查看完整版本 : 問米經歷

jesslovesjazz 2016-7-29 07:57 PM

問米經歷

我想分享一下我問米既真人真事。我婆婆同兩個舅父,舅母係大陸生活。而我媽咪同阿姨就係香港生活。好多時都會番大陸睇我婆婆。
今年年頭,我婆婆病重,唔識講野,反應好慢。到四月尾就過左身。由送佢入院到佢過身,佢都無點講過野,問佢咩,同佢講野都唔係點應。但神智係清醒。所以佢過身60-70日左右。我地就番大陸問米。因為我地都好想知佢有咩未交低想同我地講。

當日我地9點左右就已經到問米地方。呢個人係我地家庭一個close frd既阿嫂介紹既。去到樓下個陣見到佢個阿嫂同佢兩個朋友。個兩個朋友係母女黎。個陣我心諗:甘多人帶我地黎??原來佢地都係黎問米。我心立刻打個突。下,甘佢咪聽到晒我地既野羅。但無辦法,人地係個阿嫂既frd黎。
好啦,我地呢邊有大舅父,細舅父,大舅母,我媽咪,我阿姨,我,同大細舅父既仔。事前我地準備左水果,餅乾,香,米。

泊好車,搞店就上去了。個度係好普通屋苑黎。上到去,見到幾個人,一個係問米婆,另外兩個應該係仔同佢老公。入面好乾淨,好光猛。好靚下。到左就叫我地去露台,無冷氣,但又整到好似一間房甘。好啦,擺好啲野,插香。然後坐低等問米婆入黎。間房入面塞左12個人,問米婆,我地8個,個阿嫂連佢兩個朋友。

好了,擾攘一輪,佢入黎了。坐低就唱歌,唱左幾分鐘歌就問個阿嫂個兩個朋友請邊個,幾時死,姓名。然後又唱幾分鐘。唱唱下停低,佢問:呢個人身型係點,面型係黑。係唔係,係我就帶佢上黎。佢地話係,所以就帶佢上黎。然後又會唱一陣,唱唱下突然打一個好大既sit egg,然後開始講野。係聽既過程都覺得講得好有文有路,同佢老婆對答得好好。無話俾佢老婆challenge,睇下係堅定流甘既feel.佢一上黎就講左句佢地自己既家鄉話黎稱呼佢老婆,話自己唔願意死。無面見佢老婆。佢老婆話:哼。你死左3年而家先黎話唔願意死。之後我地走個陣,佢老婆話今次係第二次請,覺得好準。

好了,佢地問完到我地了。又係一樣問我地姓咩,幾時死,男定女呀甘。又唱一連,唱唱下問我地眼前呢個85歲既老女人係唔係,行得唔好,要人扶,面又粒落去。問我地係咪。我地話係,然後又係重複好似之前甘。然後我阿婆一上黎就同佢個大孫講野,話係遠處見到佢。阿婆好開心呀。阿婆逐個叫,孫,心抱,仔,外孫甘叫。

當中,我喊左好多次。因為我同阿婆關係好好,就算佢係大陸,而我係香港同阿爺阿嫲一齊住都好。我同阿婆親好多。唔單止係因為我係由佢湊大,更多係因為阿婆教我好多野。

講番個過程真係好傷心。我阿婆話佢無死錯,佢已經食多過佢個壽命。話我地個個呃佢,無人同佢講真話,成日話呢個e生好呀,叻呀。結果而家就好左去了。。講到呢到,我地都笑,因為我地真係成日同佢講,好快好,食野先有精神。

之後講起個細內孫就喊,話好錫個內孫,叫佢聽話,而家俾人打無人幫佢,叫佢爸爸,亦即係阿婆細仔唔好打佢個內孫,話你細個都唔乖得去邊,佢個孫唔駛人打。真係得細舅父會打仔,大舅父唔打,所以佢同細舅父講。

阿婆講呢幾句係喊住講,個下我都好感受到佢不捨呢粒孫無人保護既心情,都喊左。而佢講既話語,同語氣就真係好似阿婆生前甘。

另外我阿姨有特登去玩下野,問下佢有幾多個孫呀,葬係邊。阿婆都一一答到。仲形容得一模一樣。就連佢死時,得個細內孫係身邊,喊住同人講:阿婆無了。叫人去睇既時候都講得番出黎。阿婆係屋企死。聽到呢到,我又喊。而阿婆都喊。當日,佢過身大概係9點。我地係香港趕過去,已經11點。走左了。

阿婆連當日係邊個同佢整頭髮,整到佢好痛都講出黎。話佢細女者係我阿姨整到佢好痛,係甘扯。仲話我阿姨講:饒恕佢無罪,佢唔識整。
話我阿姨整多次都係唔好。然後佢兩個係到鬥咀。個下就覺得係阿婆生前係到同阿姨鬥咀既情景。我地都係到笑。

到後期話我坐係佢身後面,同細內孫坐埋一邊。話錫我都有用,叫我唔好嬲佢,嬲佢我地番香港佢仲係到,番黎大陸佢就唔係到。其實我無嬲我阿婆。只係當日知佢走,我地趕番去個陣,我心入面諗,上個星期睇完阿婆番香港,阿婆都仲係到。但今次番黎,阿婆已經唔係到,覺得好傷心。呢句我無同人講過。所以我覺得好準。

阿婆話佢而家跟人念經呀,話我地燒俾佢對鞋唔岩,有好多錢駛呀個啲。講左20分鐘左右就話佛祖叫佢去念經,要走。我阿媽好唔捨得。係甘叫佢講多幾句。因為我阿媽又係同阿婆好close. 最後叫我地唔駛擔心佢,佢都唔擔心我地。會保佑我地。

成個過程,由問米婆坐低到講,佢都用左手遮住眼,無開過眼。而佢事前亦唔知我地邊個打邊個,但就好準甘講出邊個係大仔,細仔呀甘。同埋對答個陣啲用字,語氣都好似。
所以我地覺得準。而問完之後我地都放心左小小。但我始終都好掛住我阿婆。

最後費用好似只係人仔100以內,好似係20蚊tim.

kelly33 2016-7-29 10:12 PM

好準喎,請問係邊度問米?

小sony 2016-7-29 11:27 PM

可以知pm邊度睇嗎?

李大利 2016-7-29 11:53 PM

麻煩pm資料比我吖。謝謝!

小Ra 2016-7-30 03:04 AM

好想知邊度pm,plx

yeung_dd 2016-7-30 01:55 PM

內地好多呢類人,香港依家就好難搵個堅嘅,試過啲時得時唔得。一次勁準下一次唔準。
朋友話齋:你一場嚟到,請唔到都講啲行話敷衍吓⋯⋯唔通實話講佢唔得?

bbq491 2016-7-30 09:23 PM

我係惠東第一次問米又係好勁, 佢可以講到屋企裡面大家忘記左好耐既秘密, 我真係好服
但係可惜同佢唔熟, 問唔得耐就要say bye

樓主既介紹人同問米婆可能熟悉既, 所以你地可以咁多人一齊問, 仲問左好多野

半空性感的膠袋 2016-8-3 05:01 PM

請問係邊度?thx

feelsorry 2016-8-8 12:32 AM

[quote]原帖由 [i]bbq491[/i] 於 2016-7-30 09:23 PM 發表 [url=http://www.discuss.com.hk/redirect.php?goto=findpost&pid=445476862&ptid=25978166][img]http://www.discuss.com.hk/images/common/back.gif[/img][/url]
我係惠東第一次問米又係好勁, 佢可以講到屋企裡面大家忘記左好耐既秘密, 我真係好服
但係可惜同佢唔熟, 問唔得耐就要say bye

樓主既介紹人同問米婆可能熟悉既, 所以你地可以咁多人一齊問, 仲問左好多野 [/quote]

緣份吧d 好準到我睇時:smile_o08:

hihisharon 2016-8-12 03:08 PM

師兄, 可否PM我, 我想要地址電話. 謝謝

比卡超03 2016-8-23 04:22 PM

問米的地址

你好, 我想麻煩你告訴我
問米的地址及聯絡方式

謝謝

飲水思源 2016-9-3 08:39 PM

我都好想問下~~

係邊度???

李大利 2016-10-14 12:09 AM

可否給我聯絡電話資料?

andysin 2016-10-15 09:56 PM

麻煩可否pm資料 謝謝

sasa1314~~ 2016-11-4 08:47 PM

樓主,可否PM我資料?
THX

love_christy 2016-11-7 11:25 PM

急求聯絡資料, 請pm, 拜託了

wongmanman 2016-11-8 12:51 AM

樓主,可否PM我資料?謝謝您
頁: [1]
查看完整版本: 問米經歷