查看完整版本 : 我應該點做?😢希望情場上嘅高手可以幫下我🙏🏻

dberniiasne 2017-7-3 05:15 PM

我應該點做?😢希望情場上嘅高手可以幫下我🙏🏻

尼一個男仔我己經由小學暗戀到己家(我今年f.3)佢同我嘅想法好相似人緣好肥肥地(唔係肥到比人叫死肥仔嗰d)佢玩唔會玩到過矖火姐係佢識得能放能收 好白 其實幾靚仔
好啦入正題之前佢都會睇我Snapchat d story 同同埋佢之前同我儲緊火但係有一日無端端斷晒 但story keep住有睇 同埋有一次去台灣觀星見到我攞住果啲嘢有啲重佢叫我俾啲佢拎我當堂呆左一呆因為佢平時響學校係唔會用咁樣嘅語氣咁樣嘅態度更同埋一定唔會幫你拎野 同埋佢讓你上車先 and讓個位俾你坐 我想問究竟佢係gentleman 定係對我有意思
我哋下年一齊搞學會我應該做啲乜嘢或者表示啲乜嘢
P.s 佢雙魚我處女但係佢勁成熟

[[i] 本帖最後由 dberniiasne 於 2017-7-3 05:41 PM 編輯 [/i]]

leo9394 2017-8-14 01:42 PM

就咁睇星座關係 我識既大部份雙魚男仔都係本身好gentleman 就算對兄弟也是如此 所以未必話對你有意思先至話幫你拎野讓位戈d小動作 咁當然對你係0興趣或者0好感(完全無feel)同學only 就一定唔會有以上既行為 至少佢當你係朋友唔會係hi bye同學

另外星座論嚟講雙魚同處女係對宮 你地既思想會一致但個結果同性格會好極端

例如:
因為好易諗到對方想要D乜 連去食d乜都好易諗到 當兩個都好鐘意食吉野家 但對食法都好有要求
一個鍾意將D牛夾哂落碗牛汁度再落七味粉辣椒碎落d牛度送飯食
另一個就鍾意將D七味粉辣椒碎加哂落個牛汁度再倒哂落碗飯度食

如果一人一碗就緊係無所謂 但一齊Share一碗就會好有問題 一次半次就對方係無所謂 長期落去就會麻煩d

性格
亦可以話一樣亦可以話極端 例兩個都有強迫症 例如潔癖 雙魚會追求係視覺上既整齊多D所謂眼不見為淨 而處女會追求衛生上既清潔

其實你真係鍾意佢咪試下同佢發展下囉 自少佢一定唔係對你無好感 如果佢無心上人(好易睇得出 因為雙魚座唔會收收埋埋)咁你就好有機會 因為雙魚人太好唔識拒絕人 只要你出得聲約佢扮下可憐佢都有求必應(應左唔會坐言起行 因為十個雙魚11個都好懶 遲到已經好俾面你)

約左佢出嚟頭一兩次去睇下戲先囉 雙魚加處女係永不有悶場 開到個頭就唔會有尾 傾唔完的組合 試下單獨約出嚟睇清楚大家適唔適合先 始終學校同出街係兩回事 可以約下踩單車 行下精品店睇下佢對咩有興趣 做少少曖昧既事情囉 有少少身體接觸例如拍下膊頭捉下佢手碗位

出過幾次街之後覺得男方對以上行為無反感或者你都Feel到佢有感覺就可以同佢去下d浪漫少少既地方話想睇下日落期間再暗示下佢(例如:今日唔知點解特別開心 望住個咸旦黃跌落去 真係好靚 如果有埋個男朋友攬住我一齊睇真係好浪漫) 佢團火點得著就自然會同你示愛

如果佢仲係一碌木既話就一早準備定封情信加份小禮物 睇完日落叫佢送埋你搭車 同佢講好多謝你今日陪左我咁耐今日好開心 我買左個xx俾你 希望你鍾意啦 再連埋封情信俾埋佢
等多3日後如果佢無搵你就問下佢鐘唔鍾意份禮物 岩唔岩使之類做開場白 如果佢反應係話題終結式咁你就放棄啦 唔回覆既就再等多幾日再問過啦再唔覆既/話題終結式咁就放棄 因為雙魚有心想同你一齊唔洗諗多過兩日

利申:我係處女男 識好多雙魚座(有兄弟 親生妹 暗戀過對像 曖昧過對像) 因為太了解而未有同雙魚女拍拖

總言之祝你成功搵到對的人啦 我表哥都係中2戈時同我表嫂拍拖拍到結婚生埋bb啦

dberniiasne 2017-8-14 05:45 PM

[quote]原帖由 [i]leo9394[/i] 於 2017-8-14 01:42 PM 發表 [url=http://www.discuss.com.hk/redirect.php?goto=findpost&pid=466120411&ptid=26765363][img]http://www.discuss.com.hk/images/common/back.gif[/img][/url]
就咁睇星座關係 我識既大部份雙魚男仔都係本身好gentleman 就算對兄弟也是如此 所以未必話對你有意思先至話幫你拎野讓位戈d小動作 咁當然對你係0興趣或者0好感(完全無feel)同學only 就一定唔會有以上既行為 至少佢當 ... [/quote]
我會努力架啦多謝😉

tuuleung 2017-9-8 12:28 PM

可能佢係gentleman

toiletboyz 2017-10-21 08:56 PM

*** 該帖被屏蔽 ***
頁: [1]
查看完整版本: 我應該點做?😢希望情場上嘅高手可以幫下我🙏🏻