查看完整版本 : 亂掉佛牌問題

sze0804 2017-2-8 08:08 AM

亂掉佛牌問題

係咁既...

我幾年前就過左去外國讀書到而家搞緊移民.
剛剛黎到,同果陣個的男朋友感情好差,就向網上亂咁買左個泰國佛牌,係姻綠牌,叫"xxx cool"咁架.牌上有一條好迷你的骨頭意,無記錯應該係正牌.買的原因係因為我想挽救同我當時男友的感情.之後我同果時既男友分手,我就好傻咁將個牌掉左,因為我覺得佢無用,以為佢係假貨.

之後我搬到另一間屋住,唔知係間屋問題定係我亂掉佛牌問題.屋內只有我同另外一個印尼室友住.半夜有人敲門嘈醒左我,呢種半夜敲門的情況發生過3次,其中一次我仲真係起身走去開門,但無人,我聽到隔離房印尼室友打鼻鼾所以我肯定唔係佢.我仲第二日去問佢,差點嚇死佢.除此之外,我有次半夜突然醒左,見到頭上方有一團啡色的煙向空中浮緊飄下飄下.我仲發左幾次惡夢去左地府賓館度住.周圍都係綠色,每間房既門上都掛有1-2串銅錢,果排我個人好唔開心,好似抑鬱咁.成日唔想見任何人,一個人向間房內無端端覺得會好傷心會大喊.無耐我就去左我朋友個師傅度,係喇嘛黎.我問佢我點解會有呢種事發生,佢用佛珠算一算,就叫我唔好亂放佛牌,我問佢有無化解方法,佢無答我.之後我都無再搵個喇嘛.

上面都係幾年前既事.我已經搬左好幾次屋,搬完就無左發生呢種事.但訓訓下醒左見到啡色煙向自己上空飄下飄下,仲係會間唔中發生.有無人可以解釋到呢D係咩黎?

我對我掉佛牌的事有內疚,係我無諗到後果就做,係我年少無知,係自己的錯. 我已經搵唔到賣佛牌俾我的賣家聯絡資料,我有乜野可以做同補救?

而且唔知點解,我呢幾年搞移民,每次差一步成功,都會有阻濟,已經好幾次都係咁,我身邊同我同一時間黎的人都一早移哂民,我成日凝住係同我掉佛牌有關.請問有無高人可以指點下我應該點做?

lman007 2017-2-8 04:01 PM

你講個牌係“燕cool”?如果係就唔係正牌,陰牌黎。
睇你個情況,如果真係關個牌事,正牌唔會咁樣害人,自己有冇宗教信仰?如果無,建議今日唸地藏菩薩本願經做迴向俾啲冤親債主,誠心懺悔。
一日兩日完成唔到,誠心唸經懺悔,自然會好好多。任何事無得貪快,希望樓主明白。

sze0804 2017-2-8 05:24 PM

我唔識唸經.無人教過我,可唔可以教下我?可以向屋企唸嘛?日頭唸定夜晚唸?需唔需要合掌跪向地下?
我上網打地藏菩薩本願經,佢有開經偈,上中下13卷,係咪全部唸哂佢就得?乜野係回向?我唔係好明白....
我搵到以下呢個網址,可唔可以幫我睇下啱唔啱?
[url=http://www.mpldj.com/8/82/5-21.htm]http://www.mpldj.com/8/82/5-21.htm[/url]

lman007 2017-2-9 12:33 PM

屋企隨時隨地都可以唸,誠心嘅可以合掌跪地(記得放墊先好跪啊)

http://big5.xuefo.net/nr/article2/24805.html 迴向文,裡面有講點樣迴向
通常佛經向網上或經書好少有錯,除左某啲字眼唔同,大致係一樣的。

冒煙松鼠 2017-2-10 12:52 PM

小弟也是初接觸地藏經人士,但發現唸頌地藏經後,生活和順了很多。
我唸的方式也不知是否正確,但也分享一下吧,如果有任何改善地方,希望各師兄可以指正。

唸頌地藏經,可以在一個安定的地方進行,唸前可以先合十說:「恭請南嘸大願地藏王菩薩慈悲護持。」;
之後就說你唸經的目的,例如:「弟子/善男/信女某某某,今日發願要唸頌地藏菩薩本願經_(品/卷/部),並迴向給弟子___一切六道有緣眾生,祈請南嘸大願地藏王菩薩慈悲做主,超渡他們,令業障消除,離苦得樂,往生淨土,弟子真心為往昔孽求慚悔。願喃嘸大願地藏王保祐弟子,倘弟子能(解決某某某事),弟子定當(某某某某某)」(說三次,自己按自己情況加減,記住自己的諾言)
之後停一停,等一等,就唸「讚」和「開經偈」的內容。之後就可以開始唸經了。

唸完你準備唸的經文,就唸迴向文。網上很多地方也有不同迴向文的,按自己心願迴向即可;我就唸:「弟子(某某某),願將此頌地藏菩薩本願經_品/卷/部之功德,迴向給一切六道有緣眾生,祈請南嘸大願地藏王菩薩慈悲做主,超渡他們,令業障消除,離苦得樂,往生淨土,弟子真心為往昔孽求慚悔!」(唸三次)
最後感謝地藏王菩薩的保祐,我會唸:「感謝南嘸大願地藏王菩薩慈悲護持!」(唸三次)
希望能幫助師兄解決問題吧。但小弟也是初初接觸地藏經,也擔心有些事情做得不好,所以最好也其他師兄請教一下呢!

[[i] 本帖最後由 冒煙松鼠 於 2017-2-10 12:55 PM 編輯 [/i]]

明天會更好的 2017-2-12 08:43 PM

香港都幾好啊 做乜個個都移民��
頁: [1]
查看完整版本: 亂掉佛牌問題