註冊 登入



打印

[地產新聞轉載] 【德國生活誌】香港打工為咗易買樓 德國搵樓難過你搵工

【德國生活誌】香港打工為咗易買樓 德國搵樓難過你搵工 E-mail 此主題給朋友

[隱藏]

小菲最近喺德國租樓,真係租到人生低潮。你以為香港地少人多租樓好貴咩?德國地方大但係單單想租已經令你頭痛欲絕。想搵間 dream house 真係難過你搵份 dream job!



最近香港最 viral 的其中一單新聞,係內地同胞喺香港大灑金錢喺其實佢地心目中唔算好尊貴嘅香港買樓,只係為咗令子女做喇沙仔。其次就係雙非家長公開承認夾份合租北區單位,為咗子女喺香港讀書之餘,可以喺統一派位裏面派到北區小學。最過癮係雙非家長唔覺得自己搶緊香港學位,但本地家長已經大呻北區畀內地同胞分薄晒啲入學機會。小菲心諗,如果香港租樓都好似德國,會唔會一天都光晒?



落地德國之前小菲租定 service apartment,以方便自己落地後慢慢搵樓。同一間管理公司同一棟大廈裏面,有幾款唔同尺寸唔同間格的屋畀你揀。網上簽約,銀行過數,方便快捷,極其量都係要求你遞交張對上三個月的糧單過過目,過程俐落。小菲落飛機後住咗兩晚酒店,慢條斯理拎鎖匙,咔擦開門,立即入住。住落三個月,開始熟習地形,揀啱心水 location,就開動搵樓。點知一搵就頭痛……真係心血少啲都隨時跳掣。



網上放租的樓盤唔算少,幾個最大的租屋網日日都有大量更新;小菲心水的地段每日最少都有六、七個新盤放租。但租樓第一步,就係要交文件先。想睇樓咩?麻煩你填低啲文件先啦。尤其係私人放租,九成都要你先放低呢幾兩



呢啲文件包括啲咩?先係一張大同小異嘅 form,填好你(同埋同住者)的姓名、年齡、工作、收入、有冇結婚、有冇小朋友、有冇養寵物、有冇食煙等等;然後就係你的薪水證明、你份工嘅合約(自顧人士可免份合約嘅)同埋你個德國 ID 或者護照。係呀,淨係想睇樓都先要大步跨過個門檻呀。條件多到呢……如果係公司放租都好啲,因為有一部分冇入門條件,即係去到睇樓嗰陣先交文件,唔啱心水囉咪慳返囉,私隱唔使周圍派。



當你以為可以睇啱先交 form 的時候,少年你真係太年輕了。小菲出發睇樓,agency 約好星期一朝早八點,你以為佢淨係約你咩?同一個時間有廿幾個潛在租客同你一齊睇,小菲完全唔理解點解大家都唔使返工。冇錯,德國真係連租樓都有睇樓團



星期日下晏三點又有第二個 agency 約小菲,小菲心諗今次睇啱就立即交低申請書,點知今次睇屋人數突破 50 人!小菲今次有留意其他租樓人士,之前網上爬文時提到要準備的 cover letter——即係自我介紹呀,點解想租,有咩超能力呀之類——真係有出現,更人將文件好有心機咁有釘裝成一份。嘩!嗰種準備真係同你見工差唔多,真係 hunt 一間 dream house 難過你 hunt 一份 dream job 呀。大家排隊嘅時候小菲都準備走人,迫過香港睇示範單位,睇嘅心情都無埋,默默離開嘅時候仍然見到不停嚟睇樓嘅人潮。



小菲見埋第三間 agency,第三次睇樓同場計埋小菲有成八個單位同你爭租,但睇樓嘅 time slot 由五點去到八點都約好晒,真係唔好想像一間屋有幾多人同你一齊爭呀。再唔係更有 open viewing,時間地點講好晒,歡迎 walk-in 交 form,真係閒閒地都有幾廿人一齊睇,迫過你行年宵



呢個時候,你會發現私人出租情況會無咁混亂;但唔代表少啲人爭。屋主 screen 過晒覺得你職業唔錯、收入唔錯咪比你睇下樓,畀你睇完樓佢再慢慢揀多一轉;但千祈唔好唔記得你面對嘅係寫得一手好 cover letter 的對手(們)。加上好多上年紀的業主未必識英文,唔想租畀外國人怕難溝通呢回事真係好普遍。而你嚟呢度做咩,你會住幾耐,都係佢揀你的條件;如果你話你係雙非嚟呢度就係想呃九年(定係而家12年?)免費教育想要派到北區小學真係唔使旨意有人想租畀你,就算你幾個人合租畀多啲錢都係咁講。



有錢冇樓租真係好可憐,何況小菲冇錢。不過搵樓咁難其實都係因為法例保障租戶多於業主,而且德國人真係睇自己文化重要過錢咁解囉。如果香港人放租都唔係錢行先,揀合適的租戶先,成件事會唔會唔同啲?香港會唔會唔同啲?





https://www.hk01.com/01%E5%8D%9A%E8%A9%95-%E5%87%BA%E8%B5%B0/157156/-%E5%BE%B7%E5%9C%8B%E7%94%9F%E6%B4%BB%E8%AA%8C-%E9%A6%99%E6%B8%AF%E6%89%93%E5%B7%A5%E7%82%BA%E5%92%97%E6%98%93%E8%B2%B7%E6%A8%93-%E5%BE%B7%E5%9C%8B%E6%90%B5%E6%A8%93%E9%9B%A3%E9%81%8E%E4%BD%A0%E6%90%B5%E5%B7%A5


______________________________



結論︰


如香港實施租管,將有何後果? 這文章給予很大的啟示。



租樓睇樓團、睇樓要「行政費」、要帶備cover letter etc,真是聞所未聞,而且除了入息外,租客被評核的範圍還包括工種、背景、語言掌握等,一大份resume連cover letter釘成一份。如果香港實施租管,可以預期「租客評分問卷」將大行其道,說不定還有5分鐘英普cantonese的self-presentation環節。



在下認為,以「錢」,而非「合適度」為priority,其實是favor各方,讓大家有個「共同語言」。林鄭拒絕實施租管,實是愛民如子的表現,畢竟很多人不知道自己在做什麼。有些人窮一生精力,為自己爭取一條死路,這些人的人生和智商,本身就是一個Joke。



_______________



友情連結︰


[ 買樓前能力測試的要求 ]



[ 本帖最後由 spirit_10 於 2018-5-11 04:31 PM 編輯 ]



實用相關搜尋: 結婚 酒店 教育 英文 學位 寵物 銀行 讀書
20代の夢は君を輝かせるけど、30代の夢はくすますだけや
睇完呢篇文,原來香港租租真幸福。
德國AA安排呢種睇樓感覺非常壞,比較之下香港好好多。
幾屆特首最醒系無實施租管,否則香港租租贏左租金輸左自尊。



實用相關搜尋: 香港

回覆 引用 TOP

如果香港實施租管. 可能仲嚴重過徳國.

几年前我幫朋友搵租盤, 西九果边自認為豪宅果D屋苑. 佢哋要睇入息証明+銀行存款+公司証明先考慮租唔租俾你. 楂護照冇著數. 除非公司出面幫你租. 個人搵租盤, 好多業主唔願租俾佢. 搵咗十几個租盤, 得三個俾佢睇樓, 一個肯租. 仲要係查家宅咁先租.






引用:
原帖由 spirit_10 於 2018-2-12 10:23 AM 發表

小菲最近喺德國租樓,真係租到人生低潮。你以為香港地少人多租樓好貴咩?德國地方大但係單單想租已經令你頭痛欲絕。想搵間 dream house 真係難過你搵份 dream job!

最近香港最 viral 的其中一單新聞,係內 ...
多能魚,香港只要一曰有黃能就乜鳩都屌,好又屌,唔好又屌



實用相關搜尋: 香港 新聞
[隱藏]
好長,唔會睇


熱門搜尋: 黑頭 面霜 保濕面霜 保濕 化妝課程
原因係德國人太得閒,香港地,人食人既世界,慢d 效率低d 都被淘汰,個個忙到甩轆,有冇租管都唔會影響市場睇樓情況。


實用相關搜尋: 香港

回覆 引用 TOP

港人都係得把口.
又話大陸人搶貴晒啲樓, 但啲港人有錢收又咪照租. 有錢賺又咪照賣. 唔少人邊賣邊放租, 都照嘈大陸人.....
科研又係另一例子, 成日叫人去做科研, 搞創新. 掉轉頭又咪成班人走去做金融搵快錢.



熱門搜尋: 梳化 兒童傢俬 洗碗 空氣清新機 保溫袋 interior design 辦公室傢俬
租酒店囉!





提示: 違規內容已被屏蔽
[隱藏]
引用:
原帖由 choplogic 於 2018-2-12 12:02 PM 發表

租酒店囉!
現在Service apartment已近20000元了...基層真的可以嗎?



實用相關搜尋: 酒店
20代の夢は君を輝かせるけど、30代の夢はくすますだけや

回覆 引用 TOP

引用:
原帖由 hihisharon 於 2018-2-12 11:44 AM 發表

如果香港實施租管. 可能仲嚴重過徳國.

几年前我幫朋友搵租盤, 西九果边自認為豪宅果D屋苑. 佢哋要睇入息証明+銀行存款+公司証明先考慮租唔租俾你. 楂護照冇著數. 除非公司出面幫你租. 個人搵租 ...
關於租管,我覺我湯文亮倒是說了句老實話︰


沒獨立收租佬 租金升到離晒譜 - 明報 By 湯文亮 |   2017-05-08

香港並不是第一個推出租管的地方,加拿大多倫多市已經行先一步,但全世界的政府官員都不知道,租管令到更加少人買樓收租,大部分租盤都會落入持有大量住宅單位的業主手中,在沒有獨立的競爭對手的情况下,租金升幅將會更加驚人,尤其是第一份租約,租金將會大幅高於市值,到時候,租客就會知道,沒有獨立的收租佬,租金就會升到離晒譜。

https://www.mpfinance.com/fin/columnist2.php?col=1463481149913&node=1494186139277&issue=20170508


___________________

聽說英國全面出售公共房屋後,有人成立企業狂掃這些「已補地價公屋」,已成上億市值的超級租貸集團。

[ 本帖最後由 spirit_10 於 2018-2-12 12:09 PM 編輯 ]



實用相關搜尋: 銀行 香港 單位
20代の夢は君を輝かせるけど、30代の夢はくすますだけや
民主德國都是分配






引用:
原帖由 spirit_10 於 2018-2-12 10:23 AM 發表

小菲最近喺德國租樓,真係租到人生低潮。你以為香港地少人多租樓好貴咩?德國地方大但係單單想租已經令你頭痛欲絕。想搵間 dream house 真係難過你搵份 dream job!

最近香港最 viral 的其中一單新聞,係內 ...
全球大城市樓市一樣,個個都去大城市做工







回覆 引用 TOP

當資本主義高下立見的市場
又想變共產?
用時間諗下點賺錢好過啦



實用相關搜尋: 賺錢
[隱藏]

回覆 引用 TOP

 提示:支持鍵盤翻頁 ←左 右→
[按此隱藏 Google 建議的相符內容]





重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Right Reserved.
版權所有,不得轉載。