存嘅,今日中共依舊需要香港嘅幫助,大陸人依舊相信香港嘅信譽。但係點講都好,港獨都係無出路,咁只係因為香港人唔會有脫離中共呢個comfort zone嘅毅力,所以我哋只能夠珍惜今日依舊擁有嘅制度同價值觀。唔好俾啲為一己之私出買香港嘅人將我哋所愛嘅地方一啲啲咁出賣!
大家睇完我講咁多一定會將我歸類為“黃絲”。實在我去過咁多地方,外國人問起我都會講“I'm Chinese, come from Hong Kong.”我一直自視為中華民族嘅一份子。我亦為我哋中華民族嘅歷史而自豪。但係我真係唔能夠接受今日政權嘅做法。熱愛自己嘅民族唔等於熱愛自己所在嘅政權,我相信呢個就係好多香港人心中嘅諗法!

Iri 2017-9-11 09:39 PM

1979年12月6日,邓小平在会见日本首相大平正芳时说:“我们的四个现代化的概念,不是像你们那样的现代化的概念,而是[color=#ff0000]‘小康之家’[/color]。

‘小康之家’是儒家思想 中共回儒家
習近平提出中俄伊朗新聯合國一帶一路

Iri 2017-9-11 09:55 PM

中國意義
1政權是君權神授  孔子曰:天下有道,則禮樂征伐自天子出
2民族來自黃帝時期 整合成夏朝 商朝 周朝 ...清朝 到今天

KG123456 2017-9-12 09:27 AM

看在香港的中國銀行,招商局的歷史

招商局是清朝成立,
當英國認同民國為中國的合法政府時,就要把中國前朝的資產轉為現認可政府……
之後共和政府……

不要坐井觀天,在井裡你是自由的,一出井口,就要受其它制約

keylau20 2017-9-12 09:47 AM

樓主,閣下浪費這許多時間撰寫如此亂七八糟的文章,不如花多一些時間,看多一點書吧。

Iri 2017-9-12 10:16 AM

香港十幾年通識教育 為美國全球化服務
其中之一  切你香港人 中國文化根
然後洗腦 普世價值 國際標準 效忠美帝
從香港顏色革命中國
就是這十幾年 香港共同經歷

阿瞞。曹 2017-9-12 11:09 AM

孤反而只想從現實問題探討所謂港獨。

利申: 對中共政權, 不置可否, 就文化論之, 卻情有獨鍾。

早年選舉論壇上, 驚見一黃君, 教人弗從現實考慮港獨, 蓋因從民生, 經濟, 資源, 軍事著眼, 港獨之路, 自不能行。然立國安邦, 卻妄顧現實, 此孤之未解一也。遙想當年, 自討黃巾, 挾天子以令諸侯, 每逄戰事, 不論大小, 親冒矢石, 身先士卒, 掃平四海, 功蓋寰宇, 猶奉劉協小兒為帝, 鋪奠半生, 方讓丕兒以魏代漢, 正位大統。及後兒孫不濟, 魏祚衰微, 司馬窺竊神器, 更是韜光養晦, 歷時三世, 方篡魏立晉。今日香港, 廢青孩童, 文武匱乏, 德薄智寡, 不思長遠定國之策, 心想鳩叫口號, 倒插國旗, 便能獨立成國, 此孤之未解二也。再說民生困苦, 即不為虛, 然奢想揭竿獨立, 目下難題便水到渠成, 迎刃而解, 此孤之未解三也。

在座可有支持港獨人士, 能站出來為孤解惑?

syqk 2017-9-16 01:39 PM

睇下鄰國,比你做咗香港人你就要為賜與你 "自由" 的 "好人" 犧牲自己為它服務,比人久唔久嚟抄家,當卒仔駛行先死先,只不過你感覺上是自愿吧了!對你真的有益嗎?你看連日本都比人玩到陀陀令,對中國人更加不會手下留情,雖然有些人掩耳盜鈴以為唔認人地就當你唔係。

l-wing 2017-9-17 12:36 AM

你的思維非常混亂,諸多話題炒埋一碟,雜亂無章又牽強附會。如想歸還民國,應該在回歸前討論,現在談毫無意義,至於獨立,在現時背景下只能暴動,獨立戰爭,香港承受得起代價嗎

KG123456 2017-9-17 10:19 AM

不是承受的起的問題……

而是正義問題……

看那些人,要戴口罩,夜晚才敢貼紙

這已講明只有那幾個,在做見不得人的事

l-wing 2017-9-18 12:07 AM

一直認為威權政治是最適合香港的政治體制。威權統治特色就是集中力量發展經濟,遠離政治

阿瞞。曹 2017-9-18 07:28 AM

[quote]原帖由 [i]KG123456[/i] 於 2017-9-17 10:19 AM 發表 [url=http://www.discuss.com.hk/redirect.php?goto=findpost&pid=467960713&ptid=26919549][img]http://www.discuss.com.hk/images/common/back.gif[/img][/url]
不是承受的起的問題……

而是正義問題……[/quote]


又一企圖轉移視線之人
每論及"港獨能否", 就有人會話"不是能與不能", "不是X與不X",
然後含糊其詞, 妄顧現實, 卻對如何獨立嘅部署避而不談。
改朝換代之事, 並非一腔熱血就能成事的, 還當順天應人。人心不一, 或機會未成熟, 要揭竿起義係注定必敗。
一旦揭竿, 當朝嘅統治者係必然會鎮壓, 休提什麼文明正義和平。那是鎮壓失敗以後,
意識到大勢已去, 方會接受現實, 退下來或者承認揭竿者嘅獨立地位。
"義旗"一舉, 當朝者立刻稱臣, 係自古以來不曾存在嘅天方夜譚。未來日子亦不會出現。


再說, 爾等所為, 能否稱作"熱血", 可曾存在過一面"義旗", 孤非常懷疑。

禁言先生 2017-9-18 05:05 PM

[quote]原帖由 [i]fowlerchung[/i] 於 2017-9-11 09:25 PM 發表 [url=http://www.discuss.com.hk/redirect.php?goto=findpost&pid=467666650&ptid=26919549][img]http://www.discuss.com.hk/images/common/back.gif[/img][/url]
其實而家啲人成日响度嘈中國人,香港係中國嘅一部分,中華民族萬歲咁。其實真係有幾多人了解中國歷史,幾時起香港成為中國嘅一部分,中華民族嘅定義?
反對嘅人又真係有幾個講得出自己唔係中國人,咁自 ... [/quote]
假設樓主你住大埔區,有一日,住港島區的河童發起香港島獨立,原因係他認為住九龍由其係新界的人,經常搶佔佢地港島區既資源,例如係佢認為銅鑼灣先有既citisuper,同上環既靚海味。更甚既係係鴨脷洲捉到一個強姦犯,查出佢原住天水圍的,又有一個比人起左底,住上水的醉酒佬通街屙尿比人影左相放上youtube,佢認為住新界的人比較無文化同低等,咁啱你又有個隣居由大埔搬左過北角,叫冠沖,佢都發表認同九龍新界係低等人,係蝗虫係支那人,為左維護佢地住港島人既利益,要求自決抵制新界人,發起佔領海隧等運動。佢地攻擊係港島工作同Shopping既九龍同新界人,踼佢地個袋,鬧佢地係新界狗,而住係港島既若微阿姑,佢話唔支持島獨不過冠沖佢地有言論自由,可以討論島獨而唔應該比壓力佢地,關於佔領海隧雖然令部份人不便,但情有可原,唔可以將有理想既年青人判罪云云,而港大亦貼出支持島獨既標語,又刊出學菀文章支持島獨。甚至罵住九龍的同學係支那人。佢地已經向美國白宮求助,要求美國支持港島獨立。歷史理據係港島在清朝已割讓出去,而九龍新界大部份地方係租借,所以界限街以北既都係大陸人。事件鬧大後好多由港島搬了去新界的市民抗議。冠沖河童等人就指責佢地係5毛,沬黑爭取自決既佢地。
如果真係發生咁既事,樓主又點睇?

禁言先生 2017-9-18 05:29 PM

[quote]原帖由 [i]禁言先生[/i] 於 2017-9-18 05:05 PM 發表 [url=http://www.discuss.com.hk/redirect.php?goto=findpost&pid=468033368&ptid=26919549][img]http://www.discuss.com.hk/images/common/back.gif[/img][/url]

假設樓主你住大埔區,有一日,住港島區的河童發起香港島獨立,原因係他認為住九龍由其係新界的人,經常搶佔佢地港島區既資源,例如係佢認為銅鑼灣先有既citisuper,同上環既靚海味。更甚既係係鴨脷洲捉到一個 ... [/quote]
呢度歷史版,再用歷史探討港獨,
的而且確,中國曾經/現在都處於分列狀態,而佔山為王為亦不小,不過最終結局?
港獨,類似於三國時代那個袁術,或者係借契丹保護既兒黃帝石敬瑭。你想做袁術石敬瑭?
新加坡?係馬來政權趕佢地出黎,想佢地獨立,香港能比乎?
港獨,絕對係自絕於天下,何謂天下?香港700萬市民?天下是全世界人,但至小有十幾億人會介入以及對港獨有強烈意見。就算美國人明面上亦不會支持(參考台灣)。美國既利益只係中國混亂,從而控制,最理想目的係控制,而唔係港獨。你認為政治有正義?咁你應多了解天下事,一切離不開利益!而十幾億人既意願你可不在乎,但你試問下你身邊的所有人,同學好隣居好樓下看更也好,你認真調查一下,香港能與大陸切割麽?人倫關係,來往關係以及血緣關係,能切割麼?或者你能,其他人呢?他們不是港人乎?再講若你真是有志氣,認為共產黨禍國的話,是否應該盡你所能救國於水深火熱?推翻共產黨也好,幫助國家慢慢改變也好,絕對不是自絕於天下做全國的仇敵。

你看看自己的姓氏,用的文字,說話的語言,照中的影像。你能不是中國人嗎?你或者心裡希望將自己同大陸人區分,但你真的有優越的地方嗎?論才學論人品論禮儀論心胸論人脈影響力論家勢論理論情,那樣高人一等?若真的有才學仁德,自然不用區分到那裡都高人一等,跟本不用介懷,所以請收起你自傲的心態,努力改進自己,才值得做一個驕傲的香港人。
將來若你的子孫幾代後,互相攻擊你又有何感想?

[[i] 本帖最後由 禁言先生 於 2017-9-18 05:37 PM 編輯 [/i]]

人若流水 2017-9-29 12:39 AM

*** 作者被禁止或刪除 內容自動屏蔽 ***

人若流水 2017-9-29 12:41 AM

*** 作者被禁止或刪除 內容自動屏蔽 ***

禁言先生 2017-9-29 01:57 AM

[quote]原帖由 [i]人若流水[/i] 於 2017-9-29 12:39 AM 發表 [url=http://www.discuss.com.hk/redirect.php?goto=findpost&pid=468566584&ptid=26919549][img]http://www.discuss.com.hk/images/common/back.gif[/img][/url]



师兄讲得好、对港毒当头棒喝! [/quote]
有港獨想法既人,基本上只流於情緒發洩,佢地既沒有計劃,亦不知甚麼行動,更沒有任何可以部處,有人領頭搞事,就歇斯底里純粹的破壞。簡單講就是沒有用過腦袋去思考,更聽不進其他意見,就像被洗腦的喪屍一樣,隨時病發,若不病發,病毒就像潛伏於某處一樣,等待復發。如真的不滿共產黨執政,搞革命既人並不會那麼沒理智。成大事需要籌碼,他們的籌碼是什麼?美國資助?軍備?糧食?實在他媽的笑能笑人。
沒錯,中國的政治從來都是恐怖的,是用一家性命去博取功名利祿,高官家人為何大都需安置在外國?真的只是信不過共產黨在外國才有好生活嗎?機乎都人所共知會影響仕途,點解仲要咁多人都要咁做?因為需要留有後路. 人地位高權重都尚且如此,港孩又憑何去鬥?呢度歷史版,有無研究過朝代更替的過程?辛亥革命為何成功?清朝如何入主中原?班港孩正正式式係大陸叫既坑爹,不過佢坑既唔止係佢爹,坑埋所有香港人既爹。
頁: [1]
查看完整版本: 中國人?香港人? -- 中華民放